百份百餐廳 (白田商場）

营业中

休息中

我哋一家五口6點39落咗單，其中有兩個係焗飯，一個焗飯大約20分鐘嚟咗，其他的都嚟咗，另一個焗飯是焗肉醬飯一直未嚟，我哋前後追了3次，都話焗緊就得，最後差不多等咗50分鐘時再問佢，佢哋話冇肉醬，下午已經冇肉醬，我火都黎，仆x，簡直離曬大譜，浪費我哋時間，以後都唔幫襯！垃圾！差評！

今晚6:39一家五口去食晚飯，其中四個餐早已送到，最後一個餐一直未到，等到7點追第一次，不停說整緊，好快到，再等到7:10再追，又話整緊，好快好快，再等多10分鐘，差不多7：30分，再追問，才說下午已经冇材料，我整個人都着嗮火，極想爆粗，冇又唔一早講，等了差不多1小時先講冇，火都黎，xxxxx

百分百個冷壓檸檬茶用檸檬汁、沖劑、香精，同唔知係唔係檸檬肉嘅扮口感都人盡皆知…諗住唔飲檸檬茶，求其係樓下食個早餐就算…一食…頂！6蚊個麥皮縮晒水(以前成碗通粉咁大)…奶多過麥皮…咁飲奶得啦！離晒譜！仲有杯乜鬼「麥樂克」，以為個集團鐘意玩改名，唔叫好立克…原來真係大陸嘢…味道怪、口感又膠…真係好難飲…嘔都嘔唔切…41蚊食到喊三聲…環境衛生本來就一般，但可能一朝早開舖拖過下地，勉強接受…呢個集團周街都係…「真。香港人」真係冇啖好食…

今日喺九龍深水埗白田商場嘅「百份百」餐廳，試咗下佢哋嘅料理。餐廳外觀簡簡單單，冇乜花巧，就咁靜靜雞咁等住食客入嚟。今次叫咗蕃茄豬扒飯仲有新鮮冷壓檸檬茶。先講蕃茄豬扒飯啦，豬扒煎得啱啱好，外皮金黃酥脆，咬落去「喀滋」一聲，而入面嘅肉質仲保持嫩滑多汁，火候掌握得相當專業。蕃茄醬嘅酸甜度調配得好出色，唔會太酸亦唔會太甜，同豬扒嘅味道完美融合，仲將飯都浸得好有味道。同我喺意大利食過嘅蕃茄料理相比，呢個蕃茄豬扒飯多咗份港式嘅親民同實在，意大利嘅蕃茄料理更注重原汁原味同食材嘅新鮮度，而呢個就更啱香港人嘅口味。其實呢，每次食到蕃茄豬扒飯呢類港式美食，都會有種好窩心嘅感覺。細個嗰陣，放學最期待就係去茶餐廳食個蕃茄豬扒飯，酸酸甜甜嘅味道，就好似將一日嘅疲勞都沖走咗。而家食起嚟，雖然環境唔同咗，但嗰

垃圾餐廳，次次外賣都係等成45分鐘或以上，無論餐廳有冇人，都要等咁耐。我等外賣嗰陣，只有少數堂食客人，外賣只有我一個客，出餐都可以出咁耐。D員工冇嘢做，個個唔知喺度做緊乜。想問你哋個廚房係咪冇員工？做唔切就唔好做外賣啦，下下都要企咁耐等你哋。問佢外賣可以拎未，問都冇問廚房，就一句塞埋嚟：無啊，有就一早擺出嚟。大佬，我夠知冇啦，出面有我仲使問你？我直接拎啦，有病。每次都激氣，今次係最後一次，以後唔會再食。

人唔多，但係買個外賣要等一個鐘起。仲要漏單。成班人行行企企。都唔知做乜，好似好忙，但係又冇野做。等到餓死都未有得食，食隔離麥記都好過食哩間垃圾。環境衛生差到極點。

食物可以，但環境衛生太差，邊食邊見到好多蟑螂，在張枱縫邊附近行來行去。一啲都唔怕人，初時，見到一隻，後來又多一隻，有大有細，衛生環境，與蟑螂同枱，即走，太恐怖。

等到2046都未有得食，外賣等成個鐘先有，入面完全唔知係到做咩，咁大個餐廳得一個廚師，啲員工做嘢十分慢，老人員餐廳咁，食到佢好似食法國餐咁，有排等，我諗如果唔係近，我一定唔會幫襯，好多街坊都係咁講，希望再開多一開茶餐廳係樓下，等我唔使再幫襯佢

