甜心小廚餐廳 (已結業)

當今只剩不到數十間的炭爐火鍋，九龍城區相信只此一家。從店外裝潢，到店內的環境，很有老香港的飲食情懷。火鍋食物質素一般，牛肉可以無視；反而炭爐串燒可以叫到雞心、豬天梯、牛心反等較少見的種類，推薦大家可多叫燒烤。

香港仔是我工作的地方，每天中午總要想一想去那裡吃才好～～是日，想去茶樓一盅兩件但沒有位，唯有來這間甜心小廚，吃個普普通通的午餐其實當初這間店新開時，的確是有水準的，但每隔兩三星期來一次，便越來越差，上兩次來到，連最基本的飯也是爛的，所以已經有兩三個月沒有來了，今天姑且再給它一次機會！店內環境其實ＯＫ的，始終以香港仔的茶餐廳來說，它是最新的，卡位也坐得舒適，亦有兩部電視看一看；餐具是像太興那種，放在桌內的櫃桶中；不過我們坐下時，連茶也沒有給一杯，而且餐具也不見得乾淨，要叫了兩次，才來了個茶給我們洗一洗餐具。不知是否生意越來越差，本來只做下午茶的煲仔面，改到一點已經供應；是日不太肚餓加上為免再次中伏的關係，決定就叫這個煲仔面，始終吃過幾次下午茶，覺得還是這個最好的了～一兩個餸麵，加杯熱飲也要＄２８，真的是通賬厲害，還是商家加得無厭？今次叫了雞中翼五香肉丁公仔麵，老實說之前也叫過兩次，覺得是可以的，因為原煲上夠熱，味道亦濃可惜今天的又再次令我失望，我可以說我影相是比現實靚得多的湯沒有味道可以理解，所以我叫了五香肉丁吊味，但是份量也太少了吧～～只得幾片肉絲，少少油～～唉雞翼則還可，煎得幾香，可

諗唔到食乜既情況之下同bf黎左呢度食我叫左牛腩魚腐米線bf叫左牛腩豬頸肉米線講真果句...味道同賣相都普通到不行...不過如果只係要求填飽個肚is ok!廿幾蚊,一碗麵,連埋野飲,求求其其又一餐~p.s. 有大電視睇,想hea下打發時間可以睇住tv慢慢食

今日返工唔知食咩好, 行過甜心小廚, 見自己未食過諗住試下, 佢呢到d早餐多數都係廿蚊左右, 所以就諗住買外賣試下。粉面餐兩款餸既都係廿蚊, 烏冬都唔洗加錢呀!叫左一個雪菜肉絲烏冬加腸仔, 凍檸檬茶少甜少冰, 收左我廿四蚊, 睇清楚之後, 外賣加兩蚊??!!外賣咁貴既...個雪菜肉絲烏冬, d湯夠晒味, 另外原來有兩條腸仔, 咁廿蚊又唔算太過份war~碗烏冬都幾大碗, 唔錯唔錯, 而杯凍檸檬茶我覺得幾好飲, d茶唔 “劫”, 下次可以同細佬一齊去食~

唔知大家對茶餐廳的要求如何, 但我極度同意樓下的朋友所說的, 此間飲品和服務都極需要改善!!!因為多客人而要求客人調位不足為奇, 但單就我用下午茶的半小時內, 店內侍應已起碼四個組合調座, 真的是有點那個了。這都不要緊, 最重要是飲食質素了, 可是那杯凍奶茶, 抱歉我不懂欣賞, 已柯打少冰, 但是出來的卻只是奶味, 沒有丁點茶味。惟有叫待應拿杯茶自行添味, 他的回答竟是洗碗阿姐洗唔切杯, 叫我飲完再添茶。難以置信啊! 茶餐廳不能添茶, 是荒謬的現象吧! 光顧香港仔的茶餐廰, 服務都係近舊大街的釗記較有人情味, 新港則是味道還好。如果不介意多付錢, 翠華都可以啦。年多前曾是甜心晚飯常客的我, 惟有跟這間店說再見了。

