百份百餐廳 (愛民廣場) (裝修中)

晚上八點幾與家人一起晚飯，行到入去只見地上一灘水未有人清理，一坐低成枱都係碗碟未有人執，要叫菜時真的叫果樣就沒果樣，唯有叫碟炒麵頂住先，另叫一碟菜炒牛肉，無奈地餸到飯到全不是熱的，好似是炒起咗放埋一邊灘凍晒咁，叫待應攞返廚房煮返熱啲，凈係碟菜炒牛肉係煮熱咗，食落又咸又老，但碗白飯就只係原裝果碗攞返出嚟比我，真係可以話激到彈起咁滯，當堂呢餐飯都草草了事，廚房求其程度實在難得，不止咁仲要未夠十點就叫人埋單先，這店開張近兩年，無論食品水準同服務態度都在下調，真是令人失望！

大約2點2個人去食，等了唔够2分鐘便有位。叫了個焗飯，因餐牌寫2辣椒(最高3辣椒)以為會好辣，但食個時不辣，有少少失望。茄子好多適合愛茄之人。個飯來個陣熱辣辣，好正。例湯亦都幾好飲，唔似一般嘅味精湯

極度傷痛的早上，可是日子還是要過，拖著傷心的心情求祈在附近覓食。點了早餐：吉列豬扒配腸仔煎蛋，跟茄汁焗豆及蒜泥多士 $29另加$4追加無糖鮮奶麥皮。凍飲加$3, 我點的凍檸茶不夠茶味，而檸檬片有4厚片。吉列豬扒炸得黑，腸仔只是凍的溫度，煎蛋全熟不特止還要燶身，茄汁焗豆只是淡味，蒜油多士塗的蒜泥不夠多。無糠麥皮夠稠而且有蛋白伴隨。極度普通的早餐！

呢間野服務好差，唔明點解咁多人等位。 前日lunch 叫左個炒烏冬，等左半個鐘都未有得食，追左4、5次都冇回音，好似唔想理。之後覺得唔對路，驚到時唔知炒左d咩出來。最後我要求cancel 張單，個侍應態度冷淡目無表情，唔好意思都冇句。未遇過咁嘅餐廳，大開眼界。

星期日一家去食個下午茶,但下午的服務質素比晚飯差好多!第一,先冇人清理枱上前一台客的碗碟,要自己叫人清理第二,冇人落單,叫左好耐都冇人理,更冇員工經過第三,見到前一張枱送錯餐第四,我們共點3個餐分別是A,B,C餐,可能因為都係焗飯耐D,等左30min,但係先來左個A,5min後又黎多次,咁同佢講黎多左就算啦,跟住到B係10-15min後到,結果又先後黎左兩次最後我地吾等C,食左兩個算

間舖開業以來第二次打電話落單叫外賣, 同上次一樣,個收銀一路落單一路叫我等陣, 因為佢要收錢,都明白假期人多, 同一時間做唔到兩樣嘢, 但問題係問埋電話no.問埋姓咩之後, 去到竟然漏單, 話冇落過單wor!由於唔係我本人去拎, 知道後即刻打返去問佢乜事, 點知另一個收銀聽, 同佢講講吓冇哂聲(原來喺度收錢), 之後佢仲好抵死咁話, 原本個收銀二點半收咗工,之前佢落咩單佢唔知睇唔到! 然後仲話我隔咗成個鐘先打黎問(wah!咩收銀機咁神奇, 冇record ga, 同埋我係咪要知道你哋交更時間, 等你哋新舊交接咗先可以落單!仲有我都要d時間搞清楚咩事ga, 唔通問都唔問就打黎俾你窒a, 兼且唔係成個鐘~)俾佢咁窒法真係火都黎埋, 你好聲好氣say句sorry, 我都唔會嬲到親自落去問個究竟lor~去到之後, 就問原本嗰收銀收咗工a?點知就係俾人話收咗工嗰位同我講, 另一位窒我ge就話佢冇咁講過, 只係話佢自己兩點半接更je~原本個收銀就話因為當時好忙,佢搵張紙寫低咗,都唔知點解冇落到單, 兼且搵唔到張紙(我電話no+姓咩寫喺張紙度, 電視都話要保護個人資料,呢間好危險lor~)跟住仲扯開

