瓷器拉麵小籠包 (已結業) 查看

之前覺得午餐客飯都算抵食，唔知佢而家轉左手，某日買外賣，叫左個回鍋肉飯同雞絲燴麵，返到公司發現無左個白飯，打去同佢講，佢話而家無人手攞返比我，叫我自己去攞返，但我公司行去成15分鐘，同佢講一係退錢比我，佢就話退$10個白飯錢比我，然後好搞笑咁講「你個係客飯套餐，個白飯本身都係送架，唔一定有。」聽到我都O咀，客飯套餐唔一定比個飯我？！咁應該叫小菜囉⋯之後話下次幫襯送個綠茶餅比我，而家加哂價，貴左好多，同埋嘢食真心難食左好多，仲叫我下次幫襯？不了。

與同事諗住Happy Friday 食餐好，來咗公司附近的瓷器拉麵小籠包，點了土雞燴麵及小籠包。小籠包不錯，皮薄多餡有湯汁，味道還可以。土雞燴麵就比想像中清淡，雞肉不多，配菜亦不多，麵就比較淋身。一配麵就要$50多元，沒有飲品，這樣的質素似乎配不起這個價錢。

午市途經成條街除太興最爆一間等左一陣服務OK 叫做有招呼有禮貌叫左酸菜魚，小籠包，鍋貼店員推介白肉出餐吾算快酸菜魚好大份尼個價錢，我會推介比朋友鍋貼吾算平但皮薄多汁。正小籠包5只，對得住湯包個名白肉吾漏除咗位窄，值得一試10分滿分我比8分1分扣等位1分扣位窄

平時經過無數次今日忽然想試下上海餐廳叫了一個回鍋肉飯$52+$5 轉菜飯+$8 有枝豆漿本身都有熱茶飲同區來講，唔算抵，同價位大把更好的選擇。回鍋肉配椰菜，我覺得自己煮罐頭更惹味。菜飯比較油，只有滯而不滿足。豆漿淡無豆味，一切都一般。只收現金服務態度亦係麻麻唔係衰，但唔係好有禮貌或熱情，令人不舒適。後悔而家先上openrice睇其他食評原來都咁多負評早知就唔會食！今日餐lunch 感覺上浪費咗我一個quota !!

差點錯過了這間美味上海小店。因食店外觀驟眼看似西式餐廳，如不仔細看招牌及留意放在店外的餐牌，真的不為意這是一家上海食店。此店是我第一次光顧，時間屬下午茶時段，餐牌選擇多樣化、價錢相宜。我選擇了擔擔面配炸饅頭。擔擔麵的湯底濃郁，麵的軟硬度適中，麵身很滑。一食便知是即叫即煮，並非預先煮好晾在一邊然後再淋上熱湯的那種。而炸饅頭亦是即叫即炸，外脆內軟。由於是 “Cooked to Order” 因此食物上桌時的熱度仍能保持，感覺很新鮮。由於還想嘗試此店的鍋貼，加上次日仍須於該地區工作，所以便再次光顧。這次我選擇了肥牛米線配鍋貼。（其實餐牌上的配搭是羊肉米線，但本人不吃羊肉，店員很貼心，便轉肥牛給我）。米線爽滑、配料很多、份量大、湯底看似清淡但味道十足。鍋貼同樣地是即叫即煎，皮薄兼 “熱辣辣” 很好味。除店員態度有禮外，廚師亦會親自問及顧客對食品是否感到滿意及喜歡？態度親切有禮。另店內環境簡潔，店員十分注重店內衛生，每當客人用膳離店後，便立即用消毒藥水清潔桌面及座椅。還不時清潔地面。讚！此店值得推薦一試！下次有時間我會嘗試此店的小籠包。唯一須要改善的是店內的冷氣系統，不夠凍，進食時感覺越食越熱。