今日出香港仔前早午餐都無食, 特登留肚食tea, 見呢間價錢算平, 望落去客人都多, 就試下啦~2點幾, 坐低咗攞起餐牌諗住叫嘢食, 下午茶餐都ok多選擇又有煲仔粉麵幾吸引.honey 叫咗個腿蛋治+熱奶茶 $20我叫鮮牛肉豬膶丁... 未講完俾個侍應聽就有個阿姐走埋黎話今日無煲仔麵, 因為爐頭壞咗, 師傅整緊, 唔知幾時整完, 叫我嗌第二樣...() 我哋坐低睇餐牌都成5分鐘啦, 煲仔麵係佢哋下午茶主打黎架嘛, 有乜理由等人客嗌到時先話無架...無可奈何之下就叫咗個炸雞髀+凍奶茶..$18腿蛋治+熱奶茶 - 腿蛋治一般, 雞蛋煎得太熟, 唔夠軟; 熱奶茶ok, 略嫌不夠熱 & 太多奶炸雞髀+凍奶茶 - 炸雞髀好乾好硬呀... 除咗咸味就無乜味; 凍奶茶上檯時係無乜冰的, 用支飲管攪兩攪就溶曬... 一飲之下...好重奶味...暖o既??! 即刻叫侍應姐姐俾杯冰我自己加... 好耐未試過食到令我失望的茶餐廳了...茶餐廳話晒都係香港特色嘛... 唔可以咁o既質素囉~

雖然早前自己已經吃了一餐早餐，但也陪女友吃多餐吧，幸好之前只吃了一個沒有粉麵的早餐，不然真的要齋坐了，與女友選了一間自己未吃過的茶餐廳，入內坐好之後，也看看有什麼東西吃，而我首號目標當然就是杯茶啦！女友點了腸蛋丁麵，要出前一丁加五元，食水也真的挺深，所以最後也沒要，而我就不想吃多份同樣的早餐了，見早餐餐牌之中，其中一個的選擇是XO醬炒腸粉及燒賣，立即二話不說，就點一份來吃，喝的要了奶茶咖啡各一。先來的是女友的腸蛋丁麵，湯或明顯是味精湯底，這個不太意外，而我也知道不應該存在什麼期望，而麵條非常之粗，皆因煮得過久而變腍發脹了，吃起來一點口感也沒有，煎蛋明顯煎得過熟，咬開蛋黃蛋汁只有丁點，吃起來沒什麼蛋黃蛋白味，腸仔是全碗麵之中最為可取的一個項目，煎過的腸仔吃起來份外惹味，而味道方面就沒有什麼特別，都是鹹鹹的，用來下麵最為適合。而我點的XO醬炒腸粉及燒賣份量不少，燒賣是一般的麵粉燒賣，蒸熟後沒加豉油光吃都幾鹹，這個已經夠奇怪，一咬入口軟腍以為實屬正常嗎？但是咬入一點再看再用咀巴感受一下，燒賣有粉粉爛爛的感覺，是燒賣自身的問題，還是店家在儲存的過程中，因為過冷令燒賣內的水份結了冰弄得這個口感呢

第2次來食，但質數下降，價錢上升西寧軟雞塊雞塊很多但沒有雞味，汁不太好吃瑤柱金菇扒金西蘭花西蘭花都好新鮮，汁太"杰"，金菇分量少例湯好咸

行完街好肚餓, 見到呢間好似好大碟, 就入黎醫肚. 一眼望哂嘅超細三角型範圍有2部大電視, 感覺怪怪地. 落單阿叔笑笑口執野帶位. 無晚飯套餐, 有不同類型的小菜套餐, 睇到有少少眼花. 經一番鑽研, 叫左半隻蔥油雞, 橙味骨同千島蝦球.隻雞超大隻, 半隻份量已經大過出面一隻, 大得黎唔肥唔老唔痴牙, 蔥油令雞肉長期保溫, 散熱慢, 可一直暖笠笠地食到尾. 蝦球雖然用了炸粉, 師父卻炸得剛剛好, 真正外脆內爽. 相對橙味骨就比較失色, 太大舊, 食得有難度. 最後一提, 例湯較淡, 味覺上少了味精, OK!

