甜圓 (已結業)

本身就係葵廣芋圓之中比較突出既小食店，上網見到呢間黃店15/4就租約期滿所以去開葵涌就特登走去食之前盛傳葵廣因為疫情而人流驟減，今日星期六去到都幾多人，大家都要小心防疫呀🙈🙈🙈甜圓係葵廣一樓，側邊都唔係好多小食店，唔算矚目。但係一去到都見到有5-6個人排隊。佢地提供自選或者拼好既選擇，我同朋友揀左$33招牌芋圓豆花額外加$7抹茶糯米凍。水準之上估唔到最驚喜既係豆花又香又滑，仲有少少酒香味，而且兩個人分啱啱好👍🏻希望佢地會考慮再搵舖頭開店啦🙈

呢間葵廣小店一直都係賣飛佛，今次佢吿急，當然要即刻支持下！呢間係專賣芋圓甜品外賣店，不設堂食。個個買完都係企係側邊食。首先揀咗基本材料先，例如有仙草或者紅豆湯。我次次去都係揀仙草，之後再揀配料，好多時我都係叫芋圓地瓜圓，之後再加桂花凍。芋圓真係好有咬口好Q，桂花凍大細啱啱好，而且好香桂花味，次次都會食。其實仙草都好好食好滑，又唔會好苦，成件事嗰調味又唔會好甜，唔會好膩。其實佢仲有好多唔同配料一直都想試吓佢個紅豆湯或者西米露。呢間真係一間全香港最好食嘅芋圓，大家都快啲要去支持下！

抹茶清心丸加地瓜丸在加芋泥圓的大雜合。首先個抹茶清心丸比較彈牙，有咬感，甜都稍為甜左少少，但因為本人只是不喜歡吃太甜，地瓜丸院三款之中甜度最為適合，芋泥圓則比較清甜。

//#黃店地圖系列間野叫：甜圓邊度黎：葵芳葵富路7號葵涌廣場2樓2012號舖環境點：仲望 自己過黎睇啦 唔睇無架啦 .🌝：Fb出post撐醫護罷工 參與遊行罷市 雙十爆買日收益扣取成本 全數捐予星火/612▪三色圓椰汁西米露 $327.5分又有小店告急啊 告急啊 4月15號就收檔啦 疫情嚴峻仲話可能提早關門大吉 首先椰汁底唔會太甜 建議可少椰汁 三色圓夠煙韌 帶微微嘅芋頭同地瓜味 蜜芋頭又夠綿糯 裡面仲夾雜著少少紅豆綠茶圓薏米西米 材料幾豐富 (引小店fb story: 店主劈炮唔撈表示唔好再問佢仙草係凍定熱啊 幫襯嘅自己睇路啦)

之前行過見到 又有啲口痕想試下呢間啲芋圓唸住睇下好無食～ 😛所以就買左黎試下，我個日叫左甜圓招牌豆花，因為見係招牌應該都唔會伏既😂😂甜圓招牌豆花 （配黑糖水）$30呢碗裏面有芋圓，地瓜圓，仙草凍，紅豆，蜜芋頭。同埋當初揀呢個係因為佢寫左有黑糖水 所以先叫😂店鋪本身既黑糖汁調得比較稀身啲 有啲水🧐但唔會話無味 都ok既 🤔而紅豆方面都煮得軟唔會硬身 口感與味道都正正常常，不會偏甜。👌🏼而佢既芋圓同地瓜圓 食落係非常之煙韌！ 😨仙草凍都偏向稀身 不會太稠 係個討喜的口感亦唔會苦😂但無唸過最令我驚喜既係佢個蜜芋頭 🥰好綿密又濕潤 唔會食完覺得好乾 而且係岩岩好既甜度！🤩

葵廣平價小食多，仲有好多黃店。呢日跟男友去掃街，經佢帶路下發掘到呢間好味芋圓獲米豬連認證，當然要好好懲罰佢，好彩唔洗點排隊。見佢有自選系列，有得揀先係老板，咁我梗係要自己揀啦！仙草凍加3款配料先31蚊好抵我點左芋圓、地瓜圓，都切到幾大粒，食落有咬口，算係煙韌，但芋頭同埋蕃薯味唔太出。不過，檸檬蒟蒻酸酸地，食落好開胃，老板仲要俾左好多，下次自選要嗌夠兩個，好好味啊個底係仙草凍，配黑糖水，唔會過甜。呢個價錢食到咁大碗既糖水，覺得好抵食

支持黃色經濟圈 特意來葵廣朝聖一來到就見到一群人聚集order因為我不吃紅豆 就點了 自選系列仙草做底 toppings有芋圓 地瓜圓 還有抹茶清心丸！份量很大碗 兩個人share都五分飽 抵食！！！先講一下仙草凍 它是比較硬的 是果凍狀的對我來說 質感都很好 反正每一間都有自己的製法吃起來都很滑 很順口 而且 份量很多！芋圓跟地瓜圓都很大顆 各有六顆一咬下去 就⋯⋯很軟 沒有嚼勁 沒有口感但吃得到濃濃的芋頭跟蕃薯味 真材實料的還有就是 目前好像只有它有清心丸提供我以前有在ig shop買過 清心丸是沒有味道的而且是白白透透的 它加了抹茶粉 更香更好吃而且 清心丸在口感上 非常的有嚼勁希望下次再去吃芋圓跟地瓜圓可以更有口感那就100分了～

