百份百餐廳 (荃薈)

营业中

休息中

咁今日放假啦，就嚟食個早餐啦，咁嗌咗個餐蛋治加杯凍奶茶簡單呢杯奶茶都已經差唔多飲晒呢個包先個蛋治先嚟到，咁樣摸到個麵包呢佢無烘底呢就係凍麵包，然後個餐肉同炒蛋呢都熱嘅但係如果可以快少少送到嚟就好啲咁坐低你食講埋單$40都算正常嘅如果再平多少少會好啲因為其實佢要一個全炒蛋都係同價錢$37有餐肉就感覺上冇咁健康食早餐嘅應該都係咁上下價錢，附近有街市有商場陣間都可以去行吓，不過就唔算話特別好食但係試吓都無妨嘅

午餐等了整整30分鐘都沒來，不停說雞扒很厚要等。最後沒等埋單走，員工不但沒有道歉，竟然還要求收正價餐飲$20, 簡直是不知所謂。只有三個樓面員工，不停接外賣，要茶餐廳來的客人等候，不如關門做外賣算了。What a disgusting experience, my husband and I had lunch and I completely finished my dish and his hasn't even arrived. No one cares even after chasing for several times. 3 staff working serving around 80 customers plus tons of takeaway orders. We did not wait for it, tried settling the bill and ridiculously got asked to pay for a $20 lemon tea for a tea did not drink at all at an a la carte price

間鋪男侍應服務態度好差、打電話返去問嘢 ，佢自己講嘢結結巴巴令人聽唔清就算啦。收線前仲係度講粗口、同佢啲同事話聽唔明我講咩嘢、聽唔明個客講嘢唔應該問多次咩？你啲咁多間分店、係我去過最差嘅分店了！

6月10日餐廳得10張枱好靜，外賣2個餐都唸住會快，點知都要等15分鐘以上。其實這間餐廳樓面姐姐態度慢，可以選擇的話不要選這間每次外賣都等很久，有時要等20分鐘以上。

約咗朋友仔落荃灣打保齡球，本身約埋一齊開餐，點不知屯門公路大塞車，有人遲到啊！只好一條友食完lunch先，食住等。大窩口附近都係茶記冰室快餐多！見百分百有位，又坐得比較鬆啲，就入去坐底，都係利牌嗰啲嘢，嗌咗個葱油大雞扒飯配杯嘢飲，六十兩都合理，大大碟，好香口，出餐快靚正！唔晒半粒鐘清碟，兩位朋友差不多到，埋單走人，順手係格離買兩個包畀friends醫肚，開波

前日(13-1-2024 Sat) 晏晝,同老公去荃灣搬嘢前食個晏,我哋嚟呢個商場搵,樓下冰室?唔…我見到有另一間,行嚟睇,係呢間,個名有啲熟,係咪我上次去粉嶺時,喺天平邨食過?上嚟搵吓,真係, 食評係2023年10月28日刊登嘅呢篇: https://www.openrice.com/zh/hongkong/review/%E5%B7%B4%E9%96%89-e5095055.我哋等咗一陣就有位,睇完menu,就要:4. 熱立頓奶茶老公嘅,我飲一啖,味道偏淡.3. $53.00嘅餐肉半焗流心蛋飯(豉油汁)我食一件午餐肉,半煎炸到好脆;見佢嘅半焗流心蛋蛋黃係有熟同唔熟.3分2. 加$4.00嘅黑芝麻泡奶黑芝麻味道好夠,但飲到底好鬼甜.1.5分1. $62.00嘅紅白鴛鴦焗(鮮茄一口豚肉拼白汁一口雞)睇見焗豬扒多啲,佢有彈性;雞肉就比較普通,白汁味道較淡;而飯係炒飯底,但有成舊蛋喺度.3.75分環境&衛生:大致上冇乜問題,但張枱竟然爛成咁.2.5分其他:如果要水,呢喥要自己出去斟.抵食係2.5分

✨海南雞飯🈶️湯 🈶️三色醬好多海南雞啊！仲要全部都係嫩肉嚟🐥🐥同三色醬好夾。而飯方面，幾香香茅味同黃姜味(>^ω^<)✨兩杯凍朱古力正呀，好濃朱古力味，唔會好苦，甜甜地

晚上8點45分行入餐廳。。侍應阿姐表示9點last order 可以入，但要盡快落單我哋就盡快落單 諗住食快啲。9點左右上齊餐 侍應阿姐話「慢慢食」食到一半大嘅9點20分。。。。侍應阿姐突然熄晒全店嘅燈 一邊大聲講「收工啦！收工啦！」「佢哋唔要嘅收咗去啦」並表示佢哋半個鐘前已經收鋪（但半個鐘前仲同我哋落緊單😅）其實係唔係我哋誤會咗「last order 」嘅意思？阻到你收工好抱歉 但直接熄燈趕客走 係咪有啲誇張？

