瑞士咖啡室 (已結業)

食品尚可接受，但員工態度惡劣，不能接受餐具不足，叫佢哋攞係好正常，但佢哋嘅態度係一副不屑嘅咀臉，完全唔想做嘅樣😡😡食物攞到嚟又大力放喺枱，難度我唔使比錢嘅😤

想食旁邊既米線店，但大排長龍，唯有轉戰呢個茶餐廳～～瑞士咖啡室主打瑞士汁雞翼，愛食雞翼既我當然有叫啦。瑞士常餐A　 $48常餐有火腿奄列、牛油多士、瑞士雞全翼配公仔麵/通粉/意粉。軟熟既厚多士同奄列都唔錯呢，奄列入面都幾多火腿！通粉就冇咩味，比較淋口～不過我個日好眼訓，唔係點肚餓，好似淨係食左幾啖通粉咋我覺得瑞士雞翼整得唔錯呢，雞肉好嫩滑，好入味，唔會過咸仲帶小小甜！瑞士常餐Ｂ　 $50 常餐就配雞脾，朋友點既，我諗味道應該差唔多~~星洲炒米 $52試左一啖，覺得幾辣瑞士雞翼撈公仔麵 $46呢個朋友食清光呢！餐牌

果日去開樂富, 就入商場行吓, 見到眼前有間餐廳嘅裝修, 綠色門框,上面有塊大玻璃可以係出面望到入面, 仲有個好大嘅招牌, 另我有回到兒時嘅感覺, 即管入去試吓, 仿懷舊裝修，望落乾淨企理，座位算舒服，lunch都易搵位, 坐低後叫左個茶餐, 落單三分鐘內就上晒枱, 13:00 後先要排隊,仲可以用八達通多士兩面都有烘，夠厚身，軟熟蛋雖然冇澳牛咁滑，但仲有蛋汁，都ok牛肉腍，沙嗲味濃, 牛肉同通粉量都算多，唔特別大食都夠飽凍鴛鴦，茶同啡味剛好

瑞士咖啡室越開越多，樂富亦都開咗一間開張初期，間中都見到有人排隊，今晚見到冇乜人就入去試吓啦佢個門面已經極具早期港式風味，就好似去咗海洋公園嘅香港老大街一樣入邊嘅標語裝飾亦都好抵死，亦緊貼潮流，有厚多事、凍檸死，仲有一個標貼寫住如果乘客食淨一粒飯要罰錢呢幅又麻雀砌成嘅招牌亦都極具特色食物方面，瑞士咖啡室當然要試吓佢嘅瑞士雞髀老實說食物不過不失，沒有太大亮點，雞髀有小小凍左，但係亦都係入味既而奄列超級大個成個餐食到好飽味道其實普通，稱不上難食，但好味都唔會諗起佢就是一間裝潢較有心機的茶記

此間店舖經營手法跟澳xxx公司相同客人放低隻杯及手拿三文治未食好第一時間已經把杯碟拿走好似趕客走，沒有禮貌地不問客人是否可以收。包括此店出別品質跟屋邨幾間連鎖快餐店及其他類似食肆都不如，此間舖近來在屋邨派買5送20元都於是無補。伙記由上至下都要調較吓。

樂富瑞士咖啡室開張已有ㄧ段時間, 都冇去食過。今晚要開ot, 成8點幾先晚餐, 老公又約咗朋友得自己ㄧ個, 想叫外賣回家ㄧ边睇電視ㄧ边食。去瑞士咖啡室叫咗常餐A, 有瑞士雞全翼兩隻配意粉(叧可配通粉或米粉), 火腿旦奄列, 牛油多士配凍華田。瑞士雞全翼好入味, 又大隻, 食完好满足, D瑞士汁加入湯裡配意粉, 正!火腿旦奄列味道ok唯獨牛油多士放於奄列旦上, 淋同濕咗好多。

同一位朋友lunch time去試呢間新嘅餐廳，食品普通。食咗個豆腐班腩飯$50無嘢飲，啲班腩好硬。入到去坐一張四人卡位，侍應話會搭檯。Okay，繁忙時間，我哋明白，跟住佢安排另外兩個客人坐我哋張檯。見到隔離有張空嘅四人枱空，問可唔可以坐果度，粗眉長髮女侍應開始無禮貌話得返呢張四人枱，語氣非常無禮，我哋話有人嚟我哋坐返走。佢隨係門外招攬咗3個人入嚟話『有人啦，你哋走啦』。我哋坐咗2秒都冇。繁忙時間，要搬來搬去，搭枱，冇問題。但係做服務行業做到呢位粗眉長髮大姐女侍應就有問題。其他侍應正常。

樂富新開，係樂富無任何呢啲咁樣嘅咖啡室，所以新開一間都幾搶到客，日日都樂多人，今日好彩可以試一試，地方好多，裝修都幾靚，野食黎得快，叫左沙嗲牛肉麵，啲牛馬馬地，奶茶都唔夠出面茶記咁香咁有茶味

