话说某饭局中薯爷提到想食烧鹅，但深觉中环名牌「镛记」嘅水准已不大如前，名厨好友听到即推介老店后人创办嘅「甘棠烧鹅」
。真系冇谂过电话一打就通，完全唔似坊间传闻般咁难订位㖞！餐店位于铜锣湾南华会一楼保龄球场内，会所四周都贴有指示，非常清晰。有一点大家要留意，经保龄球场入口虽然系近啲，但系就要行上三十几级楼梯。行动不便的话，建议喺远少少嘅体育大厦（即礼仁小学对面）度入，𠮶边先有䢂搭
。中菜厅个门面十分起眼，以鹅形绘成嘅「甘」字标志可爱又到题。接待及收银处身后透出光鲜企理嘅厨房，烧味部嘅师傅当真忙个不停！傍晚六点全店满座，早咗半个钟嘅XO仔要等到六点半先有得埋位，幸好在场嘅经理Joyce姐姐非常好人，得悉细佬要为长辈们揾定个䢂同洗手间嘅位置，仲唔嫌烦咁亲自带路
。光猛嘅用餐大堂其实唔算太噪，主要都系保龄球场嘅杂声多。六人用餐有最靓嘅一号枱坐，空间感都好足。桌上摆有齐备嘅自用及公用餐具，仲有个转盘。如果想要多啲私人空间的话，客人可以要求订房；细房可容纳上十二人，大房则可容纳上十六人，最低消费为$750/位。九页餐牌只有中文版，其中濑粉七点已经卖哂，建议有意食的话最好乜都订定。餐牌最后一页写明茶钱$18/位，开瓶费$100/樽，咁又唔系好过份。
甘一刀叉烧 肥㶶（$210/例牌）：厚切嘅叉烧好靓好腍，外皮㶶得黎好香，层肥膏直头溶喺口，靓靓妈咪牙力唔好都食得到
。松花皮蛋配酸姜（$16/半只）：已预先开边嘅皮蛋极之溏心
，半透明嘅蛋白软弹嘅同时，蛋黄香浓润滑，高质美味。烧鹅下庄（$220）：烧鹅系就系比「镛记」好食，但唔代表佢正
！烧鹅皮层上枱之时最脆，无奈皮下脂肪多，脾肉都唔够松，肉质带点儿韧。甘棠姜葱鹅油捞面（$58）：简单嘅鹅油捞面超级爽嫩
，食落一啲都唔油，轻巧非常。百花金腿酿新鲜凤翼（$768/半打）：酿满虾胶嘅鸡翼胀卜卜，个摆盘卖相就有啲奇怪，小弟转咗几次只碟都唔知边个角度影相先正确
。鸡皮尚算柔软有弹性，可惜个百花馅就只得个胶，冇乜虾味，薯爷狠批此味酿鸡翼不知所谓，绝对唔值$128/只:(！甘棠一品鹅杂煲（$100/位）：第一次食一品鹅煲系喺「镛记」间会所餐厅「尝真」，当时食齐鹅嘅所有部份，而且每款同样细腻可口，印象尤深
！「甘棠烧鹅」个净杂版本明显差距甚大，估计原因系时间管理得唔好，师傅疑似一次过煮哂所有材料，而并非逐层去煮。相片可清楚睇到煲品嘅油层，入面嘅鹅翼唔够腍，应该要煮耐啲；鹅肠唔够肥所以偏韧；嚡嚡地嘅鹅肝就过熟所以硬实；最好食只有滑嘟嘟又够厚身嘅鹅红。凉瓜炒苦瓜（$168）：经理姐姐极力推荐嘅招牌菜以两种「半生瓜」炒出，一深一浅；深色𠮶款个味甘啲同浓啲，浅色𠮶款则清甜清爽啲，最紧要系菜式劲啱席上嘅老人家口味！隐藏于南华会嘅「甘棠烧鹅」环境开扬通爽，综合六人意见，价格偏高嘅食物质素评分会俾三点五分，属OK与笑脸之间，但由于服务生态度诚恳，成功提升咗晚餐嘅享乐，希望XO仔一篇微不足道嘅好评可以为小店鼓励一番。…查看更多
