影片
招牌菜
相关文章
今日午饭时段到了九龙城广场逛，见到一间装修蛮有个性，环境格调带点浪漫风格的新派西式餐厅 - 「甜之迷」。店内座位十分舒适，感觉不俗。据说此店是由玩具大王之子开设的「玩具」，本以新派西式甜品为主打，后来更专诚聘请西餐大厨主理，转型为一间意大利餐厅。不知何解，午市时段竟然只有一、两枱客，见不用等位，便进内一试。坐下不久，侍应便马上送上一杯清水及午市餐牌，这里午市有lunch set供应，而且款式亦多，印象中有五至六款，一个汤加一个主菜及饮品，价钱亦只不过是约五十元。很难想像在这种格调的西餐厅吃饭，价钱竟如此亲民。是日的餐汤是甘笋汤，而主菜我选了鸡肉蝴蝶粉配芥辣汁，因为西餐厅的奶茶一定不好喝，所以餐饮要了冻柠茶少甜。甘笋汤上枱时温度够热，甘笋橙色的汤底，还加了忌帘，味道清新之余，口感亦顺滑。而且咸淡相宜，不错!主菜之所以选鸡肉蝴蝶粉配芥辣汁纯粹是因为个人贪新鲜的原故，这里选用了鸡柳，滑而不韧，蝴蝶粉本身较有嚼劲，配以芥辣汁烹煮，烟韧而充满芥辣的独特香味，而且芥辣汁一点也不呛鼻，令人更易入口，味道有特色!冻柠茶一如预期，只属一般西餐厅的水准，所以从来没期望......整体来说，此店可谓九龙城中环境最格调最好的一间餐厅之一，加上午市时段亦不难揾位，价钱亦相对晚市相宜，可算是一个好地方!有机会还是会再来试一试曾在这里独占鳌头的精致甜品!
继续阅读
听讲此店系蔡志明个太子开, 所以就算无生意, 都应该唔会结业.每次去到这间甜品店得小猫三四只,侍应多过人客,谂住啲嘢都唔方好食啦!!点知有意外惊喜,甜品卖相精致.鲜果新鲜,味道OK,去开九龙城嘅话,可以试吓.心太软朱古力浆香浓且滑,流出嚟时热辣辣,配埋呍呢嗱雪糕,一冷一热好好味.鲜果千层盒,生果新鲜,酥皮松化,配以朱古力忌廉夹心,好味道.甜品拼盘有云石芝士蛋糕,天鹅泡芙,士多啤梨忌廉cake同朱古力慕丝,味道一般,成七十蚊有啲揾笨,散叫大份啲,抵食啲.最好味个芝士蛋糕,浓浓嘅芝士味系我最爱,至于其它甜品一般,冇乜好讲.
继续阅读
星期六中午去咗甜之迷食LUNCH, 因为新年期间商场做Promotion储单换咗张$200蚊甜之迷现金劵, 超正呀! (^_^) 如果用嚟食甜品就唔驶补钱一定够我同Honey '豪食', 但佢话净食甜品上几次都差不多试匀晒, 不如食lunch试佢哋其他嘢食, 嘻嘻…佢话点就点啦! 去到真系好少人, 都有啲意外, 因为始终系星期六以为会好旺, 即刻谂之前夜晚嚟食甜品都好得o架, 唔通啲大盘唔掂??? 入座后侍应先送上两杯暖水同一篮面包, 我哋叫咗牛油果蟹肉沙律做头盘($78); 牛肋条酿蕃茄意大利饭, 香草白酒煮大蚬天使面 (好似系$98 & $118), 跟住有林酒布丁同芒果拿破仑 (好似都系$38蚊); 其实我觉得样样嘢味道都中上, 卖相又唔错, 白酒大蚬天使面蚬好靓亦够大只, 面条弹牙汁啱啱好可以讲系喜出望外, 拿破仑个皮好香唔系得阵风咁, 周围都做拿破仑啦, 呢度系特别香, 仲要今日好好彩, 芒果唔酸, Nice! (食过酸芒果做蛋糕就知原来甜唔系老冯嘅)仲有呀, 侍应招呼恰到好处唔会'叫极都扮睇唔到', 亦唔会'监视'我哋, 因为有啲餐厅好好笑架, 少担心佢唔理你啦, 反而系”玩监视”搞到你周身唔自在; 呢度可能场地宽敞, 大家可以保持'适当距离', 食都食得舒服啲. 特别系后生仔侍应哥哥, 真系又好笑容又斯文, 上菜同收嘢走都会细细声知会我哋一声, 唔会突然'习' 一声扑埋你枱就'立'走你枱面啲嘢, 可能呢啲都归功于个captain train 得好?? 