影片
想食雪花冰，上次食过依间记得唔错，仲惊要排队....点知去到一开门发现明明系星期日9点几竟然一个人都冇，呆咗呆以为系咪未开门，店员又唔讲嘢只系一副我打扰到佢咁嘅样望住我，ok 是但，香港食市不嬲都唔系服务好，算，照order，结果明明完全冇人但餐牌差唔多一半都sold out，地下又一哒红色黏液唔知做乜。等冰上，哗比起上次细咗又难食咗好多，同个模型简直系广告与现实，又成$70一份驶鬼食你咩系咪换咗老细呀？....冇下次
继续阅读
曾经系元朗都有过依间野，个时好大碗超级大碗，之后元朗个间执左，点知俾我系尖沙咀遇返佢！尖沙咀依间份量比较少，我唔知系分店问题定点元朗个间我最后食都已经系2015年😂可能物价上涨所以食物缩水挂讲返味道先，d冰有牛奶味，oreo碎够多，两者系好夹~朱古力雪糕好够朱古力味，捞埋d牛奶冰一流！d冰溶得唔算快，我地普遍速度食都只系溶左少少，我觉得可以接受，价钱都唔算太贵地点又方便，夜晚人唔多，一班fd去倾下计唔错~
继续阅读
个餐牌有8款食物，但一叫原来得4款有....叫左豚肉浓汤拉面同埋韩式炸酱面，比完钱过一阵有个店员行埋嚟话连炸酱面都无晒！（个餐牌另外仲有好多食物系唔提供的）又唔比退钱，迫我转其他，但其他真的一啲兴趣都无㖞！：（最后我企硬，厨房里面𠮶个人先话比二十五分钟佢，佢再煮过个汁比我再整炸酱面....同埋我发现餐厅一律用即弃餐具，无论碗、碟、杯仲有刀叉、匙羹都系！好唔环保下。餐厅环境还好，不断播放KPOP，不喜欢会觉得好烦。
继续阅读
一间无人帮衬既甜品铺，收$50最低消费。系收银处落单时问嘅第一条问题系你有几多人，我哋有最低消费㖞。绿茶雪花冰-绿茶粉无绿茶味，俾黄豆份盖住咗。店员表示我地啲绿茶粉喺沟黄豆粉，所以系黄豆粉咁嘅色。-冰底无味，只能靠其他配料提味。绿茶雪糕无绿茶味，极度甜，甜味相当科学，似食紧糖霜。-红豆蓉同年糕不予置评，正常买返嚟嘅货色。Lemon Honey Fruit Tea -内有大量柠檬，好似饮紧柠檬汁紧-为咗最低消费先叫，点知都系伏👏总结：如果尖沙咀啲甜品铺唔喺执净咁少，都唔会嚟试伏。
继续阅读
是咁的,琴日同个D出尖沙咀,行到有D累又肚饿就求其揾间野食晚餐啦,见到呢间野外面张餐牌话饭+饮品48蚊,心谂尖咀呢个价算系咁,就决定食呢间,点知呢个就系中伏既开端。入到去,见张餐牌有一半以上既野都SOLD OUT, 想食既野全部冇哂, 问个店员包野食包咩野饮,佢就只系好串咁指一指块牌上既好细只字,完来系包杯茶咁大把, 个下已经想走,但个FD话都入左黎就食埋啦咁, 结果都系照去左落餐。讲到落餐，我叫左海鲜乌冬, 个FD就系叫拉面, 黎到用纸碗装住既,配料有4只砚,1条蟹柳切2半,份量细都算,仲而好淡冇哂味, 入面个4只砚全部劲多沙,个FD个碗我唔知咩味啦, 但佢成程都KEEP住讲好难食.... 同场仲有个阿叔叫左碗面,问个店员拎筷子,但个店员唔肯比佢, 要个阿叔发现店员身边有成盘餐具系度,阿叔讲哂粗口闹佢先肯比...真系唔知店员咩心态...最后走左之后...2个人都仲系好饿, 发现原来行多几步过条马路有间JOLLIBEE, 即刻入去叫餐,D鸡好正, 完美KO KFC, 极度推介...完
继续阅读