甜牙牙煮意

营业中

休息中

中秋節玩完燈籠緊係要埋甜品啦😍😍黎到旺角甜芽芽，點知老細話要等位！都預咗等架喇！但老細接住話對面Cookery 都係佢🤣🤣隔離有位叫我地過去，緊係即刻去啦！Cookery 係偏高級西餐裝修，好有氣氛，亦都可以食埋西餐，我唔知原身係咩餐廳，但而家既餐牌會有西餐前菜，主菜，意粉同甜品芒果綿綿冰 $76熱部辣黎食呢個真係好正！芒果粒粒唔酸偏甜，新鮮芒果配上凍冰冰既綿綿冰，每啖放落口都有唔同既層次！綿綿冰應該有用奶去打磨，所以質感好，夠消，入口即溶，沒有藥水味提拉米蘇 鬆餅 $76 等咗好耐，超過半小時先到！之前食咁多次甜芽芽都未試過等咁耐🫥🫥好嬲！ 講返食物《提拉米蘇》好有酒味🌟係香既！入口即溶！ 雪糕雲呢拿正正常常，但凍冰冰既雪糕配埋遲左勁耐但好熱上碟嘅鬆餅卡好好味🤣🤣所以真係唔太嬲得落！下次依然會幫襯！有機會黎呢到試下西餐，先再叫埋甜品先👍👍

同朋友約食飯, 但佢話佢公司老細請食下午茶, 唔係好餓所以我地搵左間專食甜品既甜牙牙煮意黎食入面既環境都幾新潮, 播既歌都幾好聽, 唔會太嘈, 幾岩傾計, 因為我就有D肚餓, 見到原來都有正餐食, 所以我地都叫埋黎食職員仲問我地要唔要佢推薦下食物? 另外又介紹正價飲品，第二杯有半價, 牛小排八五折，但要預先訂枱，如果在九時前埋單會有八五折。原來三時到七時都仲係下午茶時段，單點小食，會送一杯咖啡或茶,咁都幾抵WOR!白酒花蛤意粉-$96意粉可以揀圓, 偏, 長, 我地今次揀左圓, 白酒嘅香氣同花蛤嘅鮮甜, 完美咁融合喺意粉入面, 意粉彈牙，醬汁濃郁, 而花蛤完全冇沙, 夠鮮甜, 每一口都令人陶醉升級套餐-$40套餐係包埋湯, 飲品, 同埋叫甜品可以減$20, 都幾抵下, 今晚既湯係甘筍湯, 清甜爽口, 湯底滑順, 而且營養豐富得黎又好開胃蒜片乾辣椒意粉-$68D個炒得好有鑊氣, 辣香四溢, 蒜味濃厚, 今次我地揀偏意粉, 意粉彈牙爽滑, 辣度適中, 帶來刺激的口感焦糖芒果窩夫-$76窩夫酥脆香甜, 焦糖醬滋味濃郁, 配上新鮮芒果的香甜與果肉的口感, 再加埋芒果雪糕, 絕對是甜品愛好者的極

💛喜出望外的甜品西餐廳💛朱古力高夫PARTY(香脆窩夫，忌廉、雪糕、朱古力脆、朱古力球同醬、杏仁曲奇碎) $128：（必食⁉️）窩夫香脆，配搭忌廉同雪糕好好食。朱古力脆同球增加咗口感同層次，杏仁曲奇碎帶出啲香脆嘅味道。整體而言，係一個令人滿足嘅甜品享受，所以材料配搭得幾好。水晶仙草芋圓杯(水晶、芋圓、仙草、脆珠、西米露) $52 :水晶清爽，芋圓彈牙，仙草口感滑順。脆珠同西米露增加咗層次同口感。味道唔錯，但有啲平淡。整體而言，係一個涼爽嘅甜品選擇。Remark: 俾人趕走，明明出面冇人，見到隔離啲主食好似幾出色，下次會想試埋。💰💰💰人均消費 ～$60-$100(Dessert)💰💰💰味道：💛💛💛💛🩶服務：💛💛🩶🩶🩶+0.5環境：💛💛💛🩶🩶性價比：💛💛💛💛🩶回頭指數：💛💛💛💛🩶加一服務 ：❌📍地址：(旺角)旺角煙廠街33B號朗廷軒地舖

