白鬚

上次入嚟食酒店嘅lunch buffet , 見到呢間，今次特登入嚟試。叫咗～白鬚牛骨湯飯 真白鬚（淨牛丸） 酸辣鳳爪 蔬菜春卷（半份） 炸薯寶淨牛丸，有啲炸薄脆片，面頭牛丸，大約六粒，墊底係芽菜，湯小小濃～可以，牛丸口感同味道唔似出面牛腩麵檔果啲，又唔彈牙，味道又唔特出～一般般。牛骨湯飯～湯底清湯咁，無乜味，牛骨二舊仔，喺上面鋪左啲牛肉，牛腩條之類，一樣都係一般般。二樣小食唔使講，香口野無話唔好食，性價比以薯寶較好，三條春卷仔（半份）$26.酸辣鳳爪，面頭加啲甜酸酸菜,增加唔小分數。埋單$421，坦白講食完都唔係好飽。回頭度：4/10感覺食物選擇唔多，質素中間，比起一般嘅印尼餐廳係好啲，起碼衛生同格局都好好多，個人覺得食物未去到好好食果隻，唔會值得專登揸車入嚟食，但今晚佢哋又幾好生意，個人覺得會唔會係呢間酒店無其他選擇，而啲人又唔想行老遠去食？以上純粹個人食後分享，絶無收受任何利益或優惠，亦願意承擔所有責任。…查看更多

很久前已聽說過這間位於西貢市中心的餐廳，但因一直在推廣它們的牛骨湯飯及牛丸，對不吃牛的我們，吸引力自然不大，之後聽說因某些原因而結業了。😅早前聽某網上節目才知，原來它們已回歸，並重新在西貢WM酒店內LG樓層開業，而印尼雞湯飯及印尼炒飯，更是今次的重點推介。😍因中午不設預訂，我們在開門前半小時已到達，並成為第一個進入的客人，印尼雞湯飯及印尼炒飯自然是不二之選，另加泰式魚餅(半份)、粟米墨魚餅(半份)及二杯熱咖啡。😋坐下末夠半小時，店內已全院爆滿，而且已開始有不少人在門外排隊，認真誇張。😱泰式魚餅～外酥內爽彈，帶有魚肉的嚼勁和豆角的香脆，散發出淡淡檸檬葉和香茅香氣，整體味道不錯。粟米墨魚餅～外皮炸得微脆，墨魚肉爽口彈牙，配上香甜粟米，真係無得輸，而且即叫即炸，保證新鮮熱辣。印尼雞湯飯～如不加辣醬，就適合吃不到辣的我(老婆當然就要大量)，還嘗到它們自家製的辣醬；雞肉嫩滑不過熟，湯底香濃惹味，一向少吃飯的老婆，也吃得津津有味。🤭印尼炒飯(少辣)～飯炒得乾身，粒粒分明，少少辣食落更加惹味又吸引，表面加上太陽蛋、番茄、青瓜及蝦片，不但有效降低油膩感，而且更加健康。熱咖啡香濃，帶少許炭火香，比較適合喜歡濃味的人仕，可惜香味比較淡薄。☕️據說晚上還有烤魚、烤蝦及烤魷魚食，下次可以再來試試！😬#泰式魚餅(半份) $30#粟米墨魚餅(半份) $30#印尼雞湯飯 $88#印尼炒飯 $128#熱咖啡 #白鬚 (西貢)地址: 香港西貢惠民路28號WM酒店LG樓B3號舖電話: +852 27203168…查看更多

喺西貢咸咸海風吹住嘅街角🌊 有間掛住印尼燈籠嘅小店「📍白鬚」舊年見到佢鐵閘拉低 心諗：又少個滋味回憶喇⋯點知今年行過發現佢哋搬咗新竇✨【白鬚牛骨湯飯🍲】牛筒骨大過拳頭🦴湯頭係奶白帶金黃一啖落喉 骨膠原嘅綿密同薑嘅辛暖唰一聲鑽入心口🤩將熱湯淋落薑飯 米粒吸盡骨髓精華 咬落爆出肉香 食完成個背脊暖笠笠💛⚠️賣完即止 日落前沽清係常態⚠️【印尼牛丸粉🧆】混咗馬蹄粒嘅牛丸彈牙到癲 咬落爽口得嚟帶甜湯底用香茅同月桂葉吊味 清新唔油膩😉重點係自製辣醬🌶️蝦膏嘅鹹鮮撞埋指天椒嘅霸氣 配嗦嗦聲嘅幼粉即刻醒神晒！• 酥炸雞翼：醃透咖喱葉同黃薑 脆皮咬開飆肉汁🐔• 黃金春卷：腐皮包住芋頭絲同木耳 蘸甜酸辣醬一絕🌯• 印尼魚餅：鯪魚肉混椰漿煎香 夾住斑蘭葉焦邊嘅靈魂🍘燉夠時間嘅湯同人情味 從來都急唔嚟~🌅…查看更多