正所謂一日之計在於晨，假日晨早起床，決定食番個靚早餐，於是便到了荃灣百份百餐廳。早餐～野菌鮮奶炒滑蛋 $37輕量火腿絲通粉蒜香牛油多士配熱咖啡吉列魚柳炒蛋 $43粒粒粟米蒜香牛油多士配熱咖啡炒蛋嫩滑，蒜香牛油多士香脆

當晚我哋點了銀芽肉絲炒脆麵同雜菌蠔仔湯飯，味道唔錯，但個銀芽肉絲同湯汁嘅比例係多芡汁，只有幾條肉絲同芽菜及其他蔬菜，唔知點解會咁樣，明白而家乜都貴，特別係肉類，咁芽菜都放多幾條啦，真係令人失望，點知再差嘅仲有，我點了雜菌蠔仔湯飯，內容真係好單薄同樣冇乜肉，少少蠔仔，幾片雲耳就話係雜菌。雜菌即係唔止一種菇菌吧，問服務員點解冇雜菌，她同廚房溝通，之後攞嚟一碗雲耳，今餐我食完算數，以後都唔會幫襯。嚟得百份百餐廳都係以前試過啲食物質素係好嘅，而家就差到一個點，係唔想再去呢間餐廳

今日去咗荃灣買嘢，去到荃薈商場，諗住搵間餐廳食早餐，經過見到呢間餐廳都多人，就入咗去食，無人招呼及指示座位，自己搵位坐就可以😂，環境及裝修感覺舒適，服務就一般般，叫咗個早餐，吉列魚柳炒蛋，配牛油多士，茄汁烤焗豆，熱咖啡。牛油麵包烤得香脆，魚柳炸得夠脆，不過就冇乜魚味，沾魚柳的千島醬味道有啲怪，覺得好難食，雞蛋炒得過熟，茄汁豆正常，整體早餐覺得一般。吉列魚柳炒蛋配牛油多士茄汁烤焗豆，熱咖啡$43。

差不多又到了🍽晚飯的時間，因工作關係途經荃薈商場，見到這間百份百的餐廳，見到有人在等位和叫外賣，餐廳裝修比較新淨，面積亦比一般茶餐廳大一些，不過坐位就有些迫夾感覺，等了約五分鐘就入座 。今日叫了個🐮牛扒伴🥖司華力腸配🐔雞扒晚餐。晚餐到了見到份量十足，牛扒一大片煎得恰好，沒有過老一切就能切開，而且醃製夠入味不錯。雞扒亦和牛扒般分量很多，而且同樣亦没有煮煎得過老而變得過乾的感覺，司華力腸搽上蜜糖來焗提升了甜蜜美味。值得一提的是這套餐用藜麥飯來代替白飯。餐飲叫了一杯紅豆冰🥡，不過質量一般，冰過多而花奶過少，令紅豆冰變得很淡味，而且紅豆亦煮 得不夠稔而覺得有點硬。今個晚餐整體上煮得不錯，以地區定價錢來說算不上抵但亦是可接受，下次亦會再過來一試。

第一次黎食，睇下野食定服務點樣。價錢同食物質素正常，都可以。環境整潔算可以，但系非常嘈吵。出餐快，服務算正常。呢個系常餐五香肉丁即食麵配牛油麵包炒滑蛋正常水準，不過不失。配個麵包好食。食完成個餐好飽呢個系豬排蕃茄腸仔米線份量好多，米線好足量豬排有d淡，份量叫多。湯底蕃茄唔系好濃。凍朱古力有少少粉未溶，唔夠解渴。睇評論以為服務員肯定聲大夾惡趕客果類。其實就系普通茶餐廳既服務。叫到我地個號碼後，門口個服務員被人叫，又好急咁走左去水吧。跟住第二個服務員就問系咪叫我地號碼然後指左張枱，話呢度啦呢度啦。食野果陣仲聽日同佢地熟客吹下水推薦下邊樣好食。又同另一個服務員講笑，人地婆婆等左外賣好耐啦，頸都長，快少少啦。覺得服務都算正常。人地一日幾百個客邊得閒針對你。比左50幾蚊就要人四萬咁口笑著侍候你，當自己皇帝咩。

🌟百份百餐廳返完通宵梗係要食飽先去訓，係附近搵間餐廳食…見百份百周圍都有，但我未試過就想try一try😋叫左個五香肉丁米粉另加3蚊有香蒜多士再配杯熱奶茶☕️欣賞佢唔係普通米粉👍🏻，係類似新竹個款…肉丁份量都好多，不過味道唔夠濃…😅多士就夠熱又多蒜蓉味🤩奶茶夠大杯，同隻杯都有小小保暖，岩灑而家d天氣，食完飲都唔會凍灑🥳

服務態度非常差自己員工無睇清楚客人等位號碼紙就叫入坐，入坐後又話無叫那個號碼，仲要話人自己入坐呢種服務態度勁差，以後都吾會光顧呢間餐廳非常差勁………………………