一向都知道甜牙牙這 家主打甜品食店， 開業都好多年，有一班捧場客，自己亦都幫襯過好幾次。 最近發現原來在旺角開了一間有主食的甜牙牙煮意， 試下先： 蒜片乾辣椒扁意粉 看似簡簡單單，但魔鬼在細節， 部分大塊菇菌片烤得香脆， 加上一些香蒜片及微辣的乾椒， 製成一個一口 駁一口，口感與味道 兼備的香口惹味意粉。 烤豬骨排 有三大條豬骨排， 上面鋪滿非常惹味香辣 帶有甜酸的自家製醬料， 配合已經一咬即化的豬排肉及澎湃不斷湧出的肉香油脂， 互相配合出一個出色的 招牌菜式。Tiramisu窩夫絕對不可以不吃這裡甜品的， Tiramisu香滑 咖啡味濃, 配上的除了漿薄脆口的窩夫， 還有加上畫龍點睛的雲呢拿雪糕， 冰熱脆軟口感在嘴裏發揮得淋漓盡致， 滿足。最後配上一口清新醒 神的西柚湯力咖啡，refreshing!

位於舊式露天街市果條街嘅一間餐廳，招牌只寫住"Cookery"，差啲認唔到😂內裏裝修到好似一間Studio。Menu有大半屬於甜品類閒日晚市偏靜，訂枱查詢時就寫明9：00前埋單，9：30環離座＋$30 轉套餐，可選沙律 / 湯 ＋ 飲品＋甜品餐沙律唔錯多配料，有果仁同提子乾，個汁偏鹹少少芒果柚子大蝦 $ 78蝦肉爽，芒果甜，柚子淡味，再加入甘筍粒，OK好食，不過冇乜汁醬將佢地混埋一齊，有少少怪雞。。。慢煮豬肝 $ 68呢個推薦！口感好滑似鵝肝，不過當然佢帶有筋位，但係加咗甜豉油令佢似滷水鵝肝咁煎檸檬三文魚 $ 78三文魚柳唔錯，淡淡嘅檸檬味，魚皮煎到好香脆伴沙律菜一流甜品係焦糖布甸，難以置信佢質地似法式Creme Brulee，但係可以脫到模，做到台灣雞蛋布丁樣，太強Creamy 香滑👍鬧市中嘅綠洲，環境靜局，傾計好地方，食物價錢唔貴，食完又可以食埋甜品，唔洗轉場

今晚我試了三道菜。1. 三文魚意粉：餐牌上的描述有些誇大，三文魚煎得太乾，完全沒有肉汁，意粉則偏硬。硬度本身不是問題，但汁水太稀，使意粉無法吸附汁液，不過汁水的味道還不錯。2. 蝦意粉：和前者相似，但汁水的味道稍遜色，沒有菜單上所描述的鮮味。3. 豬肋骨：配菜普通，蒜蓉太生，豬肋骨汁太酸，掩蓋了其他味道，肋骨本身質地如煲湯肉。服務方面：經常出錯，但態度有禮，希望以後能有所進步。總結：3/10。

