瑞士咖啡室 (已結業)

見天氣開始熱，我就去咗瑞士咖啡室食個瓜粒海鮮湯飯，啲料都算係咁，有一隻青口同幾隻蝦仔。不過啲海鮮都係無咩鮮味，同想像中一樣。啲飯又黏埋一舊舊。職員服務都唔入太好，大部份都粗聲粗氣。不過就算服務唔好，都係好多人食。環境就係迫啦，尤其係卡位真係好迫。

去瑞土咖啡室,原本想飲杯咖啡,唔小心叫多左個雞肶,最唔小心就係叫左個奶茶…雞肶好滑,同瑞土雞翼味道差不多,味道無乜驚喜…最驚喜就係個奶茶,茶香奶滑，飲兩啖茶味在口腔久久不散,令人回味最唔小心就係西多土放了太多牛油，食完呢餐又要減肥了

在半年前，經常光顧瑞士，它供應的常餐更是低食好味。的確，我身邊的朋友去親瑞士，都是會order常餐。因為貪佢有兩隻雞全翼。而我，卻偏偏喜歡冬瓜海皇湯飯。我自小就已經喜歡湯撈飯，因為我喜歡濕口的感覺。瑞士的海皇湯飯一上枱，就已經聞到了香香的芝麻油味。原來在上菜前，廚師會先淋上少許麻油，令味道層次更豐富。湯飯的海鮮好多，有帶子、原隻大青口、數隻鮮蝦、蟹肉棒等等。令整煲湯都非常鮮甜飯不會太爛像粥，配上鮮味十足的湯底，十分好味！唯一敗筆是咖啡！對，沒有錯！是咖啡！平時在瑞士飲開的是即磨咖啡。但這次喝下去，好明顯是沖粉咖啡，味道難喝。希望下次改善。

兩時半入座，叫了普通所有茶餐廳都有的茶餐，有麵，多士，炒蛋，飲品。等了十五分鐘，要侍應跟單，她一句對不起也不講，重理直氣壯話：係呀，今日多人，要等幾個字㗎，叫炒粉麵就快。問她可唔可以改單，佢又理直氣壯話：落佐單無得改！我諗，咁妳又唔早講要等！最後等佐半個鐘只得一杯飲品，我要趕返工結果三點餓著肚子離開了。

一踏入餐廳，裝修是行懷舊路線喎！食的就是一般茶記所吃的普通早餐，今日食美式早餐，份量十足！有火腿鵪列，腸仔，茄汁焗豆，吉列魚柳，牛角包！早餐奉上時真係嘩一聲！真係好大舊魚柳炸得卜卜脆，炸得好靚金黃色的，心思地是用香料腌製好啱個人口味呢！最最最驚喜是遲來的牛角包，食完碟主菜已經夠飽了，又係大大大舊呀！！為左吾浪費就食埋佢啦，睇個樣平平無奇的吾係特別靚仔，但係一口咬落去千層酥夠鬆軟牛油味又夠香真係意料之外的好味道呢！是次早餐真係好豐富呀！

食個早餐受晒氣咁，永無下次之前因見到D呀姐對客無禮貌，明明自己錯又周圍唱客，所以無幫襯一排。不過見佢都叫大大份，個粉又有得轉羅宋湯底，所以再俾次機會佢，点知叫個早餐雪菜米粉轉羅宋湯底，出左個火腿通，叫個呀姐換，點知又再錯，但張單明明都寫住我想叫的野啦。仲夠膽死周圍同人講唔關佢事係我講得唔清楚，结果第三次都係錯，都仲要賴。呢D咁嘅服務真係擺明趕客囉！講真食物無咩特別，羅宋湯亦有D偏淡，亦不及以往的分量，奶茶與附近茶記差不多，所以同區大把差唔多的食肆，無理由要受佢氣。

第一次去瑞士咖啡室,當然要叫瑞士雞翼餐試試,先黎個多士同火腿奄列,全碟野係凍既,奄列薄到張紙咁,唯有寄望雞翼會好D,本來都擔心食全翼會麻煩,好彩都煮得較腍同入味,公仔麵都係一般茶餐廳咁,整體水準只係一般,我諗只會係好想食雞翼既時候我先會再黎囉~~