幾好味清清地菜都算新鮮，不過冇摘走菜花配咗咸蛋皮蛋同豬肉碎口感幾豐富不過食完好口渴，應該有啲味精成個餐有海南雞，雞油飯，雞汁蘿蔔，例湯雞油飯有椰汁，幾香男友話雞偏瘦，而且一隻雞翼剪成三份但整體都唔錯

下午茶餐叫 "鷄扒薑蔥汁撈上湯伊麵" (要加$2轉伊麵) 及熱華田一杯很快便送上食物, 但伊麵變成即食麵..要求待應轉麵2次, 但仍送上即食麵並說這是 "公仔牌的上湯伊麵"...真是笑話!!上錯食物沒有道歉還要講大話屈客人接受....理論一番只好減$2接受這碗'撈即食麵' 鷄扒味道一般但份量很細, 薑蔥汁油多過薑蔥...油量多到不敢多落,即食麵有點硬...熱華田淡而無味....以這個食物質素加上服務態度, 絕不會再幫襯

食物質數算是OK, 不過問題多多! 開張後光顧過幾次, 每次總有錯漏, 而且點乜餐冇乜餐!叫了一個牛扒西式早餐, 餐牌寫著有蒜蓉多士, 牛扒, 蕃茄片, 火腿, 粟米粒, 煎蛋及飲品~ 點完菜不久, 侍應回來說沒牛扒, OK, 那我改了要雞中翼~過了好久, 我的早餐來了, 雞中翼兩小隻, 算了! 看一下, 有點不對勁, 看看餐牌, 我的蕃茄呢??????? 叫侍應過來想要討回蕃茄, 怎料她說沒有蕃茄供應, 已加多了粟米粒取代~ 好過份! 沒蕃茄應早點告知客人吧, 我沒有答應要以粟米粒代替蕃茄片怎可硬要我接受?!蒜蓉多士等了好久也沒來, 鄰座較遲來的幾客多士也比早就放到他們面前, 只好又向侍應討回多士!邊吃同時邊聽到其他食客的埋怨聲, 沒多士, 沒豬扒, 數之不盡。後來再光顧幾次, 一樣每次有錯漏, 要米線變了通粉, 兩塊齋多士變了齋多士及蒜蓉多各一, 全都亂來的! 餐牌上好像很多選擇, 但其實牛扒是從來沒有的, 蕃茄片也只有新開張期間有供應過, 不久後已開始自動變成"加量了"的粟米粒(但其實也是佷少, 根本沒加量!!!!!)本來是沒打算要寫這篇食評, 但今天家人再次光顧後, 真的覺得這

記得粉嶺都有一間百份百餐廳, 食物質素雖不低, 但就是差在常常漏單, 有時食物售完卻要落單後十五分鐘才告知食客, 很不爽......愛民的百份百餐廳也秉承了這個傳統......堂食時, 時常會聽到有人催單, 話等了半小時甚至更久, 試過對面搭枱有一位巴士車長, 一小時用膳時間, 等候一碗潮洲湯飯, 用了40分鐘......話說回來, 有次同同事去食, 同事點了鹿兒島黑豚肉讚歧烏冬, 小弟點了印尼燒雞扒拼煎蛋飯, 一如既往, 先上餐飲, 同事的黑豚肉烏冬約15分鐘後送上, 但小弟的雞扒蛋飯卻等了35分鐘.其實很多款食物都好好味的, 例如犀飛利肉絲炒麵, 炒麵真係可以同酒樓的質素相比, 而且份量大大, 茶餐廳很少吃到的, 咖哩飯類的咖哩的辣度都十分足夠, 海南雞飯都OK, 雖然隻雞肉質較靱......當然都有一些是份量不足的情況, 例如功夫叉燒飯......希望漏單的情況可以有所改善啦

蕃茄芝士焗豬扒飯幾好味喎~ 頗cheesy (餐牌話係米蘭芝士), 蕃茄味都夠濃(餐牌寫話係意大利蕃茄), 炒飯底算乾身，豬扒冇煎得太燶土魷蒸肉飯飯唔同平時食嘅肉餅，啲肉粒幾大再加埋土魷粒所以好有𡁻頭，幾好味~ 只係鹹咗少少例湯係有胡椒味嘅蓮藕湯，幾好飲~ 重要嘅係好似冇乜味精餐具都幾乾淨，不過可能因為新開，啲侍應唔係好熟手，又送錯餐又冇人落單之類，不過都ok有禮拜嘅，希望過多排會好啲~