肥婷中伏｜📍甜牙牙煮意知道旺角知名甜品店甜牙牙喺原店斜對面開多間分店，本身都食過幾次🙈知道新店有榴槤拿破侖即刻專程喺屋企出發去食但實際體驗都幾令我失望💔♡榴槤拿破侖♡｜💰$88其實甜品賣相都真係幾靚💓無可否認打卡真係好正，酥皮都算脆身但拿破侖入面嘅吉士醬係無榴槤味🏳️佢只係原味拿破侖😭食到心灰意冷嘅時候居然俾我食到入面有2粒仔士多啤梨餡…🫣🥺如果佢有少少榴槤肉喺拿破侖入面嘅話，起碼我個脆弱心靈都會得到一絲慰藉😢點解會係士多啤梨💔咁好啦，諗住叫得做榴槤拿破侖咁伴碟嘅cream/雪糕會關榴槤事啦🥹點都救得返個拿破侖🫡點知個cream係原味嘅😑雪糕係雲呢拿味嘅🤯原來$88嘅榴槤拿破侖唯一同榴槤有關係嘅只係講緊放喺拿破侖側邊嘅榴槤肉🫠仲要唔係突然香甜…cp值可以話極低🏳️都係食返窩夫系列比較好😌事後睇返餐牌見到原來拿破侖嘅材料係每天現烤酥皮，配上吉士醬，水果，香滑忌廉，清甜雪糕，馬來西亞榴槤肉，另有杏仁片和曲奇碎🏳️但真心無估到榴槤拿破侖吉士醬無榴槤味，清甜雪糕係雲呢拿味🥲

平時去開舊舖食甜品，見到間新舖少人排，咪過黎食。新舖裝修新啲，坐得比較闊落，Menu又多咗啲主食選擇，不過我地只係食咗甜品。- 芒果棉棉冰  ($76)棉棉冰消暑一流，夏天一定要食。好足料，有芒果味道刨冰，芒果粒，啫喱條，爆珠。芒果份量超多。- 朱古力窩夫 ($66)賣相同舊鋪差唔多，有朱古力味窩夫，朱古力雪糕，烤杏仁片，忌廉，Opera 蛋糕，配埋朱古力醬。窩夫比較一般，外層唔脆，比較失望。新舖可能主力做main dishes，甜品就唔及舊舖專業。如果下次專程黎食窩夫，應該要去返舊舖排隊。

旺角甜牙牙是甜品店，另外有甜牙牙煮意Cookery有西餐又有甜品，一次過晚餐+甜品好方便。8月是豬豬月，有幾款菜式有優惠價。正價飲品，第二杯半價。牛小排八五折，原價$256份，需要預先訂枱，並九時前結帳八五折，下午三時到七時下午茶時段，單點小食，均送一杯咖啡或茶點主菜加$40有湯/沙律、飲品及甜品，我們點了一份。8月是豬豬月，有幾款菜式有優惠價，另外點主菜加$40有湯/沙律、飲品及甜品。南瓜湯十分欣賞熱騰騰上檯濃郁南瓜香味，質感又滑，還有一片炸脆煙肉放在湯面，幾有心思。熱檸檬茶茶色清晰，紅茶優香而不澀，好好飲漁人碼頭 $98有新鮮大蝦、花蛤、和彈牙的八爪魚，有洋蔥及蒜片輕炒意粉，幾惹味烤豬骨排 - 4條 $148份量十足，賣相也一流配菜有烤粟米、蕃茄、菇，連整個蒜頭也有排骨以鳳梨蜂蜜醬和燒烤料醃製一天，相當入味，肉質仍保持嫩滑。附上手套可以更暢快品嚐美味排骨。甜品轉了 朱古力拿破崙（跟餐可減$20）半月型拿破崙配上朱古力味雪糕、忌廉、自制劇院蛋糕拿破崙是每天現烤酥皮，夾著吉士醬、水果，質感鬆脆，夾著的吉士醬與水果甜中帶點清新，為今次晚餐劃上完美的句號。

今日去咗旺角呢間甜牙牙煮意，難得假日識得豐盛啲啦🤤🤤 叫左個腩肉卡邦尼扁意粉， 加埋個set有湯有嘢飲又有甜品 落樓都係百零蚊，最重要嘅係我聽到隔籬枱話專登過嚟食個甜品，令我對個甜品真係好有期望 個甘筍湯，打得好融🤤 而個甜品酸奶有勁多料同白珍珠，口感勁正 而家意粉都係好彈牙，唯一美中不足嘅係我覺得相對偏鹹一啲，不過整體來講都係非常滿意既下次再去食佢地主打甜品心太軟先☺️另外環境都係好舒服，如果一班人gathering要去嘅地方絕對可以慢慢傾偈

