影片
吃完晚饭后，跟友人到处逛一逛，在路边发现这一间名字奇趣的甜品店，于是入内一试。在墙上挂了 「石磨芝麻糊 手炒逾五百次」的poster，必定是招牌货，必点的吧。就这样地，我点了芝麻糊、友人就点了桃糊。这一碗秘制芝麻糊 $19，店方介绍过要把黑芝麻用手炒逾五百次，再用石磨磨成糊!芝麻炒到出油，睇到芝麻糊面呈现亮亮的油光。食落会觉得质地好厚， 会有少许浓至苦的口味， 芝麻糊会完全把口腔及喉咙黏住， 又因为几甜所以食两三啖左右会想饮水，可惜店方无供应清水。这是友人点的核桃糊 $19因是友人的所以我只尝过一口，质地并非过份的杰，入口充满核桃香气，口感滑溜可口，甜度不过分。不清楚这店是不是这地区的潮店，出名与否实在不太重要，因为这家的甜品已留住了我的心。
继续阅读
成日经过都未试过依间甜品店~依晚食完饭就去试试食店好细+座位好迫~坐得唔太舒服!天气太冻..我都点个热糖水保暖D"喳咋+红豆沙"~糖水唔会太甜~料都几多..而且好香椰汁味芋头原粒中好粉糯另一半点"爆珠杨枝金露"糖水底好甜而且系用乳酸汁~唔系用芒果汁底芒果肉好酸~整体唔太好味! 两款甜品中~反而中式糖水做得较好
继续阅读
晚饭后和友人途经此店，见门外章贴是鸿辉记姊妹店，试下先！先点蕃薯糖水，见到有黑点浮面，问店员黑点是什么配料？店员回答：「渌汤丸时的黑芝麻漏出来的！」😱网友话此糖水好够姜，呷一口，完全未如想像中够姜、只得甜！蕃薯质素亦欠佳，失望！餐牌有自家制雪糕就每口味点了一球，士多啤梨、朱古力、芒果和云喱嗱味跟牛X公司近乎一样😅但荔枝和菠萝味出色👍
继续阅读
第一次来到这甜品店，是给他们的芝麻糊吸引著，半年后再到来，就发现了增添了不少甜品，使店子增色不少，除了芝麻糊和传统糖水外，还有拿破仑和以无添加雪糕制成的甜品等等。年轻小伙子（一男一女）正在坐著闲聊，见在下入内，立即上前招呼，并把餐牌奉上，在下便研究一下当中的甜品。最后点了这一个甜品。黑珍珠伴黑白凉粉 店员说其实可以两沟的，即是内有凉粉加上白凉粉（椰汁糕），加上黑珍便可，但店员亦问在下是否加椰汁？在下当然加了。黑珍珠味如一般甜品店用开的黑珍一样，有点烟韧，而凉粉没有一点苦涩味道，而白凉粉是椰汁糕，有咬口及较硬，椰汁较为薄弱，未见浓郁，反而加了椰汁后才见其味。整体味道不错，只是在下有点一头雾水，经过店员解释，才知道是怎么一回事。（见题外话）另外店员亦询问在下对甜品的意见，因为他们正把甜品改良，迎合顾客需要，这点值得一赞的
继续阅读
今日同班朋友一齐去完西九长廊影日落，食完个dinner又好似未够饱肚甘，就有人提议话去荃湾一间糖水舖食糖水吹下水咁。行到去沙咀道宝石大厦转个弯行前多几步，系停车场前面有间几的骰既糖水店叫做「甜头甜品」。个品字仲要用3粒芝麻砌成，几得意。入到去见到地方唔大，得5张枱，我地一行人就咁岩岩占左1张，坐低之后侍应比左个Menu我地，系用菱形整成既Menu，同其他糖水店好唔同，而且店员态度亲切，好似家庭经营咁样。我地嗌左系呢到既王牌 芝麻糊同合桃糊，仲有一碗姜汤芝麻汤丸，韩式柚子凉粉同埋一客花生糯米糍。时间等多唔算好耐，几分钟就有得食！芝麻糊个面比其他既糖水店好唔同，呢到既深色好多，而且好滑同细腻，食落去又唔会太稀太稠，而且仲好浓既芝麻味，仲唔会太淡太甜，果然系呢到既镇店之宝！跟住合桃糊，唔知出面个D点解有D苦味，但呢到既唔会苦，而且合桃味依然！同芝麻糊一样，一样唔会太稀太稠，正！我地问过店员先知道，原来芝麻糊好味原因在于师傅每日都会炒芝麻，翻炒几百次，再用呢D炒好既芝麻加埋米一齐磨，而合桃糊亦系炸完合桃再磨，样样野都用心用力，难怪比其他既糖水店好味好多啦！至于芝麻汤丸，粒汤丸几大粒，加上芝麻做馅，实在系绝配，姜汤做底亦够味，又唔会太辣，唔错又抵食。韩式柚子凉粉又比左个惊喜我地，我地见到系特色甜品就试下啦，跟住出黎既样相当唔错，就试下啦，凉粉加上柚子蜜同柚子仲有椰奶既配合，带出柚子既清香同埋椰香，如果夏天食一定好消暑！而且味道甘中带甜，凉粉又唔会好苦，好味道！之后个花生糯米糍好大粒，我以为系细细粒，原来唔系。咬落去见到有芝麻，椰丝，糖仲有花生，非常惹味，而且份量够大又唔会好贵，最衰我地食完糖水饱哂，如果唔系一定汁多几粒反去做宵夜，可惜呢个花生糯米糍只系五六日供应，卖哂就冇啦！我地大家一致同意呢间糖水店好唔错，加上带上相机，就谂住上呢到打反食评，话比大家知有一间唔错既糖水店存在，系一个饭后选择。
继续阅读