影片
港铁锦上路站 A 出口, 步行约7分钟
继续阅读
电话号码
53351000
开饭介绍
环保农庄烧烤场提供有机耕种教学,营业时间内有专人教学,可以租单车,适合一家乐游游,和朋友假日消遣既好地方,交通方便, 蓝天白云
继续阅读
特色
适合大伙人
营业时间
星期六至日
13:00 - 22:00
公众假期
13:00 - 22:00
以上资料只供参考，请与餐厅确认详情
招牌菜
司机伯伯玩我咩！上水都唔识去，烈日当空企足15 分钟，由头湿到脚，见您系伯伯我已好抑制情绪只埋怨两句！接住环保农庄都唔识去，我话西铁站掉低我，就车去元朗西铁站，环保农庄系锦上路西铁站呀，激鬼死我！我一早讲锦上路西铁站落便可，伯伯好心得滞话车近少少，但越车越远系相反方向！最后我要步返去锦上路西铁站，呕血呀！交通算方便，锦上路西铁站 A 出口一直行，经过停车场，过条马路仔，穿过短短隧道，农庄大门就系正您面前。陆异灵异地碳烤，通过长长秘道，西区包场必必焦，山旮旯远离繁嚣！意料之外最先迎接来宾系门口小贩卖酒水的白头叔叔，烧烤场没有酒精类饮品售卖，要自己带或走去帮衬门口的小贩白头叔叔。只有蓝妹罐装 $100 蚊 6 罐，单买就要 $20 蚊罐，另外有酸梅汤及米酒卖。烈日当空必必焦！食材供应虽然种类不太多，味道腌得美味清爽不过重，真心好味道食得过！跟大埔麦师傅两种风格两条不同路线，大家都好食！地方干净企理，密度不算高，有足够活动范围。最衰系流动胶厕所，卫生及气味始终未如理想。原来有店长三色猫座阵，我替店长拍照时不停讲野。喵喵喵，喵喵，喵喵喵，我完全听唔明㖞。忘记她的名字，黑芝麻？训到成只猎豹样。红酒、白酒、朝日啤酒，全部自备。索价 $30 蚊买冰租胶箱，胶桶仔连冰就 $10 蚊个。十三张不停玩不停输不停饮，运气持续低迷只系威过一次！不是用即弃纸碟及胶餐具，环保不浪费值得一赞！如果有杯提供而唔系卖纸杯就更加好。我近年烧烤都会自己带餐具杯碟，干净好用麻。我其实系想原始港式用叉慢慢烧，并不是用网等食，既然朋友们想懒惰一点当然无问题。龙虾丸，依旧有点蟹柳有点蟹子有少许虾味，弹弹结实。墨鱼丸、鱼肉烧卖、猪肉丸，粉多肉少不够弹性，免强合格。豆卜，慢烤微脆香口。多春鱼，躺在铁叉上不要刺穿使到肉汁流失，等待一面烧到焦香黏附在叉上便可反转，两面均烧成金黄焦脆，鱼子爽爽甘香极美妙！肠仔，中咸结实烧到微焦香喷喷。贡丸、鱼蛋、芝士肠、牛丸、红肠，极为平凡无意见唔难食。另外还有杂菜、粟米、蕃薯、厚切方包，但要向服务员查询，这里没有锡纸供应的。烧汁猪扒、蒜香猪扒，两者优质可口，松化有嚼劲！腌味清爽不浊，啖啖肉汁滋味无穷！烧汁金沙骨，啖啖肉弹弹的，夹杂筋膜爽爽过瘾。烧汁鸡扒，肥美厚厚嫩滑滴汁。黑椒牛扒，辛辣浓郁带著甜味，微𢲡软塾不过份。烧汁鱿鱼翼，海味一样的味道，咽韧滑滑少少弹。酱油牛仔骨，我极度喜欢！松软肉质带著筋膜，甜甜酱油湿润不腻好好味呢！厚条粟米，连叶整条掉到碳间慢慢烩！撕掉焦黑的叶，露出金黄粟金，白烟飘飘清香粟米气味，忍不住立即处理！大啖咬再不停刨，鲜甜多汁纯天然无得顶！不需要任何调味。我大赞猪扒松化腌味得宜印象深刻，竟然有位朋友质疑我的评价，称刚才粒丸腥粉不鲜不弹而质素差。我心谂依个价钱烧烤场供应既丸类水准都系差不多，而且我讲紧肉类讲紧腌肉技巧啰。曲终人散食饱饮醉，召唤的士各自归家，职员们超时服务足足成个钟，感激不尽。
继续阅读
