生龍茶餐廳 (已結業)

呢日經過大埔，見到大明里個邊好多餐廳，口痕想搵小食，見到呢間啲小食幾特別，有咖哩小食、煮炸食品、麻辣小食。最後我揀左麻辣牛脷。▪️麻辣牛脷 $36牛脷用上牛脷芯，而且煮得非常腍，一啲都冇平時食開嘅牛脷咁又韌又多渣。麻辣汁香辣得黎又帶點麻，非常好食！另外出乎意料之外嘅係$36原本以為份量會少，始終係街食牛脷都唔平。但係打開盒發現竟然有成7大舊，仲要每一件都係厚切，非常抵食！📍生龍茶餐廳大埔廣福里12號地舖…查看更多

咖喱好味，三隻難度，可供選擇，另可選擇飯，面及薄餅👍豬膶牛肉米線，豬潤香滑，蕃茄湯底好飲！檸檬茶，茶底香不澀口非常好飲！還有很多小食，但已吃不下了！下次再來！…查看更多

下午茶時間叫餐，個老闆娘幫我落單。之後另外個伙計好快就遞左碗湯上黎。因為我知道下午茶係無包湯既，我再望望個牌就問，乜唔係下午茶咩？老闆娘就話，你唔係要快餐咩？下午茶無湯。我講左話要下午茶，但佢都無乜反應咁，無好主動話:咁幫你改返張單，咁我已經sense到係想食我錢喇，因為個職員已經遞左碗湯上黎，唔好意思再同距嘈，唯有照要，但我已經覺得感覺唔係幾好，比人焗要快餐咁，雖然幾蚊雞好少，但做生意咁唔老實，唔會想再幫襯，街坊生意都咁樣呃人。…查看更多

伙記態度奇差，叫例牌68牛腩，問我要唔要辣，我答唔駛辣，之後轉頭來話一定要辣，因為啲牛腩係工場岀嘅，咁我答咁好啦，咁少辣啦，轉個頭來老屈話我叫嗰個得78蚊咖哩腩叫，話無68蚊嘅叫，如果我唔要辣，就得百幾蚊嘅清湯腩先有得叫。我指住個餐牌問咁呢個68蚊嘅係咩來，個呀姐先死死氣落單，之後仲話，係我自己要求要辣牛腩，仲要老屈我講錯，仲一路行一路口upup, 到我發火個收銀先出來問咩事。等左餐來到，凍嘅。原本街坊餐廳都無咩所謂，不過咁唔老實嘅就永不幫襯。…查看更多

放工有啲攰，本身打算先散步再去食飯，但最後都係選擇食飯，人大左真係無咁多力氣朋友介紹呢間食巴基斯坦咖哩好出名，今日就決定去食咖喱！蒜香豬紅好味道嗌左個套餐有一個麵加一個小食，餐牌有好多種小食，咁岩又好想食豬紅，所以就揀左超好彩咁岩嗌左最後一份豬紅豬紅一咬竟然係熱辣辣，估佢唔到有少少辣，蒜味超香濃，份量有十幾粒，大滿足鹽香雞米線好味道除左馳名咖哩，雞米線既口味係個人黎講最鐘意湯有啲雞油閃閃發亮，湯底咸香順口，唔係啲味精湯雞件滿哂湯面，雞肉唔係嫩滑個種，但咬落有雞味最後成碗雞湯飲哂餐湯好味道真材實料，有紅蘿蔔又有冬瓜，飲落有家的味道咖喱薯仔安格斯牛腩好味道鎮店之寶果然真係名不虛傳係好重香料味，有啲似大快活既咖喱味道，但更加有層次啲牛腩十級好味超級軟爛，最後食到一滴咖喱都無淨薄餅好味道跟餐加$8轉薄餅，有兩片成塊面咁大既薄餅煎到香脆配咖喱一流！不過如果有多啲就好因爲好好味好快就食哂嗌左凍飲，餐廳好細心，上枱係無飲管如果客人有需要先自己拎順帶一提，侍應姐姐都超好服務見到兩個人食，主動拎碗仔又比碟仔超細心！埋單仲要每人$60就得！超級抵食…查看更多

