生龍粉麵餐廳 (已結業)

尋日工作關係經過, 見到門口寫住' 可能係你食過最正斗o既雲吞麵',都係廿蚊, 好奇入去試o下,不過可以話唔算正斗o羅!湯底無味, 雲吞d蝦唔算好新鮮, 無鮮甜味, 最差係d 麵, 唔算爽口都算, 而係咬落有咸味,相信係打麵時落鹽太重手, 只能算係14, 5 蚊的普通貨色!見貼住d 剪報介紹牛腩, 下次都會o黎試o下,雲吞麵就唔使再試啦!

李笠翁在閒情偶語中有論食肉 : " 肉食者鄙，非鄙其食肉，鄙其不善謀也。食肉之人之不善謀者，以肥膩之精液，結而為脂，蔽障胸臆，尤之茅塞其心，使之不復有竅也。" 其實多嚼肥肉者會否因脂肪積聚而茅塞其心，不能善謀，令人變成傻瓜蠢才，本無甚科學証據，現代人大可一笑置之。只知牛腩如肉質缺乏脂肪，貌作 "瘦骨嶙峋" 狀者，吾必敬而遠之，畢竞膻香甘腴的牛腩才更合我口胃。生龍牛腩的特點就是濃。煽牯的魔力與普通貨色不可同日而語，肉味濃郁而質感腍滑。牛腩高湯完全與店名貼題，屬清湯派。據了解是每天用數十斤原條牛骨和素菜熬成，本屬佳品，可惜清淡有餘而甘香不足。需知如用牛骨熬湯需將骨頭打碎，骨髓中精華才可盡入於湯中.....這裡的咖哩是巴基斯坦和馬來西亞式的混合體 ， 稀稠程度在兩者之間，內含不少香料。一般的咖哩牛腩總像某牌子巧克力奶廣告說 - 有巧克力味就沒有牛奶味；有咖哩味就沒有牛膻味。拜託味濃的煽牯，讓廚子難得地找到了和咖哩的平衡點，味道令人興奮，齒頰留香。鮮西紅柿牛腩湯飯活像家庭式製作一樣，用材以新鮮取勝，但始終西紅柿如何新鮮，與牛腩總有格格不入之感，只好遺憾說句 - 不是我那杯茶...鮮蝦雲吞完全是

其實間唔中都有叫外賣,次次都唔係太好仲有時CUT你線(忙都唔應該人地未講完就CUT 線啦)今次真係食到扎鬼火,等左成個鍾先到都算~好聲好氣問下出左個外賣未姐對方就一論咀話出左喇,行緊喇,當我想問多句時對方已經講最後一句: 你等下啦,>>>>>>>>>CUT線BYEBYE都無句!!!!!太過份....

據聞這裡的清湯腩不錯，但我又從來沒見識過，今次就唔跟大隊去吃飯，獨先走過來吃碗清湯腩。坐低二話不說要碗招牌清湯腩河，看著電視直播的東亞乒乓球賽，不一會便有得吃了。例牌是喝湯，頗為清甜，河粉也爽滑；附送的幾件蘿蔔，炆得夠稔身，沒有渣，味道又是清甜美味；牛腩每件都是夾雜點肥肉，正合心意，只瘦肉部份稍稍韌了一點，但也不是很嚴重。飲杯順喉的熱菜蜜，感覺挺舒服的。看到了那張埋單紙，店方亦鼓勵食客到OpenRice表達意見，我想也是值得支持。