是日元旦 小妹一家人想揾个交通方便嘅烧烤场Family time 于是揾到喱到锦上路A岀口 行3-5min就到 Facebook有片教路收费$120/人 全包 免开炉费 4hr 包2饮品(加钟 大人+$20 小朋友+$10)(老板仲好欢迎大家带外来食物进场 因为场内冇海鲜啤酒供应)食物方面 大概有29种 一般烧烤食物都有齐 方包超厚 蒜蓉牛油任搽！饮品都系大路野 只系冇酒精饮品 想饮就响锦上路站7仔买 或自携吧烧左一个钟后 开始想专心食大量野 所以决定加购烧烤网 都算比一般大型烧烤场平 $20/网 仲有专人帮你屈岩个形状 Good ah! 另外仲可以买食物夹 全新嘅就$30 如果用环保夹 重用洗过果啲就$10 都洗得好干净嘅用网烧鸡肾 多春鱼 茄子之类就岩晒!!食到半饱 发现烧烤场旁边有条路入去康乐部 见到啲小朋友跑来跑去好开心 决定入去探险一下原来场内仲有个小天地 有得喂小动物(兔，鱼，猪，羊) 有得玩伸缩胶，画沙画，整沙瓶，玩游戏等等等 都几欢乐 仲有吹泡泡同玩具买离开之前 想食下雪条 原来都好平 价钱比一般烧烤场亲民最后 讲下卫生 都系合格嘅! 系独立洗手间 不过好干净 而且有大洗手盘 可以洗自携食物。另外都见到员工会响客人离开后刷地 不错!总结 下次会买海鲜黎烧都好推介一家大细/一大班朋友黎 交通太方便又平喇！
继续阅读
大年初三😘 老公，姑仔，姪女与我到 环保农庄 BBQ! 环境舒服' 远离烦嚣 '太挤迫! 13O蚊一位包两张 饮品券!食物任选! 没收开炉费及炭任用! 超级抵!最近场内添加烤蕃薯机! 出炉时排队每人两件! 🥔真系好香烧烤食品种类多! 多款口味屋企人劲爱佢嘅鸡全翼' 中翼'猪扒'牛仔骨 鱿鱼' 鸭肾👍🏻👍🏻好好味!厚切方搽蒜蓉牛油烧同 锡纸焗 新鲜什菜 ，超级正!👍🏻👍🏻👍🏻每次去都会买虾同鱼烧!
继续阅读
地点近西铁站，吾难揾。不过要book 枱，一到埸见到地方几大，感觉好舒服，个炉系长方形最好就系甘，因为人多几廿支叉吾知点烧，长方形几好烧，野食不过不失。贴心贴士 : 如果烧粟米，番薯系无锡附纸送，请自备!
继续阅读
之前狗友推介此处BBQ, 但因为我冇时间, 没跟他们一起去...今次适逢2013年平安夜, 约齐佢哋带埋小狗去食, 玩, hea 24/12 当天仍要返工, 放工后各人带埋小宝贝去锦上路的环保农庄, 呢度真系几方便, 好近锦上路港铁站, 只要在停车场那边一直行, 过了马路便有指示 (就算唔识问吓𠮶边巴士站职员, 佢会比埋单张教你去添, 好nice)BBQ场大小适中, 有瓦遮头唔怕落雨, 𠮶度有个小小动物园+金鱼池, 又有单车踩, 小朋友一定唔怕闷𠮶日系节日(平安夜)但佢都冇加价, 仍然收HKD 98/人任食(包2罐啤酒,汽水或水)讲返食物, 出面烧烤任食嘅食物佢都有, 而且面包(厚切添)都包埋, 仲有牛油任搽, 好好味呀而肉类方面, 样样都好出色, 特别系牛仔骨, 猪扒&鸡翼, 食完唔会劲口干, 我谂佢无乜加味精, 所以我哋都好欣赏, 佢哋仲包埋杂菜, 所以唔系一味只食肉, 可以健康啲好多BBQ场啲洗水间劲臭劲污"租", 但𠮶度啲厕格有抽风机, 所以就算厕所范围都唔会劲大阵味, 连我咁怕污"租"嘅人, 都会去到洗水间. 值得一赞BBQ场老板好好人, 佢会行埋嚟同你吹吹水, 饮饮啤酒(可能认得我哋狗友啦), 啲员工亦好有礼貌, 老板好自然员工都一样会好.如果你有小朋友, 宠物, 就好啱去呢个BBQ场玩, 我会再去~
继续阅读