甜戀人 (已結業)

本人同一太班朋友黎食，因為dinner後$24我叫左個焗西米布甸，好熱，但係味道麻麻地，因為我覺得太甜，同埋份量太少了，好快食哂，咁就$24$17友人叫了木糠蛋糕，真係要用刀去切開，因為都幾難分開佢，不過呢個真係好食！可以話我未食過咁好食既木糠蛋糕，做得不太硬，不太creamy！

食完lunch 同個friend 去食甜品, 聽說這間小店開了兩個多月. 成間店都橙色, 說來坐位其實不多, 但可能是因為人少的關係, 也算坐得舒適. 環境真係幾ok.加上佢杯咖啡, 只是HK$5- (食野加錢送的.) 真係好似去左high tea 咁.點了個木糠布甸, 味道還可以, 當然要夠凍啦. 比起平日旺角土屋吃的也算不錯, 但可惜木糠布甸的款不夠多. 朋友吃的是焗西米布甸. 睇落都ok. 聽就不是太甜太漏, 評價相當正面.看見manual之中還有許多奇他的選擇. 似乎要再下一次才可以試試...很值得一試.

響彪哥食完晚飯，記得有呢間甜品店，一定好味過果間薑汁撞奶，所以行左落去食。時間尚早只得一檯客，招呼唔錯(同上次黎一樣)。我叫左榴槤黑珍珠，幾ok喎，個黑珍珠糖水唔會話好甜，又唔會話太淡。舊榴槤幾香，起碼好味過我上次去聰嫂。其餘果三款我冇試味，但食既都話ok。

見呢間野都幾多人幫襯, 諗住都穩陣叫左個72%心太軟(約$40)同芒芒小丸子($20)先黎芒芒小丸子見佢攞杯芒果汁黎, 正想同佢講我地冇叫嘩....原來係杯上係一杯好稀既芒果汁裡面有d微型小丸子我諗芒果汁只係用左1/8個芒果+大量糖水整出黎芒果味好淡, 但好甜, 小丸子好少搵笨心太軟出場好細個, 唔香蛋糕流出既朱古力醬有酸味, 即係用料唔靚仲要成40蚊, 唉.....都唔明點解咁多人排隊我諗係因為附近冇糖水/甜品鋪佢先可以咁好生意

第1次食呢間甜品店~味道OK啦,不過我覺得等野食都幾耐下...不過平時經過見到都吾系好多人幫親可能因為又細又吾出名掛~~~D黑燸米都OK既~下次我會想再去多次,試下其他既甜品

今日係觀塘路過就同媽媽尼左呢到食野我地入去既時候一個人都冇我地叫左一個椰汁紫米露,一個糖不甩仲有一個朱古力梳乎厘個waiter差d幫我地落左西米露好彩佢再問一問姐紫米露好快就尼左幾香椰汁味食落唔算大甜都唔錯呀之後到糖不甩尼我覺得好似普通左少少冇咩特別我自己有整開甜品都知道整梳乎厘係需要較長既時間但我等左15分鐘都未有隔離台遲過我地入尼食其他野都已經走人當梳乎厘尼到既時候佢地竟然話個師傅整左雲喱拿味wor你要唔要呀咁我果陣真係下左出尼其實認真我真係唔係好想要不過我已經等左好耐sai左好多時間唯有食左佢啦但我覺得雲喱拿味食落好似冇咩咁lor佢地既補償除左講聲唔好意思仲送返個雪糕比我既不過始終食唔到我想叫既野就真係唔係咁好

上次去到呢間野只係食左個濃情心太軟...點知唔太好食...所以今日再去同男朋友食呢間野...試多次心太軟同其他食物...首先要左個自選綿花冰,朱古力底加彩針加綿花糖加跳跳糖...外表不錯,份量太小啦...仲有好快就溶晒...不過都幾好食~之後再要左個心太軟,基於上次食果個濃情心太軟太苦.今次要左個甜蜜心太軟..外表都不錯...不過...個心太軟好細個,...而且...食落有一陣奶粉味食到有d口渴,諗住叫杯水,點知又要加錢最後叫左4隻鹵水雞翼.一入口...唔似食緊鹵水雞翼.似食緊鹽水雞翼最後.....埋數...95元...出左門口..有小小後悔......

於假日的下午，總想可以優悠地渡過，但城市人總是很難真正地過一刻無憂無慮的生活。然而，當真正的遇到了，便會好好的把握它。這次，與朋友偷得浮生有幾分鐘閒，於是更到一個甜品店內享受一下甜美的感覺。叫了這裡最有名的心太軟，內裡的朱古力還選了店內最重的72% 。當甜品送到來的時候最吸引的就是它的黑白相配：黑色的心太軟，配上白色的雪糕。先吃它的雪糕，因怕它會溶掉。不能說有甚麼驚喜，不太甜也不太淡而已。來到主角。每一次都很喜歡看着它裡面的朱古力慢慢地流出來的情況。有一種優悠，又有一種優雅的感覺。說到味道也是不錯，脆脆的外表，流出濃濃的朱古力，很好的享受。

凍凍地想食甜品, 見此店裝修簡潔, 便買了2個外賣, 點了以下食品1) 熱三寶糖水, 即蕃薯+薏米+雪耳, 點知出事了, 4塊蕃薯超硬唔甜, 完全唔靚!! 雪耳更差, 有d膠味, 我好驚食左大陸的假雪耳, 真係好差. 連蕃薯同雪耳d咁平的材料都咁差, 完全無心機可言. 一間糖水舖如果連中式糖水都煲唔好, 點可以成功??(2) 凍木糠布甸 , 雪到入晒冰, 食落得d奶粉味, 完全唔係木糠布甸, 唔甜無味, 好難食!!一句講晒, 唔會再去!!