好耐都無叫過甜心外賣,仲記得之前佢地嘅豬骨湯底出前一丁都ok!今日下午再叫嚟食吓!等左都唔記得幾耐la,可能今日假期比較多單,我可以理解!不過,係送錯左喎!唔係我叫嘅嘢!我即時打電話去,而老闆話,"唔好郁d嘢,陣間個靚妹會嚟收番,調番啱!"無幾耐個女仔嚟到,但係我將個膠袋已經剪爛左,所以我亦好識做地問隔離攞左個袋比佢裝番走,但係佢不但無幫手,而且仲係度照下我塊鏡,照下自己對鞋,唔係呱!我都唔理咁多,連埋成袋,袋落個新嘅膠袋度,點知佢叫我拎番個爛袋出嚟,再袋好佢!而佢就繼續照鏡,我先無佢咁好氣吖,我即時話"呢d嘢好似係你做喎!"跟住佢話"咁唔洗la!就咁袋la!走左之後,無幾耐佢再調番正我碗麵返嚟啦!不過,打開睇見都已經唔想食,梗係la!攪左咁耐,咩麵都發成一pat la!點食吖!其實係咪應該要換過新嘅比d客呢!

因為我住附近，見到呢間野都幾多人幫襯，今晚就同老婆試試。其實之前都試過呢度下午茶，以香港仔水準黎講，其實屬於中上水平。今次叫左兩個炒小菜，分別係『栗子炆排骨』同『金銀蒜豆腐蒸班片』。『栗子炆排骨』個汁唔得，好似糊仔咁…味道還可以…反而個『金銀蒜豆腐蒸班片』就幾好喎，班片夠大又滑，加埋金銀蒜黎蒸，夠惹味！兩個小菜加一個凍飲，埋單都差不多一百蚊…

是日試試這兒的豬骨湯煲仔麵，用鐵煲盛載，在凍冰冰的天氣下，尤其吸引，難怪四周都有人吃這個煲仔麵。豬骨湯底味濃，略鹹。肥牛味道幾好，不過韌咗少少。墨丸是standard嘢，無乜特別。餐廳裝潢頗舊，衛生服務一般。

3月16日今晚和男朋友仔去食飯，他的朋友介紹這間，7:00pm時間全滿，但其中一間6人枱是留位，去到剛好有人走立即有位。我們擇了中式牛柳及豉汁蒸白鰻魚套餐，有湯及飯，牛柳一d都唔淋，但魚都好好味，湯都好飲。

晚飯叫了XO醬金菇炒肥牛的套餐, 落單時特別問阿姐, 會唔會有芽菜或者蔥, 阿姐當然唔會知有冇, 咁我就話, 如果有就走芽菜同蔥啦, 因為我唔食. 阿姐話寫埋落張單度.等左一陣, 另一位阿姐送碟餸上黎, 係一碟紅椒絲九菜花炒肥牛, 我以為整錯左, 同個阿姐講, 我話我係叫XO醬金菇炒肥牛, 呢個餸唔係用XO醬炒, 亦都唔見有金菇, 佢話個餸係咁, d九菜花係配菜. 我重申一次, 碟餸係冇金菇, 佢仲要話, d金菇係切碎左黎炒, 講完就走左. 下？而家當我盲定傻？你個餸既煮法我冇得異議, 你喜歡用大量九菜花做配菜我都控制唔到, 但係個餸名提到既醬料同材料就一定要有齊. XO醬換做椒絲, 仲要話係咁, 最離譜既係, 事實擺o係度係冇金菇, 都張大眼講大話話有, 仲覺得我會接受佢既講法.我同朋友商量, 話接受唔到, 要再搵人跟, o個個阿姐岩岩o係附近聽到, 叫過黎：點呀！態度極之差. 我都好直接咁同佢講, 同你溝通唔到, 我會搵過第二個人跟.搵過另一個阿姐跟, 佢話幫我攞碟餸入廚房問, 轉頭放返低一碟餸, 好明顯係用同一碟餸, 加返d金菇再炒兩野, 當然冇再加返XO醬, 全程冇人同我地

好多昆蟲四維飛, 服務態度好差, 食晏時一班人去有張吉枱話留咗俾人, 搞到有D人要轉去其他地方食. 之後叫咗個餐追咗落單果位阿姐半個鐘都無, 眼見佢將同一餐俾其他遲來的人, 最後用好差既態度同我講個餐賣曬, 叫我轉另一個餐. 仲係我背後同其他人講想推卸責任. 出嚟食飯咁多年都無見過一間咁既鋪頭, 所以以後係唔會再幫襯.