接完男友放工, 行過呢度, 見到d牌寫到好似好好味咁, 就行左入去試.叫左幾樣野:清湯腩+雲吞麵x2 ($29@):牛腩幾好, 仲可以講要林d爽d肥d定瘦d. 不過今次餓得濟餓到唔記得講. d腩真係比一般既好.至於雲吞, 佢出面個牌寫住 "可能係你食過最好味既雲吞". 試過之後, 果然好好味!!! 真係我食過最好味既雲吞黎架!!!個湯底都好正. 平時我食呢d粉麵必定會落辣椒油. 但今次, 個湯底好飲到我唔捨得落辣椒油!d麵都好爽口, 真係好好味呀!!! 腩汁淋蘿蔔 ($7):佢所謂既腩汁唔係出面果d啡色汁, 準確d黎講其實係個湯黎架. 不過d蘿蔔唔係好得, 超級硬, 好似唔係好熟咁, 想用筷子篤都好難篤得入. 我地食左幾啖就無食喇. 驚消化不良.杞子花雕醉雞翼 ($16):雞翼好凍. d汁唔夠酒味. d雞翼又"鞋" 又硬 又苦. 我地咬左幾咬都無食喇. 因為真係好"鞋"!!! 呢個係我食過咁多最唔得既花雕雞翼.... 我地黎果陣, 見差唔多個個都叫咖哩牛腩飯, 應該真係好好味. 下次試下先~ 不過絕對唔會再叫小食... 怕怕.....同埋有一樣唔明白... 點解呢間野會無炸魚皮賣既呢

今日跟舊同事去咗公司樓下間粉麵店午飯,間舖個名同個門面都好唔得,所以一直未試過. 十二點我一個人去拿三個位. 坐低唔過十分鐘,啊姐過來問咗三次食d咩,好熱心... 不過我話人未齊,要等一陣. 之後啊姐好合作,無再來迫我.D同事一到,唔想啊姐等,就快手落單. 我要咗蕃茄豬潤米粉. 碗米唔係好大,不過勁多蕃茄同豬潤.蕃茄薄切連皮煮,稔得來幾甜,還留有口感,不錯. 豬潤一樣薄切無荕,有口感但已無味,相信係去晒D湯度. 個湯係豬潤加牛肉煲的,所以又清又甜,重無師傅,雖然我飲晒成碗湯,但下午一D都無口乾. 正如它餐牌所講,真材實料,係無加味精架!

6 人午餐選了咖哩薯仔雞扒飯 $32凍飲+$6 太貴沒有加咖哩是開胃的, 但嗅起來不算香, 吃下去也不覺得怎麼滑可以說是"靯", "滑", 個人認為是人云亦云而已本人不吃牛, 但同事吃了牛也沒說牛好吃, 只是一般咖哩味, 是濃郁的, 但花奶味少, 所以不滑吧!?薯仔雞扒, 不過一般到非常一般, 而且, 薯仔真的矜貴?得一兩粒少少的座位很迫, 坐得不舒服接近$40 元的價錢個人認為不值寧可付多一點錢, 吃鄰近的貴麻橋咖哩

沒有試招牌清湯腩, 反而點了番茄豬潤牛肉湯米線:-P 大大碗, 湯底濃, 足料, 無添加味精, 有一種媽咪煮番茄豬潤牛肉湯的感覺 當中豬潤切得夠薄, 沒有筋, 非常爽口。牛肉夠滑口惜沒有牛肉味:-(

今日去食飯,照例常餐豬潤米,煎魚餅,凍央$26,到走人時收銀亞姐話我要俾$42,佢話落單個短髮亞姐幫我落晒散叫,仲話常餐要兩點才開始,但我公司食飯時間由兩點開始,步行時間約須十分鐘,請問我怎可以在兩點這個所謂尷尬時間落單呀!個亞姐仲話枱面上的碗是大碗,不是跟餐用的,我是客人須要記得你們何時用什麼碗嗎?況且當其時個亞姐見我這樣叫難道知道常餐的內容,收銀亞姐最後只回應一句無辦法,連了解吓個落單亞姐有否發緊夢,定還是一心想欺騙顧客的動作都沒有,最慶是無啦啦食咗個$42的午飯,我要付出這價錢不如去飲茶,簡直有被屈的感覺,各位記得落單時一定要講個「餐」字,否則的話一定會有咁貴收咁貴,我公司所有人已發起聲討一定唔會再去呢間專欺騙顧客的茶餐廳

生龍d咖哩一向都一流.....個日我去食....佢本身close十點....我九點幾先去食.....一路食....一路係到追劇....點知食到十點三到都已經食完....見間餐廳都無哂人.....諗住走人.....廢事阻住佢收工.....點知佢話無所謂.......仲倒都杯茶俾我地慢慢住低睇....服務真係一流.....野食方面....d咖哩真係好好味.....仲有個清湯牛腩都值得一試呀.....~~~平靚正呀~

