百份百餐廳 (寶熙苑商場)

营业中

休息中

好耐冇去百分百食嘢啦！今日lunch time 專登去回味一下😋，試咗佢哋嘅招牌菜，真係冇得輸！先講 黑椒牛扒蛋蓋飯 🥩🍳，一上枱就聞到好香嘅黑椒味，牛扒煎得啱啱好，肉質好嫩滑，加上流心蛋，撈埋啲飯一齊食，簡直係perfect match！份量都幾大，食完超飽。跟住到 咖喱牛肉飯 🍛，咖喱味好濃郁，撈飯一流！牛肉都煮得好入味，唔會韌，仲有薯仔同紅蘿蔔，好足料。不過如果可以再辣啲就好啦🌶️。最後一定要提嘅就係 滋味魚肉春卷 🍥，炸到金黃色，外脆內軟，魚肉好彈牙，真係好好味！總括嚟講，百分百嘅嘢食水準都keep得唔錯，價錢又抵食，CP值超高！下次一定會再去試吓佢哋嘅其他嘢食

平時少去百分百食Tea, 今日趕時間諗住食個快Tea, 佢下午茶都有20-30款選擇，價錢$28 - $50 ，我揀咗無骨雞配多料碗仔翅！冇骨雞肉有少少嚡，上面有大概一湯羹薑蔥，又幾好食喎～ 碗仔翅真係超級多料， 加埋熱飲，埋單$41其實幾抵食

每次係你店咖啡都經常俾錯，第一次嗰陣時後叫咖啡 就畀咗檸茶， 都算數冇投訴 ，第二次叫咖啡嘅時候就變咗係奶茶， 冇辦法忍受因為飲咖啡嗰位人士飲奶茶會肚屙 ，今次叫咖啡變咗鴛鴦，好彩有其他同事幫呢位叫咖啡嘅同事飲過先知道係鴛鴦， 請問你哋公司個調配咖啡嘅人員係唔係經常用咖啡去畀其他飲品顧客嘅呢？咁係咪有心玩嘢呀！ 攞外賣時經常一個人兩個唔要你等好耐有人見你等得太耐先至問你攞外賣叫外賣

長沙灣寶熙苑分店3/8/2021。6:40pm在foodpanda上落左訂單。成功過數的。第一次單上顯示7:20pm到。到7:20pm即延遲至7:50pm至8:00pm。到接近8:00pm既時候。見仲未到所以打去寶熙分店問。聽電話嘅女人首先用唔禮貌嘅語氣同我講你咩單號碼。講完睇都唔睇跟住同我講冇哩張單。態度勁差。明明睇住foodpanda個度係煮制中。你同我講冇單!?然後到8:00pm既時候竟然有foodpanda送緊過嚟！擺明就冇睇到周圍有冇外賣未走！聽電話既女人聽得出係話得事(講野唔多正)！態度極度惡劣🤬🤬🤬

首先上菜的是原盅燉湯，但熱度不足，味道也較清淡材料上也不少， 有菇，豬骨但要另加＄１５就不值一試最後點了漁香肉碎茄子煲　＄６７，配藜麥飯藜麥飯不值一提，藜麥少得可憐，跟吃普通白飯沒有分別，　但他們煮飯水準有需提高。一來飯沒飯香，相信是用一些低價貨，二來飯太濕，黏口，一塊塊的魚香肉碎茄子煲只帶微暖，作為一個煲仔菜，熱度不合格另外材料上，廉價的茄子佔上大部分無可厚非，但連不算太貴的肉碎也不見踪影，未免太過小氣吝嗇了吧但友人吃到最後還是在煲底能找到一粒咸魚碎，還是很有「良心」呢至於我被蔥香及其半焗流心雙蛋的名但來到才發現，所謂的半焗流心雙蛋只是普通的煎雙蛋，令我有被騙的感覺而且蛋很油，也太熟，沒有流心效果，對我這個流心蛋迷來說，很是失望吃過蛋後，見到滿滿的蔥油，也重拾對這個碟頭飯的信心雖然沒有蔥香味，與菜名不符，但吃下去，蔥還是清翠的，但沒有蔥味，鹹味也不足至於雞扒也應該是整定放在保温，因為也只是微温狀態，不過勝在雞扒煎得香脆，也夠嫩滑，厚度足，有點點雞味，整體不錯醬汁是甜豉油，甜度適中，和蔥油粒一起送飯不錯錯只錯在飯方面，與上提及一樣，飯太濕，沒飯香如果晚想不到吃甚麼可以考慮一下，畢竟選擇

