百匯軒

营业中

休息中

想轉檯，明明有幾張空檯，死都唔比我轉，話公司規矩落咗單唔比轉檯，撩起我把火，嬲爆爆同佢講「咁你幫我取消啦，我唔要啦」叫過另一個人同我講，即刻話得得得，埋咗單先再幫我轉檯。好聲好氣問你就同我講公司規矩，係要人發火先識做，擺到明欺善怕惡，態度又串，食物一般，屋邨商場嚟講價錢唔算平，服務態度差到極點！永遠唔會再幫襯！

由佢開舖開始食過好幾次一次比一次差，今次體驗最差！唔會再幫襯！食物分量越嚟越少，質素越嚟越差。今次仲要擺明漏單，最後俾啲未熟嘅點心我😡本身加單等咗好耐先得一個點心上，趕時間俾錢諗住取消2個未上嘅點心，同我講蒸緊等多陣就有。俾完錢等，兩個點心仲要分開先後先出齊，但同我講一個未蒸熟要我返去再蒸熟，梗係唔要啦，要求退返嗰籠點心錢俾我，點知有個男職員勁唔耐煩咁叫收銀退錢。結果等多咗20分鐘拎返嚟嘅牛肉球，入面完全未熟仲係生㗎囉😡😡😡

下午茶時間入座，餐廳只係坐滿咗一兩成。俾咗點心紙阿姐，等咗半個鐘仲未有，請另一個阿姐再跟進，發現原來完全冇入過單，白白等咗半個鐘。咁少人都仲未跟得好，仲要連唔好意思都冇聲，第二次都淨係叫我哋自己再寫過！離晒譜！成間餐廳啲人都好似都冇心機返工，求求其其！個阿姐送腸粉過嚟嘅時候，連豉油都冇！

因為爸爸生日，所以全家決定出去食飯慶祝，同長輩食飯梗係要去中式酒家😀今次我哋去咗位於天水圍天瑞商場的「百匯軒」晚餐。酒樓有好多小菜選擇，而且酒樓最近仲做緊優惠，晚市只需以$38便可以享用燒鵝，份量為五人以下例牌，六人或以上半隻。我哋剛好有六個人，所以便能以優惠價$38享用半隻燒鵝！上枱熱辣辣，仲有蠟燭保持溫度！另外還選了幾樣小菜，薯仔黑椒牛柳粒好入味好好食，鹽燒鮑魚又香又脆！叉燒略嫌比較瘦，肉質有點榎口。紅燒豆腐小朋友最鍾意食，香脆炸鮮魷10分出色，外脆內軟，出邊個脆皮原來沾上鹹蛋黃，鹹香味充足👍🏻最後還叫了一籠壽包，半打$98，雖然有少少貴，不過慶祝生日一年一次，影吓相打卡最開心😋

百匯軒的前身是稻香自從稻香結業後，好耐都沒有到天瑞食中餐🥡。剛好今日是放假🏖️前的聚餐，於是過嚟近近地食吓。唔知道係唔係中午的原因唔係好多人過嚟食，所以唔使等位🕰️，坐得算舒服😌 因為係食一圍圍菜，所以老細已經點咗八款餸🍲🍲【食後感】📝食物不過不失🆗，同一般酒樓差不多其中得三樣🤝會比較印象好啲：1. 金盞沙律酥脆乳酪奶卷簡稱『炸鮮奶🥛』　口感鬆脆、外表金黃、內裏軟腍⋯⋯甜滋滋食過翻尋味🤤2. 上湯焗澳洲龍蝦雖然呢味餸都食過好多次，但感覺有龍蝦🦞食，都會再夾多轉，因為平時屋企好少煮，出嚟食就唔使處理咁多🫶🏻好鍾意佢嘅伊麵，好掛汁🍝3. 翡翠炒龍躉球比起上一道餸，大龍躉🐟兩味，龍躉球少骨，腍身，比較惹味🌶️不過一圍圍菜又好難滿足到所有人的要求，有得食飽已經好滿足😄😄

一行6人叫左個6位用套餐、每樣菜式都好好味。可能因為平安夜d人去晒食西餐，所以間酒樓仲有好多枱。 正因如此，侍應招呼都幾好， 食過返尋味有時間都會再去幫襯，仲幫買左張蘿蔔糕😂