265
6
1
港铁铜锣湾站 E 出口, 步行约3分钟 继续阅读
电话号码
31885478
营业时间
今日营业
10:30 - 22:30
星期一至五
10:30 - 22:30
星期六
09:00 - 22:00
星期日
09:00 - 21:30
*最後落单时间: 22:00 (一至五); 21:30 (六); 21:00 (日)
付款方式
AlipayHK 支付宝 现金
其他资料
网上订座
Wi-Fi
自带酒水
电话订座
赏订座积分
外卖服务
当面支付
有关奖赏计划
食记 (286)
等级4 2020-07-21
355 浏览
平时喺铜锣湾返工放饭 都会行经呢间餐厅 见到佢哋餐牌有花胶汤粉皮 好似好正咁有啲好好奇好想试吓🤔 今日收工就一於同女朋友去试吓先😏餐厅喺糖街 都好易搵!平时见到都已经好多人食 今日都唔例外 不过好彩等咗一阵就有位👏🏻入到去餐厅唔算好大 但都有啲特式摆设 同埋气氛都唔错👍🏻之後睇吓有咩食先我就梗系试返我最好奇嘅花胶汤粉皮啦🙈好快就有得食啦!•印尼花胶汤兰鸡粉皮🐔•-第一啖食落去就已经好惊喜!佢个汤底超浓郁 充满张口嘅口感 而且仲好重鸡汤味👍🏻 另外呢度都冇孤寒 俾一大旧花胶你 超抵阿!佢哋嘅鸡都整得好入味 而且仲好鲜嫩!点埋佢哋嘅秘制酱汁 酸酸甜甜好清新 就更加好食👍🏻分量同样地一啲都唔少 !另外我女朋友叫嗰个都好夸张!呢度真系好大方 一个餐成条鱼俾你😱 仲要煎得好香脆!表皮脆卜卜 但入边嘅鱼肉就好嫩滑☺️因为炸得好香脆嘅关系 基本上成条鱼除咗骨位都食得👍🏻我哋仲要多咗个串烧!•3串牛肉串烧🐮•-呢度嘅串烧都整得好出色 佢哋嘅调味料整得啱啱好唔会太过咸 而且都好有牛肉味 面头仲烧到有少少脆口 正!最後饮品我就叫左一杯珍多冰呢杯珍多冰同泰式嗰款有少少分别 呢杯就比较稀身少少 但入边嘅材料都系差唔多 都好有椰奶香👍🏻-呢度嘅性价比几高 因为每个套餐嘅份量都好多 而且啲嘢食仲整得好好味! 另外食嘢嘅时候 见到好有趣嘅一幕 有一枱客人喺度帮佢嘅工人姐姐庆祝生日☺️好Sweet!!大家如果想同印佣姐姐庆祝生日不妨可以考虑吓呢到😂👍🏻 继续阅读
(以上食记乃用户个人意见 , 并不代表OpenRice之观点。)
说来话长,其实都有成半年 乜点样出过街,难得而家个可以出下街抖下。同埋都听到电视新闻话啲食肆开始有返生意,噉我相信我哋呢班最锺意食同最爱食嘢嘅人开始受惠了,系时候应该出动喇,二话不说,去返一间好怀念好想去嘅印尼餐厅先。门口有特色嘅小食同粮油杂货摆喺度。令大家好注意到这间店。但系有时如果你唔觉嘅可能以为呢一家系一家士多。入到去所有职员都同你打个招呼又亲切嘅笑容。正正系好怀念我上一次食嘢嘅体验。到而家都知道真系好无微不至。睇一睇佢哋嘅装修格局略为修整个。多咗好多帐篷。而家会讲究卫生嘅餐厅真系唔多,而家餐厅会做足呢个措施。去分隔两张枱之间嘅食客同距离。相信卫生一定好好,亦都好尊重返香港嘅环境。佢系一个加分嘅表现抵我再返头的。坐低後亲善嘅职员过嚟介绍佢哋嘅主要食品佢哋匿埋餐牌过嚟逐一介绍,煮菜小食同埋佢哋特色嘅招牌套饭。职员介绍我哋可以食鸡髀椰浆饭啲饭系捞咗椰浆。但系会有小小Spicy。