甜記餃子 (已搬遷) 新店位置

自從網民選了它做第一名後，也未試過，因為每次也很多人排隊，終於找到個閒日的下午去試，質素之高，抵它拿第一🥣 湯餃 (雞湯) $40/8粒雞湯不油膩，有淡淡的薑味，很適合冬天飲用，不知不覺飲了一大碗🥬 白菜豬肉餃味道相對清淡，但菜味香濃，也是今日唯一適合加醋的餃子🥟 韭菜豬肉餃我的最愛，韭菜味香，皮薄餡多🎃 南瓜忌廉雞肉餃今日最驚喜之選，南瓜味超級無敵濃，直接把南瓜打成蓉放在餃子裡面，必試之選🥛 豆漿 $10香港製造，好好味，繼續支持

.📍 甜記餃子📍#饅頭去長沙灣 #饅頭食中式菜------------------------------1️⃣雙拼煎餃 ($42/8隻)🔹芝士粟米雞肉餃佢哋嘅煎餃皮係我食過咁多間餃子之中做得最薄，煎到金黃色咁，脆卜卜又唔會硬實😍，同時不失韌性同麵粉香；芝士唔係拉絲嗰款，但熱辣辣奶味好香🥟，仲有微甜嘅粟米粒作點綴，配上彈牙嘅雞肉，味道唔會過鹹，推薦！◾評分：8.6/10🔹洋蔥牛肉餃呢款同樣係香脆餃皮配上juicy多汁嘅內餡，不過對比雞肉餃就有啲失色。牛肉鮮嫩唔會好鬆散，有少少筋增加嚼口，可惜洋蔥香同牛肉味唔算太突出，不過都不失為一個水準之上嘅餃子😋。◾評分：7.8/10Btw 佢哋嘅辣菜蒲都非常之惹味出色 而且係免費嘅，建議夾啲試下。------------------------------🔸整體評分：8.3/10🔸小編回頭率：7.5/10

有 2 次路過，總是一條差不多不見尾的長龍，唯一等有緣再試。這次特意避開最繁忙時間，5 點多就來，好多不同口味，外賣一個湯餃，再買一盒生餃回家，試了最大路的白菜豬肉，菠菜豬肉及比較特別的南瓜雞肉。白菜豬肉及菠菜豬肉都幾好食，餃子有肉汁, 個蕃茄湯都開胃 ；但南瓜雞肉就感覺怪怪地，純粹個人口味。整體不錯的，不算太濃味，味道剛好 ！下次再試其他口味 ！

今天因公來到長沙灣，來到人氣黃店甜記餃子買外賣💛招牌藍底紅字很搶眼，門口已經有數個人在等拿外賣。店子小小只有約廿個座位，所以不少客人都選擇外賣或者是要生餃回家自煮🚶 今天午餐是湯餃麵套餐($38) 🤲韭菜豬肉餃4隻配台灣麵，湯底是蕃茄薯仔魚湯，再加$6要一枝豆漿，等大約7-8分鐘就有，可以回去開餐。 湯底的鮮茄味夠香🍅還有淡淡的魚香很暖胃，台灣麵偏軟身吸湯，餃子足料飽滿，要3口才能吃完🥟伴湯麵入口很滿足。另外，最值得一提的是鎮店之寶辣菜甫，夠香辣惹味，令湯餃麵起了波瀾，在口腔掀起風波😋

好耐冇食佢既餃子, 路過特地幫襯吓. 餃依然好足料, 冇加過價, 正!菜圃辣左好多, 唔再係我口味但最失望係個湯! 點解會冇晒渣架, 以前有D薯仔同蕃茄粒粒可以食吓.而且個湯咸左好多.如果清淡翻D就好啦.下次路過再幫襯過!

