百份百餐廳 (新都城中心一期)

营业中

休息中

早上去食早餐，入去職員話直入有位，我哋坐低咗，後面有客拎住張飛入嚟冇位，另一職員問我哋有冇飛，我哋話頭先個職員叫我哋直入，佢話我哋冇飛趕我們出去。感覺非常惡劣，真係不知所謂！………………………………………………………………………………..

食開呢間餐廳，不過呢間分店是服務最差嘅一間，叫了個下午茶飲鴛鴦，想要啡糖不要白糖，收銀嘅員工叫我自己喺嗰邊櫃桶攞，我問佢咁多櫃桶係邊個，佢竟然唔理我，我再問佢都唔采我，最後我自己搵，其實點解會有咁嘅態度呢？既然不想回應人就不要做服務性行業

我一星期都會吃這餐廳的下午茶兩至三次，但今日突然發現食開的焗豬扒飯份量比之前少了很多，雖然沒有直接加價，但我一星期都會吃這餐廳的下午茶兩至三次，但今日突然發現食開的焗豬扒飯份量比之前少了很多，雖然沒有直接加價，但減少了份量也等於加了🤣，難怪最近看見下午茶時段也不用排隊了

酸辣湯底明明呢間比起同區百分百集團嘅做得好，但今時唔同往日。爸爸每次都一定要食咖喱牛坑腩飯，不過我諗都變咗，個樣無咩唔同但味道應該好唔同，其實我唔知有無變，因為唔係我食，但係如果差唔遠的話我爸爸都會食晒，但係佢都剩番好多飯食唔晒，咁都好明顯啲飯唔得～個咖哩咁辣，要連飯一齊食先會無咁辣，但係佢選擇連牛腩都食剩～咁媽媽都有食爸爸個牛腩，佢話應該同之前一樣，依然一樣辣。我同媽媽都食唔到個米線，填一填個肚就算啦～

四川麻辣牛肉炒飯，真係一食就上癮！夠哂麻辣，牛肉都夠滑 好夠味 炒埋一齊 粒粒分明既飯 每一啖都夠麻夠辣仲有小小米香味，令人食指大動。蒜茸、蔥既香氣，同牛肉既搭配令成兜炒飯爽。絕對係愛好辣味人士既首選無論午餐定晚餐呢碗炒飯都好適合！

百份百餐廳係我午餐的食堂，因為鍾意佢選擇多，餐廳坐得舒服，性價比高。每次來，都會必叫爆蔥豉油雞扒飯，首先醬油很香甜，而且最鍾意佢嘅雞扒炸得好香，又唔會炸得好硬，而且有兩大塊，份量都好足夠。另外，有時想冇咁熱氣，都會叫一個鹹蛋蒸肉餅，這個餸超級好送飯，豉油配埋肉香味真係不得了。食兩碗飯都得哈哈。而且肉餅份量都好大，不過叫肉餅呢個餐要有心理準備，就係等得比較耐，因為佢話係即叫即蒸，所以上次都等咗20分鐘左右。如果趕時間就要叫其他餐了。

下雨紛紛最啱就係喺室內食個鑊氣小炒🔥今次同大家嚟到呢間港式茶餐廳🇭🇰體驗健康小菜(平時無乜食菜又高油🥹)梅香鹹魚蒸肉餅香氣四溢、口感豐富🐟肉餅採用豬肉和其他調味料搭配而成，同鹹魚的鮮味完美融合，散發出濃郁的魚香味同梅子既清香氣息🌱蒸製後，肉質鮮嫩多汁，口感豐富，梅香鹹魚蒸肉餅不但好味，而且營養豐富🥚含有豬肉的蛋白質和鹹魚的鈣質等多種營養素，對人體健康有益。蒜蓉西蘭花炒蝦球🥦🦐蝦球新鮮、鮮甜，搭配西蘭花爽脆既口感，經過簡單的烹調，融合出豐富的風味。特別係加入左蒜蓉，讓整道菜餚散發出濃郁的蒜香味。#silvereatfoodie #hongkong #hkrestaurant #hkfoodie #hongkongfood #hkfood #topcitybites #hkfoodblog #hkig #hkblogger #美食

母親節竟然落雨, 好彩尋晚巳同阿媽慶祝, 所以今天眠到下午2點才起床。走去百份百吃下午茶. 要排隊等， 仲好多人等外賣! 唯有乖乖等. 好彩等咗20分鐘就可入座. 人頭湧湧都幾熱鬧!乾炒豬扒即食麵@$42見到有幾碟一齊出, 即叫即炒 豬肉鬆軟唔韌, 麵唔"淋"爽口, 可惜太油!!!黑松露迷您焗雞扒飯$42每次去連鎖餐廳, 多數會叫焗飯, 中伏機會比較少. 今次又選對了, 芝士足, 但唔夠黑松露, 幾十蚊! 不可太大要求.熱奶茶+即磨咖啡咖啡正常夠熱. 奶茶唔夠茶味!!!總括來說, 以40+蚊既茶餐都算合格, 但環境太迫, 快食快走，冇拍照留念, 殘念.