今天到旺角逛街，於是順道到了一間甚有情調的西餐廳 「甜牙牙煮意」品嚐一頓滋味豐盛西餐作是日晚餐❗餐廳裝修精美，燈光甚有情調，有精美西式擺設點綴，座位寬敞舒適！店員非常殷勤有禮。烤豬骨排這道烤豬骨排真是令人垂涎欲滴！它的外皮烤得金黃色，刀切下去時，內裡的肉質鮮嫩多汁。外香内滑 ，再配上各種配菜，滿足喜愛肉食的我們，每一口咀嚼都帶來濃郁的肉香氣。烤豬骨的烹調程度剛剛好，令肉質保持了柔軟和原汁原味。這道骨排的美味令我回味無窮，絕對是一道讓人難以忘懷的佳餚！漁人碼頭鮮大蝦，花蛤和八爪魚，再以洋蔥及蒜片配搭，麵條吸收了海鮮的鮮味，很好吃，每一口也是滿足。芒果拿破侖店主每天烤酥皮，配上水果，吉士醬，忌廉和雪糕，配上芒果肉，上面有杏仁片和曲奇碎，整個拿破侖呈月亮型，賣相好精緻，水果望落亦好新鮮，相當之吸睛。切開時酥皮相當之脆身，裏面夾住吉士忌廉同芒果，食落口好清新唔會過甜，濃濃嘅芒果吉士忌廉，食到停唔到口，酥皮亦好香牛油味同相當鬆脆，連埋芒果一齊食好好味，我們不用10分鐘就好快KO咗呢個甜品，下次一定再點這甜品。總體而言餐廳的食物和甜品很有水準，環境氣氛也好，很值得一試。

除左甜品外正餐都好好味友人好鐘意食甜牙牙既甜品, 話之前食過既榴槤系列甜品好正,佢知我都好鐘意食榴槤, 所以就約埋我去食,我上OPENRICE睇先知原來正餐食, 所以我地決定正餐食完再直落甜品入到去整體感覺幾好, 幾新淨衛生, 坐得幾舒服蝦頭湯炒大蝦意粉-$108食D個記住一定要撈埋係底既蝦頭湯, D個蝦頭湯係超級濃, 融合埋炒得好香既意粉係超級夾, 個蝦頭底正到係我地食完都飲晒成個湯, 而蝦既數量都唔少, 幾彈牙, 幾好味漁人碼頭-$98叫得漁人碼頭, 就知有幾多海鮮啦, 包括有花蛤, 八瓜魚同埋大蝦, 海鮮好新鮮, 而且食得出個蒜味好香, 貫穿晒整道菜色榴槤鬆餅-$82D個甜品係由鬆餅, 榴槤肉同雪糕組成的, 鬆餅好香蛋味, 而且好鬆軟, 而榴槤肉好香又多, 幾抵食, 再夾埋個雪糕一齊食, 真係好無敵既一個甜品榴槤芋圓小丸子西米露-$62榴槤咁好味, 梗係唔可以比佢停啦, 榴槤肉混埋落西米露度, 令到西米露充滿榴槤味, 又唔會過甜搶左榴槤味, 做得好好, 而且仲有芋圓同埋小丸子去增加口感, 又係一個冇得輸既組合食飽左同職員吹下水, 佢同我講原來正價飲品，第二杯半價, 牛小排八五折，

