甜姨姨私房甜品 (清風街)

营业中

休息中

路經天后見到甜姨姨甜品設有半室外坐位，出面好少見。 坐低後點左香蕉雪沙丶芝麻豆腐西米露丶鹹蛋黃魚蛋。香蕉雪沙第一次食香蕉味沙冰，淡淡嘅香蕉味唔係特別甜，啱我依啲鍾意微甜嘅人。 更有切片香蕉肉丶芒果汁同芒果肉食，把它完全拌勻配搭出另一新口味。芝麻豆腐西米露芝麻味好濃，佢用自製嘅豆腐花撈埋芝麻雪糕食，口感好似梳乎又帶有少黏口，好鍾意這個口感。鹹蛋黃魚蛋招牌菜係最近好興鹹蛋醬，估唔到咁都俾佢諗到咁整魚蛋。 鹹蛋黃醬好天然好濃味，食左一粒即刻好想食下一粒，果然係招牌菜，不過佢加左啲辣味，想試食嘅朋友要注意下。

食完晚飯好似仲差少少咁，於是行咗去清風街天橋底果間甜姨姨私房甜品店，食個甜品潤一潤先！一去到見座無虛席，好彩冇幾耐有客人食完起身，先至有位！呢度甜品選擇好多，我地鍾意食榴連，咁就點咗甜姨姨四大皇牌之一：榴連荳腐花（$52）另一個榴連雪沙（$90）榴連荳腐花上面舖咗好多榴連，香味四溢，食落都好鮮甜，加上嫩滑嘅荳腐花，真係不愧為四大皇牌之一！榴蓮雪沙份量超大，一個榴連雪糕球，上面放上一塊乾榴連，雪糕球下面又有榴連果蓉，然後再下面就係沙冰，仲有塊威化餅添，望落好靚仔，慢慢一口一口品嚐，雪糕在口中溶化的感覺，濃烈的榴連味充滿味蕾，食甜品其係令人有特別愉快的感受！

天后食完越南野，梗係搵糖水食啦～今日嚟到甜姨姨，之前都嚟食過，試過有時好多人要排隊等位，今次就好啦唔使排隊啱啱好😝🍨 芒果水晶宮 我好鍾意食芒果，又好貪心～所以揀咗呢個芒果水晶宮，有芒果雪糕仲有水晶珠同埋水晶粉，冰涼嘅感覺仲好有口感，唔錯🍓 西瓜草莓滑嘟嘟 🍉唔想食糖水，都可以同朋友一齊坐低飲杯野～ 底部滑嘟嘟既有啲似啫喱蒟蒻嘅感覺，中間嗰層係草莓西瓜冰，最頂位置加咗鮮草莓同西瓜🍢 鹹蛋黃魚蛋見網上有咁多推介，入口鹹蛋味好重，鍾意食鹹蛋魚皮嘅人可能鍾意，佢做到鹹香嘅效果，味道小小偏鹹，不過配糖水食就啱喇～

今日來光顧這間甜品店， 算是非常真材實料， 從他的menu可以看得出 ，這裏的甜品是別出心裁。這裏的環境非常熟悉， 看看牆壁的相片， 原來之前有一齣電視劇也在這裏取景。喜愛作新嘗試的我， 當然要試試這裏的招牌菜。金煌盛宴價值92蚊， 但絕對超值， 因為當中燕窩佔了一大部分的比例， 台芒果雪糕上面還放著兩小片金箔！ 這款甜品齋以賣相來說已經可以嚇死你。味道十分出眾， 絕對是芒果類甜品的上佳作品。榴槤豆腐花 的榴槤肉 非常香甜， 想不到豆腐花和榴槤也是個絕佳的組合。