9月17日, 食完coco一番屋, 行咗陣街又係時候食埋個甜品先~ 唔知點解食完咖哩好口乾, 好想飲杯野解下渴, 一路行去牛頭角嘅路見到一間甜品店, 二話不說就入咗去~::: 木瓜汁 ::: $18好口渴, 但係搵勻個menu都冇乜野飲, 唯有叫咗杯木瓜汁~ 嚟到先發覺原來叫錯野, 一路都以為係木瓜奶添… 咁樣嘅話一杯好普通嘅木瓜汁要$18真係有d唔抵, 既唔凍, 又唔甜…::: 濃情心太軟 ::: $33心太軟個樣都唔錯, 亦都頗流心~ 但其實味道就一般般, 朱古力味唔算太濃, 甜度頗高... 球云尼拿雪糕放到無雷公咁遠, 好似無咁易溶咁~ 唔係cheap cheap雪糕, 仲有云尼拿籽喺入面~ 唔錯~ 球雪糕挽回番唔少分!呢間甜品店食物種類唔多, 質素亦唔算高~ 越開壞濫, 睇嚟都做唔長…

當日食完晚飯個肚仲係空空地,就諗住同女友食糖水.正好路過女友想試好耐既"甜戀人"就入去試下.我叫左個凍芝麻糊+杏仁糊,女友就要左個焦糖杧果班戟.個凍芝麻+杏仁糊夠味又唔會太甜連平時唔食芝麻糊既女友都偷食左幾啖而個班戟就不過不失, 係D芒果酸左D食到咁上下就想加單要埋個濃情心太軟試下明知要等15分鐘都係要叫黎試期待既15分鐘快速過去店員既一聲"唔好意思~~濃情心太軟"正當諗住有得食既時候換來既係無上既失望佢就放底哂時(當時個"軟"字仲係有尾音)估佢唔到佢係放手前一刻接住句"師傅整爛左~"(1秒講完)一放手就即時閃走左係~~個心太軟係要整開黎食爛左係冇咁美觀但都等我應左你先行開丫平來諗定哂第二日試埋其他野但係店員既態度即時令我地覺得好味都冇用唔會再幫親

一班同事食飽后經過入到去即刻有位坐店舖有2層 我地上左去第2樓叫左個"云喱嗱梳乎厘" 好好食 唔太甜 跟住同事叫左個"心太軟" 買相ok 味道好食 仲有分普通濃味同特濃味另外甜品店仲有其他野食 例如棉花冰, 班戟, 佢地的棉花冰係可以自己配料, 還有楊枝金露係用新鮮芒果整的

同朋友o係apm食完百瀧..意猶未盡..行左10分鐘到朋友食過既甜戀人..雖然住附近..但我就第一次食..初初怕食唔晒..一人嗌左一樣試下..我叫既係Crème brulee..焦糖面做得o岩o岩好..仲好脆..燉蛋好滑..朋友叫既係蘋果卷+朱古力雪糕..蘋果卷好好食..酸酸甜甜咁之後仲再叫多左個濃情心太軟72%+雲呢拿雪糕心太軟好香..甜度適中..整體黎講好唔錯..要講缺點既話就係細左小小同有少少嘈..埋單HKD87

新鋪開張, 有折抵食, 不防去試下! 最好味係佢地既綿花冰, 比起旺角鋪D綿好多! 值得1試!同埋佢地既朝夕雙對入面既雪糕球, 超好味, 朱古力雪糕下面仲有朱古力醬, 士多啤梨雪糕有士多啤梨粒! 好味!

晌鳴門食完晚飯，覺得唔係唔夠飽，但又唔係話好飽(咁即係點呀?! -__-) 我知喇，個甜品胃晌度叫呀~~keekee~~~一路行我一路嚷住要食糖水，行下行下就見到哩間「甜戀人」，睇落應該都唔係開左好耐。門口有d單張，睇落都幾對胃口，就入去試下啦。我地食左：濃情心太軟 72% 配雲呢拿雪糕($32) – 哩個梗係我揀架啦，女仔梗係鍾意食心太軟！size比想像中細左小小，第一啖有少少苦，之後撈埋d凍冰冰的雲呢拿雪糕，不錯~~不過唔知點解加左d綠色o既醬，有少少似薄荷，有d騎呢，我覺得唔加仲好。雲呢拿疏乎厘($36) – 肥豬點的，都幾大杯o番！我都偷食左d，哩個我認為中規中舉，入面濕左少少。原來間舖有兩層架，有條樓梯可以上去。侍應都係後生仔女，服務都ok。下次如果同朋友黎哩頭食飯，都可以帶佢地黎試下~~總數：$68