今日拜年外賣自取，這間100分百so far so good , 抵食好味。今日叫咗6個下午茶餐⋯全部都好好味，唯一凍奶茶係唔飲得⋯奶茶+檸汁+花奶omg…激氣⋯新年流流，唔通攞去換咩！

舖頭入面冇乜人，三份一枱係吉，跟手就入去坐，俾職員無禮貌地叫返出去㩒飛，奇怪，撳咗飛之後，另一職員又即刻嗌我Number，入到去枱多的是，坐一張四人枱，冇禮貌職員又過嚟要放隔板，我話陣間有人嚟先再放，而家都冇人，佢話係要間開，朋友再同佢講話陣間有人先放😠，增持了一下子，職員讓步，但我已經火都嚟埋，即刻起身走人，我話我怕咗你，行一步拮一步，俾錢嚟食個早餐啫，又唔係排隊輪米，都唔知咩態度，咩胃口都冇晒，完

假日午市來到要等大概10分鐘才有位，坐下來望下餐牌有乜食先睇見餐牌有個皇牌湯麵-咖喱牛腩湯伊麵好似幾吸引下，價錢只不過39元，於是二話不說揀咗先，再望下另一個餐牌見到有干炒牛河呢個到幾考廚司功架嘅經典炒粉麵，決定叫呢個套餐試下，餐飲要咗凍奶茶，因為外面氣溫太熱好想飲凍飲。首先嚟嘅係佢嘅皇牌湯麵之一嘅咖喱牛腩湯伊麵，咖喱香味唔多夠，但係食到有啲麻辣味，牛腩較細嚿但份量都算多同夠淋，39元算係超值，你去粉麵舖食碗牛腩麵都唔只咁嘅價錢啦！跟住上嘅係呢碟街邊干炒牛河，一上枱就見到有煙冒出，好夠鑊氣，佢最特別之處係佢竟然會有什錦海鮮同臘腸一齊炒，不過啲什錦海鮮冇乜味，反而配菜嘅芽菜仔就夠爽脆，佢用嘅係啲又短又肥嘅芽菜品種，牛肉份量算多，味道都幾好！餐飲凍奶茶就正常水準，甜度適中！總結：兩個人食咗剛好100元，價錢合理，味道唔錯！

好鍾意去百分百食飯，新都城呢間啲位坐得舒服啲。老公叫左蔥香雞扒飯，係招牌食物，好香好惹味！啲汁真係絕配！我食蕃茄牛肉豆腐湯飯，勁多了食完之後勁飽！唯一美中不足就係佢用咗白菜仔，有少少唔係好夾！

今日早上第一次去百分百食早餐點了魚柳餐$41，等咗20分鐘才送到，但係見到魚柳點解同圖片太不一樣的😅，都不緊要因為我食量少，但係全部是凍的，魚柳硬，唯獨杯熱奶茶是最好飲😆

前幾晚同屋企人去百分百食晚餐，叫咗一個霸王雞飯，價錢$65配一個細燉湯。一上菜就比碟上面嘅蔥嚇一嚇，真係有啲多，啲蔥唔係鹹嘅，有撈少少甜豉油，食晒應該會咳死。啲雞份量可以接受，主打應該係無骨，都唔錯嘅。個飯就比較少，正常食量嘅人都會覺得偏少。

今晚比屋企人帶去食百份百，晚市都算唔少人。樓面人數幾多下。叫左個咖哩雞扒拼魚柳飯，58蚊。咖哩比較多係辣油，浸到個飯得死辣，得dd咁多咖哩味，比較失望。雞扒皮大過肉好多，正正常常，吉列魚柳比較乾身，唔點執食完全魚味，應該話咩味都冇，食落去淨係食到炸皮。飲品叫咗凍檸茶，餐廳比較特別預先幫你吉檸檬，的確係方便左，但係有啲人如果唔鍾意咁酸可能就一般，味道真係比較酸，鍾意飲酸嘅就啱你。屋企人叫咗個酸菜魚，味道唔錯，不過入面有牛肉，應該係餐牌上列明，因為都幾多人唔食牛肉嘅，呢方面可以改善。