白石燒烤

营业中

休息中

好耐冇燒過嘢食，睇天氣報告話weekend會凍，咁就梗係要去燒嘢食啦，14度唔燒，唔通34度先燒嗎！？一行6人，最後揀咗嚟呢度，貪有海景同埋朋友話好企埋。喺烏溪沙站搭shuttle嚟，好快趣就到！嚟到先喺門口order咗個5人海鮮餐及加隻燒雞，職員就會俾一個好似韓國嗰啲 "通知器" ，仲俾咗個海邊位俾我哋。同平時啲燒烤場唔同，呢度每張檯都有個號碼，唔需要爭檯，檯與檯之間又唔迫，感覺都好舒服坐咗陣，起咗個爐之後，啲食物就ready了。埋去攞嗰陣覺得有啲神奇，唔同嘅食物用一個啤咗口嘅袋載住，袋面有張印咗食物名嘅貼紙，唔洗自己拎隻碟去攞，感覺衛生好多食物醃得超入味，但唔會一味得個鹹字，至少燒完當晚都冇超口乾，呢樣真係好重要！蜜汁叉燒醃得好有味，但冇平時啲叉燒嗰隻紅色，反而用自己嘅能力燒到條邊有微焦嘅效果更加有滿足感！食落肉質一啲都唔鞋，好有驚喜！黑椒雞扒好大塊連雞皮，就咁睇貓貓都問，好似唔覺有黑椒咁嘅？但原來一路燒一路都有黑椒味湧上嚟㗎！食落啲黑椒味好勁，仲有啲辣添！甜心蕃薯每一舊都非常完整，講得上係大舊添！同埋真係超級甜，好滿足！豚肉腸呢種係好大條嘅台灣腸，平時比較少見，而且好好味添喎！燒

黎呢到好方便，星期五至日有shuttle bus接送來回烏溪沙地鐵站。不過今次我同朋友係星期四夜晚去，所以我哋選擇咗由烏溪沙行去燒烤場，都只係用咗20分鐘。燒烤場範圍好大、好寬敞，有好多比人玩嘅設施，例如有掟飛鏢、夾公仔等等，價錢仲唔係好貴，例如籃球機十蚊就可以玩一局。我哋六個人好細食，所以我哋只係叫咗個五人餐，點知都係食唔曬！食物有好多種類，例如有好彈牙嘅海蝦，配有蒜蓉，再加帶子、青口，呢啲海鮮都係平時燒野食好少見嘅，正！除左海鮮仲有各式各樣嘅肉，醃得好入味，食肉獸一定會好滿足。除左野食唔錯，環境仲好舒服，因為係面向海，不時都會聽到浪聲，好浪漫！值得一提嘅係如果加錢買多一隻雞嘅話，工作人員都會幫你斬件，服務好周到呢！

其實我做運動本身都有點懶, 我會選擇一Ｄ自己鐘意既.而行山就算係我個人生list 中最憎既一環. 如果唔係老媽子或朋友既苦苦哀求或者食物既誘惑我都唔會去. 今日朋友叫到又話行完去白石放狗同BBQ就陪下大家啦!行左差不多２小時山之後終於去番一Ｄ有人氣既地方. 去到白石燒烤場都好勁, 真係估唔到可以多人得咁緊要仲有佢地既經營可以咁有規模. 我地俾完錢叫左個１０人套餐後就去到我地既爐度. 見到人人都在燒BB豬我地又點會放過呢個有得玩既機會, 最後都真係唔知玩人定玩自己. 老公全程都只係燒呢隻豬完全放低唔到. 超級累呀！！由白雪雪全生燒到卜卜脆足足用左３小時,中途除左去toilet 佢都冇放低過到最後佢既effort都受到大家既歡呼因為隻豬真係好好味呀！好彩場地有店員用快手亂chop神功分左隻豬,如果仲要自己chop真係手都斷呀！Chop 豬個個環節都幾得意好似有人做ＳＨＯＷ表演咁都吸引到好多觀眾. 

