瓏苑

好耐無食過一間,好食.街坊價錢而服務好的酒樓當日叫了一個超值套餐咕嚕肉入口已經我覺得超乎預期還有龍蝦伊麵，蒸扇貝，乳鴿，金銀蛋菜都係$538，還有優惠券可以扣減50落單的叔叔非常友善地和我推介另外食完飯經過的姐姐親切地問需要甜品同紅豆沙嗎🥰感覺溫暖又親切香港人應該支持香港人－定會返黎的酒家：瓏苑…查看更多

很久沒有去過瓏宛了，今日經開觀塘就同同事過來。水準依然在！同事讚不絕口。我們選了東星斑套餐。$638 性價比好高。叉燒、燒肉好好食。瓏宛D燒味聽聞係佢哋自己燒嘅， 唔係出面攞貨嗰啲。 所以食得出佢哋嘅豬肉係好新鮮。條東星斑（ 忘記了影相） 非常新鮮， 啲肉質嫩滑， 個蒸魚豉油控制得啱啱好， 唔會太鹹掩蓋曬魚嘅鮮味。 條魚蒸嘅時間亦控制得好好。 如果唔係啲同事喺度， 我諗我一個人都可以食曬條魚😆海皇冬瓜盅， 夏天呢個時候飲真係好適合。跟住見到隔離枱， 隻炸子雞好靚， 服務員同我哋介紹試下脆皮黃油雞，來都來了就試下新嘢吧。 雞皮香口， 肉質滑嫩。 冇介紹錯！ 但如果想食再香口啲嘅可以叫返炸子雞。不得不提最後個紅豆沙，好有heart, 食得出佢哋係自己煲， 有果皮嘅香味， 又唔會好甜。整體晚飯嘅質素都非常之滿意。…查看更多

今日嚟食生日飯其實瓏苑已經幫襯咗好多次不過見到佢今日嘅質素已經大不如前以前非常抵食 碟頭大 質素高而家碟頭細咗好多味道都冇以前咁好乳豬今次都OK 新鮮燒熱辣辣 唔會太肥骨肉脂肪比例非常好每次都係為咗呢隻乳豬而嚟水準有質素龍蝦伊麵麻麻地伊麵碎濕濕蝦殼多過肉味道不過不失西蘭花炒帶子碟頭比較細西蘭花比較硬相對以前比較失色黃金蝦球以呢個價錢非常唔抵蝦球油淋淋而且得幾舊下次唔會再叫大斑兩味 保持到質素 有鑊氣文昌雞夠滑夠鮮味牛仔骨熱辣辣用鐵鍋上保持到溫度小炒王送酒一流感覺上以前嚟食質素好好多而家相對比較遜色希望遲啲會好返啲最後食埋個紅豆沙就圓滿結束…查看更多

晚飯選擇了這間酒樓，點菜的時候，見到乳豬的價錢較低每只396，就點左1只，結果到上菜的時候，發覺乳豬超肥（見照片），果然便宜野無好野，希望老闆唔好探便宜，入埋d次品，影響食慾。…查看更多

嚟過好幾次，位於屋邨商場內的酒樓，設有早／午/下午茶及晚飯，大部份食材都很有水準，品質唔錯，味道中上，價格大眾化，飲食業同區首選。而服務員招呼一般，會向你推銷年糕券之類的消費，但不會勉強食客購買！每次同家人嚟食晚飯必叫乳豬，好食！…查看更多

北京片皮鴨兩食都幾抵食。片皮前見到隻鴨嘅真身，一d都唔細隻，真係幾抵食。片出黎嘅肉仲多過d包鴨肉用嘅蒸餅皮，份量都幾足。面而且隻鴨唔係好肥，食咗冇咁大罪惡感。啲鴨肉唔會好韌，不過鴨皮就略嫌佢唔係好夠香。除咗青瓜絲同埋京蔥先之外仲有黃色嗰啲酸蘿蔔絲，用嚟包住片皮鴨嚟食就冇咁滯啦。第二食就揀咗鴨肉絲炒韭菜花，炒咗韭菜花之後嘅鴨肉絲比較韌，鴨肉絲嘅size係比較粗嘅，可能就係因為咁樣，所以煮過龍導致佢比較韌。…查看更多

呢一間位於藍田嘅街坊酒樓價錢平到有啲得人驚，但係質素一啲都唔輸蝕喎，好似呢一個迷你冬瓜盅為例， $108一份，都有七至八碗，入面有瑤柱夜香花金華火腿帶子片等材料，一啲都唔會將價就貨，呢啲人少少嗌就啱晒，唔使驚巨型冬瓜盅食唔晒。另一樣，超值食品就係呢個乳豬仔， $338有成隻乳豬，仲使乜咁辛苦北上消費呢！呢隻乳豬一啲都唔肥，唔使一邊食，一邊咬走啲肥膏出嚟，燒到皮脆肉滑，性價比極高。甜品試咗薑汁棗蓉糕，有薑味有紅棗味，熱辣辣味道都幾好。…查看更多

週六上同事屋企玩，順便在樓下食埋下午飯先上去，咁約咗三個同事就揀咗依間酒樓，因為藍田嗰邊冇乜選擇同埋唔係好識路😂😂😂中午12點幾都有位，不過都見佢都爆爆地，安排咗房裏便的四人座位，都好冇咁嘈！見出邊門口都有好多海鮮養住，應該個夜市都以海鮮為主⋯⋯我哋都係食普通點心，都係叫啲基本嘢…蝦餃燒賣牛肉鳳爪等等，都正正常常入到口，因為初初見間酒樓啲格局都係做街坊客可能麻麻哋咁，可能樓面唔夠人，加水都係自己走去搞😂😂呢啲位明白….…查看更多