真是不明白，OpenRice這裡只存在好和讚的食評！食客應睇到食店真實面才算是中肯！極希望這食評會被公開發佈！是日下午路過附近，想一試牛腩便進店。點了兩份下午茶餐，乾炒叉燒公仔麵和咖哩牛腩火腿撈一丁。前者由送到餐第一眼已不滿是怎麼一回事！天呀！這麼樣的東西是茶餐廳出品？份量少、油炒麵、洋蔥很生、叉燒如薄片豬排般，整碟麵只是滿口油味，油膩感十足！後者牛腩碎粒甚肥，賣相一般，味道尚可。總結，不會幫光顧第二次，因為有圖有真相，唔想食客再中伏！再一次希望這食評能夠被公開發佈🙏🏻OpenRice篩選食評是絕對公平公正的…查看更多

一向鍾情蒸飯嘅我，每次經過呢間茶餐廳都話，下次要幫襯，下次又下次之下，終於揾到次嚟一嚐佢哋嘅蒸飯。坐咗約半個鐘等人，就問蒸飯要等幾耐，可以預時間落單嘛，伯伯見我洗食具，我問佢可唔可以比 2 個碗仔我，佢都用熱水淥過先比我，真窩心 💝是晚無黃膳，於是叫咗蒸田雞飯，醃料唔太均勻，冬菇有啲過咸，其他都算可以。另外叫咗個釀尖椒，問伯伯會唔會好辣，伯伯話講唔到，連街市賣椒嘅都話唔到你聽，咁照叫啦，真係有啲辣呀，但都好好味 👍下次可以試其他，睇相啲咖啡都好似幾吸引 😍…查看更多