另外会有一只大大鸡比好得意好美味都好有印尼风味嘅配料。生菜青瓜番茄呢啲唔少得嘅印尼地道配菜。另外椰浆饭上面仲配左小小姜嘅成分,仲有个类似系芋头花生糕仲有豆腐一尊。用一个篮仔上菜卖相非常之有特色食落去格外有风味。Nasi Liwet Paha Ayam 鸡牌椰浆饭至於我HONEY就食左个炸碎鸡花胶汤粉皮。呢个名非常之特别嘅组合。其实即系炸鸡嘅花胶汤粉皮,炸鸡系值得一赞。因为佢哋嘅皮非常之薄而佢哋嘅肉系应该秘制过来的并且系非常之新鲜,仲会扣住肉汁仲有小小胡椒盐嘅味道。相信佢哋用咗好特别嘅配料。炸嘅过程应该唔会炸好耐但令到佢完全均匀地熟之外亦都唔会讲心非常之弹牙有咬口JUICY。Mie Ayam Geprek Kuah Perut Ikan 炸碎难花胶汤粉皮花胶汤唔油非常之好味容易入口。同时亦都感觉到啖啖新鲜嘅花胶溶入个口,所以这碗面最强嘅食法就系食完面之後必须要饮晒啲汤先至叫做合格同尊重佢哋。佢哋嘅印尼粉皮好得意大大块。好似我哋嘅河粉但系佢哋非常之嫩口之余。仲好似一块拉长咗嘅布噉样,基本上唔使点咬。记得系用啜嘅方式入口咁样会系最标准。当然我哋唔会就噉嗌两个main 。点都要嗌d小食嘅。噉我哋选择所成立马拉盏炒通菜。基本上夏天能够食到好味嘅通菜的确唔简单。另外就发现佢哋嘅通菜非常翠绿,同埋爽口职员表示炒通菜系会有啲辣嘅。如果食唔到辣嘅朋友可以减。当然我哋小小喇都食到所以,我哋比佢满分。同埋佢哋嘅马拉盏似乎系真系印尼过嚟。因为香港好似都食唔到类似嘅味道。Oseng Kangkung Terasi 石栗马拉着炒通菜当然有食就有饮。饮呢个部分我哋嗌咗一杯珍多冰同凉粉冰。先讲珍多冰啊。珍多冰系有椰汁味啦。仲有好好味嘅啫哩条。最紧要饮嘅时候要搞匀个底。因为同将会喺底捞匀之後成杯饮品,冻得嚟又甜你会大啖大啖饮落去你感觉到完全系幸福嘅味道。凉粉冰。平时我哋食得多平时都系食正方形。但系而家佢哋嘅梁粉整成条状好似一箸面噉可以啜入口同样佢哋嘅汁,非常之同凉粉配得啱啱好所以呢个凉粉冰绝对系够浓口。够可口。坊间系饮唔到嘅。Es cendol 珍多冰Es cincau 凉粉冰其实喺铜锣湾呢啲咁高档嘅地方可以用一个咁好嘅价钱去食一餐咁丰富咁美味咁多元化嘅,食物真系唔简单所以斑斓叶餐厅真系造福市民造福人群。虽然都食到好饱喇。但系我哋都不忘食佢嘅斑兰蛋糕。所以我哋临走嘅时候都嗌咗两件外卖搦走返到去都仲有,餐厅嘅味道所以既怀缅又有回忆非常之幸福能够喺呢个时候仲有咁好嘅享受真系感恩。##下次我想打大佬, 食龙虾餐! 试下都好!班兰叶印尼美食铜锣湾糖街1-5号铜锣湾商业大厦地下B2舖 继续阅读
(以上食记乃用户个人意见 , 并不代表OpenRice之观点。)
自从上次食过班兰叶印尼美食,一直念念不忘佢既原条鱼花胶汤粉皮。今晚再约好友一同饭聚,好彩预先BOOK左枱,去到既时候门口已经有唔少人等紧位。一坐底老板就好热情又细心地介绍菜式,支持小店!抵食又好味,店员又NICE!黄姜炸原条鱼杂锦饭哗!一上枱劲吸晴,超大碟又多配料~原条鱼炸至金黄香脆,内里肉质嫩滑又多汁,配料有炸茄子、炸豆腐等等,浓香可口。印尼花胶汤班兰鸡粉皮花胶汤底浓而不腻,啖啖鲜甜,仲有一大块嫩滑花胶,配以爽滑弹牙既粉皮。班兰鸡啖啖肉嫩滑无比。石栗马拉盏炒通菜通菜新鲜爽嫩,辣度低,炒得鲜美,好有镬气劲惹味!牛油果沙冰 大大杯沙冰够哂消暑~加以朱古力浆调味,口感幼滑丰厚,牛油果味浓郁,饮完透心凉,牛油果控必点!香茅椰糖姜蜜滋补身体之选,甜而不腻,岩哂女士们~ 继续阅读