因为上次嚟食甜品我已经觉得服务唔错, 妹妹仔侍应系怕丑啲, 但一眼关七, 要咩有咩! 其实以上呢啲都只系serve客嘅基本功, 但好多食店都”唔提供”喇, 食剩两啖问都唔问吓你’立’你碟嘢走又有, 食晒想佢收走举埋手至不耐烦hea埋嚟不情不愿嘅又有(上次去夏面馆就系咁) 客人本身好好礼貌都无用, 由得啲客自生自灭, 衰啲嘅就’黑面’你添呀~ 加埋今次食lunch, 我觉得呢间餐厅值得推介! 最紧要系呢度有几部电视, 啱晒我呢啲钟意电视汁捞饭嘅人啦, 多咗个撑枱脚嘅'私窦' (因为真系少人, 又或者啲人觉得贵? 最大可能都似系九龙城广场人流少嘅绝症影响啩) 希望做完呢轮Promotion 佢会有多啲'返头客', 唔好嘥咗咁好嘅场地, 唔介意俾贵少少, 有咁嘅水准, 值得嘅~ 不过我睇番Open Rice 呢度之前啲食评原来以前专做甜品时多好多选择, 依家转型主题做意大利餐cut 晒啲款式都好可惜, 希望做得咁好嘅食店慢慢多番啲客, 加番啲甜品种类我哋就有口福喇~(啱啱知道今年终于唔驶freeze, 有人工加, 我决定请 Honey 嚟食一餐'庆祝'吓, 哈哈哈, 加少少我都已经好开心, 多谢公司!
继续阅读
九龙城广场,一个你一听就知道系九龙城但又未必知系边既地方.广场本身就已经系一个奇葩,人流少,但店舖却可以长期营业,唔通啲租好平?好多不同既食店都可以系度揾到.其实好老实讲,我好钟意唻呢度食嘢,因为一啲经常要排队既店舖嚟到呢度都唔使排队.而令次个主角甜之迷亦都系一间唔使排队既舖头.系咪一定要排队先系好嘢?当然唔系.冇人排队就唔慌系好嘢?咁又唔可以咁讲.咁即系点?好老实,入去食都真系要鼓起少少勇气,因为平时行过真系冇乜人,咁𠮶日同爱人行完元宵,又好想食吓甜品,就谂起呢间成日都想谂既铺头.去到𠮶度,哗,搅乜鬼,今晚好似多咗啲人㖞.但系好事嚟既,多啲人气好过冷清清咁.一坐低,就比咗两杯暖水,抵赞.(有啲甜品铺头仲讲明话唔提供水,好老实讲,我唔系要杯水留番系度同啲朋友吹水,而系你啲嘢太甜想饮淡水啫)睇吓个甜品餐牌,选择真系唔系太多,记忆中大部份都系$30以上,有啲好似去到$70几.Anyway, 叫咗橙酒班戟同法式苹果批.橙酒班戟-班戟味道同质感冇乜好评,因为已经浸淋咗,数量应该有四块,细细地既,至于个橙酒汁就唔错,唔系一味死甜,有橙既鲜味.法式苹果批-呢个值得推介,苹果批松翠,浓香既牛油味加一球雪糕,另外个汁亦做得非常好.成间铺其实见到好有心放本落去做,下次会试下佢地既晚餐.甜品最好就加多几款.服务就有待确定.
继续阅读
每次来九龙城，都很想试一试这甜品食肆，但由于该区太多美食，胃实在纳不下，至今还没有试过，是日决定一试，但真是试得太迟这食肆转营了意大利菜，很多甜品已经没有供应，甜品menu可供撰择的，实在不多，但既来之，则安之，在没多撰择下，再撰便是了。门面好吸引内里宽大舒适，环境也清洁衞生，但该天是公众假期，食客只得我们二人，像包了场心太软(35元)：卖相不俗，但真系迷你版，伴上雪糕，心太软同一球雪糕差不多大细心太软外层焗得香脆，糕身入口脆而松软，朱古力味足，切开糕身，幸好有流心，朱古力浆颇澎湃，味道亦浓郁香滑，美中不足是这个心太软实在太细小。朱古力梳乎厘(38元)：外形不错，但味道就令人失望，平常吃的是松软，蛋白味清香，入口即溶，但今次入口，只像棉花糖混湿了水，口感差外，味道亦怪怪，就是蘸了附上的朱古力浆也于事无补，通常不浪费食物的我们，也不能清理这小小甜品，因为好难食
继续阅读