冬天最適合嘅就係打邊爐或者BBQ 㗎啦！今日難得Day Off，就同朋友嚟到白石燒烤場聚左一個夜晚。雖然唔係好就腳，但係勝在地方大，環境企理，而且有啲嘢玩吓。平時去郊野公園BBQ，總係要準備好多野例如嘆炭、燒烤叉、炭精、紙巾、餐具等等，呢度就好方便啦，啱晒我呢啲怕麻煩嘅人！啲炭精係好搶火嘅酒精粒，我係透爐嘅初哥都冇失敗。我哋叫咗五人海鮮餐加一隻雞，飽到食唔晒！平時燒烤好少燒海鮮估唔到原來燒帶子、青口或者蝦都幾好食架。尤其係加左蒜蓉好惹味。雖然係叫海鮮餐，但係其實重點依然係肉類。肉類以雞為我嘅最愛，單係雞扒就有蒜香、泰式同埋黑椒三種醃法，肉質鮮嫩。豚腸都幾特別，比起一般嘅香腸美味！另加嘅古法吊燒雞好有睇頭，真係未試過成隻過咁燒，味道似炸子雞。飲品同埋水唔使另外加錢已經包左係餐入面，good！呢度冇限時，人唔係好多，如果係一大班人gathering會幾唔錯！

雞翅豬扒雞扒牛扒都是包裝好的冷凍食品，蔬菜是新鮮的，雖然我們桌沒有，但是隔壁桌有啊。看消費也不是很高最好味就燒乳豬，雖然燒了差不多兩個小時，但味道真棒。記得乳豬是要預定的

近來天氣轉涼，一大班朋友gathering,會馬上諗到bbq。今次我地去左白石BBQ , 有免費shuttle接駁，幾方便。一落車，我地先去揀食物，我地最後揀左十人海鮮餐，加乳豬。職員會先幫我地透爐，跟住set埋個乳豬架，首先會係我地個爐燒一段時間，等我地可以慢慢影相，跟住一陣就會走黎問下我地想自己燒定佢地幫手燒，haha,我地結果揀左比佢地幫手啦。不過現場我見都有係自己燒的，都燒得幾靚，大家可以挑戰下～呢個餐有齊晒BBQ 必備項目，水準高，我地大家都讚呢度既雞翼好味，對每樣食物都有唔錯既評價。乳豬出場喇～ 仲配埋乳豬醬架～ 呢個真係超好食！熱辣辣新鮮出爐，黎白石既必食項目 烏頭係另一驚喜，正，跟住白石教學燒就掂

秋風起，除了三蛇肥之外，也是燒烤的季節，選擇了這個面對無敵海景的白石燒烤，除了有海景的燒烤場是罕有的之外，白石燒烤的食物質素亦相當有保證；而憑消費單首兩小時泊車免費，過後也只是十元一小時，實屬駕駛人士福音，除此之外亦有穿梭巴士服務。到埗便見到燒烤場已經換上聖誕裝飾，很有氣氛；付款後發現新設了冬日火鍋，下次要再來一試。我們燒烤爐的景觀。除了有無敵海景外，還有給小孩放電的一片空地。場內還有飛標機及籃球機一類以供玩樂。點了一個五人海鮮套餐，喜歡它每樣食物也有，不用想得太多，所有醃肉也是真空包裝的，即開即燒，方便衛生；五人餐包括彈牙海中蝦，蒜蓉半殼帶子，紐西蘭半殼青口，蜜汁叉燒，雞扒豬扒味道各有三款，雞中翼味道兩款，海鮮三寶丸，爆汁芝味芝士腸，雞肉腸，豬肉腸，甜心番薯，香甜粟米，五支水與及五罐汽水，嘴饞的我們還加了一隻古法吊燒雞；架撐裏還附送一本燒烤手冊，裏面詳列各款食物的燒烤竅門，就算地獄廚神也無需慌張。一開閘既時候，一群飢民當然是衝向快熟的腸類跟丸類，芝士腸燒得外皮香脆，腸衣爆發，芝味滿足。珍寶燒雞翼，有蜜汁及蒜蓉味，兩款也醃得非常入味，我比較喜歡蜜汁味的，喜歡它甜甜的，隨着肥美的雞皮逐點

