甜在心 (已結業)

話說有個同事襯住下午休想時間去咗買甜品，買咗2碗芒果西米露返黎，嘩！正斗貨，本來見佢平平無奇白雪雪，以為無乜料，點知一"畢"，正呀…芒果多得很，而且西米露的椰奶完全無太嚴重的奶味，整體夾埋好好食…到最尾發現係甜在心的傑作！完全唔係因為先聽名而覺得佢好食…

因為學校喺附近,所以成日lunch嚟食,如果坐到舖入面,環境會好好,好有home feel,但多數舖入面都會冇位芝麻撈麪好正,汁香,d麪質又煙靭生果夠新鮮,特別係芒果,每次食都係好熟好甜涼粉夠凍,又有咬口,雖然浸住嘅糖水甜左少少學生晏晝去食撈麪+甜品只係$20到,真係好抵仲有老闆好親切好好人個人認為比rainbow更好

有時會起度食lunch~唔錯既~有d撈面食..有少少香甜味..係公仔面黎既~+d特別醬料!!+底先飽既~d面雖然唔錯..但係成日食會好厭架!!偶然食一次唔錯..甜品先一般啦..普通戈d啦..芒果西米露..蜜瓜涼粉咁..不過佢d奶幾香幾好味!!同埋好底~環境好細..坐得好少人..擠迫!!但幾令個環境..有時full左要坐出面...救命!!有時要等好耐..不過e+ improve左..呢間勝在夠底..有甜品+面食..飽既~只係20蚊~

甜品舖真係食過唔少，但認真掂既真係一隻手數晒。上週末經過呢間甜品舖入去幫襯，店子很細，坐位得十個到，叫左碗椰汁芒果涼粉，椰汁幾香，芒果亦很甜，涼粉有坑紋，有咬口而大細又岩岩好，差不多有松記既質素，非常唔錯。

是日吃的熱蛋白杏仁糖水，很足料，甜味適中！$22朋友的楊枝金露亦足料，味道很好！$20

仍未到晚飯集合時間，就搵個地方坐坐，眼見這裡乾淨企理，又有電視睇，就來一碗飯前糖水，未知此店質素如何，先挑一款最便宜的綠豆沙來試，不對辦的話也不會浪費多數塊錢。未待兩分鐘，伙計已把熱騰騰的綠豆沙放在眼前，連同蒸氣上升的清香味，入口起沙的綠豆確是味美，最重要的是熱度十足，回頭的機會率同時上升。

附近的甜品店頗多，但從外面看見這店子簡簡單單，干干淨淨，最主要人客不多(可以說是沒有)，而外面的什麼世界、什麼爽、什麼甘露圖片相當吸引，就進來休息一下兼一試。這嚴熱天氣下，兩部匹半分體式照顧這細小的店子在對絕足夠，故環境得分不小，但落單前老板娘說甘露系列沽清了，有點失望，故點了這裡的另外招牌鮮果鴛鴦爽。黑珍珠、大菜糕、涼粉、什果、西米再配上椰汁，上桌後先嚐一口，夠涷，先勝一籌，另外大菜糕及涼粉是用花紋刀切成浪浪的粒粒狀，若其他食肆已經用利刀界開粒粒已算，這裡足見心機花巧。食味需然是估計得到，但唯獨用了椰汁替代花奶效果有點不一樣，這裡亦可加分點點。整體不錯，但估計人手問題在繁忙時間都幾煩，但值得一試。

外賣紅豆沙，盛惠十一大元。份量不多，己經不在話下。打開膠兜，竟然只係半滿，而且只見水而不見紅豆。翻兩翻，依然十分稀，有點被騙的感覺。味道不滯：大大粒紅豆，全部未起沙。紅豆湯甜中帶苦。完全失望。

值得介紹: 幻彩晶營!好味推介:芒果黑珍珠!

大埔出名既甜品鋪一定係彩虹，其他既都好少機會試。今日不經意下試左呢間，叫左腐竹糖水加清心丸，什果紫米露，糖不甩同擂沙湯圓。每樣都係$15，份量唔算小而賣相都幾好。腐竹糖水係我鍾意o個隻，煮溶晒好過食落一塊塊腐竹，仲有薏米同白果一齊煲，清心丸咬落好煙靭。什果紫米露無乜試過，但友人話好味。至於糖不甩同擂沙湯圓應該係即製既，口感唔錯，擂沙湯圓既麻蓉餡好香，值得一試。

芝麻撈麵其實係將炒香o既芝麻鋪係公仔麵上面，濃濃的芝麻香配煙煙的麵條，出奇的美味；不迥，甜品就不敢恭維，可以不吃！

想唔到o係呢間細細間o既甜品舖有潮州o既清心丸賣, 我於是試o左綠豆沙清心丸($13). 綠豆沙屬於少渣o個種, 只係小小甜, 煙韌o既清心丸有成六七粒咁多, 但煮得唔夠熱.13蚊算OK啦, 要食熱辣辣o既清心丸糖水都去潮州舖食好o的.