今日睇完戲就黎食個晏。由於平時中午，晚上都好多人，要等好耐，因為係三四點嘅時間，所以唔使等位。客人得三四，職員企係到都有三四個，見到有客人呢都唔識叫人坐，木木獨獨或企喺度傾計。難怪忙嘅時，態度會都唔好啦。啲夥記都係靚仔靚妹，有傾有講當然唔介意，但基本服務都要有。見到有個客人要order，個o靚仔冇諗住行埋去落單，淨係帶大叫問客食乜嘢，仲衰過茶記。叫咗十隻，雙拼湯餃，芫茜細肉同埋南瓜忌廉餃。芫茜豬肉一啲都唔出眾，可能因為尋日食完皇后餃子嘅芫茜豬肉實在非常好味，好香，甜記呢間差得太多了。不過南瓜忌廉餃子實在不錯，主要因為南瓜有甜味。辣菜脯都唔錯，不過個餃子醋就係鎮江醋味，麻麻。不過42蚊十隻好抵啦，仲有一讚就係個湯底，我要左蕃茄薯仔湯，好味，飲曬！只可以話要等位等好耐我就唔會食，餃子仲有好多好選擇，唔建議專登過嚟或者排好耐隊食。

今日boxing day！趁時間尚早，就帶左老公去再食甜記餃子lunch😜 今次唔洗等位（但一陣就滿座要等位了）我地分別點左雙併湯餃🥟同煎餃🥟🐷💁🏻‍♀️ 10隻湯餃子（南瓜忌廉雞肉餃🔸西洋菜豬肉餃）今次試下其他口味… 🥟南瓜忌廉雞肉餃大推❤️‍🔥 南瓜蓉好creamy，食落香甜😋 🥟西洋菜豬肉餃都好好食！西洋菜同樣清甜👍🏻👍🏻 再配埋蕃茄薯仔魚湯，正❣️ 湯同樣飲左大半碗，食後唔會口渴✨🐷💁🏻‍♂️ 10隻煎餃子 (粟米芝士雞肉餃🔸菠菜豬肉餃）粟米芝士雞肉餃上次我試過，推介俾老公食，佢都話呢個最正😆 強烈推薦✨✨✨ 另外佢揀左菠菜豬肉餃，呢個都唔錯😋 煎餃煎到金黃帶脆👍🏻根據試過款口味，個人推薦：1️⃣粟米芝士雞肉餃2️⃣南瓜忌廉雞肉餃3️⃣西洋菜豬肉餃4️⃣菠菜豬肉餃5️⃣香芹芫荽豬肉餃秘製蝦米辣菜脯亦都是好好味🤤 連平時唔鍾意食菜脯嘅我都會食❣️====================推介度：❤️5/5CP值：👍🏻5/5好味指數：👅4.5/5====================

【甜記餃子】出外走動，專登去呢間餃子店🥟先黎總結：餃子餡料好多，皮又薄，確係好足料🤓👍🏻💛.湯餃煎餃，唔知點揀？小朋友先要做選擇，兩樣都叫晒，仲要每款雙拼，一次過食晒4款口味。.點餐雙拼叫左，煎餃：❇️椰菜冬菇雲耳豬肉餃❇️粟米芝士雞肉飲.湯餃：❇️香葉豆角豬肉餃❇️韭菜豬肉餃.每款既餡料都好多，唔馬虎。4款口味計，覺得味道最正係👇🏻👇🏻韭菜豬肉餃椰菜冬菇雲耳豬肉餃.點餐叫湯餃既湯底就一般，未見驚喜。.另外點餐叫左醉雞，賣相幾靚仔，仲要係脾仔。雞肉係偏滑，但味道唔夠「醉」，無左陣酒香味，扣分。菜脯，有驚喜，好好食❗️唔食辣既朋，要留意，真係辣架❗️...🏠 甜記餃子 Tin Kee Dumplings Restaurant📍 長沙灣青山道437號地鋪

