影片
天水围银座「甘之季节」糖水舖，甜咸交织嘅滋味惊喜！今日同朋友嚟到天水围银座揾食，行到攰攰地就入咗呢间「甘之季节」糖水舖，真系冇拣错！一推开门，温馨嘅木系装修即刻带畀我一种好舒服、好放松嘅感觉，暖黄色嘅灯光打落嚟，好似返到屋企咁自在。讲到重头戏——甜品，芋圆雪糕杨枝甘露真系令我一试难忘！圆碌碌嘅芋圆烟韧有嚼劲，咬落去软糯香甜；雪糕奶香浓郁，入口即化；再配上酸酸甜甜、芒果味浓郁嘅杨枝甘露，成个口感层次丰富到好似开Party咁，食落清清爽爽，完全唔会觉得腻，夏天食真系透心凉！杏仁糊加西米都好出色！杏仁糊嘅香气好醇厚，一闻就知系用足料嘅，绵密细滑嘅质感，每啖都充满住浓浓嘅杏仁香。加埋粒粒分明、咬落QQ嘅西米，唔单止口感更加丰富，味道上亦都中和咗杏仁糊嘅浓厚，令人忍不住一口接一口，唔够喉啊！最令我惊喜嘅系，呢间糖水舖居然有烧卖同牛肉球！谂住试一试，点知完全冇令我失望！烧卖皮薄馅靓，虾肉鲜甜弹牙；牛肉球松软多汁，仲带住淡淡嘅胡椒香，咸香可口。甜品配埋点心，甜咸交替，真系好过瘾，呢个搭配真系谂得太妙喇！服务方面，店员态度好亲切，有问必答，而且上菜速度都好快。无论你系行到攰想食个糖水充充电，定系约埋朋友嚟倾计聚会，呢间「甘之季节」都好适合！以后一定会再嚟，试埋其他甜品同点心！强烈推荐畀各位钟意食糖水同点心嘅朋友！
继续阅读
甘の季节今次要介绍喺天水围一间甜品店叫「甘の季节」，呢间高质甜品店嘅绵绵冰，好绵到不得了，仲有芋圆糖水、汤圆、窝夫等等，有位学生埋单时我听到仲有九折！轮椅人士入去都超方便，呢间甜品店嘅门口系用咗嵌入式嘅斜路，唔会介意做少几张枱，够哂诚意，爱心满满！1.朱古力窝夫$30（10/10）呢个朱古力窝夫面上有厚厚嘅朱古力奶油同oreo饼碎，食落香脆唔会好甜，如果有埋刀切开嚟食就好啦！2.草莓绵绵冰（冻）$93（9.5/10）呢个草莓绵绵冰顶上面粒草莓系用咗日本淡雪嘅草莓，咬落有少少酸，刨冰唔同出面咁绵，呢间d冰好绵到不得了，绵冰食落淡淡草莓味，下面底层仲有oreo饼碎，唔错！3.芒果绵绵冰（冻）$93（10/10）呢个芒果绵绵冰食落有香浓芒果味，最顶同最底都有oreo饼碎，底层仲有满满嘅切咗粒芒果果肉，好甜好厚肉，好好味，必叫之选！4.芋圆雪糕杨枝甘露（冻）$55（10/10）呢碗芋圆雪糕杨枝甘露真系好丰富好大碗，入面芋圆好烟韧唔会硬心，芋圆大约都有接近10粒，有一球好滑嘅云呢拿味雪糕，仲有接近半碗嘅芒果果肉、西米露同唔少嘅柚子肉，超满足！2人总共价钱$271个人口味总评分：9.88/10 @amainodessert 地址：天水围天恩路12-18号+WOO嘉湖一期地下G86A号舖Please follow me🙆♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻♂️#甘の季节 #甜品店 #糖水舖 #香港美食 #天水围美食 #天水围好去处 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读
买咗飞睇戏未够钟, 逛下嘅时候发现有间甜品店, 睇到餐牌上嘅甜品令人好心动坐低后, 见到餐厅做紧优惠, 原来消费一碗糖水就可以用优惠价$19, 加购一份烧卖 或者 一份牛肉球, 加$18就可以双拼, 大食嘅我哋点可以食双拼, 梗系每样嚟一份椰汁红豆凉粉+芋圆+雪糕 $61香甜嘅椰汁配搭凉粉、红豆, 加上Q弹嘅芋圆, 同云呢拿雪糕, 口感层次好丰富, 夏天食超爽莲子陈皮红豆沙 $31红豆煲得非常软绵, 陈皮份量啱啱好, 完全冇抢去红豆沙嘅香味花生腰果合桃糊+汤圆 $34非常浓郁丝滑, 软糯嘅汤圆仲系我最爱嘅芝麻馅
继续阅读
原来天水围银座有间甜品店，黎过几次都唔觉🤣🤣甜品既款式多样化，有传统既、有芋圆、有烧卖牛丸等~🔸椰汁桃胶芋圆 $40有冻同热简，天气咁热当然叫左冻啦❄️呢个好养生呀🥰 桃胶是霸气养颜之选✴️ 椰汁甜度刚刚好， 桃胶同芋圆都好足料呀❣️🔸芒果奇亚籽冰（冻）$43有半杯嘅奇亚籽😍 奇亚籽系一种超级食物含有丰富膳食纤维、蛋白质、Omega-3 ～芒果🥭唔酸～有好多粒粒芒果🥭🔸糖不甩$21叫左杯饮品🥤以优惠价加购叫到~好耐无食过糖不甩🥹烟韧既丸子沾满了椰丝花生碎砂糖好味又有回忆😇🔸杏仁露 $33杏仁打得浓滑！杏左味浓郁👍🏻🔸芋圆雪糕杨枝甘露（冻）$55雪糕🍦系有2只口味可选择，云呢拿和士多啤梨十分足料呀～～🔸朱古力窝夫 $30🔸草莓窝夫 $30窝夫🧇系列都系即叫即制♨️脆脆嘅窝夫🧇配上朱古力/士多啤梨🍓加上饼碎喜欢内里软润 有口感 ❣️
继续阅读
呢间糖水铺款式多宜家价钱亲民😎⭐️有传统糖水 野饮之余 仲有刨冰🧊🧇窝夫 连简单熟食都有 🤗岩晒做饭后甜品1️⃣椰汁桃胶芋圆🥣 +烧卖桃胶分量多又大粒爽口 🥥椰汁味浓得黎唔会好甜 💜加埋芋圆食劲有咬口 👀芋圆仲有蕃薯, 芋头, 南瓜同绿茶4只味 好特别😝2️⃣🫘椰汁红豆芋圆🥥+花奶+汤圆红豆味香 椰汁加埋花奶成个味夹得黎又唔系好甜汤圆劲大粒 一咬开满满既芝麻香
3️⃣糖不甩🍡糯米丸做到好烟靭 加上花生碎同碎 热辣辣食 香得黎又好有咬口😛
继续阅读
您可能会有兴趣的...