酒足飯飽後在維園兜了個圈，再慢悠悠地從天后往北角方向漫步，經過橫街的時候，看到這家門庭若市，立馬被感染了羊群心理病，決定把第二個胃也填飽。朋友是個芒果控，自己點了個糖心芒果布丁後還硬要個芒果班戟share。芒果布丁的裡面的糖心也是芒果味的，不會太甜膩，還有芒果粒可以點著cream吃。再來芒果班戟，裡面是滿滿的cream和芒果，外皮不會太粉，香香的芒果，大大地解了芒果控的饞。芒果控要吃芒果甜品，朱古力控當然要點個朱古力甜品嚕！見到這裡有芭菲，正好可以有黑魔后滿足一下。很高的一杯，有得吃Oreo餅，最頂層是一球含有朱古力粒的朱古力味雪糕，接著是朱古力味蛋糕、香蕉粒，中間一層還有一球雲尼拿雪糕，最底層有奶，毫不客氣地把所有都攪拌一齊吃，混合後的口感層層疊疊，超級滿足。下次要變成中式甜品控，再來吃豆腐花等，旁邊桌的姐姐們點的豆腐花一個木桶上，超吸引的。

What's better than a nice bowl of icy cold Chinese dessert on a hot summer day! So chill! My friend and I shared a black glutinous rice with mango (coconut milk based) and the Taiwanese style dessert bowl with their homemade grass jelly, and sticky rice balls with taro, yam and purple potato flavors; Taiwanese tapioca, purple glutinous rice, red bean, semen coicis and sago. There were three kinds of base we could choose from, black sugar, condensed milk and coconut milk. As the other one was alr

今日同老公去完天后食晚餐，意猶未盡喺附近食返個糖水先至走。呢度嘅糖水選擇有好多款，上次你食嘅時候就叫左一個木桶豆腐花同埋芒果豆腐花。今次試吓新嘢先。不過老公都係一成不變。佢都係叫返佢最鍾意食嘅芒果大合奏，芒果大合奏係呢間店最受歡迎嘅甜品，有芒果乾、鮮芒果塊、芒果茸、芒果布甸，當然仲有芒果雪糕。其實我都幾鍾意食我偷食咗兩啖。我自己就揀咗一個雪白盛燕（熱），椰汁豆腐花加非常之滋補嘅燕窩。好好味！仲叫咗一個鹹蛋黃魚蛋小食，滿載而歸！

醫飽個肚，當然要醫埋第二個胃，順便又可以同班朋友一齊傾多陣計～原來天后都好多甜品店，聽聞甜姨姨係呢區都幾出名，直接入去試下啦～恩愛湯圓：本身想試芝麻湯圓，但見佢有花生配朱古力醬既湯圓，好特別，好在佢有雙拼，可以兩款都試曬，薑汁湯超夠薑味，芝麻湯圓好香，花生朱古力又幾夾，第一次試真係好特別～流心芒果布丁🍮：布丁幾Q彈，切開流心，而且最重要芒果夠甜，布丁亦夠滑！芒果迷會愛上～金沙鹹蛋黃魚蛋：好Hit既流沙鹹蛋黃醬，不過佢呢個食落會有d辣度，質感起沙，鹹蛋黃味道好突出，平時甜品店少見款式，夠新奇～台式仙草手工芋圓：可自選黑糖、淡奶同椰汁🥥做底，我地選左黑糖底，除左芋圓、仙草、更有小珍珠、薏米、紅豆同紫米配料，足料之選！

女人吾補好易老，所以點了這個有燕窩的白雪盛宴，同紫霞盛宴。白雪盛宴這個甜品是由燕窩，椰汁，還有豆腐花製成。椰汁跟燕窩一向是最佳配搭，椰汁非常香，甜品一上枱就首先聞椰香，而且豆腐花很滑，淡淡的豆香未被椰香蓋過，這個配搭很夾👍👍紫霞盛宴這個甜品是由椰汁紫米露加燕窩。紫米煮得剛剛好 軟中帶咬勁😆 燕窩份量都好足料💪🏻最近咸蛋黃這食材非常流行，所以我們點了咸蛋黃魚蛋，咸蛋黃醬很足料，很香蛋黃味，也有一粒粒的蛋黃口感，魚蛋也很彈牙，整體來說不錯😗😗