除咗有食甜品個間嘅甜牙牙外，仲有呢間甜牙牙煮意，當然唔只有甜品食，仲有西式美食。位置就係甜牙牙地面，店內環境舒適[ 慢煮三文魚 $98 ] 三文魚皮烤得香脆，食落脆卜卜，三文魚用咗檸檬腌製，再慢煮2小時，令肉質口感更嫩滑，食落仲有清新嘅檸檬味，連魚皮都有檸檬味道；意粉揀咗圓意粉，配上用青醬忌廉煮嘅意粉，令口感更突出。飲品配賣相好靚，好Colorful嘅 [ 水晶青檸薄荷梳打 $36 ] 最底層有兩款唔同口味嘅啫喱，香甜好飲，消暑解渴，清新青檸薄荷味意粉面舖上咗碎芝士嘅 [ 豬肉卡邦尼 $78 ] 香濃多汁，食落又香又creamy，揀咗扁意粉，意粉掛汁；用咗自家製嘅咸豬肉，獨特咸香味口感，份量唔少嘅咸豬肉，食落啖啖肉，口感豐富。飲品配 [ 凍拿鐵咖啡 $30 ] 香滑好飲叫咗款開胃小食 [ 話梅東坡肉 $58 ] 啖啖肉，肥瘦均勻，口感肥而不膩，甘香好味飲後甜品叫咗咗呢款 [ 椰子棉棉冰 $64 ] 椰子味嘅棉棉刨冰，冰涼解渴，夏日消暑甜品，仲配有爆珠、雜果條及椰果。另一款甜品係 [ 藍莓士多龍珠脆脆酸奶 $42 ] 水果有藍莓及士多啤梨，配有透明嘅珠珠及脆脆片，配搭酸奶，撈埋一齊食，好

其實甜牙牙係旺角來嚟都幾出名，因為之前係旺角返工，咁收工已經好夜，所以成日都會去甜牙牙食甜品，但自從轉咗工之後，就好少再去食。最近再去的時候先發現他們開了新店，轉過身行過幾步就到新鋪裝修比較西式餐廳，而且有提供一些意粉等西式餐食，不過今次同朋友都係食甜品就算士多啤梨窩夫Party $148 推薦指數🗯️：🌟🌟🌟🌟份量都很多，足夠兩三個人分享；窩夫食落外脆內軟再加上雪糕一齊食，冰火二重奏🤤而且表面的配料也不少，每款雪糕各有三球，絕對不會敷衍，分分鐘食完窩夫，配料都未食完🫣芒果西米露河粉 $38 推薦指數🗯️：🌟🌟🌟其實朋友都係見到佢得意先諗住叫，識落味道同平時的芒果西米露差唔多，芒果河粉撈埋一齊食，其實和芒果粒分別，比較芒果粒比較酸，芒果河粉比較甜🤔️🤔️而且因為用杯裝嘅關係，所以食的時候冇咁方便，主要都係貪得意以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

良久沒去旺角煙廠街，原來開了家沒去過的西餐廳😍😍😍😍黑松露薯條即叫即炸，脆卜卜，外脆內軟的粗薯，沾上黑松露旦黃醬及蕃茄醬很難不好吃😂豬肉卡邦尼意粉意粉面舖上刨芝士碎，甚吸睛。點了長通粉，每根都有卡邦尼醬汁，還有煎香了的腩肉，汁料惹味，粉有彈性，香氣撲鼻，大推薦。漁人碼頭意粉餐粟米奶油湯濃稠熱騰，口感不失滑溜。意粉有高級西餐的模樣，黑胡椒蒜片洋蔥蕃茜等炒香，再把海鮮大蝦花蛤八爪魚🐙跟扁意粉🍝輕煮，彈牙豐富，香草黑胡椒簡單🌿調味已不錯。甜品是一口窩夫和巧克力雪糕，精緻不馬虎，雪糕奶味多，解暑不過甜。抹茶心太軟個子不小，焗得恰度好處，朱古力旦糕脆而薄，少少微香，內裏的Green tea 醬汁濃郁豐厚。好久沒吃，加上冰凍的抹茶雪糕杏仁片及淋紅豆和鮮果奶油同吃，又凍又暖，份外開心。食後感：不設加一，店員友善，食物美味，會繼續和朋友來。P.S. 除order正價飲品第二杯有半價外，還有牛小排85折優惠，原價要256元呢！9點前離座又有85折，下午茶3點到7點期間，單點小食，又送咖啡或茶一杯，next time大家識消費啦😆