建議你睇哂地點並非旺區，但平日2點鐘去仍然要等20分鐘，可想而知幾受歡迎⏱其實今日純粹有其他事處理，嚟到長沙灣荔枝角，醒起to-eat-list有呢間餃子舖，就決定食服務態度⁉️**食完感受完，再上OR睇負評，原來都有講關於服務態度問題😐開頭仲以為自己單一事件**😮排隊無人理你，自助式寫名上輪候名單紙，對上一間食過用呢種形式嘅係冠軍咖啡店accro coffee入內->坐底->點餐，整個流程，店員態度確實麻麻💭，語氣上都帶點晦氣，香港地唔休做+忙，就一定係咁😐？食完感覺此店明顯被過分吹奏👉🏻食物質素普通，煎餃比湯餃好食，餃子皮偏向似雲呑皮嗰種薄皮，雖然滑但唔係我杯茶，呢個好個人口味，無話啱定錯👉🏻菜脯幾有口感👍🏻唔會切到碎哂，辣度幾強💰價錢就合理嘅🆗🪑坐得比較逼總結一試無妨，但唔值得排隊食湯餃雙拼($42)🔹雞湯 - 唔想食蕃茄湯，就只得呢個淡而無味嘅雞湯底，都幾無誠意，湯底其實應該要係重視，好重要，出面好多舖都會標榜用豬骨湯/老火湯🔹粟米芝士雞肉餃 - 雞肉本身已經淡，咬開係就係見到芝士醬，可惜用上嘅芝士毫無芝士香氣，似忌廉多啲。粟米🌽有種熟悉嘅味道，諗左一下，原來就係

12點嚟到已經座無虛席，入坐不久出現長長人龍，係區內名物。輕工業嘅裝修風格有別於一般餃子店，但座位比較逼夾，有一排自閉位食完即走。試咗四款餃子，款款皮薄餡靚脹卜卜，餡料豐滿夠Juicy。可以話係大件夾抵食。______________________________單/雙拼湯餃 ($38/8粒 或 $42/10粒）- 湯底揀咗番茄薯仔魚湯，清甜簡單好有屋企feel。另有雞湯可選。- 椰菜冬菇雲耳豬肉饺：椰菜冬菇雲耳增加口感，多汁，好吃- 韭菜豬肉餃：超多韭菜小肉，好健康，但唔夠多汁，我覺得係當日4款中比較普通單/雙拼煎餃 ($42/8粒 或 $46/10粒）- 洋蔥牛肉餃：洋蔥清甜，有日式牛肉飯嘅feel- 粟米芝士雞肉餃：芝士味香濃，粒粒粟米有咬口- 呢兩款唔使諗，一定係揀煎。- 提提大家，呢兩款點醋反而冇咁好食滷水牛𦟌 $46切薄片，點上滷水汁非常吸味，味道正常，唔食冇損失小貼士💡人類總是對一切秘製的東西感到好奇，甫坐下就被秘製蝦米辣菜脯吸引，小麻香辣爽口，配湯餃一流。鍾意食辣唔好錯過！！！

餃子黎講 點先叫好食首先皮 唔可以厚 唔可以起粉粉 唔可以 薄到 一咬成個餡滑出講到餡 就緊係 要肉滑菜香即係肉size 要剛好 要豬要食到豬味 牛食到牛味有汁有調味 唔Un 唔散 易食最好唔痴牙菜蔥要香 無衣洋蔥要甜 西洋菜京蔥要香做做以上既 就真係 好餃餃啦長沙灣依間 俾圖大家睇下先首先 叫左個煎餃係 南瓜🎃蓉+豬肉同 羅勒（好似叫 番茜？）乜乜餃（唔記得映 餐牌，請去餐牌睇返）煎得金香 皮層 剛剛好 南瓜好香好滑平時 唔食羅勒既我 包左入餃子 🥟我竟然食到 重唔討厭喎真心 唔錯餃子店 通常唔會 只有煎餃既 緊係叫埋個湯餃試下啦睇下 圖 成隻湯匙咁大隻🤣真心真材實料湯底重有得揀雞湯 定 蕃茄湯我地揀左雞湯點解個湯底 變左色咁係因為我加左 辣炸菜依隻就係 羅勒啦 餡料塞滿整隻餃餃佢個辣炸菜 就咁食 都好香 重有麻椒味 我隻隻都夾一粒食 😆佢份量有8/10隻選擇 2人食 2款 share好飽 每人都8隻我地叫左 洛神花茶 我朋友覺得幾好飲 我就覺得有點酸大家都要去試下 支持小店呀

