影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
光辉围附近不嬲都好多嘢食，佢哋出品都算唔错。价钱可以，唯一唔好就系装修比较暗。不过招呼都几好，应该可以喺附近企得住脚。碟头就细咗啲呢样嘢要扣分。希望佢改善下咁就Perfect啦。
继续阅读
今日lunch就谂住试下食尼间餐厅，见人都几多，谂住好食嘅。menu choice系好多嘅，我就叫左个日式咖喱吉列猪扒蛋包饭尼试下。首先餐厅环境就好差，好多苍蝇仔系度飞尼飞去，成餐饭都要系咁赶苍蝇。。。然后个饭等左成30分钟先尼到，仲要咖喱唔系日式，猪扒唔系吉列又细块，蛋系穿嘅，饭系黏嘅白饭！完全唔系果回事！ ！ ！好心整唔到就唔好出，你正正常常整个茶餐厅嘅咖喱饭咪得咯，搞咁多又要收贵啲，最后比个咁嘅饭人食。
继续阅读
叫咗个瓜粒海鲜粒汤饭，都唔知乜嘢叫做海鲜汤，混埋一齐咁叫做海鲜汤，有冬瓜 少量虾仔同几粒蟹柳加埋其他都唔知系乜嘢，初初以为见到一条虫喺碗汤里面，跟住影咗张相，我好细声叫个服务员睇睇系唔系虫，如果系叫佢换个碗畀我，跟住应该系厨房𠮶个系老细，凶神恶煞走埋嚟好恶死 好大声讲，佢话虫系有脚㗎，佢话呢个唔系虫，我同佢讲我只系叫你哋睇睇，如果唔系你咪畀番我啰，只是大家清楚D处理， 佢好似唔愿走仲想闹我，因为午餐时间到，所以佢冇再闹我 ，佢哋 态度又差 好似唔忧做，下次都唔会去帮衬佢。
继续阅读
走到食肆林立的光辉围，想叹一个醒神早餐🥣，友人介绍「发记厨房」，店舖不大， 大约容纳30 人左右，设卡位雅座，也有细圆枱。鲜茄薯仔🥔杂菜汤螺丝粉配火腿炒滑蛋、香脆奶油猪仔：用上金宝牌罗宋汤，汤头茄味香浓带甜，偏浓稠质感。螺丝粉有咬口增加口感，杂菜有洋葱🧅红萝卜，西芹，材料好丰富，毫不吝啬，食得出熬煮好耐，入味焾身。😍香脆猪仔可烘得再脆口点，边边位都系软焾，但炼奶够多，不错。滑蛋加上牛奶🥛，特别滑嫩。奶菜：茶底偏浓，即使冰融化了都盖不了茶味，足够淡奶撞入茶中，完美早餐🥣。总结：大推鲜茄薯仔🥔杂菜汤螺丝粉完美早餐
继续阅读
服务差！d嘢难食又无味！叫个外卖比原本要求时间迟成个钟，都唔知点做生意的！一系你就话人手唔够唔接外卖order, 五分钟路程你用30分钟先到,追极都只系话黎紧，同区而家唔系无餐厅食饭的！永不帮衬!!!
继续阅读