下雨天　就想隨便解決午餐的焦急小店的品質　通常都有少少挑戰性富榮花園附近　不算是我熟悉的地方店舖是簡單的裝潢　麵店式的設計主要依靠餐點的質素去維持羊肉米線配鍋貼湯底偏比較清淡與想像的湯底有出入羊肉整體有少許柴和稍微的騷味影響度不大　配合米線湯去品嚐有少許的配菜　腐皮　金針菇　蔥花腐皮會吸收湯汁　但會煮得太散爛其他配料就正常水準配上了2隻的鍋貼作小吃　煎的底部剛剛好　皮偏比較厚內裡有玉米和豬肉吃的時候會爆汁　帶玉米的甜味意想不到的小驚喜

2022/5/5同朋友行街餓諗住去番瓷器食上海野，點知行到去就見到成間舖啲人訓哂覺，基本上次次去親都見到店內啲人都系度訓覺，好啦咁行多一陣等店內的訓醒先去食啦，結果17:39先營業可以入座，一入去有個熱情如火嘅阿姨行過黎問我哋食啲乜嘢咁我哋就叫咗小籠包粗炒同埋口水雞，結果等咗半個鐘頭小籠包說出跟住粗炒口水雞，首先食咗個小籠包我咬咗一啖我就唔食啦我點心師傅可能用咗隔夜豬肉臭嘅口水雞有冰沙，粗炒啲油多到可以炒多碟，所以我哋都無乜點食就埋單走，喺度順便一提小心嗰個阿姨真係好熱情到嚇死人個點心師傅簡直躁狂症上身成日鬧人咁嘅食肆都仲可以喺度真係奇蹟

今日端午節同女朋友去食飯，夜晚附近得翻呢間鋪頭開門，就入左去試下。首先環境，不乾淨，碗都換左兩個，有污跡。隔離台有個小朋友一直喊好吵，店員沒有任何表示，本來準備直接走女朋友話照試下，咁就照叫左個砂鍋雲吞雞同小籠包。等左一陣， 雲吞雞來左，咩都無食咬左一啖雲吞，撞鬼，生ge！入面D豬肉仲係透明粉紅色！！！！我同店員講啦，本來準備影相為證但係距就拿左入廚房俾個廚師睇。拿左入去又無拿翻出來，咁我就準備拿我女朋友個碗影啦，點知剛剛拿過來個店員又好快手拿走倒左！真心嬲！！！再等多一陣，上過一個新ge俾我地，嚴重懷疑係拿我地剛剛那個入去煮多幾下算（原本一份六粒雲吞，新的那個五粒），同距地講過，不過距地話係新煮ge，我都無辦法。再等多一陣，距同我講小籠包唔記得落單，當時全場得我地一台，肯定唔係因為忙/錯單，無任何表示只係照舊執野準備收工。問我要吾要重新整個個我真係睬距都傻真心 味道一般 環境一般 態度一般 價錢偏貴 大家自行考慮要不要去。

屋企人鍾意食上海野，鍾意既係以前既味道自從食過一次下午茶既紅燒牛肉麵同羊肉拉麵後，屋企人就成日諗住食，話個鍋貼好食今次晚餐就食左上海粗炒，酸辣湯同小籠包酸辣湯夠熱，材料有蛋絲木耳豬血絲冬菇等等，味道都夠酸夠辣上海粗炒椰菜夠甜，係顏色方面差少少，同埋如果可以加埋筍絲會更好小籠包夠熱，入面有湯汁👍🏻兩個人食左$178呢間餐廳服務員既態度好友善，亦會不時主動加熱茶下面既相係之前食下午茶影既，湯底同麵質都唔錯，價錢實惠

瓷器拉麵小籠包地址:大角咀海庭道8號富榮花園地下45號舖瓷器灌湯小籠包 🥢＄42皮薄餡靚，有肉嘅鮮味，調味不會過咸，而且都幾有湯汁，不錯。上海鮮肉鍋貼 🥟＄48鍋貼皮唔會太厚和太油，煎得皮脆酥香，而且肉餡都幾有鮮味和彈性，不錯。涼拌青瓜雲耳 🥒$28口感爽脆而不膩，而且配搭上青瓜啲清新，好開胃。新疆羊肉湯麵 🍜＄42睇到餐牌，見到個羊字就興奮，羊湯都好濃郁重味，無咩羊騷味，但羊肉份量就比較少咗啲。紅油抄手 🥟 ＄42紅油剛剛好唔會太辣，太油，幾香辣惹味，再配上皮薄餡靚嘅餃子，正。#nicefoodie大角咀 