難得嚟荔枝角，朋友帶我嚟呢間幾出名嘅甜記餃子！椰菜冬菇雲耳豬肉餃（10隻）煎得超香口，好足料，好好食😋粟米芝士雞肉餃（5隻）+台灣麵 特登叫麵餐就係為咗加辣菜脯食，台灣麵都係我鍾意嘅麵質～餃子勁足料，入面包住超級多粟米，好香口！ 洋蔥牛肉餃（5隻）+台灣麵 洋蔥牛肉餃係今次試嘅3隻餃子入面嘅最愛，好似食緊漢堡包咁，好好好好足料，牛肉味都重，大推！口水雞 唔會好辣，肉質都爽口，略嫌啲骨有啲多，但份量都算多，3個人分都夠食！整體黎講，真係好抵食，餃子煎得好香口，野食份量都幾多，仲要一啲都唔貴，個辣菜脯仲要幾惹味，食麵點都加返一兩匙～

聽聞甜記餃子成日都要排隊， 是日星期三夜晚七點幾嚟到都真係要排隊😂😂 小店環境比較擠迫，坐滿晒人。。。首先我哋叫咗份醉雞，最快上菜。 我覺得冇咩酒味，一般餃子有湯餃同煎餃， 我叫咗8隻湯餃，香芹芫茜豬肉餃雙拼椰菜冬菇雲耳豬肉餃， 餃子皮薄餡多好足料， 湯底要咗蕃茄薯仔魚湯， 都好清甜。 男朋友叫咗魚湯嘅洋蔥牛肉餃雙拼京蔥羊肉餃，都ok~ 我冇食就唔係評論。另外叫咗兩杯熱嘅洛神花茶， 只係8蚊一杯， 酸酸地幾好飲，不過其實要湯餃真係唔洗叫嘢飲， 因為個魚湯底好好飲。。。

星期五7pm前入座，竟然是位等人(好難得)食過咁多次，都係好鍾意不過都係剛剛發現雙併竟然唔洗加錢(出面好多都要)選擇多多，有十幾款餃子今次點了B香芹芫茜豬肉餃8隻茄湯長沙灣店價錢比旺角平(旺角8隻要$42)當然舖租唔同啦~~覺得長沙灣店嘅湯比旺角濃而且仲有蕃茄增送必配辣蝦米菜脯唔油、菜脯爽口、間唔中仲食到蝦米辣中帶甜配湯餃一流餃子大大隻，香芹芫茜味唔算濃但係平衡菜類好爽口夠香但又未至於口臭非常足料

今日無左豬先生陪我食，於是我靜靜雞去左食長沙灣人氣王之一甜記餃子👻 每次經過都有人等位，今次我都等左一陣就有得入座👍🏻店面唔大，但都企企理理。今次我就試左雙併湯餃10隻配蕃茄薯仔魚湯$42，貪可以飲埋個魚湯嘛😋💫蕃茄薯仔魚湯 未食餃我就即刻試吓啖湯！好濃蕃茄魚湯味😍 仲有蕃茄同薯仔碎，食到尾我都飲左成碗湯咁滯🙊，食完都唔覺口渴，即係無落味精👍🏻 除左食餃，仲有湯飲，正！💫 粟米芝士雞肉餃 個人推介必點item👍🏻👍🏻 芝士份量唔多，但食落芝士味又會出返黎，唔會好膩❣️粟米粒就甜甜地，perfect match，推薦👍🏻💫香芹芫荽豬肉餃 本人好鍾意芹香，呢款餃好重芹香同芫荽味👻 好足料👍🏻 成個口腔都充斥住，但會搶左粟米芝士餃味道。建議食完淡口味既餃子，先再食香芹芫荽餃。💫袐製蝦米辣菜脯平時我唔鍾意食菜脯… 但見到係袐製，就試試先😂 食落真係好好味，唔算好辣，仲有花椒，我仲加左少少落個湯😆 價錢唔貴，足料又好食，難怪成日都有人等位，下次要搵埋豬先生一齊再試下煎餃同其他款式先😝====================推介度：❤️❤️❤️❤️❤️CP值：👍🏻👍🏻👍🏻👍🏻👍🏻好味指數：😋😋😋😋======