影片
营业时间
今日营业
16:00 - 03:00
星期一至日
16:00 - 03:00
以上资料只供参考，请与餐厅确认详情
食家推介
真平民抵食小店🔥！之前去过佐敦分店，早几日趁天气凉啲同朋友去石硖尾总店宵夜，几有大排档feel小店做学生哥同街坊生意外卖为主，亦有唔少区外人慕名而嚟食宵夜图9-10餐牌全日同价，夜晚大多数饭类都系$39-$42，包埋热饮冻饮加$3多饭多𩠌大大碗，男仔都一定够饱肚，大食人士想添饭都系免费，名符其实嘅平民饭堂🤪！除咗主打大碗饭同各款香炸小食，仲有多款麻辣凉拌小食、暖笠笠汤饭等镇店招牌四宝(避风塘、葱油、椒盐、辣椒酱) 全部都系自家制🌟-👍🏻避风塘猪扒饭(包嘢饮) $39铺满大量自家炒制避风塘脆脆，加上招牌葱油、秘制辣粉、椒盐咸咸辣辣，香浓蒜香味，超级惹味，忍唔住捞饭食晒啲炸蒜🤣猪扒连骨但碎上方便食，沾满避风塘香口入味，不过瘦咗啲同炸得比较干- 👍🏻葱油鸡扒饭(包嘢饮) $39私心好钟意食呢度啲葱油，葱粒爽脆，葱香味浓，唔会有葱嘅草青味或辛辣感亦唔会太咸太油腻，加上少少甜豉油捞饭一流，真系招牌🤤鸡扒味道正常，肉质就唔算好滑，胜在大块厚肉皮脆-👍🏻沙嗲牛肉饭(包嘢饮) $39石硖尾总店先有，牛肉份量多，沙嗲酱浓稠有花生味，但味道咸咗啲个人觉得捞丁应该仲夹，仲要平啲$30咋-👍🏻驰名手撕鸡饭(包嘢饮) $39手撕鸡肉质正常，麻辣比较温和，本身已有少少椒盐底味几入味，混咗芽菜、红萝卜丝同招牌葱油，整体唔会太油腻，捞饭一流-👍🏻生炸鸡髀 $23招牌之一！即叫即炸，落单后大概等10分钟，大大只非常脆口，皮脆肉嫩，一咬开超多肉汁涌出🤤鸡髀本身腌得入味又唔会有雪味，推荐要嗌辣，秘制辣粉麻麻辣辣惹味好多-👍🏻避风塘鱿鱼须 $28 & 金蒜豆腐 $20鱿鱼须鱿鱼味好香，金黄酥脆够晒香口唔算好厚肉，但份量好多，呢个价抵食金蒜豆腐同样有大量避风塘，味道就正常发挥，主要食避风塘脆脆😈-小店由老板娘珍姐一脚踢，珍姐非常热情好nice，好似妈妈咁惊我地食唔饱，又惊我地坐外面吹风冻亲，好有人情味好有心😌整体走平价路线，环境就唔好期望太多，堂食系门口打开折枱味道唔算好惊艳但唔差，食物胜在大件夹抵食，CP值高-味道：7/10性价比：9/10-📍#珍记大厨小食 @zankeefood石硖尾伟智里1-3号白田购物中心地下84号舖佐敦南京街6-6C号地下A2号舖
继续阅读
【深水埗区】【珍记大厨小食】之前写过一间喺附近告咗急嘅黄店，收到一位朋友嘅留言，介绍返𠮶度附近嘅嘢食。呢啲意见真系好重要，因为我都冇可能了解到每一度有啲咩嘢食，尤其系好嘢。实情我都几中意咁样捐窿捐罅揾食，好过只食潮流嘢。如果唔系有人讲，我可能一世都唔会有机会揾到呢间嘢嚟食，所以都希望大家明白同理解点解咁重视大家嘅意见。我就唔系咁叻去揾啲平民美食，主要都系靠大家口耳相传，因此，当我听到有呢啲嘢食嘅时候，我几乎即刻去。