(以上食记乃用户个人意见 , 并不代表OpenRice之观点。)
等级4 2020-06-13
1248 浏览
印尼串烧就食得多,印尼菜就真系未试过,今次就有朋友相陪一尝印尼美食;店舖面积唔算大,但目测可以坐到20-30人,今晚都几满座,大约个半钟头内已翻枱两次,其中都有唔少同乡客人帮衬,相信呢度出品算系几地道~白鳝沙嗲 (三串) $98印尼沙嗲串烧果然系正,有惊喜!好香炭烧味,白鳝肉质结实弹牙,咬一啖,啲鱼油慢慢渗出来,好好味!值得一试!一定要趁热食!印尼四大天王 $78*转班兰饭 +$15见到多人食呢道四大天王,所以就跟风试吓喇~ 本身系跟普通白饭,加$15可转班兰饭或椰浆饭(伴鱼仔,少辣),任君选择;印尼四大天王有白切鸡丶巴东牛肉丶沙甸鱼丶加多加多沙律。一碟可试哂4款印尼美食,抵!印尼语Gado Gado 代表杂锦嘅意思,系形容材料很丰富,而呢度系有椰菜丝、红萝卜条、芽菜加上花生酱嘅沙律。原条鱼花胶汤粉皮 $78原条炸鱼上枱系有D吸睛嘅,size同只碟一样大,炸到好靓仔,脆卜卜,好香口。花胶汤底系似中式打边炉嘅花胶鸡汤味道,味浓稠密有胶质,汤内有一块花胶,而粉皮好薄身,微微米香,口感滑嘟嘟,同花胶汤好夹!牛油果沙冰 $48比想像中大杯!有少少朱古力浆调味,淡淡牛油果味,夏天饮,透心凉😌芒果沙冰 $48味道似某牌子嘅菲律宾芒果软糖,如果减返少少甜就更理想喇~除咗店内堂食,店外亦有饭盒丶小食丶糕点,仲有班兰蛋糕可买。 继续阅读
(以上食记乃用户个人意见 , 并不代表OpenRice之观点。)
等级4 2020-06-09
752 浏览
香港其实好少专门食印尼菜嘅餐厅,可能因为受众实在太少。好唔容易先至喺糖街搵到呢间餐厅,佢虽然系印尼正宗嘅菜式,但系亦都糅合左香港本土风味,所以啲菜都好啱胃口。我其实系想食佢嘅花胶汤面🍜,然後发现佢个菜单有好多款可以选择,我就拣咗个鸡乌冬,花胶汤。啲鸡来时非常滑,系黄油鸡,非常新鲜,而且啲鸡油配埋鸡肉一齐食,就冇咁乾争争,反而觉得非常Juicy。之後我试左佢嘅串烧,特别拣咗系鳝,想睇吓佢嘅串烧同埋日本餐厅嘅鳗鱼串有咩分别。结果发现,佢嘅鳝系比较多骨,但外皮就真系烤得比较好同脆,最重要系配埋佢嘅特色沙嗲酱,甜得来亦有花生,一啲都唔辣,所以真系唔怕一点再点。再之後就系佢嘅炒芽菜,呢一款芽菜同我哋平时喺餐厅食嘅好唔同,除咗佢嘅芽菜比较大粒,比较圆身之外,更重要系佢用咗啲酸酸地嘅汁去炒,所以系会零舍开胃。我最後叫咗佢杯印尼咖啡冰,开头以为呢杯野会好甜,但其实发现一啲都唔甜,因为佢将糖浆放到落去杯嘅最底部,咖啡同埋奶就系面层,所以如果饮管唔饮到啲糖浆嘅话,就一啲都唔会太甜,相反,其实个甜度可以自己控制。我会比呢间餐厅几高分下。 继续阅读
(以上食记乃用户个人意见 , 并不代表OpenRice之观点。)