第一次去呢度BBQ,細路一現到啲吹氣彈床已經癲咗，亦發揮出佢哋無限精力嘅小宇宙，兩個鐘內狂彈狂跳狂跑， 見到佢哋咁開心， 連自己都想玩埋一份 呢度其實都幾方便，去到馬鞍山站轉的士都唔使跳錶，而且嘢食都好豐富，最重要嘅係，我終於唔使再食嗰啲橙色嘅醃製食品，全部都好鮮味呀～好貼心呀!原來呢度為咗方便素食者，都有好幾款素食嘅食品提供!想食靚嘢嘅話 ，亦有龍蝦鰻魚 、穀飼豬、 大眼雞同乳豬畀客人揀， 穀飼豬份量十足， 大眼雞仲平過你去打冷舖，價錢好合理吖~最最近仲有冬日火鍋推介， 可以一邊燒嘢食一邊打埋邊爐 ，啱曬唔同嘅人需要。我哋叫咗個五人餐海鮮餐 ，有海蝦、青口 、帆立貝等等之外，亦有一啲 bbq鐵膽 ，佢一包包咁畀我哋 ，起初睇落以為唔夠食， 仲額外加多咗紅腸同漢堡扒 ，但原來我哋人類實在係眼闊肚窄嘅動物， 到最後我哋五個大人家唔個細路都要打包!呢度最得人心嘅對大人嚟講一定係食物 ，青口配備咗蒜蓉牛油畀你去燒 ，味道的確好唔錯!海蝦絕對有蝦味，亦唔係嗰啲霉霉爛爛嘅蝦肉 ，夠爽夠彈牙， 丸類亦唔係hea畀你,另外雞翼亦都係必試項目， 尤其係檸檬雞翼好出色!除咗自己買bbq野食可以燒到咁靚之

位於白石嘅燒烤場，可謂我最鍾意嘅燒烤場頭三位。皆因無論環境， 設施，食物質素都係very good。 最啱就係一家大細， 或者一大班朋友嚟燒嘢食， 過一個愉快嘅假期。先講一下環境， 呢個燒烤場位置於馬鞍山烏溪沙嘅海邊， 可以遠眺八仙嶺嘅美景， 又有吐露港嘅景色， 感覺非常開揚， 而且又有海風吹，燒嘢食時唔會侷促。而且每逢大時大節， 都會有應節嘅裝飾， 輕易成為打卡熱點。再講下呢度嘅設施， 呢度有個款適合小朋友玩嘅玩意， 包括大型嘅吹氣彈床【 彈床嘉年華】， 仲有【 N級方程式賽車】，可以租小型砵砵車俾小朋友揸。而且如果人多嘅話仲可以租有冷氣嘅組合屋， 冷氣房入面可以打麻雀， 又可以唱k。 燒到熱熱地可以入去涼下抖下， 就算係夏天燒嘢食都冇有怕。再講下食物， 除咗散叫食物之外，呢度有五人同十人套餐選擇。 呢個五人海鮮套餐肉類同海鮮都包埋， 夠曬方便。先講下海鮮類別， 有彈牙海中蝦， 燒蝦嘅秘訣在於唔好燒得過火， 海蝦燒好後， 撒上一抹海鹽喺面就食得， 如果鍾意香口， 仲可以搽少少牛油添。 海中蝦比想像中新鮮彈牙， 蝦肉都幾爽口， 只要拿捏得好， 雪藏蝦都可以燒得好食。而且仲有紐西蘭半殼青