上星期走去一樂無開，再去繼續無開，門口貼著張告示，是否講執左笠？原來放長假呢，如果早前行去睇睇就唔洗再摸門釘。唯有是但求其附近轉食麵，還掂都有諗過第 2 選擇食生龍。侍應叔叔嬸嬸都非常主動落力，招乎都周到，使得我受寵若驚，叔叔還懂簡單的英語能幫外藉食客落單呢。嬸嬸甚至企到門口拉客，十分認真，我都好耐無見過如此進取及敬業樂業。香港地生意一年比一年難做，競爭激烈，舖租被大陸州民、自由行、水貨客炒至天價。每日一堆一堆低技術新移民湧黎香港，人力供過於求，所以薪金跟住下調，但政府走去搞最低工資及強職金，更百上加斤 ﹗人工無得加，但柴米油鹽樣樣加，車費、飯錢照樣加，點頂呀 ﹗香港淪陷後，慘不忍睹，見者傷心，聽者流淚，其實我都係其中一個受害者呢 ﹗生龍從廣福道大街搬到內街，雖然多左閣樓雅座，但舖面十分夾窄，要用上迷你方檯，頂手頂腳。迷你卡位、迷你櫈仔，非常坐得不舒服，比小朋友坐就差不多 ﹗坐近門口熱到我滴晒汗，坐到最入貼住廚房都係好熱，坐係中間樓梯附近比較清涼，唔知樓上閣樓情況又如何呢？四大名物，咖哩、茄湯、雲吞湯、牛骨湯牛腩，真的嗎？以前專注只做清湯腩，現在專營茶餐廳，菜色多樣化，蒸餸蒸飯、小炒小菜、炒粉麵飯、快餐雞牛豬扒加汁、等等。凍齋啡走甜，水喉水味強烈，冰塊的問題嗎？腐乳通菜，通菜好爽好多汁但無菜甜味，全靠腐乳咸咸的味道。腐乳通菜，配上橡筋、粉絲、肥膏更好味？咖哩牛腩飯大辣，牛腩普通無特別，碎濕濕不完整，味道清甜，質感滿意，彈彈滑滑亦無渣。咖哩汁港味濃，有大快活影子，跟印度咖哩差九里遠望塵莫及，巴基斯坦都稱不上！試過大埔咖哩至尊、油麻地阿龍咖哩先啦！係咪大辣黎架？只有小辣程度。牛爽腩撈粗走蔥，飲幾啖清湯開開胃先。牛精味非常濃郁霸道，硬係假假地，不黏不膠，跟群記相差百萬里遠，可能跟撈麵的只給普通清湯掛，並不是牛骨濃湯。忘記了清湯腩無汁撈麵加喎，不像五香或柱侯呢，淋點清湯撈辣椒油食吧！辣椒渣微辣微香，掛在彈彈粗麵也不錯，不過腍又不粉不漿嘴的麵質，合格。爽腩味道極濃，甜味霸道，半肥瘦甜美可口。鬆軟綿綿而部份帶爽，色香味俱全，但欠缺膠質，滿意滿足，可以再幫襯呀 ﹗花雕醉雞，酒味強勁加嗆喉，感受不到清香甜美。，砂冰醉雞有創意！一層肉一層冰，唔想浪費硬呑，牙齒凍到麻痺。可否給碗熱湯我浸浸呢？崩砂腩伊麵走蔥，雖崩砂腩不太崩砂，但滿分好好食，回味無窮！湯底超濃郁，牛腩漿嘴肉滑，讓彈滑嚥韌伊麵捲著鬆軟綿滑沙腩，大啖大啖塞進嘴裡去！暢快舒適無比滿足，不用辣椒油，原汁原味美妙極了！粉葛湯，叫飯有例湯送，多謝。住家感覺揚揚，味濃清甜，絕對純天然無味精，趁熱飲無得輸呀！咖哩坑腩飯大辣，生龍供應既爽腩、坑腩、崩砂腩分別不明顯，款款都好似差無幾。只有爽腩明顯較多膠質，全部都非常軟綿綿，牛味甜美濃郁，肉汁澎湃可口，跟群記完全兩種風格，食到唔停口！大辣咖哩充滿中東、印度香料味道，夠香夠辣十分刺激，溫度由胃散發再運行全身，額頭汗珠微滲，感覺良好，爽爽的！大大啖咖哩包著大大舊坑腩躺在大大堆白飯上，擘盡我的櫻桃小嘴塞入去，非常充實，好食到震﹗大辣咖哩辣度夠堅，好爽啊！沙薑雞例牌，食完個咖哩牛腩飯隻雞先飛到！我真係等得不耐煩，心想撈咖哩汁自製咖哩雞，尊登留起少少白飯少少咖哩汁架！半暖半凍，沒有熱的感覺，估計因為要解凍再翻熱，所以遲遲未到。沙薑汁咸香可口，不過份不過濃，剛剛好。全熟雞髀肉滑溜彈牙，雞胸軟棉有咬口，不乾不硬又無渣，高質咸雞是也。最初想飲紫菜牛骨湯跟蒸飯一齊上，肥姐突然端上美味香噴噴青紅蘿蔔豬骨湯，巧合地跟午飯碗例湯一樣，下次先牛骨湯啦！滾熱辣入口，真材實料清甜濃味熱燙燙，香甜味美無添加，那有不好飲的理由，即時一飲而盡好味道。安格斯牛腩例牌，我問左兩次收銀肥姐有無落錯呢？最終都係錯，送上安格斯牛腩飯，激死我﹗我要淨食呀。四眼叔叔立即主動幫我跟進，唔該您呀。雖然非常微弱，但安格斯離不開雪藏味道，未能完全被醬汁淹沒。牛腩質地似足五香肉丁，鞋硬中帶點點鬆化，味道悶死十分單調。淋上辣椒油再試，估不到肉質味道竟然同五香肉丁一模一樣，勁喎！墊底蘿蔔爽甜不酸，但去皮不夠深不徹底，舊舊都有皮渣咯。荷香蒸籠仔鳳爪排骨飯，即叫即蒸，製作需時要耐心等候。新鮮熱辣送到，香噴噴的香蒜排骨氣味，荷香較薄弱。那麼大籠啊！白飯足夠兩碗，但排骨得一份乍喎，那夠送飯。仲有兩隻香雞鳳爪，我都專登同阿嬸講要淨排骨飯，唔要食鳳爪，死都要落鳳爪排骨飯，無您辦法。難食都要食，唔想浪費﹗超強而濃烈的雪藏味，瘦猛得層皮的雞腳，乾爭爭縮晒水喎，到底雪左幾多年？千年醃，咸到苦﹗不如唔好加鳳爪，格硬都無用，扣晒分！排骨好得好掂好得，正正正呀﹗半肥瘦嫩滑彈牙，充滿肉香肉甜，汁液激射，醃味可口使到食慾大振！幾乎完全無骨，啖啖嫩肉無得頂！讓她躺在香蒜白飯上，惹味無窮，好幸福呀，我仲想食多幾啖呢！淋上豉油再食，極為失望！咸濁膩滯，甜豉油調得不好，即刻唔想食喇！唔撈好過撈，扒多幾啖香蒜無豉油飯先，好食好食。表層飯比較濕爛，跟下層乾爽飯撈均再食就好好多喇。淨雲吞走蔥，好食過絕大部份以雲吞作招牌菜既麵家。熱騰騰送到，成粒啪一趙爆汁！灌湯雲吞結實不散，蝦仁鮮爽彈滑不腥不嗅不咸，豬肉香甜嚥韌，新鮮沒半點隔夜氣味或雪藏質感，連湯倒入口，絕頂美味。爽腩河走蔥，似坑腩多過爽腩，欠黏膠爽脆。三種腩位分得不夠清晰，幸好高質滿分。彈牙的肉質，牛肉味濃厚，甜美肉汁每啖激射。就係依隻質地喇！烚得完整棉滑索湯，不散碎一氣呵成大啖啜，滿足到發夢都笑醒！掛埋大量辣椒油吸盡超濃牛骨湯，好食到使我欲仙欲死飄飄然！荷香籠仔陳皮豆豉黃鱔飯，落單時姐姐已提示製作時間較長，無緊要，我唔趕時間。竟然一等就 30 分鐘咯，完全超出我想像。大量豆豉薑絲跟陳皮芬芳飄送，淋下淡醬油再將所有配料及黃鱔絲撈得均勻與蒸飯完全融合，禮成即起動！惹味豆豉黏黏，薑辣併陳皮芳香，清爽飯粒軟滑黃鮮肉，出住煙入口品嚐。蠻不錯的色香味，滿意稱心，還穩弱散發點點荷香。飯多多肉少少，邊夠送飯喎。黃鱔清掉，唯有辣椒油撈飯。香辣併重辣椒油跟豉油撈飯味道相襯，無餸食都使得我食多四五六啖飯呢！牛清湯，不是普通的清湯喎，新轉的嗎？有著紅磡八寶清湯腩影子，有香料味有藥材味，特濃湯汁不單調，進步不少！牛肚撈麵走蔥走蠔油加腩汁，金錢肚炆得味濃入味，有著少少羶香，勁爽勁彈可口食多啖。幼麵長長極爽彈，一氣呵咸大啖啜就最開心暢快，趁熱快快食，放涼腩汁使到麵條有點咸呢。原計劃咖哩牛腩撈麵食，但遲遲都未送到，牛肚撈麵要專登留低一大半攤到凍晒喇！咖哩崩沙腩大辣撈麵，有兩舊特別鞋韌既？師傅不是以為咖哩汁黑媽媽遮住，我條皇帝脷就食不出來嗎？普通牛腩肉來的。加入大量咖哩汁連牛腩跟幼麵大大啖塞入口，辛辣甜美爽彈軟綿樣樣有，百花齊放！食慾激增好好味啊，撈麵放涼變得有點過咸。咖哩崩沙腩大辣配油酥餅，熱到燙手油餅捲著牛腩享用，金黃焦香，嚥韌而油香出眾咸咸的，配辣辣咖哩惹味醒神齊鼓掌！…查看更多