係附近快食，媽咪話呢間佢食開下午茶。叫左麻辣牛肉米線幾香，可以再辣D，唔夠麻，同米線淋左D，但味道唔錯煎鍋貼幾好食，底煎到微脆，咬落入面都有肉汁！價格唔貴，媽咪話下午茶仲抵！搵日再試下。

呢間上海菜小店，我由開舖支持到而家，一直都係唔少街坊嘅心頭號，價錢抵食👍小籠包同鍋貼都好出色上海擔擔麵，味道都正宗。同埋老闆好好人，有啲咩特別要求都唔怕同佢講🥰今日經過見到做緊下午茶$38一碗羊肉麵配兩個鍋貼超抵食份量足料，羊肉都有至少10片。絕對唔孤寒鍋貼肉汁飽滿（真係會咬一啖會噴水出嚟😂😂）不過建議真係要堂食，試過幾次外賣返到屋企真係冇咁好食，新鮮出爐熱辣辣係最正鍋貼脆脆地嗰邊個肉餡係偏甜少少嘅

難得附近有間上海菜，就同fd外賣試下。包點叫左小籠包、鍋貼、水餃。主菜叫左麻醬雞絲拌冷麵同擔擔麵。仲有叫左個酸辣湯🤪小籠包有湯汁、鍋貼煎得夠香口、水餃個湯好香，我fd當湯飲曬🤣相比之下，主食失色好多，麻醬雞絲拌冷麵，麻醬味唔重，係日式個種麻醬，唔係我預期中好重花生香嘅麻醬，有少少失望😕擔擔麵都係略嫌唔夠花生香味😛酸辣湯幾好飲，酸酸辣辣夠開胃，就係唔知點解飲落有啲油🙈總括而言，叫呢到包點外賣做小食係唔錯🤣

上海菜一向係我中意食既菜式TOP 3今日就黎試下新店屋苑黎講呢到收費唔算好平不過對比奧海城,都已經算係平D今日唔夠12點就入左去坐所以都有位餐廳坐位唔太迫有SOFA位叫左碟乾炒牛河味道正常 油都係正常地多 😂😂叫左籠小籠包皮超薄好食!不過個湯既味同平時有D唔同又講唔出有咩唔同, 哈哈不過就唔係傳統想開果隻味鍋貼! 超讚!熱辣辣煎出黎勁香!入面仲鎖住D肉汁架!不過小心熱親個咀呀最值得一提既係佢既辣油! 好辣不過好正! 好有秘製FEEL呀!走既時候開始要等位啦!

之前疫情關係, 只能叫外賣, 那時光顧過兩次, 味道還不錯, 炸豬扒肥瘦比例恰到好處, 但上海粗炒則太油而且淡味。 今日幫襯堂食, 卻有不同體驗。是次點餐要了一碗北京炸醬面及小籠包一客, 上菜速度很快, 十五分鐘內已送上炸醬面, 賣相不俗, 但吃落味道太鹹, 而且豆香欠奉, 沒有炸醬面應有的味道, 但份量是足夠的, 而且面質彈牙, 這是值得稱贊, 但味道則令菜式大大扣分。小籠包端出時暖暖的, 沒有剛出爐的那種燙口感覺, 味道則屬正常水準, 皮薄饀料足, 但最大的敗筆是五個小籠包中竟然有三個是破皮的, 有湯汁流出, 作為一間上海菜館, 小籠包有如此質素實不能接受。以這兩樣菜式評分, 則沒有上海餐館應有的水準, 實屬水準之下, 儘管服務及裝修不俗, 但不足以彌補食物質素的扣分。