影片
今天午饭又去田家食小锅过桥米线，吃小辣既有点劲度又不会食到标汗。 每碗都是即煑的，每次来汤底的热度都够高，可充份发挥酸、麻、辣的味道，寒天时食便最啱，过桥米线已包十一款𩠌料包括云南甘香火腿丶猪肉、牛肉、鸡肉、腐皮、豆卜、生菜、芽菜、韮菜、云南酸菜及秘制炒炸酱，材料非常丰富很足料。 我加六蚊要了一杯热柠蜜，以甜味解辣再啱，最欣赏这店的柠檬饮料都先去除果核才把皮肉打碎，省却笃柠檬的功夫。友善的老板娘Kitty介绍我试吃他们的秘制酱汁溏心皮蛋，味道及口感果然不同凡响，质素可媲美中环镛记的皮蛋酸姜，我很留心的吃著流心的皮蛋，入口即溶，皮蛋自然地流入喉咙内，而看似麻辣的红色酱汁，看来以麻味为主感觉不到太重的辣味，伴著皮蛋入口时有一阵清凉的感觉，更能突出皮蛋的独特味道，口感奇妙无穷，像喝三道茶的层次，一啖难忘丶两啖上瘾、三啖回味.......... 。两个字在心中油然而生 - 好得！#埔饮埔食
继续阅读
今日同伙计去大埔做嘢，佢系大埔友，特登带我嚟呢间田家云南米线。见到样样都吸引；我叫咗个虫草花手撕鸡米线：Le个汤底超正；老板娘话熬足八粒钟绝冇味精；啱晒我d寡佬。仲有鸡丝好嫩滑，配埋le款叫饵丝Ge云南面条；坚好味。Le只饵丝系正宗云南嘢；咁大个仔都未见过未食过。口感非常好；够晒烟韧。拍挡个小窝米线冇加𩠌但麻酱另上；再加个拌猪耳同香辣鸡翼。佢帮衬开真识食。拍挡话舖头庆祝两周年，2/6-2/7期间，买一份主食，即可半价加购一份小食。猪耳够爽口；鸡翼新鲜炸起；调味刚刚好。佢D麻酱调得亦啱啱好，唔会太辣，又唔会太多油；送米线超正。食米线，辣辣地配支蓝妹同冻柠宾；简直无得输。田家云南米线 (大埔)大埔南盛街16号南盛大厦地下1号舖
继续阅读
大埔区内好罕见到有非连锁既米线舖头，网上睇到佢地系用幼米线，专登揾日黎试下田家捞米线佢地既秘制炒肉碎好食好有风味，份量亦比得好多，一定要捞住米线黎食，如果唔系就会太重口味，亦都推介佢地既墨鱼虾春卷，口感比其他舖用既更加弹牙虫草花手撕鸡米线除左虫草花仲有云耳做配菜，加分！个汤头好好味，清甜得黎都好清爽，岩哂冬天时食完暖笠笠舖头晚饭时段堂食同外卖都多人，所以都要预小小时间上菜，但店员既态度都亲切，几有家庭味道
继续阅读
寻日中午好忙，去到成差唔多五点先食晏，嚟咗大埔呢间米线舖试一试。由于非繁忙时间，所以唔需要等位，点菜系传统嘅画纸仔模式。价钱就算适中但偏贵少少。叫咗一个云南过桥米线再加一份香草鸡翼。米线嘅味道同埋做法比谋大连锁集团正宗同埋好味，用料亦都充足，应该系为咗迎合香港人口味而冇好似传统一样有一浸油喺面。香草鸡翼就好似冇乜特别，同埋整出嚟唔系好够热。如果想饮水，就要自己行去水巴度自助服务，整体嚟讲算系一间有诚意嘅米线小店，连店舖内嘅装修都用过一番心思，可以推荐一下。
继续阅读
因为想食米线而特登走入嚟食😚 叫咗肥牛 豆腐 微辣～～微辣系真微辣 唔会食到流汗 麻味酸味都几够平均😗汤底浓郁 汤底有酸菜 芽菜 腐皮 肉碎～但因为系幼米线 反而唔够挂汤😩同唔系咁啱当刻既我不过肥牛好食 亦都好难得有一间米线店有滑豆腐做𩠌❤️不过落单要小心，因为呢度张纸仔 唔tick辣度default 系小辣 要tick埋清汤先冇辣😌仲有就系落单叫野饮啲走甜 少甜 我同隔离枱都落错单～ 要double check 有冇落啱呀～
继续阅读
您可能会有兴趣的...