這天上完堂已六時多，就到大埔墟一帶找地方吃晚飯，來到生龍，看到門外的晚餐牌有梅菜蒸鯇魚飯$47，就決定在這裏吃，蒸魚要等廿分鐘😅，夠晒新鮮味美😋，魚肉肥美。另附送例湯。老公則點了柱候牛腩飯$52，他的評價是一般。另加了一碟油菜，選了菜芯。飲品方面點了熱horlick 及熱檸水，但來錯了菜蜜，不過也照喝了😅。…查看更多

附近實在太多餐廳食肆，和朋友行了一個圈每間看看，最後決定來這間吃，因有飯有粉麵選擇。我點了一個正斗雲吞麵$47，配郊外油菜，問店員有什麼菜時，她說了頭幾款一般的，然後竟然說有西洋菜，店員說這時候的西洋菜是最靚的，我和朋友也二話不說就點了西洋菜清湯上，在茶餐廳好像很少可以吃到西洋菜。朋友則點了蝦乾蒸肉餅飯$46。雲吞麵的麵很幼很爽口，雲吞足料好味，西洋菜簡直是一流，份量頗多，清湯也充滿西洋菜的味道。蝦乾蒸肉餅魬有很多蝦乾，但肉餅比較油，不過朋友說喜歡他是真材實料，沒有加很多生粉撈。滿意的一餐，店員招呼也很好。…查看更多