天氣凍除左打邊爐，BBQ都是一個好選擇，曾幾何時一提起BBQ就要好大陣仗，媽媽級的會預先去街市買扒醃，又會煲定涼茶雪凍，年輕一輩就會預早約埋到街市一齊買已預先醃製的扒呀、丸呀、飲品等，才一齊搭車去燒烤場，還要霸爐呢！不過近十年BBQ場越開越多之後，已經方便很多，一個價錢可以任燒，兩手空空就可以，基本上唔怕燒得夜，放工之後去燒返轉都可以。但BBQ場雖多，質素亦越來越參差，尤其是任食的BBQ場，除了價錢便宜外，都沒有甚麼可以要求了。而白石燒烤是我個人認為質素較高的BBQ場之一，由十年前剛開業不久已經開始光顧，睇住佢越來越多元化，由以前純BBQ，到現在場內有多款娛樂設施，但重點的燒烤食物仍然唯持高水準，雖然不是任食，但有套餐供應，除返開都是比任食BBQ場貴一點，當係用錢買質素。＊＊＊＊＊＊＊＊＊＊＊白石燒烤場原本在馬鞍山和沙田都有免費穿梳巴士前往，但1年沒有來，原來這兩條巴士線已經取消，現在要到烏溪沙站才有免費穿梳打士。烏溪沙站B出口，直行左轉見到美聯，站在美聯前面等巴士就可以(沒有站牌)。巴士每半小時一班，一般15分和45分都會有巴士。甫進BBQ場，首先可以到這個接待處點餐，燒烤食物可以單

朋友一時興起話要BBQ, 推介呢間白石燒烤，因為呢間燒烤場星期六日成日爆滿，所以預先幫大家book定位。我地星期六下午3點喺沙田新城市廣場集合，再由朋友車我地入去。白石燒烤有停車場，幫襯仲有泊車優惠👍🏻去登記處報到揀餐，再由工作人員帶位同幫我地開爐。呢度唔係任食燒烤場，唔係任叫任食。呢度你可以選擇5人餐、10人餐同散叫。我地揀左5人海鮮餐$1090（平日$950）再加燒雞$138。5-6個人食應該夠食👍🏻5人海鮮餐，包括有海鮮海中蝦、帶子、青口、叉燒、各款雞亦、雞扒、豬扒、丸類、芝士腸、雞肉腸、蕃薯、粟米等等。燒烤叉、手套、5支水5罐汽水、蜜糖一應俱全，仲附送一本燒烤敎學，非常貼心。海鮮都唔錯，雖然都係急凍，但冇雪、霉味。另外雞亦、雞扒、豬扒、叉燒都醃得入味，尢其叉燒，我地燒到外微焦脆，入面軟淋，正！燒雞由工作人員幫我地架於燒烤爐上，燒到半熟，再由工作人員取走，幫我地燒至全熟，斬件再裝入盒送返俾我地。燒雞外脆內嫩，咬落去仲有肉汁流出，推介👍🏻呢度好多人一家大細黎玩，因為呢度除左燒野食，仲有得玩兒童玩具車、扔標、拋籃球，玩足一全日都唔悶！

早幾日同朋友上網訂左5人優惠套餐($750)同吊燒雞($138) 共埋$888. 本來諗住訂左個5人餐加隻雞 唔夠既話散叫少少野食都夠飽啦(其實本來都預左點都會散叫 始終都唔係任食). 話說 我地晏就4點鐘至去到個場 然後 我地拎張單去攞野食 但發現個套餐似係1-2人份量多d. 呢間燒烤場既野食係以一包包咁計 大部分既野食都有1-2包.但除返開 每人只係食到1粒龍蝦丸、1粒魚蛋、1粒墨魚丸、2條芝士腸、2條廚師腸加1塊扒仔、1-2隻雞翼！！我地每人燒左2次 丸類加腸類已經燒晒 亦都感覺到再燒落去都唔會夠飽 所以其他野食都無再燒落去 拎埋剩底既扒、雞翼同雞轉場去郊野公園到燒.我個人認為3粒丸、幾條腸仔、1隻雞翼同1塊扒係唔足夠1人既份量。所以 唔會再尼燒。

