影片
更多
2011-03-17
84 浏览
Yola birthday ~ 諗左好耐，就決定黎半島一試啦，係眾多餐廳中，就揀左 Chesa 喇 ~係全港歷史最耐既半島酒店入面其中一間瑞士餐廳，地方比頂期中細，只有約十張枱，因望不到窗外，所以無咩景觀可言 ~ 不過裝修特別，恰似置身於瑞士既民居之中，大部份都係用木建成，如果加多個壁爐就更加似。燈光柔和浪漫，坐得舒服。侍應們服務都算殷勤周到，從入門口、order、打點進餐到結賬都係滿意既 ~ 慢慢嘆，食足兩個半小時，好舒服滿足 ~Menu 只得法文同英文，免強睇得明啦，不妨問問侍應有咩好介紹、招牌菜會更有較率。Waiter 稱因菜式實在太多，所以未能盡錄於 menu 上，如果有咩想食，又搵唔到的話，可以直接問佢地囉。每張枱都放置支巨洋燭，我想係用黎替代燒香燭計時，支蠟燭燒完就要埋單交枱架喇，不過講吓笑啫，哈哈。有四種唔同口感同味道既餐前包，可能法國、瑞士都習慣食啲又凍又硬既麵包，但我都係偏向喜歡熱騰騰、香嘖嘖又軟棉棉既麵包。試晒咁多款，只有右下角的全麥包最香最好味，雖然都係有啲亁硬。crab meat pancake 鮮蟹肉班戟，真係鮮拆蟹肉，絕唔係啲雪藏或罐貨，一試難忘，味道鮮甜可
係全港歷史最耐既半島酒店入面其中一間瑞士餐廳，地方比頂期中細，只有約十張枱，因望不到窗外，所以無咩景觀可言 ~ 不過裝修特別，恰似置身於瑞士既民居之中，大部份都係用木建成，如果加多個壁爐就更加似。燈光柔和浪漫，坐得舒服。侍應們服務都算殷勤周到，從入門口、order、打點進餐到結賬都係滿意既 ~ 慢慢嘆，食足兩個半小時，好舒服滿足 ~
Menu 只得法文同英文，免強睇得明啦，不妨問問侍應有咩好介紹、招牌菜會更有較率。Waiter 稱因菜式實在太多，所以未能盡錄於 menu 上，如果有咩想食，又搵唔到的話，可以直接問佢地囉。每張枱都放置支巨洋燭，我想係用黎替代燒香燭計時，支蠟燭燒完就要埋單交枱架喇，不過講吓笑啫，哈哈。
有四種唔同口感同味道既餐前包，可能法國、瑞士都習慣食啲又凍又硬既麵包，但我都係偏向喜歡熱騰騰、香嘖嘖又軟棉棉既麵包。試晒咁多款，只有右下角的全麥包最香最好味，雖然都係有啲亁硬。
crab meat pancake 鮮蟹肉班戟，真係鮮拆蟹肉，絕唔係啲雪藏或罐貨，一試難忘，味道鮮甜可口。足料蟹肉用嫰滑班戟卷上再配以龍蝦汁，好美味。
香煎鵝肝配石榴汁，鵝肝厚度適中，雖然本人較為貪心，梗係有咁厚得咁厚就最好啦，哈哈。煎得表面香脆，裡面 creamy，上等鵝肝非常油潤嫰滑，配以帶酸甜既石榴汁，可略為減輕油膩感，整體黎講都好有水準。我喜歡厚切鵝肝多啲，配少少黑腊，與法包或白麵包同起等別冶味。
龍蝦湯，我到每一間餐廳都會必試既湯，可以試到餐廳既質數。湯底質感都好滑，達標，味度夠濃又唔會話過咸，香氣十足而且溫度剛好，好味道。如果可以熱少少就更好喇。
意大利意米湯，好鮮甜可口，清香宜人，必試。
沙律，跟羊架既 side dish，新鮮爽口，無咩特別。
烤羊架，我覺得五成熟最正，烤出香味，又唔會太生，肉質鮮嫰，肉味濃，肉汁豐盈，無得彈，最細心既係已經張羊架中間條骨去左，咁就唔洗損條骨咁無儀態啦，可以一啖咬落去，好滿足啊 ﹗伴碟時蔬美味，只略烚可保持原味，非常鮮甜。
法式白汁牛仔肉配薯餅，因見 menu 上面無牛，所以問吓 waiter 有咩好介紹，但 rib eye 或 fillet 又較為普通，最後決定依個。未放上枱已覺得熟口熟面，原來上次係另一間瑞士餐廳已試過，不太啱口味，今次都係同出一徹。依味菜特色係牛仔肉全熟，口感略靭，牛味不太熟，反而著重係個香濃白汁上，真係沒有她不成。香濃既白汁好香好濃好杰，撈上牛仔肉及薯餅同吃真係互補不足、變得非常可口。
西班牙凍湯，唔好以見到頭幾味頭盤同主菜細細碟無咩野落肚咁，其實已經飽到九成幾，所以決定唔叫甜品，想飲個凍湯清清口腔，剛才又鵝肝又羊又牛，樣樣都幾濃吓。見 menu 上今次又無提供，咁又要問吓 waiter 哥哥啦，今晚只能做到西班牙凍湯，無問題，梗係要試試啦。銀器具，下面係冰鎮上面係湯，蕃茄味香，飲到有啲西芹同洋蔥味，味道好清新，真係可以清一清剛才濃烈既肉味，好正呀。
免費既飯後甜點，三款朱古力，有朱古力包住香橙乾，好勁橙味同糖味。有雪山形朱古力，頂部係白朱古力，裡面包住軟朱古力，依個正呀。最後係朱古力薑餅，嚥嚥靭靭，麻麻。
张贴
