影片
以上资料只供参考，请与餐厅确认详情
好耐之前想帮衬，行几次都无开门，早个多月都摸咗次门钉，原本无再谂住食到，点知公司姐姐去开买嘢见佢有开，即刻打电话问我哋食乜 😜😜买完要行约 10 分钟返公司，个鸡蛋仔仲脆，有啲红莓无咁漏，蓝莓梳乎里好弹，蜜糖多士仲脆口，同埋好香。个梳乎里同多士跟一大 pat cream, 好味就好味，但好邪恶，所以都系点到即止 🤣🤣
继续阅读
好少行过黎土瓜湾街尾依边揾食，睇过几次网上报导话老板本来系酒店饼师，再出黎开铺，佢同其他人唔通系佢唔系出黎卖贵价靓切饼，而系平民鸡蛋仔order 左个肉松鸡蛋仔，皆因只味比较特别唔系成日有，而价钱都只系十几蚊唔贵。无其他食评讲咁耐，大概等左十多分钟，终于到手啦仲有靓靓包装袋，平时d 铺头都系啡色纸袋就算嘛，用心老板，加油！
继续阅读
鸡蛋仔好味到冇朋友！虽然要排队、但值得;暂时呢区无人能及(个人意见)地方虽细;老板用料绝无马乎！价钱公道、希望快D暂揾住脚有一班街坊搬去附近较大地方可以一边食、一面打卡分享比为食鬼嘅大家！
继续阅读
舖头位置唔算就脚，地铁站要行15分钟先到🦉不过绝对值得一行叫左黄糖鸡蛋仔($10)同埋水蜜桃窝夫($25)黄糖鸡蛋仔10蚊一底大大份唔会好甜仲每一粒都脆卜卜👀水蜜桃窝夫用新鲜水果唔会有好假嘅甜味而且窝夫焢焙味十足💃🏾前酒店师傅做过Marriott几年，有技术有礼貌又有心😍一间90平方尺嘅小店唔算有咩装修，门口得两张胶櫈俾你坐低等，但食嘅就系𠮶份心机𠮶份心意，香港嘅小店最值得欣赏嘅就系呢份情怀等候当日唔算多人，5分钟就有货，实在快靓正!一定会再黎
继续阅读
虽然冇人在意，但都系趁得闲同有记忆喺度，拿拿临找数讲返第二及第三次帮衬甜甜味嘅食评先~第一次帮衬OREO鸡蛋仔，感觉甜度调味OK，但质感远远不如已结业的小食部，不过都决定畀机会佢，第二次帮衬嘅系蜜桃窝夫。或者即叫即整系老板的坚持，但我想讲真系几慢吓，我帮衬前根本冇人排队，但都等咗约10-15分钟先有成品。味道方面，个窝夫确系做得唔错的，热腾腾又软身，黄糖调味刚刚好，卖相不俗，个盒、餐具亦几精美，同舖头出面较乌烟瘴气嘅环境可谓完全格格不入。第三次帮衬嘅系两款梳乎里──紫薯酱士多啤梨梳乎里、花生酱梳乎里。今次系星期六嘅傍晚时份，由于前面有人排队，而老板亦系即叫即整，所以都等咗七、八个字，少啲耐性都唔得……先评价梳乎里整体质感，老板呢款梳乎里嘅质感比较实，同而家比较兴𠮶种空气质感完全两码子事，我个人就麻麻地，觉得松软一啲会较吸引。加入紫薯酱同士多啤梨嘅梳乎里味道当然较佳，不过士多啤梨唔太甜、少酸，同紫薯酱嘅味道亦未算搭配得到。至于较寡嘅纯花生酱梳乎里，花生酱算香，不过由于质感始终实，食完唔会有几好味、值得再购买嘅感觉。个人认为，要为甜甜味嘅甜品排名的话，我会觉得窝夫>>鸡蛋仔>>梳乎里，而梳乎里嘅价钱系三者中最贵，大家可以衡量一下。有批评先有进步，希望老板继续努力，睇报章杂志访问觉得佢算有心，而且又有即叫即整的坚持，态度非常良好，外卖餐具同盒颇精美，睇得出系有心做，不过暂时质素未去到话好值得等30分钟以上。另外，由于出面较乌烟瘴气，都希望老板可以更加倍注意食物卫生。为咗鼓励一下老细，食物总评就畀4星啦，虽然4星只系畀窝夫，而唔系梳乎里 最后最后，希望老细开舖时间可以稳定啲，唔好令客人摸门钉。
继续阅读