今晚約左個朋友8點係樂富食晚餐，不過自己一個5點幾就到左樂富，周圍行下見到間新開既餐廳，今朝食完早餐後又未食過野，覺得好肚餓，咁就入去食個tea坐下咁啦入到去見到佈置都幾特別，又係d懷舊既感覺，而個名都係用麻雀砌成，幾特別。坐底望下餐牌，要揀d唔太飽肚既野食，就嗌左個瑞士汁雞翼配奄列，瑞士汁雞翼好似都係依間餐廳既招牌菜呢，咁個味道都的確唔會失望，食落隻汁係普通瑞士汁既味，不過就唔會好咸好重味，而且有兩隻全翼，對於鐘意食雞翼既我都幾岩口味。以下午茶尼講幾唔錯，價錢合宜又送野飲，雖然奄列就普普通通，冇咩特別，不過依個餐都會列係我平時下午茶選擇之中，都唔錯

星期六日同屋企人食個早餐！樂富中心真係變咗好多，多咗好多唔同類型嘅餐廳，而且麥當勞都搬咗，但係港人至愛嘅依然都係茶餐廳。茶餐 $45呢度嘅茶餐都幾豐富！轉咗肉丁公仔麵， 五香肉丁份量正常，公仔麵煮得比較硬身，有口感唔會死林林咁樣。火腿奄列卡兩塊多士！ 厚多士比較鬆軟，火腿奄列份量比較大。凍檸茶 +$3凍檸茶就唔多講喇。蛋撻 $5濃濃嘅黃色蛋撻，可見雞蛋份量十多， 蛋撻皮爽脆之餘，雞蛋味豐富，絕對好食！雖然食肆林立，始終茶餐廳都喺最受歡迎！

好耐無試過食餐飯咁谷氣...$52個蝦醬叉燒炒飯，無蝦醬味，叉燒根本唔似叉燒，似雪藏好耐嘅豬肉粒....份量少過d大家樂嘅下午茶餐...$54瑞士汁炒牛河...味道可以，但每件牛肉，係每件牛肉都係根，都食唔到...份量都係少過你去大家樂叫個下午茶炒麵...仲要用三條菜放係底都係睇到好少份量....服務態度又衰，叫杯凍檸茶少甜少冰，泥杯野飲4/5杯都係冰...叫一叫佢可否幫我換返，態度差到好似欠左佢咁...請我都唔會再有下次！

呢間野開張到而家都經常大排長龍，特別係早餐時段排幾十人都係為左食火腿通粉、沙嗲牛肉麵、菠蘿油。早餐、晚餐我都食過好幾次，老實說食物質素係普通嘅，食過好幾樣野都只可以講係不過不失，咖啡奶茶都唔係特別出色，又唔係難飲咁囉，不過可能而家搵到一間普通嘅茶餐廳已經係好唔簡單，加上香港人都有冰室情意結，佢裝修得幾懷舊幾特別嘅。最近我都幾鐘意黎呢度食早餐嘅，啱口味掛。不過試過佢嘅瑞士雞翼唔多好食，見佢名叫瑞士咖啡室，瑞士雞翼一定吸引啦，點知肉好鞋，我整得仲好食過佢😓。夜晚食過佢嘅小菜，味道可以啦，但係份量小同價錢貴。

上個月已經好想試但係造勢門口排晒長龍但係裏便就好多位其實之前試業嘅時候已經有朋友試過話超難食又污糟咁我當然梗係要試吓先至知道係咪真⁉️今日中午時段大概12點半左右等左10分鐘侍應生安排入去坐卡位一半面對着一盆盆的污糟邋遢嘅碗碗碟碟已經反胃其實呢啲污糟邋遢嘅嘢可以收埋喺裏面唔使擺喺咁近食客既附近我見到啲侍應嘅水準實在太嚇人跟住睇到靚靚嘅餐牌實在有好多款式選擇之後我就叫咗一個所謂嘅「非一般乾炒牛河」超級鹹凍檸茶冇茶味另外我朋友叫咗一個「斑腩炒河」超普通無特別我下次都唔會再去食冇特別又污糟味道又超鹹

見佢新開張。諗住幫趁吓。先嚟要讚吓佢個大話七。同咸檸七係有啲唔同。味道都不錯。但又要串人哋話唔係七喜係雪碧。算啦算啦。好嘛?!叫咗個常餐。多士烘得幾好食。奄列正常。個麵就係得個麵。同感覺好似唔夠一個咁。重點緊係瑞士雞翼啦。都大隻。係不錯嘅。啲瑞士汁味道幾好。唔會太甜。如果多啲汁就更好。啲肉唔會煮到霉霉爛爛。另外叫咗個焗豬扒飯。個容器係特別。但得一層飯。下午茶份量。味道正常。豬扒都夠嘅。還可以。總結價錢同份量唔成正比。味道係ok。但感覺唔太乾淨。麻麻哋。

門口排隊等位15分鐘左右，2位要搭台car位，同坐對面陌生人望住食嘢，感覺有點尷尬。瑞士雞脾，色水不錯，瑞士汁好味，可惜吾夠入味。火腿奄列，夠火腿，蛋都炒得吾老。多士夠脆夠牛油。通粉就林到冇牙bb食都吾怕嚥吾落。咖喱牛坑腩飯，咖喱味正常，1粒薯仔都無，最搞笑個飯碟，同汪財食飯用嘅好似，感覺不太良好。熱咖啡，凍奶茶同一般茶餐廳無咩分別，無驚喜。