甜圓@葵廣支持黃色經濟圈五大訴求缺一不可今日又去懲罰黃店小編勁喜歡baileys甜酒系列的產品好耐之前分享Baileys咖啡所以當知道葵廣有就緊係吾會錯過啦Baileys甜酒牛奶加四款配料$38小編選左芋圓地瓜圓芋頭同清心丸份量岩岩好Baileys甜酒味都幾重原來夾牛奶都可以咁正吾會被甜酒搶晒味各自有屬訴自己的空間配上煙韌的芋圓地瓜圓就岩晒芋頭好軟嫩但芋頭味吾夠重😋味道：8/10💰消費：$38

.🔺 甜圓支持#黃色經濟圈💛睇到網上介紹呢間台式芋圓店有好特別嘅Baileys甜酒牛奶😍小編即刻心心眼save低😍.Baileys 甜酒牛奶+四款配料都只不過係$38😚好大兜份量十足！Baileys甜酒牛奶唔會太重酒精 味道好夾😍鐘意食煙靭野嘅小編揀左芋圓、地瓜圓、粉圓同燕麥薏仁👍🏻個人感覺地瓜圓口感比芋圓出色😌粉圓再大粒D就好喇 不過整體都唔錯😚

葵芳甜品店不多，當年這間甜品店一開就成為追捧大熱，來買糖水要排隊拎飛，若果拿不到，就要再等下一輪。通常熱潮減退產品銷量就大不如前，但這間店舖仍然是人氣之選，每次來光顧人流依然不斷。三色圓椰汁西米露 $35每次都會買最愛的椰汁西米露糖水，貪其椰汁味香濃，材料有地瓜圓、芋圓、抹茶清心丸、芋頭、燕麥薏仁。有點失望，材料真的越來越少，棷汁味淡，而且配料換了抹茶清心丸，口感跟地瓜圓、芋圓相類似，以前的較好吃。

黎到葵廣就一定要食啲小食！我一直都好鍾意食甜品嘅，雖然芋圓係好受歡迎，但都唔係度度有得食，朋友推薦就去咗呢一間甜圓度食佢嘅芋圓。呢間店呢喺嗰層啲柱樑度有賣廣告，我先搵到嘅。佢亦都係一間黄店嚟嘅，你睇相片嘅最左邊係有米豬蓮認證貼紙。 同葵廣好多其他嘅店舖一樣佢係冇坐位嘅。佢嘅食物配料都好多嘅，有得自己配搭，我就揀咗呢個甜圓招牌豆花。佢係有芋圓、地瓜圓、紅豆、仙草、芋頭配黑糖水豆花，我覺得佢真係幾好食，平時有食開西灣河嗰間來來小食店，係台灣人整嘅芋圓，但我覺得呢一間係仲好食！佢係比較清淡，唔係好甜喎種，特別係食到後期你食慣咗嗰陣甜味，你就可能覺得唔係好夠甜添！我覺得呢個價錢，食到咁嘅品質，又可以支持黃店(計數機上面嗰個民主公仔！)， 誠意推介畀大家！

一直都想食好耐呢間黃店芋圓。減緊肥嘅我犹豫食唔食芋圓嘅時候，竟然見到大大隻字寫著Bailey!!!!二話不說就買。 Bailey+ 奶+ 四款配料= $38 呢個價錢同出面食芋圓差唔多。配料選擇咗地瓜圓、平時少見嘅抹茶圓、我長久下來嘅目標-芋圓，同埋桂花凍。啖啖Bailey好幸福呀～ 芋圓有芋頭味，最鐘意煙煙韌韌嘅口感。抹茶圓都好煙韌，單獨食嘅話抹茶味出，同Bailey食就冇咁夾，因為兩者嘅味都出。地瓜圓最淋，中間有地瓜蓉嘅口感。桂花凍jelly口感係其餘三個配料突圍而出，咬煙韌嘅嘢咬到口累唔想咬嘅時候，食桂花凍就剛剛好。不過，桂花凍淡淡桂花清新嘅感覺同Bailey亦都唔係話太夾。所以我都係分開黎飲Bailey 同分開食配料。一大碗可以滿足Bailey同芋圓兩個願望💛改善嘅地方係不如用飲品杯載，就好似當似黑糖芋圓鮮奶咁，咁會更加方便，唔使我好豪邁咁，好似戲中古代人飲酒嘅時候成碗飲。

呢間小店都開咗好耐啦，之前喺3樓依加去咗2樓，地方都唔難搵。葵廣掃街必食！小店嘅芋圓都係日日新鮮整，口感煙韌又有材料嘅原味。可以自己任搭，底可以揀豆花、西米露或者仙草，其他配料任加！一碗已經好飽～可以同友人一齊Share一碗🤪

之前收藏左好耐既一間小店，上次行街無意經過終於買來試下。要左個招牌，咩都有d ,有紅豆，豆腐花，燒仙草，地瓜圓，芋圓，芋頭。不過食左第一啖就有小小失望，紅豆好硬無味，一d 都唔軟綿綿。芋頭只有一塊，比較硬，唔綿。豆腐花滑但好淡味。芋圓，地瓜圓還可以，比較Q, 不太甜。下次可以自己揀材料搭配，唔好好似我咁懶。

我好喜愛食芋圓, 但係因為每次去到葵廣掃街都會食到好飽, 從來無緣試呢間芋圓! 同埋有時又搵唔返間舖咁啦,…..喺唔食晚飯既情況下, 有人買左一碗綜合圓比我, 勁多配料! 芋圓, 地瓜圓, 抹茶清心丸, 粉圓, 紅豆, 燕麥薏仁, 仙草凍再配黑糖糖水…成件事好滿足! 基本上各種圓都係同一種味, 只有顏色不同! Anyway, 我就喜愛煙靭口感! 紅豆粒夠軟身, 仙草凍好清涼順滑, 薏仁有咬口, 粉圓煙煙靭靭又甜, 大愛! 黑糖水唔太甜, 如果份量再多啲就好喇!