甄甄車仔麵 (已搬遷) 新店位置

一個人行槍街，肚餓第一次黎呢間食車仔麵，點了魚蛋丶豬皮丶魚皮餃粗麵咖哩汁，魚蛋是小時候吃的陳皮魚蛋，有一份回憶，豬皮有咬口不太淋，魚皮餃普通貨色，追加了一份鮑汁雞尖和麻辣豬耳，整體好吃味偏濃👍🏻PS：進食其間有五名國內同胞進來幫襯，大講國語問老細野，老細唔係好耐煩，有小小X加丫😅

今日試左呢間車仔麵，叫左米線+蘿蔔+冬姑+腩汁=$28。叫左5分鐘就有得食，腩汁幾香，米線軟硬適中，蘿蔔無渣夠林，冬姑2隻(💲10)好似有D貴，但大隻同好味，總体我俾80分，睇得出食材有心思，下次想試佢D牛腩，希望佢地做得住，係旺角唔算貴，值得去試。

車仔麵係香港歷史源遠流長，由小販檔到依家入哂鋪，都轉變了唔少！湯頭，麵種，配料麵係顧客選擇，點解車仔麵禁受香港人歡迎？因為有得選擇，便宜，美味🤤呢間「甄甄車仔麵」平平無奇既外表，但食落又覺得讚！每款小食都唔同價錢，無規限要幾多配料，隨心就好了！我就叫了魚皮餃、蘿蔔，朋友叫了牛根、牛腩，禁可以交換配料食更多既食物😂店內唔算好大，普通一間麵檔，由於午膳時間多人，我坐係較門口位置，望住師傅煮下夾下「送」好快車仔麵就送到面前！等埋朋友的，交換埋就變了4送車仔麵😂好豐富喔！牛根非常非常淋！太淋既牛根唔好食，但又未去到果個階段，加上個汁，好正！牛腩好鬆軟，應該一早切斷哂啲根，所以一啲都唔韌，肉質仲好好味！蘿蔔勁鮮甜！蘿蔔有層好厚既皮令蘿蔔帶來苦澀，但由於太厚好多店鋪都唔會批走哂，所講果層皮通常都5mm厚！為左舊蘿蔔大舊啲嘛😏而呢間就無呢層皮，所以係勁鮮甜！又多汁！讚👍🏽湯底都無得輸！加上腩汁，又令湯底更上一層🤤🤤整體黎講，環境似一般既麵檔，無特別，開放式既廚房，增加了透明度，乾淨與否麵一目瞭然！係乾淨既😂食物有驚喜，發揮左食物整身既味道！絕對無浪費食物喔抵食？60蚊兩碗禁高cp 值既車仔麵點會唔抵

屋企人去哂旅行，得返我一個，放工咁攰都唔會煮飯啦，落左去屋企附近既車仔麵檔食。每次都系嗌蘿白、大腸、菜苗，麻辣湯底多醋之後試過佢既魷魚，唔太推介，因為唔太好食其他餸都正正常常既！

係附近上完堂，見到有間可以自己控制晚餐價錢既食店（車仔面好就好在淨食餸又得，餓既嗌多啲餸又得，唔餓既嗌多啲菜少啲肉又得，點都得），於是同男仔友行左入來試食。門面環境做得幾好，感覺幾乾淨既。咁我就嗌左四餸無面，有豬手，豬大腸，生菜同菜苗，清湯底。湯好甜，但我好肯定係加左糖。而佢個豬大腸同豬手真係要大大大讚，真係清得好乾淨，豬手無毛！！豬手無毛！豬手真係無毛架！而豬腸真係好乾淨！唔好話我係打手，有相有真相！睇我啲相啦。味道來講唔錯。

今晚唔想出街吃又唔想煮，於是去甄甄車仔麵買外賣吃。兩碗車仔麵共HKD 76餸： 豆卜 ，有6塊 ，OK 好味 酸齋， 有5塊，不會太酸，味道不錯。 菜苗，煮得太耐，變了黃色😅 辣魚蛋，有7粒，夠入味及有微辣，最好 味是辣魚蛋。 墨魚丸： 有2粒，都有墨魚味，不過唔 夠彈牙，OK 好味。 滷水雞翼：夠入味，不會太鹹，OK 好 味。麵 ：油麵，一般般，有點淋。 薯粉，軟身，我OK like, 不會難消化。湯是車仔麵最主要靈魂 ，麻辣湯底，最野味，辣辣地，好味道。清湯底，味道唔好味，有點甜。😅

週末旺角比較難搵位，就試下行到煙廠街街尾搵食。入到去都好多空位，上菜上得快，各款菜都好合理嘅價錢。腩肉貢丸麵，個麵底比較少，餸嘅份量比想像中多，個沙嗲湯底都唔會太咸。牛腩大腸粗麵，都係沙嗲醬，如果個麵底更多就更好啦。

有很久沒有經過煙廠街，今次重臨發覺有些食肆已結業，同樣地也見有新店鋪開業，今天午餐就選擇相信是新張不久的甄甄車仔麵，原來吃車仔麵都有最抵消費，所以就要兩餸車仔麵，揀豬紅，是因為很久沒有吃過了！也揀很久沒有吃過的紅薯粉。豬紅，品嘗到熟悉的味道和口感。秘製魷魚，，吃到白色的魷魚肉，不是發水魷魚實在有小小驚喜。不過，美中不足是紅薯粉有很少部份未煑得夠腍，我揀清湯加點點辣椒油，就是很受歡迎的港式地道美食。