難得今日放假，於是就約埋肯早起床的朋友今日一早去位於藍田啟田商場瓏苑飲茶。上湯灼菜心苗 $18.80綠油油的菜心感覺鮮嫩，不過可惜灼得太耐，感覺有點冧。我們叫了兩個醒晨孖寶，共$71.6鳳爪排骨飯鳳爪和排骨都醃得十分入味，不過鳳爪太冧。排骨咬落有微微的肉汁滲進口腔裏，十分滋味。米飯粒粒分明，軟硬適中。香茜牛肉腸粉皮不算厚，免治牛肉裏混入了馬蹄粒和笎茜粒，食落牛肉又冧又滑，有馬蹄粒的爽脆，又有芫茜的香味，層次感十足，再加上豉油，提升了這碟點心的香味。燒汁釀茄子茄子煎得夠冧身，魚肉醃得入味兼夠彈牙，混入了少許葱粒，再掛上一些醬汁，味道不錯，不過感覺有少許油膩。南乳蒸豬手豬手十分入味，豬皮咬落有煙韌和彈牙的感覺，豬肉夠冧身，食落陣陣的南乳香味滿佈口腔裏，十分好味，但花生太冧。順德鯪魚球 $23鯪魚球混入了蝦米和芫茜，鯪魚肉醃得夠入味，咬落有彈牙的感覺，再加入蝦米的鮮味和芫茜的香味，震撼了我的味蕾。…查看更多

訂坐嘅時候講明話唔要壽包😓到最後同我講唔知，但明明講得好清楚佢都有mark低，係佢自己酒店本訂座簿有mark低，如果咁都唔清楚咁點先算清楚？😃真係笑死 。。。…查看更多

普通侍應生服務幾好，相返高級些職員態度非常惡劣，由其係一位女職員唔知佢嘅職位係經理定主任級，我1930落單，叫隻片皮鴨冇，其實無咩問題，最多咪叫第二樣囉，佢竟然反問我，點解唔一坐低就落單，好似係我問題咁😵‍💫仲要串住話一早落咪有囉👍🏾👍🏾👍🏾👍🏾全大廳廿枱唔夠，都話無得叫，1930叫到餸，應該都算係頭輪丫，究竟貴公司準備咗幾多隻鴨去應付一個晚市呢？…查看更多

2024年3月7日，媽媽生日，與家人和她慶生。。其中點了澳洲龍蝦配伊麵，賣相看來ok..但一食d龍蝦肉是霉霉的。 立即找人問清楚。男經理話隻龍蝦係新鮮劏，唔會有問題。 媽媽叫男經理自己夾嚿食下先再講野，但男經理又唔試，係咁講話新鮮無問題。。就咁走開咗無處理隔咗一陣再找一位女經理講，佢又話可能係放係魚缸養得太耐(咁既理由未聽過）我地叫佢試食下。。又係唔肯試。。唔想面對真相，我同佢講呢碟龍蝦加理10%要500元，你比d咁既質數龍蝦，唔合理。我地話取消，佢又話唔可以。。但又唔肯整過另一碟出嚟，碟龍蝦又話唔可以比折扣，只係送返碟菜我問佢。。你咁樣處理，唔會再嚟食。。佢只講幾句唔好意思令到媽媽食到一肚氣的生日飯，做子女的真係愧疚…查看更多

呢間酒樓轉左好多手，轉手之後第一次嚟晚飯同屋企人去呢間酒樓做冬，三千幾蚊一圍，預早落訂仲可以減$200餸菜味道唔錯，起菜又快，最後仲送埋甜品，屋村酒樓嚟講唔錯！…查看更多

聖誕節同屋企人食中餐先唔會俾人呃😂因為都係住東九龍嘅關係，知道呢度開咗間新嘅酒樓就帶屋企人嚟試吓😃喺尖沙咀過去一落車上4樓就到，酒樓空間好大，仲要分開兩個唔同位置，好光猛好闊落。我哋六個人坐咗張圓枱，個姐姐仲俾我哋揀位添，一坐低有好多個餐牌可以選擇，都真係有啲選擇困難症，因為好似所有嘢都好好食😂 諗咗一陣之後有個部長就過嚟介紹一個六人餐好抵食，1688，6人餐，因為平時自己食開酒樓，啲餐都覺得好求其，所以有少少無信心，但係因為我屋企人都比較肚餓，所以就決定相信個部長😂 好快就嚟第一度送乳豬仔，勁大，個皮好脆，食落去唔係淨係得肥膏有乳豬肉，跟住之後就有龍蝦伊麵，唔同出邊啲酒樓啲龍蝦好入味，伊麵個汁都真心好食！然之後就有大班兩味，炒蚌，花膠海皇翅，鮑魚冬菇，燒雞，炒飯，仲有糕點！每個人280包埋加一茶芥，真心抵食啲嘢仲真係有質素！…查看更多

食物質素差，普通侍應生服務非常好，但返而高級些職員態度非常惡劣，由其是姓陳這位女職員不知道佢嘅職位係經理還是主任級，我叫錯左食物，一分鐘唔夠我叫返佢要求更改其他食物，佢話唔得，理由係已經落咗機，之後我向其他普通侍應生協助幫我改單，之後成功改到，其後這位性陳女職員行埋我張枱很不友善地收晒我張枱上嘅餐牌！這些正所謂嘅高級職員間直不知所謂⋯⋯! 態度非常非常非常非常非常非常非常非常非常非常非常非常非常非常非常非常之差…查看更多