寶熙宛百分百位於熙來攘往的高密度住宅區，做的是街坊生意。雖然蘇絲黃曾光顧並推薦過，更聲稱是最好的一間百分百云云。該店的招牌菜之一是咖哩牛坑腩藜麥飯。端上枱時熱騰騰，兩塊大牛腩面上撒了香草，而且色澤十分誘人，令我滿心盼望。只可惜一入口明顯感覺是硬，也十分嚡口。雖則街坊生意不指望你用新鮮牛肉，但也不至於弄成這樣吧。咖哩有點太鹹，但也不失香濃惹味。這個叫藜麥飯，還以為曱甴屎掉到白飯上。反而薯仔比牛腩好吃，新鮮，就吃其原味。大集團裝修是花過心思的，間隔也合理坐得舒適。一般茶餐廳的菜式一應俱全。收銀處後面兼營麵包西餅，款式繁多。個人覺得一個食肆沒有招牌菜不是問題，但讓顧客把低質素的招牌菜跟你的店鋪形象掛鉤，實屬不智！

墮落呀喂。。步行30分鐘，拉筋30分鐘，運動做一個鐘！跟住來個下午茶補充下先😆😆😆！環境寬敞，坐位空間舒服~餐肉半焗流心蛋即食麵，麵爽濃湯~奶醬厚多士，配火腿絲米粉。。。多士外小許脆内軟，舖滿煉奶，花生醬，邪惡之選😆~凍啡小甜小冰，咖啡夠香夠滑。。這裡的咖啡不錯（我家哥哥介紹的）下午餐很多選擇，有焗意粉，焗飯，湯米線，炒粉麵，餐有基本的三文治，西多士，炸雞肶等。。！價錢低食。。值得來試試啊！街坊之選👍🤗

海鹽包冇海鹽,以前有嘅,麵包樣子好多時都岩岩巉巉,好多時有隔夜包,同一款包味道好多時都不同,希望有待改善,咖哩牛腩好味,海南雞飯都好味,價錢都可以期待麵包有待改善。

今日突然好想食西多士，於是去咗百份百食下午茶，我叫咗西多士加熱檸茶，而朋友就叫咗蕃茄肉碎腸仔湯意粉加熱奶茶！西多士熱辣辣好好味，可以揀配煉奶或糖漿，食完一塊已經飽到上心口！$32 茶餐真係超抵食！而朋友嗰個番茄肉碎腸仔湯意粉d腸仔應該唔係用廚師牌，所以腸仔肉質麻麻，番茄肉碎就煮得唔錯！

由於依間餐廳喺屋企附近，由佢開張到依家，無論午餐晚餐都比過好多次機會佢，諗住會有改善，可惜都係希望愈大失望愈大。食物方面比起新開果時已經算多左好多選擇，味道都叫有做少少提升，但唔係今次重點。員工方面無論係新既舊既，都一貫睇你唔到既工作態度，你入尼果刻已經唔會有人招呼，你舉手喺左邊叫佢佢就令咩面去右邊，一啲就圍埋傾計，一啲就專登唔望，一啲就玩電話。唔止我，我見其他枱都至少要叫十分鐘先有人埋尼問食乜，而且有客點餐叫個餸咩名，其實咁係好正常，但個侍應好差態度叫人講number啦，正常既員工，係需要背好咩餐係咩號碼自己入機架嘛？服務態度尼講大家樂大快活仲好過佢地好多。其實依到得幾篇食評，但有一半都係話佢地員工，公司咁都唔檢討下，食物幾好都無用，更何況你又唔係好好食，等執啦！

接老婆收工唔知食咩好，見到間睇落唔錯嘅集團式餐廳 - 百份百，就完全係抱住試下嘅心態同老婆入去食！望下餐牌，選擇都幾多，而且價錢唔算貴。招牌咖哩牛腩飯牛腩唔韌，值得一讚！咖哩偏辣，有少少蓋過咖哩味。份量適中，唔會得幾舊，算有良心。水煮魚好食！啲魚幾新鮮！辣度啱啱好！特價推介 - 粉絲鹽水蜆好一般，好淡無咩味，有啲失望。見到隔離枱叫咗個2人餐，啲小菜嘅色水幾靚，同埋又大碟，價錢合理，有機會會再去一試💪🏽