平時係灣仔瑞士食過早餐，今次試下食下午茶餐。睇餐牌實在太多選擇，我又要食瑞士雞翼，又想食炒飯。最後我叫左下午茶餐西炒飯， 買相夠份量，又夠酸，腸仔粒同火腿同蝦仁又夠多好足料，夠哂鑊氣。

因為一般o既茶記早餐只去到11:00而瑞士o既早餐就去到12:00所以有時候早放lunch o既時候都會同同事去瑞士食過早餐當平價lunch早餐價錢一般都係$30內, 仲包埋野飲通常都係去中環分店多灣仔分店都係第一次黎平時中環分店都係配多士見哩度配熱狗就點左哩個早晨極品($32)(其實仲有得配菠蘿油, 不過伙記過賣晒)嘩~~~$32有火腿奄列, 鮑片火腿通粉, 再配熱狗/菠蘿油超豐富, 食完一定夠飽味道方面, 奄列雖然比唔上出名炒蛋o個間, 但都ok, 唔會太鞋熱狗冇烘過, 如果有烘就好d鮑片火腿通粉雖然明知塊鮑片係假, 但有2塊做下樣都算係咁就因為哩度o既早餐太抵食有時過左12:00食唔倒早餐真係冇乜動力黎哩度食, 會寧願揀食第2度XDDD

今日在九龍灣小店吃的兩餐平價早、午餐都不甚教我滿意；而一個星期的第一日已經有點難捱。今日晚餐，希望可以吃好點吧，不想一整日所吃都是難食的食物！想起小店，每次經過灣仔道，都會見到一家名叫「瑞士咖啡室」的招牌，但每次都不會走上去看個究竟，因為灣仔的茶餐廳實在太多了。想起來，應該是「港式冰室」吧！而一想起「港式冰室」，滿以為它一定同屬「小店」；但搜尋OpenRice資料後才得知是連鎖形式經營的！而且「笑臉」數量遠超過「喊臉」，心想：自稱「咖啡室」，又正評如潮，應該會有如不錯的傳統港式的味道的裝修和菜式吧！於是，我滿懷着期待和希望的心情，到「瑞士咖啡室」，看看連鎖冰室又能否造出傳統味道？對，每一次經過灣仔道，總見到大大的「瑞士咖啡室」招牌和地下的廣告牌，但都沒一股勁走上去。當晚的晚餐。看到這些字跡，加上背景，就想到瑞士咖啡室很有「人性」及「港式」的味道……接近晚上7時，沒有太多食客，很容易找到位置。不管三七二十一，先看看餐牌：雖然是咖啡室，但餐牌設計不會過時：用上工整排版，還找來一位明星代言，表情也挺「盞鬼」；此外，菜式名字也挺得意的，甚麼「傷風感冒餐」，可見在餐牌上希望盡量拉近和客人的距離。

近來要在灣仔見客,見客前, 食個早餐先.本想入大快活, 但早餐好似無咩選擇,所以改入隔離的茶餐廳.總括左2次的經驗.首次光顧:央多餐十幾蚊有個多士餐, 一於KAYA多吧!(落單紙有顯示邊位職員落單)這位女職員係個樣好唔老脾+黑口黑面,好似落單根本係麻煩到佢囉!!!!!職員呈上KAYA多.厚身多士, 稍稍烘過,金黃色的KAYA醬, 偏甜, 好少班蘭味,很多茶餐廳都慣用這款.但多士烘的時間較短, 表面不太脆.第二次光顧:鮮油央多本想點油占多, 所以先向職員查詢用什麼的果JAM.(落單紙有顯示邊位職員落單)但男職員竟然唔知餐廳今日用緊什麼JAM.淨係答: 果占咪就係果占囉!!!呢個世界有好多果占嫁,,餐廳職員唔知自己今日用咩果jam?唯有改選鮮油央多.鮮油央多上來了, 多士表面烘至金黃色,打開後, 中間牛油超厚, 覆蓋大部份的多士面積.原來這份多士, 是將一塊厚多打撗切.仍可看到連接位,牛油不太硬, 仍可以叉子撥開牛油.但KAYA沒有平均塗抹, 只是集中HIGH在一個地方.Kaya醬味道不平均, 整個多士一忽甜一忽淡熱奶茶有點茶香，唔鞋口，唔削利，基本Ok啦！服務態度方面:2次付款時, 收銀