探完朋友既初生BB, 大埔唔熟路, 唔敢四圍行, 行到車站附近好多餐廳可以醫肚, 睇左一輪都唔知食咩好, 見到生龍清湯腩, 一間聽過但未食過既餐廳.清湯腩有粉麵配搭, 亦可散叫, 仲有其他香口小食, 另外仲有蒸魚, 雞類呢D小菜, 啱晒街坊開餐.夏天胃口無咁好, 所以要刺激味蕾既咖哩牛腩,咖哩汁比較杰, 咖哩味好香, 小辣唔算好辣. 牛腩夠入味, 軟腍唔韌無渣, 薯仔都夠腍.咖哩可以配薄餅食, 細細塊但夠厚身, 所以食落有口感, 即整夠熱, 烘到少少燶好香脆.原本想要個醉雞, 但同行友人揸車, 所以改要沙薑雞, 皮薄唔肥, 肉厚夠滑溜, 有雞味.…查看更多

今日黎到大埔返工,放工就約埋同D 同事去食飯就黎左呢間餐廳試一試，因為本人唔算食得好辣我點左一個,印度薄餅配咖哩汁，正宗籠仔蒸飯同埋酥炸雲吞。當餐送到既時候已經聞到好香咖哩味就係印度薄餅，首先我就試薄餅好重牛油香味而且重好有口感咖哩汁方面有小小辣但味道很好。到開始食蒸飯，第一個飯軟度非常好,排骨係用半肥瘦同好入味,個比例亦做得好至於個酥炸雲吞口感好鬆脆味度亦唔會因炸過而無左本身既味道再加上用甜酸醬配搭令到成個雲吞都好有味道…查看更多

講到最有香港特色嘅咖喱，同最有質素嘅牛腩，真係非呢間生龍清湯腩莫屬！反正我都已經唔係第一次食，不過今次先記得相機先食先講下比較傳統嘅籠仔蒸鳳爪排骨飯，宜家會用籠仔蒸嘅蒸飯已經買少見少，仲要唔洗係茶樓，係呢間茶記已經有得食！蒸飯入面滲透住鳳爪排骨嘅香氣，滲入口腔....排骨好入味，份量都好足！基本上每次必點嘅咖喱清湯腩飯！亦係呢度嘅招牌菜！咖喱配牛腩唔係咩特別嘅配搭，但係配清湯腩，就真係呢度獨創！仲有有辣度選擇，自由度好高。雖然係辛辣咖喱，但係入面似乎加入左d洋蔥之類嘅野，所以食落帶清甜！另外d清湯腩亦肥瘦適中，食落好軟熟！…查看更多

好耐都無食牛腩啦，今日心痕痕走衝左去牛腩，開頭諗住食下牛腩面甘啦，但系見到好多唔同牛腩煮法！一黎緊系試下佢既招牌清湯牛腩，一上台都見到好足料，都算大碟，底下有些白蘿蔔，也煮得很入味，沒根沒渣，食落入口即溶，口腔裡全是牛腩湯的味道。牛腩不肥食落唔太靭，香牛味，不油膩。 咖喱牛腩飯 好足料都夠兩人份量，咖喱味超香濃，不是普通吃的椰汁咖喱，是巴基咖喱的味道，配上香濃洋蔥番茄而製成的咖喱，所以咖喱撈飯吃也特別野味，也可吃上幾碗飯，放在咖喱的牛腩，也沒有偷工減料，牛的香味也沒有給咖喱味遮蓋，牛肉不銀口，咬落唔痴牙。…查看更多

食牛腩地方多不勝數，各種各樣的，但要搵到好食既牛腩地方一定不多，和有不同牛腩烹煮煮法，唔會甘獨沽一味清湯牛腩煮法。今日我叫左清湯牛腩，牛腩可選揀部位，不同部位不同價錢，當然吃起上來都有不同，我叫左牛坑腩，肥瘦均勻，食落唔靭，容易趙口，唔痴牙，香牛味，不太咸，吃完不口乾。再叫多個咖喱牛腩好香的咖喱味，不是平常吃的椰汁咖喱，是比較香濃的巴基斯坦咖喱，辣到可選擇，牛腩的香一點也沒有給咖喱遮蓋，牛腩唔靭。華田暴龍華田這杯嘢飲雖然好簡單，但也沖也要有技巧的， 十分香濃的華田味，沒有偷工減料，再配上面頭華田粉，飲落每一啖冰涼可口，一點也不太甜！…查看更多