92
12
11
港铁铜锣湾站 A 出口, 步行约10分钟; 集成中心旁边 继续阅读
电话号码
25710913
开饭介绍
曾于2011年获米芝莲一星殊荣。 继续阅读
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
付款方式
Visa Master 现金 美国运通
座位数目
100
其他资料
网上订座
酒精饮料
自带酒水
包厢
泊车
外卖服务
加一服务费
有关奖赏计划
食记 (140)
等级4 2022-02-19
1778 浏览
庆祝生日约咗朋友嚟食留家厨房,本身约夜晚,但又停晚市堂食,唯有改食午市变咗饮茶。餐牌上选择都好多,第一次嚟所以嗌咗啲招牌菜留家烟燻鸡同太史戈渣。叉烧都系招牌菜,我哋都好有兴趣,但侍应只答一句「而家无喎」。唔知系嗰日卖晒,还是午市无供应,唔明佢咩意思…首先上枱嘅系留家烟燻鸡,一上枱就闻到好香烟燻味食落带烟燻味嘅卤水非常香。鸡皮薄,脂肪唔会太多,鸡肉嫩滑,就连鸡胸位都好滑完全唔鞋用上新鲜鸡所以有埋鸡肝同鸡肾,鸡肝甘香,鸡肾爽口,两样都好食另一招牌菜 - 太史戈渣,以高汤加鸡蛋再上粉炸成,系个好花功夫嘅菜式。食时加啲白砂糖喺面,表面酥脆,味道好似玉子豆腐,同样口感滑溜,但就多咗高汤嘅味道。苔条九肚鱼粉浆够薄,炸得非常酥脆,而且唔油腻内里九肚鱼嫩滑鲜味,带点海苔嘅香味。炸到金黄色嘅虾多士卖相好靓,食落多士酥脆唔油腻,虾肉鲜味有弹性星期日限定嘅三色带子饺造型精致,表面橙色系蟹籽,黄色绿色分别系粟米同菜粒。内馅除咗有带子仲有虾肉,虾味比带子味道更突出。火鸭丝肠粉皮厚薄适中,中间夹住好多火鸭丝,好足料芋角比起一般无咁油腻,内馅芋泥绵密,好好味凤凰煎米鸡系煎嘅糯米鸡,表面煎到微燶,口感同煲仔饭饭焦相似,锺意食饭焦嘅会好锺意呢个!炒饭粒粒分明有镬气炒贵刁都同样有镬气,而且唔会过份油腻。整体嚟讲食物有水准质素高,环境亦坐得舒服。唯一系侍应服务好有进步空间!我本身对服务都算无乜要求,喺香港食呢啲几百蚊一餐都唔会求有咩特别好服务,做到基本嘢就得,但个别侍应连基本都做唔到,希望餐厅可以改善下。 继续阅读
(以上食记乃用户个人意见 , 并不代表OpenRice之观点。)
等级3 2022-04-12
573 浏览
今次同埋一样咁锺意食中菜嘅 foodie朋友 去左一向口碑载道嘅留家厨房💛!留家叉烧 🐖 以猪嘅脢头嘴部位制作,水准的确拍得住某几间星级中菜餐厅。叉烧嘅肉质够腍而不会过实,燶边位置非常正正,其他位置松化易咬,蜜味腌制得刚刚适中,不会过甜。绝对系qualify为留家嘅招牌菜。杏汁菜胆炖白肺 🐽 🫁🍲一拎起🥄就知非常足料,润一润、补一补,啖啖都嚐到香浓嘅杏仁味道😌留家烟燻鸡 🐓 ,经玫瑰露及豉油腌制後,再烟燻,一上菜就闻到阵阵香味,鲜鸡皮薄肉滑,但个人认为整得再入味啲会更加好食🥴最後压轴出场嘅系葱油拌竹升面 🍜 哗!条条都非常弹牙,亦冇乜硷水味,再加上惹味的葱油,教我如何不爱它?😌📍 留家厨房湾仔轩尼诗道 314-324 号 W Square 5 楼全层 继续阅读
(以上食记乃用户个人意见 , 并不代表OpenRice之观点。)
等级4 2022-02-23
584 浏览
光顾留家厨房,一定要有准备,由於全部都系心机菜,所以订位嘅时候已经订埋菜式。镇店之宝留家烟燻鸡,据称用足 100 日大嘅靓鸡先以卤汁浸熟,再用片糖,甘蔗同乾玫瑰花蕾烟燻而成,平时最锺意食烟燻食物嘅我当然觉得劲正,一放入口就闻到朕烟燻香味🤤。另一样我觉得好好食嘅系留家叉烧,据称系采用较为罕有嘅梅头咀,并以廖孖记酱料腌制,即叫即烧,肥瘦均匀,蜜汁香甜肉味浓,仲有我最锺意嘅燶边,💯分。虾子柚皮平时好少食,今次一食又系爱上,两大块柚皮炆得好腍,差啲入口即溶,据闻系用金华火腿鲜鸡汤炆,难怪咁入味;芡汁口感偏稠,入面有我最锺意嘅虾籽,好正。冬瓜盅又系我嘅至爱,用料丰富,汤汁鲜甜,饮一碗其实唔系好够喉😂。梅菜蒸芥胆又系第一次食,重点系咸香嘅梅菜,芥胆反而变咗配角。最後系制作劲需时嘅太史戈渣,呢个原本系北京街头小吃,主要以上汤,鸡蛋同粟粉制成,食落味道有啲似玉子豆腐,几特别,但唔算得上好好食。值得一提系呢度嘅白饭,同伴话系用好贵嘅日本电饭煲煮,特别好味,我唔系饭控,其实唔太食得出个分别😂。 继续阅读
(以上食记乃用户个人意见 , 并不代表OpenRice之观点。)
等级2 2022-02-13
556 浏览
一班人食饭要食中菜嘅话最近都成日去搵留家厨房,去酒店收费又太贵,去普通酒楼食物好多时真系又冻又无味,留家厨房无论系午市点心或者系晚市小菜都非常可靠。没有太多嘅花巧,扎扎实实既粤式点心,食得满足又开心!推介润肠卷同煎糯米鸡,其他地方好少见到。而每次必叫的有佢地既茶燻鸡,燻得很入味,唔只皮香,肉也渗透烟燻味,食过好几次水准都稳定。仲有必试佢嘅炒面,炒得乾身又弹牙,同平时酒楼炒嘅完全系两回事,配上辣椒酱,食得好饱都要忍唔住食多两啖! 继续阅读
(以上食记乃用户个人意见 , 并不代表OpenRice之观点。)
等级4 2022-01-31
428 浏览
留家厨房:另一间传统手工粤菜之选太史戈渣: 我谂除咗七福、文华厅之外,佢应该系其中一间有呢道菜嘅粤菜店个人最锺意煎酿龙牙豆,食完就知道佢嘅功夫非同凡响,即系鲮鱼酿豆角,爽脆。葱油虾子面,就算我知道佢喺长沙湾坤记入货,我都做唔到佢嘅功价,炒出每条银丝,爽而不油臭豆腐云呑又去令一度10分少有的菜式价钱公道、值得一去 继续阅读
(以上食记乃用户个人意见 , 并不代表OpenRice之观点。)