尋晚同爸爸去Uno Uno食完dinner，之後佢帶我去呢間舖頭，佢話佢哋啲蘿蔔牛脷好正，咁就買咗一個例牌外賣。返到屋企做完家務，都成個鐘之後嘅事....咁我叮番份蘿蔔牛脷做宵夜(因為佢哋用微波爐膠碗盛載，所以可以完個放入微波爐，不過外賣多一蚊。)，一打開個蓋，好香清湯牛牛味，牛脷有薄有厚，兩者都有口感，略嫌近根部位比較靭，總括口感十足，薄腍厚爽脆，味道好香，有一股好難形容嘅牛油香，不過一啲唔會覺油膩，真係好正。蘿蔔吸收晒個清湯精華，冇根，好好好味。個清湯我更加一飲而盡~~~正!下次我一定會再幫親...!!

因本人於附近返工,lunch time時段都幾多人幫襯,還要等幾耐位嗰隻tim!!!推介菜式是:- 咖喱牛筋飯,分大中小辣,咖喱很惹味,只是牛筋較為"un"少少- 蕃茄鮮牛肉米,牛肉真的夠鮮,湯底好正- 花鵰雞中翼,夠晒酒味,不過略嫌雞翼太凍,攪到隻雞翼咬落去好硬,扣少少分- 蒜子豬紅,好入味,又夠平值得一提的是,此店會於單上印上,歡迎到openrice寫上意見...姑勿論他們會否看 底 作任何改善,但起碼有誠意,這是值得欣賞的

平均每一至兩星期都會幫襯一次食Lunch, 每次我都食"清湯腩飯", 講明要軟身一點既, 每次覺得好好食, 因為軟身, 所以唔痴牙, 份量一個成年男仕的份量, 都算飽, 其他同事叫咖喱飯, 話幾好食, 但我未試過, 因次次都食清湯腩飯

平時係長沙灣放工, 都試过呢間生龍, 水準都尚算不錯。昨天係荃灣千色店同女朋友行完街, 聽到有人叫買新開張, 又話深水埗都有分店咁, 抬頭一望, 原來係呢間生龍, 仲寫明清湯腩.....見佢咁有信心, 又有的肚餓, 所以就同女朋友再會一會佢.. 上次係長沙灣舖叫左佢的力推的清湯腩麵, 估不到舖頭細細, 都有不俗的水準。個湯真係好清, 食得出係冇味精.. 同埋用料好新鮮...... 辛苦做到咁夜, 食到一碗有水準的麵, 都幾滿足。昨日放假行行下街又見到佢, 仲見佢好似好比心機做, 又打正旗號要清湯腩麵咁..就試一試佢....我依然叫左個清湯腩麵, 保持水準, 不枉佢放胆以清湯腩來做生招牌。女朋友就點左個番茄牛肉豬膶米, 同油菜....... 個豬膶米原來仲好食过清湯腩, 可能是新的口味吧....好新鮮咁的感覺其實佢仲有個亞星咖喱系列, 不过入來都係想試左個麵咁, 話晒都係招牌野嘛, 同埋個清湯腩確實係吸引。可能找次放工係長沙灣個時再試吧。見佢咁比心機去做.. 仲係餐牌到寫住你的意見, 就係我的鞭策咁.....實在係利害, 不能不上來寫一寫是次消費每人廿幾蚊

今日LUNCH試O下同事介紹O既清湯腩清湯腩真係好清~~食完唔會口乾~唔覺有落味精**值得一讚**仲叫O左碗O加喱金錢肚& O加喱牛根腩O加喱味道OK~~仲有大中小辣選擇味道好香~~D牛又好軟身~唔痴牙不過份量就嫌少O左DD飲品就一般喇~~我個凍檸茶真係甜到傻~~LUNCH得閒過O黎食O下都OK O既~~我O黎O左2次都唔使等位~~好好彩一入就有位喇抵食~~不過環境就麻麻喇~我仲要坐係一堆污糟碗隔離~~好驚D侍應放D碗果陣滴到D汁係我身上~所以我食果時全程都左閃右避出菜都OK快~~下次會再幫襯