夜晚到灣仔逛逛，順便食埋野左想右想，好像周圍餐廳都試過了，見這間未試過，便二話不說入去坐下，點了炒貴刁和凍檸水。貴刁比傳統的幼細，略油，但仍惹味!好多料！凍檸水就 普普通通 冇咩特別估唔到茶記都有咁嘅水準，令人大跌眼鏡。

唔知點解行行下又會嚟到灣仔, 永遠有食唔完嘅餐廳, 今日就食餐試下男朋友可唔可以同我挨茶記 食嗰瑞士茶餐 點兩個瑞士常餐$45 (包熱飮）先嚟熱飮有好立克及檸茶檸茶有四片檸檬夠晒味, 而好立克好香！好彩多士牛油唔多, 唔會太油湯底就麻麻哋, 瑞士雞翼放係湯到味道被溝淡><寧願分開上我就醬麵放係碟, 加上辣椒油比較啱我口味 有兩隻雞全翼肉質唔差都抵食 推介此餐廳 2.5/5 都唔ok嘅可以再好食啲, 有兩隻雞全翼都抵食平均消費$45 ,一人一個餐瑞士咖啡室 Swiss Cafe星期一至六:07:00-23:00; 星期日:07:00-22:30灣仔灣仔道128-150號明豐大廈1樓B舖Tel: 3188 0906/3188 0924分店: 中環, 炮台山, 荔枝角, 新蒲崗, 葵涌

是日超級大霧，做完運動已經下午4時多，肚子打鼓。但我不習慣飽肚食晚餐，所以想找些輕盈的食物，想起曾寫過的灣仔樓上舖：瑞士餐廳。走過人多熱鬧的街市和濕滑的公路，步上樓梯，到達位於一樓的瑞士。點了:熱狗+凍檸茶 $21+3奶油多+凍檸茶 $17+3熱狗有一點令我跌眼鏡，估不到是用早餐廚師腸，而非用司華力腸或者熱狗腸。餡料中的蕃茄片僅僅合格，忘記了是否有菜絲，但沙律醬嚴重不足。唯一令我找回一點正能量的，是弄熱了的熱狗包，幸好麵包沒有失手。也許太餓，很快便ko了熱狗，友人就秒殺了奶油多。茶底仍然佳。埋單$44總結：熱狗用早餐廚師腸，有點兒失威。不過，以性價比來說，整體算okay！

這間瑞士咖啡室，我試過一次早餐，幾次下午茶，這回試試晚飯。我喜歡這裡有三個原因：第一是座位寬敞，環境光猛；第二是價錢合理。上到這個樓上舖，挑了一張寛敞的卡位，除非爆場，侍應一般不會hold坐位，感覺良好。看見黑板上寫了兩款晚餐：有沙律、湯、主菜、飲品。是基本組合，但最大誘因是當晚的晚餐有意大利飯。常設的menu也未有看過，即刻扑槌。選了：Set A： 沙律、中湯、帶子拼雞扒意大利飯 ($64)Set b： 沙律、紅湯、豬扒意粉 ($66)先上沙律，是西式弄法，西菜份量多，亦灑上不少芝士碎，並非hea做。友人不吃，我足足用了十多分鐘才能k.o.兩大碟沙律，吃完都已經有三成飽。之後是湯，有三款可供選擇：羅宋湯、忌廉湯、中湯。誠意可嘉。點了中湯及羅宋湯。上桌了，兩碗都是大排檔用的大湯碗， 份量遠多於預期。中湯是菜乾湯，不是味精加菜加水。紅湯足料不馬虎，也非蕃茄加肉加水。餐湯遠高於茶餐廳的水平。再來就是主菜帶子拼雞扒意大利飯，risotto的工序多，廚房廚師誠意爆燈，完成品絕不比大餐廳遜色。帶子是原隻連內臟的那一種，但不肯定是否急凍。雞扒有八寸多長，調味汁不應與risotto同混在一起，我立刻