甜心鮮果園

营业中

休息中

平時行過都見到呢間野既廣告牌聲稱有全港首創既鮮果炒冰所以就忍唔住入去試下。兩個人點左兩樣甜品一個係芒果炒冰 一個係芒果腸粉芒果炒冰既口感非常綿密唔似綿綿冰 咁食完好似無乜感覺咁而且炒冰係好實在既芒果味！！芒果炒冰再配上西瓜就係令個口有種fresh左既感覺。而芒果腸粉既腸粉皮好薄 又好滑而芒果就大大舊 雖然就係比較酸。甜心鮮果園坐落左係元朗已經一段時間打對面咁有兩個鋪位 夾埋大概有十張枱左右雖然唔係新既連鎖式既甜品店 但都坐得舒服

好多人入元朗只會諗起b仔涼粉！但其實有好多細店都非常出色，呢間鋪既芒果腸粉係我食過最好食❤️d芒果好甜，唔似係加左糖水既甜味，而係真係靚芒果既味道，而佢個皮係非常滑身😍😍😍

元朗多甜品食就不嬲都知，但想食又鮮又香嘅水果甜品，唔好再去食咩仔涼粉啦，呢間甜心鮮果園都好不錯！佢招牌寫住嘅自製嘅芒果卷嘛，就緊要試下佢！食落第一啖個粉非常之滑又唔黏口，好食過其他出名糖水舖嘅腸粉。啲芒果因為冬天應該唔係當做，所以就無話好甜，但酸酸地先係真正嘅芒果嘛，咁先證明到無浸過糖水！不過就唔好 expect 係好靚既糖水舖嘅裝修，佢比較細間啲同貼地啲。如果我住元朗一定會成日落去食😂 但附近無乜其他舖頭，所以係元朗市中心食完就一定要行一段路先到到佢近朗屏西鐵站個邊。

甜心鮮果園   自製芒果卷($40 )再食呢間幾有名氣嘅甜品店😍芒果腸粉食落超滑😍😍👍🏻👍🏻包住厚切既芒果，每粒芒果都超香甜勁好味！！每啖都好多果汁，正呀！

叫左燕窩鮮奶燉蛋 同埋 鮮什果西米撈，每款$37，西米撈個樣好似頹頹地，有得揀芒果汁同西瓜汁底，但兩樣野唔當造，咁揀西瓜啦，黎到試下啲鮮果，奇異果勁酸呀，反而西瓜同芒果都甜，生果唔算多，但整體夠凍，西米都唔會痴埋一舊。 另外個燉蛋其車已都好滑，不過啲燕窩就偏少，都幾好味嘅，唔太甜，但食飽飯再食都飽肚嫁！ 佢有兩個距離好近的店鋪，一間坐滿人就過對面坐，同埋職員都好好，同佢講落錯單佢都即刻改番，下次都會再黎幫襯！

朋友知道我極度喜愛榴連專程帶我到元朗食榴連炒冰👍🏼😍😍😍😍只可以講 一定會一試愛上外表平凡 ～但佢係有咬感嘎炒冰而非好多一粒粒冰既咬口好重榴連味難以用筆墨形容仲有芒果炒冰揀我地仲叫左呢個榴連紫米露但平平凡凡

元朗甜心鮮果園，以前嘅《炒冰》好出名的，所以我又叫佢做《甜心炒冰》佢哋嘅炒冰，係將果汁倒落-40度嘅鑊到炒，低溫之下變成冰，再將冰塊炒到成舊磚咁！食落去唔會覺得有冰碎～食完真係急降溫，真正消暑！對於炒冰我食過太多次啦！所以今晚食其他～～ 我揀咗：*芒果腸粉：腸粉皮Q彈，充滿淡淡的椰香味！裡面包住大大粒嘅芒果😍😍上面仲淋上好豐富嘅芒果汁～～芒果迷肯定大愛💕*椰汁西米露：佢好似塗改液😹，但食落唔錯的🤤*蜜瓜涼粉：幫長輩👴🏻👴🏻買的外賣糖水另外仲有熱食的：燒賣腸粉魚蛋、（推介）佢嘅辣味雞翼尖👍🏻

-🍧芒果炒冰（🤤8/10）🔽呢間既芒果炒冰應該係全香港最首創既炒冰，好多年前已經有，除左夠創新之外，味道亦都好好。芒果炒冰既芒果味好濃好重，唔似一啲好化學既芒果味，應該係用天然芒果黎炒既，佢既質感無冰咁實，而且師傅炒得幾好，令佢食落好幼滑，無碎冰既感覺。夏天黎食一定透心涼。🔽📍甜心鮮果園📍元朗安寧路紫荊樓2期138號地下#hkig#hkfood#foodpics#instafood#foodies#cuisine#foodshare#foodgasm#foodphotography#hkfoodie#hkfoodseekerlu_bie#hkfoodseekerlu_bie元朗#吃貨#美食#香港美食#元朗美食#食好西#芒果炒冰#甜心鮮果園

