百份百餐廳 (愛東商場)

营业中

休息中

一兩年先食一次炸雞髀嘅我，今日唔知點解，無端端突然間想食，去到餐廳睇吓餐牌先，就見到真係有炸雞髀食，咁所以就入座呢間快餐店。😜因為餐牌寫要等15分鐘，咁就知道佢係即刻炸嘅，熱辣辣嘅都唔會差得去邊啦。同埋想講嘅就係，雖然呢間快餐店嘅檸檬類飲品，係用「檸汁」代替檸檬片，但佢嘅奶茶係OK嘅。👌有時食嘢唔係淨係注意食物，有時都會為感覺，而無需時時都食特別嘢，好似今次咁，突然想食啲咩，即時有得食滿足到，就已經令我心情愉快。🥰

百分百Lee碟飯係鎮店之寶！只有Lee碟豉油王豬扒珍珠飯咁好食！豬扒煎得外脆內嫩，多數茶餐廳豬扒係炸，好少係煎，豉油汁鹹甜適中，好入味！珍珠米飯粒粒分明，口感煙韌，同豬扒夾埋食，簡直一流！

叫左餐等左20分鐘，飲品都未到，我就問服務員仲要等幾耐，佢竟然答我‘’你見到我地幾忙啦，忙就要等，唔等得唔好食啦～‘’我立刻走人，咁既態度真係第一次見，唔會再幫襯。

店內有位年紀最小的女店員，說話含糊不清，似乎是有殘障人士！希望店鋪經理多加關注該名員工，作出工作上的培訓和關心以及耐性，同時亦促請店鋪負責人引用僱員條例來保障類似的言語障礙人士作出工作岡位上的相關指引，以避免發生言語上的摩擦和不必要的糾紛。

午餐時段落單，因為前後腳4個人！頭兩個落咗單，之後另外兩個人加單兩碟蒸魚！明明同個啊姐落單講前後兩碟蒸魚！漏單都算，仲要拗！仲要駁嘴！佢話有覆單，無聽到前後兩碟蒸魚！態度極差！佢行去出菜位，都仲要繼續講，仲要唔覺得自己有問題！唔想漏單嘅都漏咗啦！係唔係應該拿拿聲去解決問題呢？唔即刻解決不特止！仲要繼續企喺度拗！有用咩？仲要係咁拗！不停講！拗得嚟，講得嚟，都行咗去解決啦！又唔係忙到踢曬腳！真係想像唔到踢曬腳嘅話，會出錯都咩程度！由頭到尾，一句唔好意思都無！以後都唔會再去！！！

第二次來都係漏單，等左一會問又話做緊，都唔知有冇單，最後都來了，但等了30分钟☹️👎最唔好係追兩次都唔得，話唔要起身走才送到，叫干炒牛河都咁难做吗？真係失望。

這間百份百分店的店員經常黑口黑臉，還經常落錯單。這次我落單時都己經講了要午餐的焗飯，結果居然可以落成下午茶的細焗飯。那個下午茶的細焗飯連午餐一半的量都無但己經要42元，當真十分坑人，要知道午餐焗飯才賣五十幾。但最大問題還是出餐速度，落完單要等四十幾分鐘，只有很少可以揀，而且經常錯單。請無視以下內容。百份百餐廳』作為亞洲國際餐飲集團屬下旗艦品牌, 現有41間分店。創辦人柯鎮平先生擁有豐富的餐飲經驗, 具國際視野, 分店遍佈香港及加拿大。於2007年在香港創立『百份百餐廳』, 『百份百』中的『份』字, 特意加上『人』字, 更顯出『以人為本』的經營概念, 無論是對客人、合作伙伴、或是員工, 都以此為出發。百份百餐廳憑著年輕的品牌形象、時尚布置設計、優質食材和親民的定位，成為深受食客歡迎的新一代港式餐廳，每日提供各式新鮮美食。餐廳烹調配方不斷推陳出新，為菜式注入新口味，產品款式繁多，既有恆常港式食品，更有節日期間限定菜式，緊貼市民生活。

不嬲係第二區有食百份百，覺得杯紅豆冰幾好飲 所以今日經過愛東見到就入去，去到 叫常餐 沙牛麵 紅豆冰 但侍應話冇沙牛冇紅豆 想轉另一杯特飲又係冇，當時只係3點，真係好特別 要麥冇麥，最後食咗個焗飯味道OK但份量好少，跟住想加個西多士，點知侍應話麵包都冇希望愛東分店老闆睇到啦 你地呢間分店基本上冇一個侍應合格架 全部都黑口黑面唔想做嘢咁嘅款，落單態度又差 如果做侍應但係唔想做嘢咁不如唔好做啦 好得人驚既茶餐廳，仲恐怖過大排檔