是白田商場，不是白田購物中心，是兩個地方來的。早餐大份，大約$40左右。不過扒餐同麵餐係一樣用碗，怪怪的。好飽，好大份。蒜蓉多士好好食，配搭牛油粟米比較特別，條粟米好食，唔記得走汁，汁好油。咖啡ok佢個麵餐好食啲，類似超力伊麵。總結；正正常常茶餐廳早餐。一樣價錢好食過大xx 快餐店。

今日第一次進這間餐廳堂食，以前通常外賣嘩，簡單裝修，都座無虛席酸辣魚：夠麻辣，超開胃，好香芥菜肉片湯：芥菜有少少苦澀味，肉片老少少，湯香口😆雞肉湯米線：嫩雞肉質好滑，超少米線，雞湯都可以接受

石硤尾出現左兩間百份百餐廳，白田商場這間都好多人幫襯，開業前屋村網上好多負評，本人試過晚餐不過不失，好過自己煮羅今日外賣午餐，都好多選擇，根本不知食咩好惹味星洲炒米這個米炒得好香，米粉幼小超易咬，但配菜無味超奇怪薑蔥霸皇雞飯雞味好香，又多薑蓉，超惹味，但雞肉超老，好似咬蔗渣奶茶有驚喜，好大杯奶茶，飲落都好滑

呢度次次叫親外賣都要等成半個鐘以上，今次試吓堂食，點知勁快就到餐！真係唔知點解～而且堂食份量好大好多！呢個扒餐簡直係二人份量，我食唔晒最後要打包返屋企！⋯有兩大塊煎雞扒，煎得幾香！薯條一般，粟米都好香甜！揀咗個洋蔥汁～一大碗！幾好食！另外叫咗個常餐，沙嗲牛肉米粉，其實本身我叫米線，但係個職員落錯單⋯算數啦米粉都照食！其實之前叫咗幾次外賣都係叫米線，但係冇一次俾啱我⋯😂對上兩次都俾咗公仔麵呀⋯幾時先食到米線⋯湯底比較味精重！鍾意食濃味嘅唔錯，不過食完好鬼頸渴！

晚上8:30分， 牛扒已經沒有供應， 沒有問題叫左個雜扒 沒有咖喱汁 沒有黑椒汁 沒有問題 沒有意粉.. 好 上到黎個飯是沒有溫度的. 扒也一般般. 杯凍可力就好似飲水咁冇味道 不會再encore 可怕的體驗

外賣自取等咗成個鐘 ，做唔切就唔好接單。真係等成粒鐘，真係唔係第一次係咁樣。諗住咁耐冇食，咪試吓外賣自取囉，1:41搭緊地鐵嘅時候嗌，預計可以拎係2:11。但係我2:41先拎到。仲要係2:32分嘅時候催佢先有。我知道佢比其他店舖慢，所以都冇咁早催佢。但係等成個鐘，實在太辛苦，以後都唔再食，我配唔起呢間餐廳。呢間餐廳嘅管理真係都幾差，如果附近返工，買外賣番去都1個鐘，食嘅時間都冇wor⋯出餐慢呢個問題真係需要改善。

點餐時間： 4月7日 13：53：48已經過左繁忙時段，餐廳客人唔太多，員工行嚟行去，我揮手好幾次都冇人見到，咁多人手都睇唔到個場，咁要咁大個場嚟做乜？第1次order叫左個乾炒牛河，一食落就好大陣既魚腥味（已經作嘔），真係食唔到，禮貌地要求職員更換，改單後等左最少20分鐘都未有嘢食，眼見周邊之後入座客人“下午茶都有”，見住佢地廚房出左好多份外賣，但我後改既“午餐”完全無影，攞埋張單出櫃面兼同收銀講，我改單後午餐冇嚟，只係飲左杯咖啡（利申：杯咖啡我係有比錢），之後有另一員工睇完我張單後不禮貌話：你比番18蚊就得喇（重申我*冇需要*你地免我乜乜乜），員工d服務太態就真係好劣質，連一句唔好意思都冇！唔通食物難食係客人既錯？改單後等唔到嘢食嚟又係客人既錯？集團式連鎖店又如何，管理欠奉👎🏽👎🏽👎🏽👎🏽👎🏽食物質量🤮🤮🤮👎🏽👎🏽👎🏽👎🏽👎🏽員工態度劣👎🏽👎🏽👎🏽👎🏽👎🏽**少我一個顧客呢d連鎖餐廳都唔止在，講出事件係唔想再有人受到同樣差劣待遇**