影片
招牌菜
久闻西湾河有一间出名的百利冰室，每次路过都人山人海，始终未有机会尝试！最近知道上环开了分店，今晚的起心肝去试下先！先说室内装修，怀旧气氛浓烈，晚饭时段每枱也点起candle, 气氛不错!伙计热情有礼, 乐意提点推介食物! 价钱与翠华/太兴颇为接近.这晚试了招牌鸡比煎旦饭, 招牌蕃茄浓汤肥牛乌冬, 热奶茶及冻柠宾!1) 鸡比煎旦饭好好味, 鸡比煎得外脆内软, 调味弄得好好, 最惊讶是伴菜竟然系西洋菜, 份量不少呀! 我同老公抢住食呀! Yummy!!2) 蕃茄肥牛乌冬, 这个实在下得太多太多香草, 完全盖过蕃茄味, 难食!!!!!3) 热奶茶, 之前见网评不俗, 就叫黎试下.... 饮左几口, 再加了些热水, 都系饮唔落.... 太浓茶味唔啱我胃口; 完全可以估计如果夹硬饮晒, 个胃一定会痛; 最后放弃冇再饮...4) 冻柠宾, 老公一路饮一路赞扬, 落足利X纳, 好甜好好味!
继续阅读
上个月，返工经过上环地铁站出口，有位 <百利冰室> 的店员派传单！当然！我不忘拿张来看看！ 原来是金宝汤通粉配秘制猪颈肉跟饮品，早餐外卖自取特价 $20 (原价 $31)！ 外卖早餐抵一截！真是不容错过！ 只限逢星期一至六，上午 7:00 ~ 11:00 供应。 通粉可转意粉 / 转出前一丁 +$5，冻饮 +$3。走到去 <百利冰室>，向女店员落单付款，她提醒我下次可以预早好几分钟致电落单，到餐厅时直接取外卖，更节省时间！ 相当细心！值得一赞！ 猪颈肉通粉 (早餐外卖自取特价 $20)虽然是早餐兼特价，但是依然份量十足！ 即叫即煮热辣辣！ 通粉软硬适中！猪颈肉有好几片，香口又爽口！以金宝鸡汤熬制的汤底，浓郁惹味！ 抵食又暖胃！食完好饱足！ 热好立克最紧要水够热，能带出好立克独特的麦芽香！淡奶落得够多，两者混合得宜！ 沙翁 $8之前，听过老板讲，沙翁一日出3 次！我帮衬了好几次也食不到招牌货沙翁，竟然无心插柳见到！ 当然机不可失！一于买一个试试！ 炸成球状的沙翁，口感外脆内松软！砂糖份量恰到好处！不会太甜腻！ $8 一个好抵食！
继续阅读
就在喝过抵闹的蛇窦奶茶 (详见机利文新街乐香园咖啡室食评: 「只吃饭好了, $15奶茶可免」)的同一天晚上, 我又去了百利冰室一转, 今次是有目的而来, 而目的就是一杯靓奶茶。上次在这里食lunch赶头赶命又人头涌涌, 今次放工先去, 佢在晚市的气氛超唔同! 又点蜡烛又摆花又剩, 好有mood!大约6点半去到, 完全唔使等位, 一坐低唔好讲野第一件事就叫杯热奶茶先由于我坐近水吧位置, 一路闻到茶香, 奶茶上枱时, 我笑了。茶色对办然后喝一口, 呀~~~~~~ 呢D先系奶茶黎架嘛！茶味清而香, 恰当的淡奶分量撞起来令茶身好滑; 咽下了一口, 再"dap"多两野, 茶香仍然喺口内洋溢。呢杯奶茶真系cheer me up, (乙水) 返我。顺手在百利食埋晚饭。叫了他们招牌的番茄汤肥牛乌冬。个汤真系好浓好浓, 乌冬又索左少少汤的味道, 肥牛片够薄身而且色泽分明, 而且大大汤碗里仲有好多种唔同的蔬菜配搭, 比起出面的茶餐厅hea住只有一两条菜, 呢碗乌冬明显望落营养均衡得多。好食到, 食完先记得拍张照。sorry题外话: 尽管个番茄汤超浓味, 但我成晚都无觉得口渴!!!有时呢, 人系好易(乙水)既啫, 今晚我就俾呢杯奶茶(乙水)返, 怀著满足的心情回家大觉瞓。^^
继续阅读
本身之前呢个位系间以mini cooper做主题的餐厅我好钟意佢架...点知有一日带个fd来食的时候赫然发现佢已经执左....劲伤心 ToT然后过多排就见到装修紧会做百利冰室我记得好似几年前有山长水远走过去西湾河定咩就系为左试呢间野果阵觉得冇乜特别..跟住呢日d fd话想试呢间所以lunch就来食lu格局其实同之前mini cooper间野差唔多系d decoration唔同左啰..都几多人望下menu...其实我觉得真系好overpriced最后拣左算系比较抵食的7号餐热狗几好味正常的罐头汤意粉啰用来装糖的盒仔好搞笑热奶茶, 好饮食完呢个餐劲饱 *v*
继续阅读
环境比一般茶餐厅更挤迫同嘈吵，细细的二人枱坐3个人，大枱坐到同后面枱的人背贴背人多本身已经嘈，仲要大大声播歌，落单都有困难。个饭已经细碟，微形牛腩粒得5粒，汁偏贴。奶茶唔够茶味。总括而言，不值一试
继续阅读