適逢週末，我同其他4個同事相約去BBQ, 其中一位同事推介呢間燒烤場，話又好食又好玩👍🏻。燒烤場並唔近地鐵站，不過場地提供左接駁巴士，喺鳥溪沙馬鐵站B出口美聯物業對出等，每30分鐘一班，如果多人，可以好似我地咁一齊搭的士入去。我地一早book定場，去接待處報到同落order, 跟住有專人帶位。因為係週未嘅關係，整個場幾乎爆場，非常熱鬧。燒烤場近海真係加好多分，一黎可以一邊燒一邊欣賞海景，二黎空氣流通啲，無咁焗促👍🏻野食方面，我地揀左5人海鮮餐，星期六日$1090，包括有海中蝦、帶子、青口、叉燒、各款雞亦、雞扒、豬扒、丸類、芝士腸、雞肉腸、蕃薯、粟米等等。再包埋5支水5罐汽水，絕對足夠。我地另加左隻古法吊燒雞$138。呢度啲食物質素好過任食燒烤場，啲扒同雞翼都係預先醃好，我最鍾意泰式雞扒，又酸又辣非常惹味。仲有叉燒，如果火候控制得好，可以燒到外面焦香，入面肉汁豐富，好食過出面餐廳！原隻燒雞係重中之重，工作人員會將佢固定於炭爐之上，我地一邊喺下面燒其他野食，隻燒喺上面被慢烤，直到半熟後，工作人員會取走，再拎入廚房幫我地烤熟及斬件。燒雞外皮薄脆，雞肉鮮嫩，一啲都唔乾，正！呢個燒烤場除左燒野食

難得今日所有朋友都有空閑時間 便相約到馬鞍山白石燒烤場打算提早慶祝聖誕節 結果失望而回友人預先在白石燒烤場的官方網站 預定好一份5人套餐（$750）加一隻古法吊燒雞（$138）並需要在網上完成付款 因為燒烤場職員說如要預定座位 必須在網上預定 但網上只可以透過預先選購食物 並完成付款 才算是「已預定座位」無可奈何之下唯有預先在網上付全數 避免到達後沒有足夠食物和座位到達燒烤場後 職員很快速便幫我們把爐透好 我們也迫不急待地去取回我們預先訂好了的5人優惠套餐可惜 當我們看到套餐的份量 我們相當驚訝 （可參閱下圖，有圖有真相）所謂的5人優惠套餐 （$750）根本不足夠5位成年人享用！！！！每人只有每種「不到2粒」的魚蛋，每人一隻雞亦（每人合共2隻 因為有2款味道），各款肉類、扒類 每包只有3塊，每人每種扒類「一塊都沒有 」！相當過分！！！！！

秋風起準備進入冬天，又係時候約埋一班朋友出來bbq，今次大家約了去位於馬鞍山的白石bbq場地，離烏溪沙站20分鐘腳程，因為是星期日，所以一早打去訂位，店員細心教我們可以在烏溪沙站B出口的美聯物業對出搭接駁巴士，星期日就每半小時一班，逢15分及45分開出到白石。BBQ場地已經充滿了聖誕節氣氛，入口處有聖誕節的佈置。場地非常大而且面海，旁邊還有很多遊戲機如籃球場，飛標機等，還有小朋友的私家車仔，適合一家大細一齊活動的地方。我們一行六人點了一個五人海鮮餐及一隻燒雞，其實除了五人餐，還有十人餐及其他單點食物，視乎人數多寡再叫，免得浪費。有專人幫手開爐，掛好燒雞。全部食物都是一包包密豐包裝好，無寫明件數的多數是半磅為標準。如扒類的，半磅約有三塊；雞翼則有六件，份量十足，絕對夠食有餘。跟餐還有蜜糖、蒜蓉及牛油等調味料，即棄式餐具及紙巾，應有盡有，樣樣都齊備。汽水及水各有5枝，可以換自己喜歡的口味。先來的是燒海鮮，分別有蝦、青口及扇貝，蝦肉可能燒得太乾，比較難剝殻，但蝦肉都爽彈；青口及扇貝都以蒜蓉作調味，味道尚可。肉類中以雞翼及雞扒比較好味，尤其是咖哩雞扒醃得很入味，咖哩味濃郁，肉質嫩滑。其他快熟類