餐廳名字：甜姨姨私房甜品📍天后清風街13號地下重點： 出色糖水*******Kay gor 食完西餐一定要食糖水去開天后，一定會食依間糖水好簡單開左甘耐都甘多人 一定有品質保證芒果大合奏👍🏻👍🏻👍🏻👍🏻👍🏻芒果雪糕加布甸，新鮮芒果蓉，而且最特別還加入了芒果乾，真的全芒宴！芒果雪糕加上芒果肉的酸甜味，加芒果布甸軟滑帶Q彈口感豐富過癮，口感都十分有層次啖啖都是濃郁的芒果味清新甜美。鹹蛋黃魚蛋👍🏻👍🏻👍🏻👍🏻以香港地道小食魚蛋加上自家製鹹蛋黃醬，魚蛋都幾大粒，綿密爽彈，味道帶點微辣，配上蛋黃醬，味道極為濃厚，用料十足，十分邪惡記住唔好食太附鹹蛋黃醬，一定會上癮阿。整體依間糖水，品質優質好味有保證Kay Gor 推介食物 👍🏻👍🏻👍🏻👍🏻👍🏻環境 👍🏻👍🏻👍🏻👍🏻👍🏻服務 👍🏻👍🏻👍🏻👍🏻👍🏻價錢 👍🏻👍🏻👍🏻👍🏻備注👍🏻5粒代表最推介———

天氣炎熱，令人特別想食飯後甜品，一於去人氣店甜姨姨食個芒果甜品。🥢芒果大合奏 $50芒果控既我，二話不說就order 左芒果大合奏 一碗有齊芒果乾、鮮芒果塊、芒果蓉、芒果布丁、芒果雪糕。芒果乾食落煙煙韌韌 ; 鮮芒果塊好鮮甜 ; 芒果布丁夠滑好Q彈、芒果雪糕 配上芒果蓉，香濃酸甜口感豐富好過癮，啖啖香濃芒果味，大滿足。🥢尋榴敢 $59榴槤當造，不能不食，一碗有鮮榴槤肉、榴槤汁、豆腐花、涼粉、椰果、綠茶果凍、珍珠籽。榴槤肉一大嚿、足料，榴槤味濃，岩哂重口味既朋友🥢人氣鹹蛋黃魚蛋 (6粒 ) $35甜品店有魚蛋食？ 魚蛋上鋪滿鹹蛋黃，賣相都幾震撼，除有鹹蛋黃既鹹香外，還有一些香料及微辣味道，幾特別。 

🔎天后清風街13號地下*「有甜有咸既天后糖水店 」- 甜姨姨私房甜品.夜晚係銅鑼灣附近同朋友食完飯周圍行，行到天后附近突然好想食糖水。記得天后都好多出名甜品店，見到甜姨姨個招牌幾特別 同埋 記得佢個豆腐花好似幾出名，就入去試試！榴槤豆腐花 （$52）本身好鍾意食榴槤，咁岩係榴槤當造既季節，見到甜姨姨四大皇牌之一有榴槤豆腐花，就諗都無諗想試！榴槤肉份量好多、豆腐花好幼滑、兩種食物好夾、入口有好濃郁既榴槤味！榴槤迷唔好錯過。🤩🤩芒果二重奏豆腐花 （$44）芒果二重奏口感好特別，特別在於佢除左用新鮮芒果同芒果汁之外、仲加左芒果乾，其他地方都好少食到。豆腐花本身已經好嫰滑，芒果乾切得好幼細，唔會好難咬同唔會食到好論盡、芒果肉同芒果汁都好鮮甜，三重芒果加埋令到成碗豆腐花既芒果味達到極致。好味！😋咸蛋黃魚蛋 （$35）好特別，甜品舖入面竟然有咸點食！呢排好興咸蛋乜乜乜，叫左個咸蛋黃魚蛋試下。個咸蛋黃醬除左有好重既咸蛋黃味之外，仲有少少辣 （唔會好辣），但咸蛋黃加辣食落好過癮。魚多好大粒，加埋蛋黃醬食係好味既，唯有美中不足既係魚蛋唔夠彈牙。個咸蛋黃醬仲有得賣架添，買黎送

