影片
影片
相片
+22
住开屯门嘅人都知道屯门井财街即系（红桥）一向非常多食肆 基本上我间间都食过晒🤤🤤最近我爱上咗去留白冰室食下午茶！每次入到去都好似去咗日本既小店咁！餐厅入面贴满咗宫崎骏嘅电影海报！虽然餐厅细细间 但都坐得舒服、好温馨！我见晏就都好多学生哥帮衬其实最紧要嘅系最近新推出咗个菠萝包！佢唔系普通菠萝包！系酥炸鸡扒菠萝包！！！个包外型成座山咁 鸡扒外脆内软！沙律酱同茄汁都落得好重手 同菠萝包好夹！自从食过一次之后我就爱上咗！成日心意意想去食！食完一个真系好鬼饱！好邪恶😆😆😆老板话迟啲会推出其他新款式！我都好期待想试吓😍
继续阅读
呢间餐厅自从由留白居酒屋转型变成而家嘅留白冰室，就成为咗我哋一家人嘅食堂，一个星期好多日都会嚟食早餐，有时晚晚又懒得煮饭，就嚟呢度啦，哈哈！呢度嘅环境比旧式茶餐厅舒服好多，亦好干净虽然食物种类唔算多，但有啲食物都好有创意。今晚又系懒懒地嘅日子，小朋友最钟意白汁猪扒意粉，每次都可以食哂一大碗，意粉软硬啱啱好，有啲餐厅嘅意粉太硬，唔啱细路仔，份量都唔少，我同小朋友分享一碟就饱晒。另外，蕃茄牛肉意粉，味道意外地好好食，冇喺其他地方食过，唔知系唔系留白自创嘅🙈🤣！？基本上，每碟意粉都有上蕃茄汁，好唔错呀我哋最钟意坐喺外面嘅位，最近天气有啲风，好舒服。其实最紧要系可以睇到车，唔使每次食饭都提心吊胆～怕被抄牌，哈哈！推介俾各位司机啦。
继续阅读
1. 点左餐等成半个钟先有得食 仲要催一催先有 2. 餐肉火腿通，我特登加个蕃茄汤底，点知超级稀 佢真系纯粹放一下蕃茄汁落去就算3. 个餐肉完全冇煎过😞😞😞环境几好 但食物质素有点失望😞
继续阅读
身为屯门人都知道虹桥超多餐厅选择，呢间日式装修风格既餐厅真系完全估吾到原来系冰室来的。见到好多街坊同学生哥黎帮衬，冰室黎讲环境真心靓！！我地坐左outdoor位置，呢个天气非常舒服，好有feel～中午依然有早餐，身为蕃茄爱好者，点可以唔叫蕃茄牛肉面，汤底非常浓郁，感觉到蕃茄蓉，老板同我讲蕃茄汤系自家煲的，唔怪得知我饮晒都唔觉得好口渴，用心之作！多士同炒蛋都好味，冻柠檬茶就正正常常喇，大大杯都几抵既
继续阅读