晨咁早約了朋友去行山，咁當然要食番個靚早餐，很喜歡食雞蛋的我，自然要有要求D，所以去依間廳叫了一個很好的早餐吃…這個溫泉蛋，剛剛好半熟，又香又滑，而魚柳也是香脆無比加上我至愛的鴛鴦就是完美的配合。

員工服務態度冷淡，由點餐已經無人理，員工當睇你唔到，自己做自己嘢，好不容易先有人肯落到單，然後到食物黎啦，我叫嘅係炒蛋，所以我問員工攞茄汁，點知好似覺得好奇怪，仲要睇吓我食咩，結果等左好耐（起碼有10分鐘）都沒人攞茄汁比我，我問咗幾個員工都唔理我，最後同個經理講，佢一開聲啲員工先攞俾我，咁嘅服務態度我絕對唔會再去。😒其實之前都有去開呢間餐廳食嘢，不過唔係今次呢間分店，但從來未試過咁嘅服務態度，我覺得呢間分店要再培訓一下員工，咁樣同趕客都冇乜分別😠

琴晚9點半返屋企附近, 未食野. 諗住拿拿聲入去食餐飯, 食完早D 返屋企休息. 點知就食到一肚氣. 餐廳入面人唔算多, 自己揀位坐. 坐低左餐牌都未睇, 呀姐就走過黎話廚房收10點, 催落單. 叫左個椒鹽焗肉排. 食物好快送到, 味道亦不差. 但問題開始黎啦. 食左幾分鐘, 呀姐開始用稀釋左既漂白水拖地. 救命呀. D 漂白水味勁嗆鼻, 搞到我覺得自己好似食緊漂白水煮肉排咁. 呀姐拖完地, 另一個呀姐就話10點閂門, 想我埋左張單俾佢地埋數先. 我仲食緊飯架, 食左一半. 你就叫我行出去收銀到埋單有無搞錯呀. 係唔係咁對客人架. 算. 我唔想多事, 廢事阻人收工. 點知, 我係出面收銀埋單, 轉頭另一個呀姐就收左我D 野食. 我食左一半, 未食飽. 即係點呀, 宜家趕住收工, 趕客走呀. 呢D 就係待客之道呀. 即時嬲到著火, 呀姐話煮過另一碟俾我. 我唔要, 我要求全數退款, 唔想再係度再受氣. 唔想食餐飯都趕頭趕命俾人趕走. 

放工番屋企附近食野，就去左百份百食，眼見人流都多，只有兩三張枱係空，只好隨便搵個位坐底，而上一手唔要既野食仲係度，都見多人咁無計啦，等一等十分鐘都係無人汁枱，因為其實想食多菜既野而呢度又無所以唔知食咩，然後點菜、上菜同上野飲都係無人順便幫我汁枱。最後我就將上手杯檸茶放係個湯飯上面，等佢自動自覺黎清，最後過左超過五分鐘個經理行過見到咁難睇終於汁走左個湯飯，但竟然唔汁其他，哇有無咁忙，雖然我無出聲，但汁乾淨張枱比客人係唔係最基本既事情。經常都會黎食野，但係基本上都係餐具會有跡，都算自己揀隻好d既，食咖哩又經常辣過頭無其他味，仲話有攞獎，都保持唔到質素，今日汁枱都做唔到就真係嬲嬲地。可能真係太忙，我建議大家見有咁上下人數係入面就唔好入去食，我到食完都係無人汁好張枱，我就坐係間野既中間，d人睇到都扮睇唔到唔汁掛住送餐，我旁邊同樣情況，個枱仲多野過我，係滿哂，到上野飲都唔汁枱，個客叫佢順便汁野佢好似回左句：求其啦，放埋一邊先（係新既兩杯野飲）。之後就走左，我就心裡面笑左。佢地叫左肉餅同煲，就話好乾，我之前都食過煲，係乾既。但我最不滿就係成餐都可以唔幫你汁枱。其實只係想食間好過大家樂既，但估唔到都