每日放工其實都經過哩間糖水小店。店舖外觀唔係話好突出，但係都屹立左係哩度好耐架啦尋日放工經過，見到張poster，又幾過癮。個人都幾喜歡榴連既，咪試下囉同個寫單uncle吹開水，原來佢地話榴槤卷係最近先出，做個期間限定。巿面榴槤靚先做，唔靚唔做喎。聽得出佢地揀料都幾有heart. 不過我估榴槤就黎過造，佢地都係賣多兩﹑三個星期。黎到，佢真係好似一條未加豉油既蒸腸粉。但係佢就係個面果D...係榴槤汁。切開就發現佢好似有滑蛋係裡面，但係榴連味已經滲緊出黎，都幾香。食落個皮就好滑，再加埋榴槤，哩個配合真係唔錯。哩間野本來只係賣芒果卷同炒冰出名架咋，而家整個榴槤卷，都幾新鮮丫。元朗其實都真係幾多野食~出名既地方，其實都唔多去，寧願捐窿捐罅，搵下哩D小店。

叫左鮮雜果涼粉，生果完全唔新鮮，好乾，雪到有層皮咁，個涼粉d奶係奶水好稀無味，睇相都睇到個效果，成碗垃圾綠豆沙就普普通通，煲到起沙，海帶都多。店內感覺殘舊污糟，唔會想再去

同朋友食完飯想食糖水，就近就行左過黎。雖然係元朗想食糖水一定諗到b仔，但係有時試下其他也不錯。價錢中等，環境似係家庭小店經營。雜果涼粉，超大份，差小小食唔落。除咗蜜瓜，其他都正常不錯。芒果紫米露紫米露雖然太熱但係甜度適中，涷凍地非常之解暑。

天氣鬼死咁熱🔥🔥🔥好想食啲凍嘅🤔🤔🤔經過朗屏嘅天橋底見到有間糖水舖就入去試吓先兩間店舖對面對面。都幾大款式都幾多，十五十六唔知道食咩好最後揀咗個榴槤天地一嚟到感覺就覺得賴嘢添🤦🏻‍♀️🤦🏻‍♀️🤦🏻‍♀️賣相咁差，估唔到都幾好食，白色珍珠超有口感，榴槤香味超重😝正！食落都幾過癮雪糕西米露。雪糕就啱晒小朋友食呢😂臨走先知道本店出名係炒沙冰😭😭😭下次要再嚟試過價錢都唔貴

這裡以吃芒果炒冰和一系列芒果甜品作招徠，口渴的我們去吃這個確實合適不過。芒果炒冰這芒果炒冰的外形就是一長方體的芒果冰，上面加上了西瓜粒點綴。吃起來很滑，跟平時吃的刨冰或綿綿冰不一樣；加上是用芒果汁炒成，吃著的每一口也像在「食」芒果汁，哈哈！不過，最重要的是，它夠凍，消暑解渴一流呢！自製芒果卷雖然叫芒果卷，我覺得叫芒果腸粉更合適。有時候，我也會想自己在家做這個甜品，因為吃這個甜品就會給人一種很暢快涼爽的感覺。芒果卷三大條，工整地放在碟上，上面淋有芒果汁，未吃，目光便已被露出來的芒果肉吸引住。白滑的腸粉皮其實是用椰汁製成，質感透薄，滑溜Q彈，一放入口已經可以「𠽌」一聲sir入喉嚨，令人有種痛快感。椰汁皮薄滑之餘，還帶有椰香味；芒果肉十分足料，可以大大啖吃，鮮甜多汁，令人吃到停不下來。我最後還外賣了，回家跟家人再吃～

黑面神B介紹大家食炒冰降下溫😌炒冰？唔係用火！係果汁倒-40℃低溫急凍鑊炒，低溫下果汁凝結成冰，再用鑊鏟將冰塊炒成一塊磚狀。.有四種口味，芒果、榴槤、香蕉同士多啤梨！今次試左芒果炒冰$41，香濃芒果味，唔太甜，質感似雪葩，放入口幾秒就溶掉。一時貪心，一大啖放入口，搞到d牙好麻痺。(敏感牙齒🤔😂？)大家食果陣要小心啦😂😂😂.淨係食炒冰係唔夠既，再試左鮮什果黑白水晶涼粉$35。好大碗，有芒果、西瓜、密瓜、哈密瓜。d生果好甜，絕對吾係罐頭貨😋-三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食推介.甜心鮮果園 (元朗)元朗安寧路紫荊樓2期138號地下

很久前已聽聞元朗馳名的炒冰，第一次聽到炒冰這詞，所以帶著好奇心一試。我和朋友叫了一個芒果炒冰及芒果腸粉。芒果腸粉份量很足，整整三大條，淋上冰涼的芒果汁，用薄而滑口的椰子皮包著一大塊芒果，雖然芒果不是極鮮甜，但心意答夠。最期待的是芒果炒冰，長方形的一磚冰，用西瓜點綴。吃下去質感超滑，它不是綿綿冰那樣，又不是一粒粒冰分明，剛好如超幼細的冰粒鎖上鮮味的芒果汁！