甜舍 (已結業)

喺九龍城食完泰菜，好似未夠喉想食埋甜品先夠滿足，行下行下就經過甜舍，好似幾靜咁就入去試試店鋪不大，大約十張台左右。被安排到二人台，二人台算小型。但食甜品都冇咩所謂嘅今日想食朱古力口味，一行二人就叫左兩個甜品朱古力冰島其實呢個朱古力味不太濃，唔知係咪朱古力冇咁襯，食落有點淡，份量亦比較細可能叫番生果味會襯d朱古力心太軟呢個見到幾台都有叫，味道唔錯，香濃而唔會太甜埋單～價錢唔算吸引感覺係一間普通嘅甜品店

同柑太吃過正餐，自然要食埋甜品，係九龍城街上行行下,發覺有個易拉架話有間甜品店係附近，於是就同柑太去試下。行到門口外，發覺店內空無一人，個心都突一突，會唔會中伏呢？但都抱住一試無妨心態入去。坐低細閱餐牌後，柑太點了心太軟，我就點法式梳乎里。等待期間再睇下店內四周，發覺牆身畫上大大隻dessert room字眼，但燈光太暗有點美中不足。之後陸續都有數名食客入座，而其中一席的情侶點了和我們完全相同的甜品。大約等左廿分鐘，梳乎里同心太軟就同時上場。心太軟味道好濃，流心比較少，但好濃的朱古力補救左，整體而言如果可以流心朱古力多d就更好。梳乎里果然是法式風格，食到最底有燉蛋在底下，而梳乎里本身亦非常鬆軟香滑，蛋白煮得夠熟不帶半點腥，當中的雲利拿子入口令梳乎里本身的味道更突出，伴碟雲利拿雪糕令一個甜品有兩種享受。

無禮貌，態度差，又難食！做得唔好食，客人意見可幫你改進，客人無當面投訴已經比足面子，唔接受仲要批評食家口味，又要問人意見，比咗意見又唔接受，仲多番故意打斷客人間的對話，今時今日仲有咁既服務態度！唔知點解自己會帶朋友黎食，只怪自己無做功課，唔會有下次！就當自己掉咗錢落海。

12月31號，唔會走去同人逼去倒數，搵個靜靜地既地方坐低食糖水。去左九龍城，九龍城都比平日靜咗好多。入到去都冇乜人得一枱客，可能因為冇咩人，老闆都好熱情招待，招呼好好。餐牌都好雜下…中西合壁…湯圓糖水﹕湯圓都似係現成貨，唔似係自家製，不過個糖水勁薑，雖然天氣唔係好凍，但係飲落去都好舒服…杏仁茶﹕杏仁香唔夠兼且一睇就已經見到碗邊起粒， 甜味ok既。 雖然佢唔係杏仁糊係杏仁茶，但係如果稠身番少少會好D。芝士凍餅﹕其實都係法式芝士餅雪出嚟， 純粹喺做形上面做咗啲改變，賣相靚仔啲，不過食落有淡淡士香，整體感覺唔錯！我哋食到中段開始人多，走嘅時候差唔多坐滿曬，本來寧靜嘅環境變得非常之嘈吵…想坐多陣都唔得！

環境：舒適, 不會燈光不太明亮, 一幅特色牆是街頭噴畫, 但本人不太喜歡服務：有禮貌食品：外貌不錯. 今次點了心太軟, 不太流心, 也不太熱, 而且皮還有點乾乾的.口感不太好. 但它配了Vanilla 雪糕, 雪糕下有消化餅碎, 增加了吃雪糕的層次, 吃得出雪糕不是廉價的. 不過心太軟才是主角吧！也點了一粒明珠, 也是被外表吸引了, 上碟令人賞心悅目, 有乾花伴碟. 用匙更敲碎明珠, 不是太硬, 很易碎, 沒有亂刮口感. 入面有芒果雪粑, 芒果粒及一些類似熱情果泡沬及籽類, 第一次吃有新鮮感, 但不會有下次 .價錢：$30-50 一個甜品, 以咁既賣相同其他甜品店對比又相宜

