影片
港铁会展站A2出口, 步行约11分钟; 集成中心旁边
继续阅读
电话号码
25710913
开饭介绍
曾于2011年获米芝莲一星殊荣。
继续阅读
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
以上资料只供参考，请与餐厅确认详情
相关文章
平日下午相约朋友，再访留家。两人饮茶，点了二人餐，另加点了招牌的烟熏鸡和一个点心（其实二人餐的份量已很足够，只是嘴馋想多尝几道菜）。是日老火汤。生熟地煲猪𦟌喜欢留家的老火汤用炖盅上，热度非常足够，还能边吃饭边慢慢喝都保持温度。这次是生熟地汤，汤色深沈，清澈少油，入口带些少药材味的回甘，喝起来很顺口。好奇之下问了侍应，她说这有清热作用。虾饺二人餐的点心可选两款，每款两件。虾饺做成一口大小，皮薄而馅料新鲜。猪膶烧卖好澎湃的猪膶！猪膶烧卖这道传统点心不常见，留家的绝对能满足爱好此道之人，皆因猪膶份量十足，完全盖过了烧卖。难得是蒸的火喉恰到好处，猪膶刚刚熟而粉嫩爽滑（不是黄沙猪膶的质地），带浓浓的姜汁味，大块又厚切，一口根本吃不了，过瘾又滋味。蓝莓骨可看成咕噜肉的变奏，酥炸的一字排裹上蓝莓酱，酸酸甜甜的，香口开胃。一字排有「肉地」，偏肥，油香十足。鱼汤浸杂菜每次都会点的菜，热腾腾原煲上枱。鱼汤有冬菇片和瑶柱丝，芥菜胆、西兰花、菜心和白菜都尽吸了鱼汤的精华，腍甜、简单而鲜美。牛筋 （散叫）看起来像凤爪，不过味道是传统的柱侯酱，非常惹味。喜欢牛筋是原条上，不会湿湿碎碎，难得是大大条也炆得入味而软硬适中，有啫喱的口感之余又不会全冇咬口。一笼有4大条，份量很慷慨。烟熏鸡（半只）（散叫）每次点这道菜，烟熏的程度都有些不同；今次一上枱时就传来浓香的烟熏味。鸡肉全熟而嫩滑；食这味菜一定要食皮，因烟熏的过程是由外到内，香味主要集中在外皮，肉愈薄的部位也会更入味。特爱它附上的鸡杂，比鸡皮更入味，鸡膶粉粉的质感很好吃，说是为了鸡杂而点这道菜也不为过。如果能单点一味烟熏鸡杂就好了，店家可不可以考虑一下呢？留家的𩠌菜、点心和老火汤调味都较轻，空口吃也不会太咸。莲子红豆沙一如其他𩠌菜，调味轻手而不太甜。红豆大粒又起沙，莲子粉嫩（可惜只有一粒），是吃饱喝足之后很不错的结尾。由订座时接听电话的姐姐到楼面的侍应，态度都很好，特别是一位侍应阿姨，总是笑容满面，亲切而不会冷冰冰的，令这次饮茶特别愉快。
继续阅读
又话京葱乳鸽系招牌之一，成$200一只鸽，仲要专登预订，以为系用心菜式，贵啲都试吓啦，点知佢差到啲肉系霉既，无肉味 又无肉汁流出 ，连鸽脾啲肉又实又鞋，干柴皮咁，都肯定佢唔系用新鲜乳鸽，但系差到求其喺街市买只炸乳鸽都好食过佢😖之后点每一款菜式食完亦无咩印象，叫咗8-9款菜式，唯一一碟腊味炒饭好食之外，其余都系麻麻地🫤啲服务员亦唔叫做好服务，如果想留住香港人留港用餐，请呢啲餐厅先用心做好啲菜式！ 唔好等执粒既时候问点解啲人唔留港消费，失望极至！
继续阅读
好多年前曾经帮衬过留园厨房，当时觉得非常出色！时间几年，发现原来佢嘅中午系有提供套餐的，咁性价比应该几高！当日就试咗个二人套餐，大约二百几蚊，系两个人㖞！里面有点心同埋小菜选择，𠮶个套餐系包例汤，两款点心两款小菜，白饭同埋甜品！咁一场嚟到，当然叫返佢啲拿手小菜啦！最后嗌咗灌汤饺、半只烟熏鸡，仲加咗黑芝麻卷添！先讲返个套餐，首先嚟系老火汤！个汤都几浓，甜甜地几好饮！呢个唔错！点心方面我就嗌咗虾饺，同虫草花鲜竹卷。两个点心都正正常常，都算唔错！小菜方面我就嗌咗菠萝咕噜肉，同一个野生椒炆冬瓜！两个都系佢嘅经典小菜，整体都OK，两个都系平凡嘅菜式，但系都实践到不平凡之处！我系收货！讲返佢嘅烟熏鸡，呢个𩠌基本上系佢嘅招牌菜，食嘅时候已经充满期望，到最后亦都觉得唔错！系嫩滑嘅，而且亦都有浓浓嘅烟熏味！我自己就觉得几好！另外叫咗个灌汤饺，可以用皮薄馅靓嚟形容！里面嘅肉汁都好丰富，配埋啲醋更加出色！另外甜品嘅芝麻卷亦都几好，整体上价钱好合理！佢系楼上舖，但系我午市去到嘅时候都见，基本上所有枱都坐晒！证明佢有一定号召力！如果喺湾仔嚟讲，我觉得性价比极高！下次再嚟一定会再帮衬！
继续阅读
阿妈生日，专登成家人一齐去食铁片仔灌汤饺，我地叫咗5只，一人一只，但其中一只个皮边好硬，明显系摆最顶𠮶只蒸得唔够透。灌汤饺都几大只，但只铁片仔就细咗少少，将只饺移落碗想唔穿皮都真系有少少难度。猪润烧卖及虾饺好食，又其猪润烧卖，摆凉咗件猪润都唔会又硬又嚡口，另外好欣赏蓝莓骨，酸酸甜甜好开胃。铁片仔灌汤饺系我童年回忆，所以嚟嘅原因都系为咗想食灌汤饺。而餐厅都坐得舒服嘅，每张枱都唔会好近，所以唔会同其他食客背对背坐。
继续阅读
相隔有两年再次光顾，食物水准依然保持得好好，个葱油伴竹升面外表平平无奇，但好食都震，面质系我最钟意既Q 弹感云吞面质地，个炸葱丝完全将味道提升，因为太好食所以问部长，先得知原来个面系从深水埗坤记拎货。另外冲绳黑糖咕噜肉个肉质亦非常松软，调味亦非常到位。几个朋友好钟意个慢煮牛肋排，不过因为我系好怕食少过7成熟牛排既人，所以对我来说有点好似食紧生牛肉咁。杏汁菜胆白肺汤好好饮，够浓味，冇俾杏仁抢晒个味。留家叉烧都系必食。唯一要弹系个冷气唔够，朋友系女仔，但都话好热，唔知系坏左一个冷气定系专登调到好似得25度，系呢方面要改善下。
继续阅读