町燒

营业中

休息中

食咗應該有十次 本身係粉絲好支持 因為好少鋪頭整得好食性價比高 而且店員都有禮 但同樣事情發生第2次 處理方式又唔好 就極失望 以後都唔會再幫襯 食飯食到買盲盒咁⚠️1. 之前有次收舖時間去買外賣牛肉飯，啲牛嘅質地又鞋又厚又韌，同以前啲肉嘅質素唔同咗。我嗰陣諗 可能係收舖時間 冇貨 或者其他原因，一直又好地地，所以俾多次機會佢。2. 有一次嗌豚肉（第一次試），個肉嘅質地，有啲奇怪偏硬身，以我所知正常唔應該係咁，但我嗰陣冇點擺上心。然後下一次再嗌 個肉嘅質地真係唔同咗，係正常豚肉（又薄又香嘅豚肉）。3. 到今日！今日！終於比我賴野，食返上一次嗰個質地嘅牛肉，係同一個肉質！又鞋又厚又靭，咬同吞都有啲辛苦。🙂‍↔️🙂‍↔️🙂‍↕️🙂‍↕️每次一開蓋都有牛油燶香味，但呢啲無脂方嘅瘦鞋肉係唔會有牛肉油脂味！激l死！有圖有真相，有原因有得睇但都唔退款比我🙂‍↔️ 我食吉野家牛肉飯都無咁嬲，起碼有事可以換。肉靚唔靚 一睇就知，一食就知。員工老闆可以唔知？整個個點解可以咁都出貨？無下次。唔好話香港人唔支持小店唔留港消費 邊個想貼錢買盲盒買難受！

幾鍾意呢間食店，間唔時入去食嘢、睇電視同埋傾偈。然後好大陣炙燒味，但我又聞得幾開心，件衫有味都叫無所謂啦。心情唔好/想chill下入去坐都係值得（漢堡肉/鴨胸幾好食）

店雖小，但食具裝潢很有居酒屋風味。食物質素尚佳，熱騰騰上更味美。店主雖然忙碌，仍用心製作，且禮貌周到。驚喜是一個普通的燒茄子，原來配上芝士及蛋焗成，只收$40，可惜沒有拍照。值得推薦的小店👍🏻❤️

睇HOY介紹來左呢度食飯。真係一間隱蔽嘅性價比之王嘅小店。我會繼續幫襯㗎！！鯖魚定食好味指數係：🤩🤩🤩🤩🤩味道咸淡程度剛好，條魚又夠juicy。而碗飯又大，飯素落得夠多，撈埋一齊，只有一個字可以形容「正」。食完超滿足！豚肉定食好味指數係：🤩🤩🤩🤩🤩啲豚肉片燒得好香，入口完全唔油，又有一陣香味。配飯一絕。牛肉定食好味指數係：🤩🤩🤩牛肉就稍稍遜色左小小，因為咸淡唔係幾均勻，有啲啱啱好，有啲就淡得濟。但係同樣夠燒味，香身，所以鐘意食牛肉的話可以試下～

我哋10個人附近跑完步，已經好夜，難得禾輋商場地下嘅食肆仲營業緊。整體係好有feel嘅日式居酒屋，老闆員工好親切，有禮貌。餐牌好有心思，係用手寫嘅🥹最重要係食物嘅質素，非常高質，全部即叫即整。重點推介：炸雞皮、炸雞翼、青魚定食、烏冬雞扒定食、燒牛肉定食、蟹肉薯餅等等。每款都好有心思，特別係炸物，好鬆脆，入口清爽，沒有油膩嘅感覺。價錢合理，性價比高，已經成為咗我同朋友嘅飯堂。好鐘意呢啲小店，值得支持！

游完水行左過呢邊食野，驚喜叫嘅所有野都即叫即燒，好味。餐牌唔太多野，啱哂我呢d選擇困難症人士。好肚餓，掛住食無乜影到相。三個人叫左燒香菇、燒魷魚、三文魚沙律、雞皮餃子、蟹肉忌廉薯餅，真係全部都非常好味。特別要讚下燒香菇，多汁又唔乾身又好入味。價錢合理，啱哂小小地朋友聚餐傾下計。D staff nice,成間舖都好Japanese vibe, casual舒適，充滿人情味。小店真係好味過新城市廣場果d餐廳好多。

牛肉定食好味，足料，又有新鮮沙律菜和紙包飲品，只係50蚊。豬腩肉串燒只係24蚊，非常好件，豬頸肉都好好食都係2 2蚊。試埋燒大香菇都唔錯。餐廳有個大電視，有時播懷舊歌都很有味道。

估唔到$48食到一份午市定食，仲包埋一包紙包飲品，無加一收費，抵食！而晚市通常都貴啲，但竟然佢又唔太貴喎，大約$50左右啦，同樣包一包紙包飲品。味道方面，試過好幾款定食，基本上大部份都好味，特別推薦灼燒牛肉定食。而佢某啲定食有包含炸物，啲炸物同樣好食，好脆唔油。至於燒物方面，以為平平無奇嘅燒栗米，點知比想像中好食，係唯一燒牛肋，呢個就真係有少少靭。環境亦好乾淨企理，店員服務態度友善，所以整體黎講真係幾好，會係食完下次想再幫襯。