話說今日打完波，見揸開車就過去西貢市中心到搵好西，上網搵先發現原來白鬚搬咗鋪，所以過嚟試一試。Spring Rolls 炸得好脆，好香口，配埋甜辣醬好開胃Soto Ayam w/ Noodles，個雞湯味好濃，啲肉仲係滑嘅，好正。喺外邊食唔到呢只味😋😋😋Beef Bone Soup w/ Rice ，牛肉湯個味好清甜，肉就偏硬咗少少，如果淋啲會更好最後叫咗個Affogato, 叫咗個椰子味雪糕，加埋杯espresso，撈埋一齊真係好好味🤤整體嚟講都keep到個水準。…查看更多

「白鬚」一直都好想去試，但碼頭嗰邊間舊舖宣佈結業，結果都無去幫襯。依家知道係 WM Hotel 嗰邊重開新店，而且舖位仲大咗，當然要去食啦。餐廳最出名嘅「白鬚牛骨湯飯」，已經沽清，殘念。白鬚印尼牛丸粉（$85）接近30分鐘先上枱。牛骨湯聞落好香，但飲落好清淡。牛丸有5粒，黑椒味重，牛味一般，彈牙。湯粉係幼米粉，質地夠彈性，唔會一夾就斷，而且唔糊口，口感不錯。要咗少辣，會係牛丸上吱啲酸酸辣辣嘅醬。另外仲有一粒炸得太乾嘅炸雲吞、一片鬆脆嘅雲吞皮、一粒豆卜、一堆芽菜。印尼雞湯飯（$88）唔使5分鐘就上枱。湯底係微辣嘅黃薑雞湯，味道濃郁，但唔油膩，不錯。雞肉切粒，份量不少，可能係一直煮，所以肉質唔太嫩滑。另外仲有一大塊香脆印尼蝦片、半隻烚蛋、一粒豆卜、一堆芽菜及椰菜。沙嗲雞串（$63）約15分鐘上枱。有三大串，烤得好靚，聞落已經好香。雞串本身已經好夠味，而且外層微微焦香，裡面肉質嫩滑，再點埋沙嗲，味道層次再提升，好食。老實講，食物質素唔錯，餐廳空間感夠，環境可以，但收費始終略嫌進取。個人覺得係值得一試，但會否再次幫襯就要睇情況了。PS：另收加一服務費。…查看更多

之前舊舖完租前，已經有幫襯開！ 一路都希望佢地可以搵到新舖重開。近一個月，佢地喺西貢WM hotel開咗新舖😛！趁放假，今日就入去行吓食吓嘢！新舖地方大咗好多，環境都幾舒服，仍然有我最鍾意嘅梳化位置，坐住chill住食一流！ 我大概點幾兩點去到 （星期日）要排隊，不過星期日都預咗㗎喇！ 佢地而家menu多咗啲新產品/飲品， 不過我今日一個人late lunch就試唔到咁多！ 我就試咗個poke bowl 叫Canggu Shortcut, 係一個有微辣嘅poke bowl嚟嘅， 好味道， 吞拿魚粒加啲沙律菜加埋啲醬汁🥗，仲有個飯底，夠飽肚又夠fresh! 另外仲叫咗個新飲品， 朱古力牛油果奶昔，都係正嘢， 香滑香滑！唯正美中不足就係店內無自己洗手間，不過行去酒店洗手間都係within 1min路程唧！員工依然咁nice, 我諗鍾意白鬚嘅fans， 除咗鍾意佢地嘅食物同環境，都係喜歡佢地一份有溫度嘅人情味！ p.s. 叫外賣可以喺餐廳門口室外地方進食，可以俾狗狗喺嗰度玩！…查看更多