影片
以上资料只供参考，请与餐厅确认详情
早几日在网上见到话呢间粥面舖做到呢个星期日（6月18日）就结业唔做，话好可惜，我上openrice睇过话得两间，快结业嘅呢一间起旺角，另一间起北角。北角就少去，旺角就间中会去，咁啱寻日（6月15日）去开旺角，反正未食过，于是就顺便嚟呢间食嘢。入到嚟，由于系中午12点几，虽然落住雨，但都有8成满，大台就张张都有人，我见到最入，厨房边有张双人台无人，啱晒，唔使搭台，正！👍💓坐低睇个餐牌先至佢唔只得两间，原来总店系上环生记，上环𠮶间我食过好几次，𠮶间可以用行人如鲫去形容㗎。餐牌望落好似好多嘢咁，但实际系唔多选择，粥只有生滚粥，艇仔、碎牛、猪红呢啲全部无，面只有牛三宝及潮州丸类加埋鲮鱼球及萝卜，云吞、水饺、猪手、炸鱼皮通通都无。肠粉得斋肠，无炸两亦无炒面，只有炒米粉，油器只得油炸鬼。粥与面之间，我选择咗至爱嘅及第粥，无我至爱嘅炒面，唯有选择米粉，一共$63。米粉加咗猪肉碎去炒，味道一般，而最大问题系无油，变咗唔够滑，有啲干身，而且用嘅唔系新竹或泰国米粉，质地碎湿湿咁，，唔得烟韧，唔系咁好食。至于碗及第粥，唔知大家睇唔睇到有啲咩咁特别？系碗粥面无加姜葱丝，葱丝系另加豉油，用个碟仔装畀你，呢个做法甚少见，食法你畀系将猪杂夹出嚟点葱丝及豉油食。碗粥大大碗，系热辣辣满到泻咁捧出嚟畀你，材料非常丰富，有粉肠、鲜牛、猪肚、猪肉丸、猪膶，每样至少两件，味道够，粉肠唔苦有口感，猪膶够软，系猪肉丸唔够爽口，个粥食唔出有重味精，好食好饱肚，如果要挑剔嘅话，我嫌啲粥比较稀，尤其是食到最后，可以直接饮哂落肚。至于衞生环境就一般啦！间中会有啲昆虫飞过。总括嚟讲，碗粥系好食，米粉差啲。
继续阅读
生记既粥面不嬲都出名，个鲮鱼肉饼真系必食😋👍🏽正！$19三件，啱啱煎好劲热辣辣，外表都脆口，内𥚃系有啲烟烟韧韧既口感。夹啱煎好劲好食肠粉$19 ，发挥正常，唔算平肉丸粥系加大咗，好味！同人share 食啱啱好~牛腩面个汤底好清面底弹牙，无乜碱水味。个略觉得个面分量唔算多埋单130有找
继续阅读
粥好软绵同甜甜地，几结身同几清新，馅料估唔到会咁足料咁多，嗌左鱼腩猪润粥，鱼腩都有成5.6旧，加埋润都一啲都唔腥，又滑又几鲜甜又易起骨，先三十几蚊一碗，又够绵，真系边到揾呀⋯
继续阅读
最后一碟炒米粉明知成碟都冇米粉仲要碎湿湿都照卖俾我。谂住唔紧要照食。 话俾扎辫𠮶阿姨听，仲要同我讲话有啲人钟意吗。不知所谓。又冇礼貌。仲俾佢闹我，你唔晓出声？话唔要？做左你地咁多粉丝多年，而家可以绝交了。
继续阅读
琴晚同朋友系油麻地做完野，跟住带左我去生记食粥，平时都有系其他食开粥铺，不过呢间食落系有啲特别，我同朋友点完粥之后，我朋友话呢度啲粥食完唔会口干架，果下都系听完就算！我点左份鲮鱼鲜鸡粥，唔记得个名系咪咁🤣食落真系有啲surprise😍我一撩，好多料。。。8旧鱼肉仲有好多鸡，鸡食落系岩岩熟好嫩滑，仲有少少酒香味，坚好食！！！鱼肉都一样好好食😬粥低都好甜好清，食完又真系唔会口干，有少少美中不足嘅系料多粥少🤣无计。。。哈哈！
继续阅读