影片
食家推介
见甜牙牙终于装修好，就来试一下。 晚上10点来到还是差不多满座的状态，装修后楼底低了令声音走不了，环境比未装修前的满座更吵。我点了红丝绒鲜苺千层蛋糕和草莓族轻盈窝夫餐。先上来的蛋糕令我十分失望，上碟时见到有一堆cream的残骸，蛋糕上的生果四散碟内，明显是打翻了再扶正😔可惜忘记拍下来。但换一碟蛋糕也没有太好，新上的蛋糕碟还是全湿的再来的窝夫上碟也十分求其，雪糕有冰未装修前的甜牙牙一直都是我宵夜首选，明白刚开店有很多东西需要适应，希望甜牙牙能有所改善。
继续阅读
甜牙牙已经无一出既时候咁多人食, 听人讲质素下落左好多。不过今日又去左葵芳睇戏, 睇完见甜牙牙都仲未收,同朋友食堆个糖水宵野吹下水先走啦。野食方面我叫左红豆绿茶窝夫，三式蕉焗杏仁片片窝夫..红豆绿茶窝夫一般般啦, 窝夫都热既同有好重牛油味, 红豆都几甜~绿茶味就唔系好食到~~三式蕉焗杏仁片片窝夫d蕉都几稔几熟, 甜既, 上面有d 朱古力酱, 窝夫都系脆脆地既, 无咩特别..不过呢度唔多人, 叫个甜水吹下水都几好既
继续阅读
同朋友系葵芳行完街食饱饭，又系时候要叹返个甜品喇，之前试过尖沙咀既甜牙牙觉得几好味，见到新都会都有就一于食呢间啦。咁啱唔系太多人。一入去就有位。地方唔算太大，不过比起尖沙咀已经大间d龙眼荔枝号 $72龙眼同荔枝都有好多粒，味道好清甜，不过佢另外加左d桂花碎，食到既时候会苦苦地，影响晒成个味觉心太软+雪糕 $50雪糕同朱古力卷都好味，心太软够流心，不过感觉佢仲间既流心系加左d酒，所以都会有d苦苦地，都系影响左味觉呢个甜品唔太满意，试两样野都系有d苦涩味，有d失望
继续阅读
今日带埋3个女去食甜品，叫左个朱古力士多啤梨窝夫比佢地，我就要左个心太软配movenpick 雪糕，再加一个椰子雪山。先讲个窝夫，好香嘅朱古力味配朱古力雪糕，窝夫够脆，正！椰子雪山就有椰汁绵绵冰，好香嘅椰汁味，有椰果同龙眼肉。但我个心太软就一黎到已经见到佢系㶶左，一食落去系劲苦.......同好粉..........如果唔系因为有个movenpick雪糕，佢系唔值呢个价钱的。
继续阅读
现正身处这店，真系忍唔住要即刻写个食评。开心要SHARE，唔开心都要SHARE。经过见到有all day breakfast，就入黎食个下午茶。menu有四页：叫左个英式全日早餐，优惠价$58餐饮的柚子冰红茶，零柚子味、零甜味、零冰块，只系一杯冻冻地既红茶好多时都会食ALL DAY BREAKFAST，友人话斋，好难整到唔好食。我第一次，真系第一次食到个难食既，真系难得一遇。呢个英式全日早餐，全个餐三个字形容，干! 硬! 冻! 先唔好讲个份量喇，你个焗豆唔整返热佢亦都算喇，蛋、肠、烟肉全部都系冻既!!! 真系好唔尊重食物，亦都唔尊重啲食客，咁都上得枱!! 睇下条肠都摆到皱晒皮，你就知摆左好耐，又硬又干又冻。连个煎蛋都系冻，硬掘掘既! 呢个味道系值零粒星，唔好话唔值$58，免费请我食我都唔想食!问个职员你呢个餐全部都系冻架? 佢话: 我攞入去整返热佢。 隔左阵又攞返出黎，系热左既，求其摆入微波炉叮吓佢敷衍了事! 啲菜都叮到变梅菜。另外叫左个吞拿鱼沙律芝士大牛角包连汤$45，再加$8有热咖啡及鲜果沙律吞拿鱼沙律芝士大牛角包，味道OK既，有几粒仔芝士碎(见图，总芝士量系细过个一毫子)咖啡系即磨咖啡，味道一般，奶都系冻既半个钟个汤都到，催左次，隔十五分钟都未到，又催第二个，再等多五分钟先送到。意大利杂菜螺丝粉汤，呢碗汤系啱啱上枱的，并无饮过。个碗系崩既，零螺丝粉，而个汤系微暖既，我只手既温度系热过碗汤既!! 本来都冇谂住写食评，但真系忍唔住。写写吓睇返个MENU先记得系有个鲜果沙律，又问职员攞返，个职员先去改单。等左五十五分钟先到既鲜果沙律:个汤同个鲜果沙律都系冇入到单既，但钱就会收足，野食唔问佢攞呢，就冇架喇!以前夜晚食过几次甜品都正正常常，系等野食要等好耐。今次差到咁，唔会有下次了~~
继续阅读