我去了何文田的「百份百」茶餐廳，點了下午茶餐包括了西多士配凍飲、炸雞皮配薯條配凍飲。首先，我要說的是西多士炸得香脆內有花生醬口味，讓我給予10分滋味的評價。但是，炸雞髀炸得太乾，薯條又太油，口味一般，我只能給予50分的評價。價格方面，這個下午茶餐包在40至50之間，不算太便宜。總體來說，我對這次的下午茶餐感到有些失望，因為炸雞和薯條的口感都不太理想。如果你只是想吃西多士，那麼這裡還是不錯的選擇。但是，如果你期望更好的炸雞和薯條，或者更划算的價格，那麼我不太推薦這家餐廳。

天氣熱唔想去太遠, 近近地落樓下食個晚餐. 7點落到去, 可直入有卡位坐, 都舒服.  人手唔足夠, 成間野樓面得3人包埋收錢. 想做死佢地咩?坐低已經見有幾枱客舉手搵人落單。無奈佢地上菜都上唔徹。 只有等啦。咁我唔急就慢慢睇下有咩好食先啦， 諗到食咩， 又係要舉一陣手。 只有苦等。 終於有人見到我地喇。 最後叫左密桃咕嚕肉  — 小朋友最愛， 無骨啖啖肉，酸酸甜甜。 唔錯 ！ 鐵板雜扒餐 — 有雞扒， 豬扒， 魚柳 配埋薯條  仲有個飯或意粉。 個雜扒餐份量好足， 炸魚柳好脆又大塊，雞扒 豬扒正常偏咸。食物質素ＯＫ， 但服務方面真係差有待改善。  

約晚上7：20，約有一半食客唔洗等位直入，坐低左一陣，都唔見有人嚟執枱，招手多次，都等等等等等等，好多次找職員，望一望又係掂行掂過，又等等等等等，連隔兩枱個位先生同我眼望眼搖搖頭，心諗究竟係咪路，成間餐廳一半客都無，唔通D人都賴左嘢所以已經唔幫櫬？anyway算了，去樓上食，直到我同家人起身走人張枱仲未執🤭真係唔想做就執Q左佢俾第班做啦，咪阻住個地球轉

吃過這間很多次，之前有次服務員點餐時點多一份，有次還缺了飲品，又有一次服務員落單落錯。建議各位去這間百份百要服小心。😅每次都這樣，令我不想再來。 還有他們都不抹台。 芝士白汁焗雞飯還不錯，但番茄焗豬就是茄膏味。凍奶茶很好喝。 【百份百餐廳』作為亞洲國際餐飲集團屬下旗艦品牌, 現有41間分店。創辦人柯鎮平先生擁有豐富的餐飲經驗, 具國際視野, 分店遍佈香港及加拿大。於2007年在香港創立『百份百餐廳』, 『百份百』中的『份』字, 特意加上『人』字, 更顯出『以人為本』的經營概念, 無論是對客人、合作伙伴、或是員工, 都以此為出發。】這段官網的話我覺得可以省略。

入座時大約下午6：45，想食碗米線，點知落單亞姐話：“麻辣米線全部無（餐牌寫由下午6：00供應），因為水吧唔做；雞煨米線就有，因為係中菜做嘅”！！！另一張餐牌，五香肉丁麵+多士餐，亞姐都係話“因為水吧都唔做，所以都無”！！！大家以後諗住食呢間店之前，真係要睇清楚個日水吧嘅心情先，分分鐘咩都無得食！！！

自從裝修完重新開張，餐牌沒有太大改變，價錢卻有改變。再睇埋白飯竟然變咗，聽講係全線都改咗唔係即煮，又濕又難食，質素越嚟越差，我覺得百份百開張幾年，餐牌又唔肯更新。真心覺得唔值得再去。愛東商場經理由始至終態度都麻麻冇耐性！

百分百相信大家好多人都食過，佢亦都好似71個麥當勞一樣總有一兩間係你左近。但係往往就係呢啲post佢哋嘅質素有一定嘅保證，亦係好多受歡迎嘅原因。除咗食物嘅味道同質素有保證之外佢店內嘅裝橫都有一定嘅水準。相信呢個係最多人食過亦有保證嘅牛腩飯，有一點要提到嘅係可能唔同嘅舖頭都會有一定程度上嘅分別，但係整體上唔同舖頭嘅牛腩飯都絕對係保持到佢嘅質素。炒飯亦都係佢嘅一絕👍所以大家仲未嘗試過百份百嘅朋友即刻去你左右附近搵一間試試，保證你會一試再食。