話說喺滂沱大雨嘅晚上，同貓貓食完老夫子餐廳，當然要轉個場食甜品，今晚就揀咗呢間save咗好耐嘅甜品店試吓。menu種類都幾多元化，貓貓諗咗一陣，原來有陣時佢都有選擇困難㗎喎😯 流心榛子朱古撻徘徊在似朱古力心太軟又朱古力撻之間，最後我幫佢揀咗呢個撻。上菜時，撻面嘅榛子曉震震震震震㗎😂 切開後啲榛子仲曉走出嚟添，切少少試吓先，朱古力味濃不過榛子味更濃，佢哋果然係好朋友呀吓，夾埋一齊都係咁好味(唔鍾意食朱古力嘅我竟然會講句咁嘅嘢😱)，加上個撻香氣四溢非常鬆脆，一切開會碎晒嗰種，哇我同貓貓都忍唔住話好好味呀！！！宇治心太軟 （＄51）等咗好耐... 終於有得食，食過好多次綠茶心太軟，呢個真係幾有驚喜，一上菜有殘餘嘅烘焙香氣，仲外脆內軟添！雖然流心唔係超級澎湃，但流出嚟嘅餡仲有紅豆㗎喎！綠茶微甘，但我prefer再濃啲，不過都算唔錯㗎喇由入去嗰陣好多客，坐吓等吓直到得返我哋兩個，我都有心諗過點解啲食物會咁耐先上菜嘅？但原來係新鮮製作，慢工出細貨，咁好啦！另一樣值得一讚嘅係，服務唔錯喎，類似老闆嘅哥哥仔好用心咁介紹每一樣食物，而且好有禮貌仲充滿笑容喎...

      龙珠：呈现上来的是一颗绿色的圆球，圆嘟嘟的甚是可爱。 用甜品勺轻轻一敲，绿色的圆球就破裂，里面是很夏日feel的芒果主题，有芒果分子泡沫、芒果果粒、芒果雪糕、巧克力爆炸糖。芒果味道自然香浓，十分清新；惊喜的是还有爆炸糖，在口中调皮地发出滋滋声，很有童年的回忆，让我想起了小时候拿着辛苦攒下的一块零钱偷偷去买跳跳糖吃的场景，然后站在路边享受糖在口中乱窜的感觉，十分怀念。     黑松露泡泡：这也是店内的另一款分子甜品。由分子黑松露泡泡、黑松露泡沫cream、香蕉蛋糕脆片组成。最上面的黑松露泡泡我觉得很不错，黑松露的味道非常浓郁，但是底下的黑松露cream就有点太甜了，甜到我想给它起个名字叫“黑松露腻腻”。

上文提及本人不太喜歡寫'給喊面'的文章, 非逼不得以盡量唔寫; 寫好評 還可以一邊寫之時、一邊回味好吃開心的一餐, 寫劣評 真有點浪費自己時間, 玩樂時間都不多, 有誰會喜歡一邊寫一邊回想那些劣食?  繼上篇'安南'貴夾唔飽亦做不好基本的幾款越南食物, 令我忍不到手要寫篇喊面文章後, 今篇的亦是我覺得要花時間寫的喊面店!今晚和老友記在九龍城吃過晚飯後找甜品吃, 這區選擇真不少： 大熱的小方糖、嚐樂、糖伯府、金滿堂、合成、地茂館、海記、Smile Yogurt, 甚至乎許留山...尚有很多店!   去 Dessert Room 是我的提議, 之前經過見到鋪面外觀不錯，　看了門外展示的餐牌覺得價錢適中、圖片頗吸引有點興趣就打算去試試。　失敗的是沒先上來看看食評。。。所以中伏是自己攞嚟～ 正所謂: [好揀唔揀！]因為老友記說剛才我們請晚飯所以甜品歸她, 我本來最想吃那些五、六十元芭菲類，後生女為了錫她荷包不想她太破費，就叫三十多元的杯子甜品吧！  看餐牌有點像我們喜歡的嚐樂 那些作品... 頗吸引的~  而她就說口渴, 點了杯柚子飲品.食物一上枱......不 • 是 • 吧??!!!  

