影片
啱啱先系街坊口中得知开左间炸脾店，点知星期二试完，星期五就得知佢唔做嘅消息，真系晴天霹雳😱难得有间近近地，好味又抵食嘅炸脾店嘛🥲街坊话开左系鸡地，就沿路揾下，毕竟叫好xx大厦实在太多，一时间真系唔知近边，原来系学校对面，前韩烧个舖。一坐低店员就比张qr code话自行落单，一早已经决定左食咩，谂都唔谂就落啦。只脾即叫即炸制作需时，同时间店内有四枱客人，相信个个都系叫炸脾。🥤冻奶茶野饮先到，要了冻奶茶多奶少甜，个落单介面几好，好多选项总可以拣到啱心水。🍗黄到金炸鸡脾煎蛋饭上枱时真系超香，只鸡脾好大只，又香又脆，上面嘅咸蛋黄酱劲重手，厚厚一层超正，咸蛋黄迷表示满意～仲有太阳蛋同少许蔬菜伴碟，饭份量都好多，一碟太饱食唔晒，包走左半只脾。见店长系fb讲话人流好少所以唔做🥲希望佢有机会再开啦，啱啱先知就无左，仲要咁好食，真系好可惜。
继续阅读
🔹巴蜀辣粉生炸鸡脾煎蛋饭 $55饭可以拣黑椒汁/瑞士汁/沙嗲汁/茄汁/咖哩汁/麻辣汁+$2拣咗黑椒汁 都唔错 唔算好重黑椒味 唔会好辣巴蜀辣粉试味就咁食会咸多过辣 但加埋鸡脾食又几好食 好香好惹味 鸡髀size适中 唔算超大只 不过只碟就偏细😹一开始食唔够位切有啲论尽 🔹吉列炸脾煎蛋饭 $58拣咗沙嗲汁 花生味几香 汁可以另上架 方便啲控制个份量 吉列拉开咗条骨炸到睇落好大只🤣炸粉唔算厚 都几香脆 多咗层炸粉即刻饱到食唔哂 有层粉包住啲鸡髀肉都热好多 喜爱吉列嘅朋友可以试吓📍元朗凤攸南街好顺景大厦2座地下30号舖🍴揾返相关地区👉🏻 #90sfoodieshare_元朗#食在元朗
继续阅读
Yoho mall 附近开咗间新小店环境舒服和干净服务员好亲切有笑容☺️印象已经几好👏🏻👏🏻👏🏻食物种类都几多除咗三文治及小食之外香港人最钟意嘅鸡髀、捞丁和卤水系列都有😂😂😂真系估唔到咁多嘢食👏🏻👏🏻👏🏻我和朋友叫咗两个下午茶麻辣汁猪扒捞丁份量很满意，同埋够热调味都适中，猪扒合格以上👏🏻👏🏻👏🏻芝士蛋饼配沙律酱第一次食卖相好靓好吸引蛋饼入边有劲多芝士芝士软身及有芝士味劲正👏🏻👏🏻👏🏻一定会食多次😂😂😂
继续阅读