食完個light dinner 想止下口痕, 小不免諗起榴槤甜品, 每次想食都一定首選甜姨姨😋本來想挑戰下超級榴槤雪沙, 但先生又想食芒果甜品, 所以唯有下次先對付佢😛我哋叫咗尋榴敢, 芒果大合奏同榴槤pancake首先上台嘅係榴槤pancake, 雖然價錢唔平, 但真係一分錢一分貨, 入面有一半係新鮮榴槤肉, 另一半係新鮮忌廉, 凍冰冰入口即溶😌果種享受嘅感覺並唔係乜記物記能夠取替尋榴敢入面有鮮榴槤肉, 榴槤汁, 涼粉, 椰果, 綠茶果凍, 珍珠籽同豆腐花, 最欣賞係啲榴槤汁, 杰杰哋咁配埋珍珠籽同豆腐花係超襯😋最後係芒果大合奏, 集所有愛芒之人嘅喜好於一身♥️新鮮芒果肉, 芒果雪糕, 芒果汁同芒果布甸全部加埋, 配上剪成一絲絲嘅芒果乾🤩層次好豐富, 非常推薦!!

清風街出名食肆臨立，印度上海韓國打邊爐都應有盡有，亦都轉手完一間又一間能夠屹立不倒一定有佢個人之處幫襯了甜姨姨有至少五六年咁多年來水準依舊，相比銅鑼灣的糖水鋪我覺得更多一份親切感！平時必點即撞豆腐花同朋友分享，今次帶了屋企人大家樣樣都想試，仲有最近大熱的咸蛋黃都加入menu中，不過今日食飽了下次真的要試下呢個五個人叫了五款，個個都話好食，無論新款定傳統糖水都做得好，芝麻糊要做得好香濃都唔易架，配埋豆腐花又好夾！而我叫左永遠都係我首選的榴槤豆腐花，榴槤蓉依舊足料，如果榴槤愛好者真係唔好錯過，配個豆腐花又滑又豆味濃真係perfect match!去銅鑼灣不妨行多幾步穿過維園，去甜姨姨食返個糖水，真係唔會令大家失望

係銅鑼灣血拼完緊係晚餐直落糖水先可以補返今日用左嘅精力🤣.係銅鑼灣食完晚餐就去天后好出名嘅「甜姨姨私房甜品」仲要係蘇絲黃同好多明星都推薦點可以吾黎「朝聖」下呢🙆‍♀️.未到九點，都已經座無虛席好彩岩岩好有兩位買單，我地可以好快就入座餐牌款式各式各樣，仲要圖文並茂～.🔸鹹蛋黃魚蛋 $35咖喱魚蛋，麻辣魚蛋，沙嗲魚蛋我樣樣都食過就係呢個鹹蛋魚蛋真係未見過😱鹹蛋黃魚蛋係即叫即製，賣相仲好吸引添！一大堆嘅鹹蛋黃諗下魚蛋上面鹹蛋黃稠身度高，所以非常濃厚👍一粒一粒嘅鹹蛋金沙同埋魚蛋一齊食，好邪惡！而鹹蛋黃仲加入左泰國香料，食落鹹中帶辣勁真係不得不食嘅一款呀🥰.🔸芒果大合奏 $50評為甜品店最受歡迎嘅NO.1嗌黎食下係必須的🙈呢碗芒果大合奏嘅芒果真係多到滿瀉！以勁多芒果打成嘅芒果蓉入邊仲有好多芒果配料如冰涼嘅芒果雪糕新鮮嘅芒果肉入口順滑嘅芒果布丁同煙煙韌韌嘅芒果乾絲😍真係芒果控必食！食完又解渴又冰涼，仲要係甜而不膩灑添🥰.🔸即撞木桶豆腐花。細 $34有兩個SIZE分別係細，大同加大款～等左一分鐘，計時一響起我哋即刻打開嚟睇吓佢嘅廬山真面目🤣豆腐花熱騰騰起哂煙，而且非常雪白筆一羹入口，豆腐花軟綿幼滑，且