去到旺角有時真係唔知食咩好！行行下見到我未試過這間車仔麵咪去試下！又見佢好多post 貼出嚟加上環境望落去都叫乾淨我入到去坐下之後自己畫紙點餸有效率，啲伙記有heart 真係嘅ok 我叫個麻辣豬耳真係好好味嘅,一定會encore

今日返完通宵去呢度食車仔麵，貪佢無乜人又乾淨冷氣夠，🈶️電視睇home feel 講返佢的選擇不外乎一舨車仔麵檔special 是🈶️齋食，不過成$12一份,滷水豬腸一樣呢個價I feel expensive 所以無叫。我就叫做至愛油面牛根朱紅⋯⋯可惜湯太少so 叫佢加多湯都okay 成碗面最好食係牛根超腍而不溶,墨丸就偏貴$8/2粒。 連罐zero 共$44

知道呢到開左間新店，今日終於有機會黎試下， 平時怕不夠飽，今日食宵夜唔怕， 叫咗碗牛腩，通菜粗麵， 同豬，紅豬，腸豬耳， 感覺呢度嘅餸都幾新鮮， 同埋可以自己加榨菜 ，蔥，同炸蒜 ，不過加咗牛腩汁有少少咸， 同埋豬腸好肥， 但係整體嚟講都算係唔錯嘅

第一次嘅食評平時成日相機食先，影好多相都唔記得打😂不過啱啱無聊睇下openrice見到有個負評，真心覺得要寫返篇有圖有真相嘅食評黎幫小店平反。嗰日7點幾同男朋友喺旺角諗唔到食乜 經過煙廠街見有新野就入左去食 一入鋪頭左邊就係車仔檔，啲餸就排哂喺到。愈睇愈肚餓，叫下叫下每人都叫左4 5個餸😂我自己嗰碗叫左麻辣豬耳 酸齋 魚蛋 冬菇 生菜 加米粉 吖仲有蘿蔔酸齋($10) 真係好好味呀(肥姐mode)我自己本身好中意食酸齋 但係唔多地方有得食之餘仲要好多都唔好食，但係呢間車仔麵整到啱啱好嘅甜酸味，而家打住食評都想再食冬菇 ($10)係另一推介！通常車仔麵有冬菇都會係薄切，但係呢到嘅厚切程度係等於喺屋企食住家飯一樣！厚切得黎夠入味，正！麻辣豬耳($10)係有驚喜之選。間中去連鎖米線鋪都會食不過都唔係間間好食，無諗過呢到嘅麻辣可以咁出色！本身唔太食得辣，但係呢到個豬耳令到我食到停唔到口咁，唔會辣到要飲野解辣，愈食愈上癮。生菜蘿蔔就正正常常 連埋啲餸同腩汁食更佳仲有，鋪入面有個自助位，有一兜炸菜 一兜蔥同一兜炸蒜，仲有好多醬料任落！唔好miss左 !!希望呢篇新手食評夠資訊性啦😂起碼有圖有真相有

下午口痕痕，剛巧經過門口，見到好似有幾多款餸選擇，點知中了大伏...1. 性價比極低選了三個餸(牛根$12, 「假」鮑片$10, 貢丸$8)，連粗麵$10，加熱奶茶$8. 一碗仔車仔麵加一杯熱飲，都要成$48。2. 難食每樣餸都不合水準，甚至可謂「差劣」也不過分。牛根有少少香口膠的怪味；「假」鮑片即是一般白色長方形的雪藏嘢，略帶酸味；貢丸無貢丸味，不知混了什麼肉入去。粗麵亦像橡膠，無麵粉味，又硬棚棚。最後是湯底：在微黑的上湯中加入一pat所謂的「腩汁」，卻盡是鹼水和味精的味道。3. 分量少難食之餘，餸的分量少得可憐。$8貢丸只有兩粒，$10「假」鮑片只有四塊左右、只有牛根稍多少少。老闆，不用賺到咁盡吧?4. 餸菜失實餐牌上寫的是「鮑汁螺片$10」 ，但出到來卻是白色長方形的「假」鮑片，螺卻欠奉，有貨不對辨及失實之嫌。整體上，車仔麵和餐飲(鹼水味的熱奶茶，飲到一半就放棄了)都是失敗之作。一間專賣車仔麵的食店連最基本的食材都處理不好，還有什麼價值?

車仔麵控嚟講呢，屋企附近有間咁就腳嘅車仔麵店點可以唔一試呢又係一個人晚餐嘅時間，我最鍾意試新嘢今晚我選擇咗生菜、蘿蔔、豬腸，湯底要咗腩汁，承惠$38。湯底係唔錯嘅，唔會重口味，食完亦唔會好口渴。豬腸見有網友介紹所以一試，真係幾好食反而蘿蔔就遜色少少，冇乜味，如果可以整入味啲會更加分。份量正常，男人食應該都夠飽嘅，哈哈整體而言都算係水準唔錯嘅車仔麵，仲有部大大嘅電視機，可以一邊食麵，一邊撈電視汁，晚餐又多個選擇

車仔麵話雖可來個大雜燴睇落好豐富，餸量係多但未必每間都好味。之前上網見到推介，介紹頗為吸引，適逢去開喼神據點嘅旺角攞團購，順道一試，續樣計算為車仔麵特色，每次只揀米粉做麵底，感覺健健；加了小辣麻辣汁，避免蓋過味道，微辣可觸動胃口；餚至入味嘅蘿蔔，香甜又無根；滷水豬腸絕對乾淨兼味道濃郁；牛筋骨原十足，入口溶化，絕對推薦。