。真系冇谂过电话一打就通，完全唔似坊间传闻般咁难订位㖞！餐店位于铜锣湾南华会一楼保龄球场内，会所四周都贴有指示，非常清晰。有一点大家要留意，经保龄球场入口虽然系近啲，但系就要行上三十几级楼梯。行动不便的话，建议喺远少少嘅体育大厦（即礼仁小学对面）度入，𠮶边先有䢂搭。中菜厅个门面十分起眼，以鹅形绘成嘅「甘」字标志可爱又到题。接待及收银处身后透出光鲜企理嘅厨房，烧味部嘅师傅当真忙个不停！傍晚六点全店满座，早咗半个钟嘅XO仔要等到六点半先有得埋位，幸好在场嘅经理Joyce姐姐非常好人，得悉细佬要为长辈们揾定个䢂同洗手间嘅位置，仲唔嫌烦咁亲自带路。光猛嘅用餐大堂其实唔算太噪，主要都系保龄球场嘅杂声多。六人用餐有最靓嘅一号枱坐，空间感都好足。桌上摆有齐备嘅自用及公用餐具，仲有个转盘。如果想要多啲私人空间的话，客人可以要求订房；细房可容纳上十二人，大房则可容纳上十六人，最低消费为$750/位。九页餐牌只有中文版，其中濑粉七点已经卖哂，建议有意食的话最好乜都订定。餐牌最后一页写明茶钱$18/位，开瓶费$100/樽，咁又唔系好过份。甘一刀叉烧 肥㶶（$210/例牌）：厚切嘅叉烧好靓好腍，外皮㶶得黎好香，层肥膏直头溶喺口，靓靓妈咪牙力唔好都食得到。松花皮蛋配酸姜（$16/半只）：已预先开边嘅皮蛋极之溏心，半透明嘅蛋白软弹嘅同时，蛋黄香浓润滑，高质美味。烧鹅下庄（$220）：烧鹅系就系比「镛记」好食，但唔代表佢正！烧鹅皮层上枱之时最脆，无奈皮下脂肪多，脾肉都唔够松，肉质带点儿韧。甘棠姜葱鹅油捞面（$58）：简单嘅鹅油捞面超级爽嫩，食落一啲都唔油，轻巧非常。百花金腿酿新鲜凤翼（$768/半打）：酿满虾胶嘅鸡翼胀卜卜，个摆盘卖相就有啲奇怪，小弟转咗几次只碟都唔知边个角度影相先正确。鸡皮尚算柔软有弹性，可惜个百花馅就只得个胶，冇乜虾味，薯爷狠批此味酿鸡翼不知所谓，绝对唔值$128/只:(！甘棠一品鹅杂煲（$100/位）：第一次食一品鹅煲系喺「镛记」间会所餐厅「尝真」，当时食齐鹅嘅所有部份，而且每款同样细腻可口，印象尤深！「甘棠烧鹅」个净杂版本明显差距甚大，估计原因系时间管理得唔好，师傅疑似一次过煮哂所有材料，而并非逐层去煮。相片可清楚睇到煲品嘅油层，入面嘅鹅翼唔够腍，应该要煮耐啲；鹅肠唔够肥所以偏韧；嚡嚡地嘅鹅肝就过熟所以硬实；最好食只有滑嘟嘟又够厚身嘅鹅红。凉瓜炒苦瓜（$168）：经理姐姐极力推荐嘅招牌菜以两种「半生瓜」炒出，一深一浅；深色𠮶款个味甘啲同浓啲，浅色𠮶款则清甜清爽啲，最紧要系菜式劲啱席上嘅老人家口味！隐藏于南华会嘅「甘棠烧鹅」环境开扬通爽，综合六人意见，价格偏高嘅食物质素评分会俾三点五分，属OK与笑脸之间，但由于服务生态度诚恳，成功提升咗晚餐嘅享乐，希望XO仔一篇微不足道嘅好评可以为小店鼓励一番。…查看更多
