影片
今日出开一田买运动用品，见佢有部份位置仲装修紧，好彩FOOD COURT有开，基本上好多间都试过，LEE间都算系几好，LEE度嘅套餐系汤＋饭＋小食，价钱都算OK，而今次食LEE款：蕃茄杂菜海鲜汤：食过几次，都系觉得LEE款汤我最LIKE，蕃茄味够浓，食晚饭有个汤，感觉好好多，同佢另一款泡菜汤比较，泡菜汤就为淡一D。蚬肉饭：饭入面有小小蚬肉鲜味，本来谂住雪藏蚬会无味，原来都可以。但讲到佢咁多款饭，天津甘栗蕃薯饭真系最好味，甘栗蕃薯真系有阵香味漂出黎，今次试埋蚬肉，都系无得比。和风小食：唔敢推介，味道有D怪，唔系几啱我。有D菇，同埋有个似豆腐但又实小小嘅小食，冻冻地，唔知点形容。不过小食都系伴碟，对我嚟讲真系唔重要。
继续阅读
今日自己一个放工去左沙田买野，记起一田Food Court有间价钱唔贵，但个餐有汤、有饭、有𩠌的餐厅，谂住行去试下。汤要左碗「牛蒡汤」，都几好味，仲够热。个汤用左好多红萝卜去煮，所以个味都几清甜。饭我拣左碗「泡菜猪肉饭」，猪肉同泡菜汁都几浓，所以都几够味，不过肉的份量就少左DD。至于𩠌，我就拣左碟「东坡肉」，佢有彩椒一齐炒，不过肉的份量都系比较少，同埋唔算太香。50几蚊，想要一汤、一饭、一𩠌，都算系咁。不过份量唔算太大，男士未必会够饱。不过呢个价钱仲要有埋汤，都算少有了。
继续阅读
-18/10/2017食晒想食既野之后就开始食第二间所以今日系最后一次来食喇（应该系咁今日就食下佢个素面配蕃茄汤 同海鲜配料首先个面既份量唔太多 应该冇一碗面干左咁摆系到另上 系完全干晒 夹唔到变左一饼野咁 都唔紧要喇都明白佢冇水份就系咁跟住就好似沾面咁沾啲汤来食啦蕃茄汤都好正常甜甜酸酸咁有1粒帆立贝 2只虾 2块萝卜 2块薯仔 1块蕃茄 仲有啲洋葱 配料都okay既个份量味道正常 大多数都变左蕃茄味 只有萝卜同虾有返原本既味道薯仔几淋 总结：还可以啦但唔需要特别食食下佢个蕃薯饭仲好
继续阅读
之前记得系沙田试过 果阵时好似印象唔深刻 今次突然间谂起有尼一间 其他又谂唔到食咩 就决定再去食一次套餐汤加饭加小菜49蚊 同沙田新城市中其他餐厅价格还ok 适合一个人食星期五中午1点几 一田都算多人 要揾位我简左番茄杂菜鸡汤 五目饭 同一个蘑菇XX丸佢地饭系电饭煲里煲好几 汤系当场听到你order咩直接加热再加入现成既鸡/海鲜/杂菜五目饭唔错！满意 五目原意指五种蔬菜 我估五种蔬菜佢就一定无啦 不过加左鸡肉同油豆腐 饭同菜既比例令人满意 啖啖饭有菜番茄汤好似就有d无诚意 蔬菜得西兰花一件 仲有d甘笋 洋葱 薯仔 不过唔多小菜中既菇觉得系真空包装现成的 还有一个好似系鱼肉丸 好大 总体还不错 有汤有饭和小菜 一个人食菜式丰富 总体还算清淡健康 下次自己一个还会去吧
继续阅读
上次1离沙田一田呢个foodcourt试过呢间嘅套餐＄49有汤、饭同埋小食 汤同饭都好大碗 而且食材嘅配搭有住家饭嘅味道.今日唔太饿所以静系番茄杂菜海鲜汤 单叫＄25 虽然唔够上次多海鲜不过相比起其他餐厅都算系足料.海鲜唔系蟹柳果类假野 而系凡立贝同埋虾 虽然每样得一粒 厨房每次有人order先会放埋D海鲜落个汤底度煮 所以唔会太老.蔬菜方面呢 有红萝卜、西兰花、薯仔、蕃茄同埋洋葱 薯仔好似有D唔熟 其他蔬菜连埋应该系加左好多茄膏所以浓郁嘅蕃茄汤底 好好味.如果平时屋企唔煲汤离呢度饮一碗几好 又或者如果太饱但点都要食D野果阵当一餐都唔错
继续阅读