生記滷味

营业中

休息中

價錢加了,份量少了,碟頭鹵鵝飯要廿五元一碟,以前鋪滿飯面,現在己經鋪不滿,跟飯的例湯仍然不錯,有少許味精,味道仍然很好.現今所有東西都加價,也怪不了他.以物值來說,都是吃得過的.

飄香這兩個字很優雅但來形容鹵味好像幾哪個！星期日晚八時多過來，老板說想要的鹵鵝肝及鹵鵝腸都售光，而餘下的什麼豬爽肉紅腸等沒舍興趣，好在老板怎樣湊都有個心水組合，鹵鵝飯加鹵大腸。一碗蓮藕花生湯，可惜不燙咀，否則以這裡足料的味道，絕對滿分；鹵鵝飯原來是鵝脾飯，老板見快收舖故大贈送，鵝脾肉不會鞋口，啖啖肉，鵝味濃鬱，不愧為潮州獅頭鵝，而鹵水味是夠香但總覺不夠鹹，就只差這一點；而鹵大腸是外加故是整段奉客的，亦算是肥美甘香，但亦因同一煲鹵水料，始終不夠鹹，似乎送啤酒可以，配飯就不好了！光顧中途所有材料已售清了，店員已經開始清洗器皿，但仍有不小街坊到來外賣，但都失望而回；另外這裡的鵝飯沒有配上潮州蒜茸醋，跟阿姐討了一小碟，鹵鵝粘上潮州蒜茸醋，食味提升不小，記得下趟一嚐啊。

同男朋友去食叫左1個鵝飯25蚊1個豆腐蛋飯15蚊有兩碗湯送d鵝真係好好味不過肥左d~雖然d鹵水汁好入味不過d肉都唔老wod豆腐就一般冇咩特別但d蛋幾好味~(早知唔叫豆腐蛋飯啦,原來每碟飯都送兩片豆腐)d人食什錦飯好似好正~ 等我下次都叫尼食先~

近月不知為何,每次去生記鹵味,偏偏沒有小弟最想吃的鵝腸同鵝肝.得知沒有,索性掉頭.這一次,有鵝肝,但沒有鵝腸,唯有單拖鵝肝飯.其他什麼也不要,$25奉送一碗例湯.之前好幾次也是吃其鵝片,鹵得入味,肉質鬆化.其鵝肝是第一次吃.幾十年的鹵水膽,未吃已聞到其芳香純厚的香味.與本身甘香豐朕的鵝肝,兩者天作之合.雖然是例湯,其蓮藕花生雞腳湯,一樣夠火喉.不是其他地方比碗味精水你便算.吃著鵝肝,忘了吃飯.罪大惡極也.

追思禮拜後, LS媽媽拉大隊來食. 中午先食完鹵水, 夜晚又食過, 真惡頂. 但媽媽叫到, 無計, 當然要陪著你走.差不多九點來到, 已在收鋪當中, 還好, 店方仲做生意. 一行九人, 勉強坐在一張臺. 都不用看牆上的菜牌, 因為差不多賣光了, 無乜揀, 就直接問有乜食, 擾攘一輪後, 叫了幾樣.鹵水鵝: 8分, 比榮興的優勝, 但跟上次創發的又差一點. 鵝肉係瘦帶點肥, 鹵水相當入味. 食落係覺得過份入味, 濃了點.鹵水雞翼: 5分, 乾而老, 麻麻. 之後見還有雞翼剩下來, 問L哥還要不要, 他竟直說, 太難吃了, 一舊就夠.鹵水蛋: 8分, 幾入味, 但沒有鹵水鵝那麼濃.鹵水紅腸: 7分, 大大件都算入味.鹵水鴨舌: 6分, 麻麻, 鹵水味好少. 吃鴨舌還是阿鴻.其他的沒有試了.實在太多太多鹵水了, 食食下大家都慢下來了, 最後都係吃不完. 但之後成晚都相當口渴. 有問題.鹵水鵝係幾好食, 但吃太多又係吃不消.

新裝修過, 光猛左, 多位左. 不過當然啦, 對環境唔好有期望. 食物認真頂呱呱. 叫左個鴨拼kidney 飯. 入味, 好味. d kidney 又爽又有味. 兩個字講曬: 極品!唔食你就笨啦~

19/6(一)媽咪好朋友送上一大盒滷味,好開心包括有豆腐,鵝肝,掌翼,腎,蛋各一大堆全部都大大舊,好入味唔知呢間生記同西環個間生記係咪一樣既呢???

攞架車去附近仁孚去維修，順便埋黎幫襯，要一件鵝下庄，兩件鵝肝，跟十元豆腐，埋單７３元，不料回家發覺不見了鵝肝，不知道是師傅聴不到或是放漏了．不過豆腐的份量很多，吃極也吃不完，但質素郤欠佳，不夠滑，且有少許酸味，鵝肉的質地只是普通而已，味道ｏｋ，但不夠滑，因為欠缺肉汁，皮帶少許肥，可接受，但肉就是淋而纖維中無汁，是要扣分的原因．有潮州鹵鵝店比這裡更平，更香，火候更好的，所以只能給ｏｋ．

琴日下午跟自己爸爸飲茶慶祝父親節後，夜晚就同女友父親慶祝嘞。決定响屋企整海鮮宴，自己suggest去呢度買D鹵味上去啤啤佢。半隻鵝、再加掌翼、鵝肝、豆腐，整整兩大盒，睇見都流晒口水。隻鵝好靚--- 肉結實，皮夠嫩，皮下有一小層脂肪，但不太厚，一口咬下，肉汁豐盈，再呷一口啤酒，不羨仙；掌翼，用嘅係獅頭鵝嘅部份，大大隻，醃得夠味，so good..^_^豆腐大大塊，味道尚算OK；鵝肝就較普通，雖夠粉，但不夠嫩，絕唔係入口即溶嘅貨色，灣仔"潮州邨"好食得多。加埋$180左右，唔算太平，但算係非常有水準嘅鹵水檔。

鹵水鴨$20 隻：雞咁大、少肥、入味、肉厚。鹵水豆腐$5 件：幾大舊，都係好入味。外賣附鹵水汁及酸汁各一包。仲有鵝片、鵝腸、獅頭鵝翼、掌翼、腎、蛋、紅腸...店子雖小（得兩檯兩人位），五臟俱全。生記仲有請B 哥一世食鹵味：雖然B 哥唔係我偶像，亦都同意用名人宣傳唔等於質素有保證，但係係B 哥自己走去幫襯，先有生招牌做，唔係hard sell。

呢度d鵝翼真係超好食架~~~ !我周不時都走黎買返屋企食仲有鹵鴨都唔錯架!!

10/9下午經開紅磡,更係要買d返屋企食la,lee到d 滷味真係好好味ga今次就唔買鵝片,買了獅頭鵝翼$15,普通鵝翼$8,腎(大)$8,豆腐$7獅頭鵝翼當然係好食過普通鵝翼la,因為真係厚肉好多,其他果d樣樣都好好味好入味,正正正