琛記粉麵

营业中

休息中

首爾BB豬軟骨飯，從未食過炆到好林，入口即溶感覺。翻食之選。秘製沙爹牛筋腩飯，牛筋食落似花膠質感，是必食之選。大大杯走冰凍飲 多渣薏米水，少少甜，剛剛好，好少地方有得飲。

平時在土瓜灣工作，食厭了茶記，想清一下腸胃的，我會來這兒。之前每日有一個特價粉麵，都係廿多元。今次試下平時沒有試的，誰知令人有點失望。點了冬蔭功豬軟骨米粉，因為冬蔭功這三個字價錢也高了很多，差不多40元。本來也有期望的，一上枱見到不太對路，冬蔭功和湯是兩層分開的，而且吃得出只是在普通湯加了冬蔭功醬，而且味道偏酸，冬蔭功参味道很弱，只是一個比較酸的湯底。不過欣賞豬軟骨，很入味而且炆得很淋身，不會太咸，不愧是店最出名的食品。不過冬蔭功就不好再試了，會令人失望。

早幾年在土瓜灣開業，都唔係好起眼，本身對粉麵興趣唔太大，通常去粉麵店重點都係食餸。佢初開檔時某日經過見佢有豬軟骨同肥牛，幫襯左一次之後，覺得佢既豬軟骨真係好味，就幾個月都過黎幫襯一兩次。幾年黎都幫襯左十幾次，九成以上都係叫豬軟骨米粉，返唔到轉頭！湯底係魚湯，唔係好濃，但係比一般街既魚湯底好，包括荃灣某店同樣以魚湯招倈既舖頭。佢既漁湯聲稱以豬骨、雞、魚、胡椒粒等老火煲出黎，奶白色既湯，飲左8成，唔口渴，無咩味精。豬軟骨調味好濃，送飯送米粉一流，蚊得好淋好入味，豬軟骨比佢蚊到啫喱狀而肉唔散，讚 ！我通常都豬軟骨另上，如果唔係影響個湯既味道。

今日朋友帶我去琛記粉麵，要我試鮮魚湯首爾bb豬軟骨泡飯。食後感覺肉味鮮汁又香，肉味濃之餘，軟骨更是腍中有咬口，再配上鮮魚湯飯，好味。期間再叫一杯自家煲燈心花生熟薏米水， 清甜味道剛剛好。我會再去食多次。

今日得我同同事兩個人返工，個個放哂假，所以費事出去食，叫外賣。我知道呢間粉麵店係同事外賣之選，曾經親自幫襯過，覺得吾錯，所以都毫不猶豫決定今日再試。大約十五分鐘，已經到樓下，速度算快。可能物價上升，手頭上既餐單價錢都上升左三四蚊，不過係附近黎講，都仲係抵食。我叫左菠菜蝦餃米粉，一打開，湯既香味即刻湧出黎。米粉好多，一啲都吾孤寒。蝦菜餃大大隻，皮好薄，食落蝦既份量多，同落菜一齊食，有清甜既味道，蝦口感彈牙，算新鮮。調味方面，吾算太鹹，反而甘，對蝦菜餃既味道先食得更仔細。但係如果鐘意重口味既人，就可能嫌淡左啲。對個人黎講，幾岩胃口。至於話係最好食就未必喇。P.S.:本人係單點，如果跟餐就貴幾蚊；外賣加$1

記得此店曾號稱自家的魚蛋是no.1的出品。上趟在此吃過ABC式早餐過後已將之記在心上，決意在往後的日子一定要找個機會來會它一會....是日早上恰巧有空，看來是時候兌現承諾嘞....早上店內堆滿吃早餐的上班一族，看似剛開業了不久的這裡已應是站穩陣腳了。一坐低便不理三七二十一，要了一直想試的魚蛋米線....另加的茶走一杯，夠滑帶些茶味，煉奶不過份的多，跟上次的水準差不多，是喝得過的...相反身為主角的魚蛋米線就令人大失所望 ---- 儘管米線不算太淰pat pat，但魚蛋只空餘彈性但魚味卻很淡，同樣的情況亦發生在魚片身上；湯底色水雖呈微米白看似很像樣，但入口魚湯應有的鮮甜還是不太明顯...正所謂"講就天下無敵，做就有心無力"，眼前的這碗魚蛋米線便是對這店的過份吹噓的一個明證了....

早前曾經在報章，看過資深財經版專欄作家，蔡東豪的一篇文章，說到中環黃枝記的舖租，高達三十五萬一個月。為了應付昂貴的租金，於是要開源推出貴價食品，如二百多元一碗海鮮粥應戰。。感嘆在旺區吃一碗簡簡單單，便宜的雲吞麵，再不是易事了，那麼，舊區又如何？在土瓜灣近工聯會，月前開了一間小小的麵店，名叫琛記，雖然舖面不大，但賣很多不同類型的粉麵，甚至碟頭飯。雲吞麵，水餃，魚蛋河之外，更有些自創的BB首爾豬軟骨，冬蔭功魚片頭，冬蔭功蝦球米線之類，務求包羅萬有。看他們怎樣去形容其雲吞麵： （可能係世界上最好食的雲吞！）說得非常誇張，可見其自信心爆棚。淨吃賣＄22一碗，份量頗大，正宗雲吞麵的賣相，理應是湯羹放在碗底不見天，這個就有點相反，羹在面，放上韭黃，身處舊區，兼做街坊生意，不能要求更多了，最緊要抵食夾大件，才是生存之道。以大地魚熬出來的湯底，不夠濃鮮，入口頗淡。麵條只是不過不失，反正是交過來，如果與不遠處，北帝街麵麵棧的麵條來作個比較的話，恐怕輸一條街。雲吞也帶有散尾，餡料的蝦肉偏多，味道還算爽甜，全世界最好吃？恕我得罪一句，不自量力。韭菜水餃的聲譽，或者會比雲吞麵更好，香甜的韭菜，與鮮甜的蝦仁的結

在8月31日正式開業的琛記粉麵, 我當然不會放過寫食評的機會, 在下午茶期間我相約嘉豪在食飯時段去了此店食下午茶, 店內的客人都不是好多, 好快已經找到位坐,此店的食品款式不算多,魚蛋粉, 炸醬麵之類食品, 我就order了2號餐的海蝦菠菜餃米線, 蝦肉都幾彈牙可是蝦味欠奉, 米線都是滾得過腍, 魚湯底都好清, 而嘉豪order 7號餐的秘制沙爹牛根腩河都算入味和腍, 沙爹味不夠濃, 味道一般,之後套餐加$6可以配碟炸魚皮, 條條都好大條, 咬落脆口, 整個tea最好食都是炸魚皮, 最後飲品方面,凍奶茶欠茶味, 奶味太重,自家煲的凍意米水意米太腍, 幸好不會太甜,味好清甜可口開業不久真是好多方面要慢慢改進, 食物水準未能發揮到最好,環境都好光猛, 新開業的原因, 地方都好乾淨企理, 店員都好有禮貌又好笑容, 都不俗