影片
招牌菜
行完年宵系天后紧系要食翻个甜品先完满架啦，嚟到甜品老妈本来谂住食翻个热辣辣waffle，点知新年换左个新年menu，cut左好多野食，静低d汤圆啊西米露个d，本身有d失望，但系好彩呢个应该系新年先有嘅风生水起捞都几好味，佢有5只口味分别代表金木水火土5个元素，而我今次就试左代表木嘅抹茶口味。 呢个甜品有西米露加啫喱，雪糕（我个款就系绿茶雪糕），水果（绿色嘅代表紧系奇异果啦），同埋人见人爱嘅马卡龙，一次过满足你几个愿望，对于选择困难嘅人嚟讲，呢个甜品乜都有，唔使烦恼。味道方面，咁多样野夹埋整体都唔错，粒马卡龙唔会太甜，水果唔酸，加埋冬天食雪糕系常识吧，太满足啦，期待下次再嚟天后要试埋其他口味。
继续阅读
是日朋友生日,知道清风街一带有好多糖水铺,所以,放学之后带左佢去清风街~睇左好多间,都系觉得依间既野食比多样化同吸引啲,加上环境唔错,就拣左依间有选择困难症既我地拣左好耐,其实,都好想试佢个老妈皇牌拼盘,睇落好吸引,同埋$95都算抵食,下次可以试下~整体环境唔错,五点几果阵无乜人,有包场FEEL~ 不过,店员依个时候比较忙于整理咁~最后我地拣左两人用的比利时窝夫同招牌杏汁蛋白,因为本身钟意食豆腐花,所以,比多5蚊加左豆腐花~总括黎讲,依间餐厅既招牌杏汁蛋白绝对值得一试,有机会我再黎试依到既皇牌拼盘,特别系心太软!
继续阅读
琴日放学去天后买校服 见到天后有好多糖水铺就心思思去左食 见到d 餐牌都几吸引 就入 左去 谂黎谂去 最后拣左士多啤梨世界$31(士多啤梨雪糕+士多啤梨+西米露+椰汁底)本身想靖系叫士多啤梨西米露 但友人话加多个雪糕无咁dry 而朋友嗌左杨枝甘冰$41个雪糕真系好唔掂 阵味好奇怪 影响左整个甜品 而朋友嗌个个就几好味 但西油偏苦 整体叫唔错 最后好失望埋单闪人
继续阅读
晚餐完经过就去食下甜品， 见呢间对比上吾洗排甘耐队就食呢间，叫左个雪糕窝夫，外表装饰算几覵， 有香蕉片同朱古力酱做底，侧边一个匙根放左一个方满朱古力酱既云尼拿雪糕， 雪糕几好食， 可惜个窝夫比较林同咪吾够热， 所以食落口感一般整体表现平平
继续阅读
又一次证明ig威力嘅一餐~ 朋友系系ig见到张相 比佢地新出果个金木水火土糖水吸引住左 去开果头就即管过去试下啦~ 朋友拣左蓝色果碗糖水 都唔记得个名 不过系蓝莓味嘅 根据朋友feedback系几得意 不过就有少少药水味 怪怪地… 我本来系陪伴嘅角色就反而揾到好野食! 钟意绿茶嘅我一见到个绿茶心太软就梗系即刻叫啦! 来到个雪糕上面有装饰都几吸引~ 但未上枱前个心太软已经穿开左漏左D filling出来 不过都唔紧要 一食落口好香绿茶味 唔似上环间好出名嘅绿茶café咁有阵草青味 哩个系纯粹一股绿茶香味 又唔太甜 味道岩岩好! 不过个雪糕就熔得好快 都无乜食过就熔哂…
继续阅读