那天跟朋友在九龍城晚飯後，就打算隨便在附近吃一下甜品吧在馬路口看到一個易拉架，看著樣子不錯，就去一下吧門面也挺不錯的FEEL看著餐牌也滿心歡喜選擇挺多的嘛..那個龍珠好想試一下呢不過之前吃太飽，怕他太大一個店內牆上的塗鴉朋友選了這個火焰沙冰...看著挺不錯？如果你沒看過圖片的話..應該會這樣覺得但實際圖片跟真實也真的有點差距啊...我朋友失望極了...而且這個杯底用羹是沒能用吃完最後他是用喝的喝完我這個跟圖片差不多可惜對那個布朗尼實在失望緊了！只是一個朱古力海棉蛋糕一樣...唉，這個也不太好吃，味道不夠整個就是失望極了...........還好沒有叫龍珠...

今日試咗一個燉蛋梳乎厘同埋一個朱古力心太軟。首先 梳乎厘都幾有味道同夠熱。因為即場整都好夠熱既，雪糕就普通。心大軟有d苦，麻麻地。我地覺得依度食環境夠d，裝修好靚但甜品就普通。

九龍城除咗出名泰國菜之外，甜品都唔差架，難得嚟到九龍城，當然要試吓呢度嘅甜品啦~咁岩經過呢間叫Dessert Room，就入咗去試吓~呢間舖頭入面嘅牆身都畫上塗鴉，感覺時尚～講返食物，由於本人太鍾意食朱古力嘅關係，於是就叫左個朱古力冰島($47)同布朗尼新地($54)朱古力冰島上面除咗有朱古力，仲有曲奇金寶，迷你棉花糖，水晶珠同朱古力汁，賣相好吸引呀～除咗有棉花糖軟綿綿嘅感覺之外，又有曲奇脆脆哋嘅口感，好正呀！而布朗尼新地就由合桃朱古力布朗尼蛋糕，朱古力忌廉，朱古力沙冰，雲呢拿忌廉，朱古力雪糕，朱古力脆脆米同朱古力汁製成，好重朱古力味，啱曬我呢啲超愛朱古力嘅人～雖然我覺得$50幾蚊食一個甜品有啲貴，但食完感覺超滿足，已值回票價

好少遇到d餐廳,差到要寫食評反映。今晩去到九龍城,想食甜品。見呢間餐廳裝修幾西式,咪入去試囉。我同朋友叫左窩夫同梳乎厘。雖然餐牌寫話梳乎厘要等20分鐘,但都ok照order。先來了窩夫,賣相正正常常。但一食落口,只感覺件窩夫偸工減料。朋友試過都話似用左d好稀既蛋漿黎做件窩夫,食落口先會感覺好輕身,好似食緊d唔足料既雞蛋仔咁。到食完件窩夫,足足等左40分鐘,碟梳乎厘先到 。即管再試試個梳乎厘,―鎅開件梳乎厘,嘩！,濕立立到水塘―樣。跟住問個侍應件梳乎厘係咪未焗好？個侍應話”係咁嫁啦！”我再問咁樣食唔到wor,可否換第二樣野食。跟住問個侍應又用好悪劣既態度話唔得！導致我地最終都無食到件”水歪歪”既梳乎厘。隔離枱既食客目到成個過程都話唔會再食呢間餐廳。其實九龍城重有其他好食,侍應又好態度既甜品鋪,以後都係食返o個d算喇！

次次去kowloon city都會留番個肚食dessert呢間都食過好幾次,次次都食綠茶心太軟今次試朱古力味食得出佢真係用Valrhona dark chocolate整既,70%唔太甜由於心太軟係即叫即焗,出黎真係可以做到外脆內軟流心效果加埋個vanilla ice-cream 一凍一熱, 正啊唯一令人失望就係冇咩service,老闆黑面不在話下我地7點去食,全程得我地一台客隔離台D野由我地坐低到食完走人都冇執台@@如果only食佢個dessert係ok ge,但係就預左冇咩service不過佢既心太軟又真係冇得輸,下次都會再食

一個人喺九龍城食完晚飯，好想食甜品就諗起呢間小店經營法式甜品舖。臨近聖誕節，就見到甜品師整緊D聖誕老人公仔，佢地話係會將個聖誕老人放入個龍珠裡面。見咁特別就想應節一下，點知原來係要過兩日先推出。所以就揀左個芝士撻黎食，外皮鬆脆仲要D芝士係流心嘅!最好就係食完都唔會滯。

見到佢張易拉架 ，行到街尾先到，個服務員都幾好人， 野食又唔係等得好耐既， 但份量就小左D, 以為呢個80蚊龍珠會好正，點知入面係食泡泡的。like facebook有9節，80蚊送粒雪糕