呢位朋友介绍嘅系「避风塘酥脆鱿鱼须」，佢话好食㖞，咁我第一次去就当然唔会介意花 $28 去试。佢畀我嘅时候系用一个感觉几保温嘅锡纸袋入住啲嘢食，好似就算攞远啲食都几保到质素咁。食落都几惹味，份量就唔算多。我觉得佢个避风塘嘢都几正，够晒味，不过食太多的话就会好似有啲咸，如果买嚟加𩠌可能都会好正。第二次去我就食其他嘢，叫咗个「营多捞面」，单拼「烧卖」价钱系 $12，味道都几平庸，不过唔算贵就冇乜问题。咁一个捞面当然唔够我食，之前买嘢𠮶阵听到人哋叫两只「生炸鸡髀」，搞到我又好似几好奇，今次嚟到就忍唔住用 $20 叫只试吓。佢又真系炸得几好，所以我都明白点解上次𠮶个客会叫两只，系真系唔差，我几中意食。佢好食个 point 系在于佢本身只鸡髀系几好，够晒鸡味，肉质实净又唔会太靭，平时出去食鸡髀都几少食到呢款，所以我都几惊喜。再一次多谢上次留言嘅呢位朋友，介绍咗呢间唔错嘅小食店畀我，我就帮帮手将佢传扬出去啦。。。（地址：石硖尾伟智里1-3号白田购物中心地下84号舖）
继续阅读
之前买过几次$20/1 只大大只鸡髀…8/4 夜晚买外卖返屋企食！买完饭又为食想买D小食！心血来潮谂起依间野… 买完之后简直一肚气，以后都唔会再帮衬，个讲唔正广东话嘅亚姐同我讲一句👉👉我哋都唔想买👈👈简直令我毕生难忘🤣🤣原来佢咁唔休做！唔知开门做唛…当晚9 点去到叫左10 件煎酿三宝、一份炸鸡之后见佢D海报写住韮菜猪红$20/1 碗、净猪红$15/1 碗…想净食韮菜就问亚姐几多钱？佢话净韮菜都要$20，我觉得都可以喇当食油菜！3 样嘢一共买咗$58！企喺度等之际三宝拎出黎问佢有冇辣酱，佢话冇，得辣椒油，我问佢可唔可以俾个袋我装住？因为我食辣但屋企人唔食辣想分开D辣椒油！个亚姐话冇😤😤真系一个袋都唔肯俾😡😡之后到俾拎碗韮菜摆喺枱面谂住冚埋时我见咁少…问个亚姐依度$20 嫁喇？佢话系…之后我话咁少嘅？佢话你觉得少丫？我话梗系啦…拎个超细碗装仲要一半都冇…之后佢仲系度唔知讲咩（因为佢啲广东话讲唔正）最清楚系讲👉👉依个我哋都唔想买👈👈我即刻答佢一句唔想买就唔好开门喇！咁样做生意嘅！系咪嫌弃买得少？睇番网民之前D相$20/1 碗嘅韭菜猪红用中碗装，都有三份二系韮菜丫！韮菜根本就系最平嘅菜，大大只鸡髀先$20…理解唔到整出嚟嘅亚姐竟然仲同人讲一句…👉👉依个我哋都唔想买👈👈佢真系唔应该开门做生意🤬🤬🤬🙈🙈🙈今次真系贴钱买难受！仲有炸鸡系冻冰冰的…
继续阅读
老板娘好好人，好多街坊过嚟买野食，买完都会倾一阵计先，好有人情味。😚😚😚炸鸡脾（$20），超大只👍，成只揸住食，食完心情好好🤣🤣豚肉韩式拌饭（$42），好多𩠌好大碗，泡菜、豚肉、芽菜、青瓜加只即煎太阳蛋，唔会太辣，食到尾都有豚肉🤣（影得差好似好细碗咁😅，下次再食再影过）仲有好多唔同类型小食，烧卖、煎酿三宝、公仔面、营多捞、鱿鱼须、蛋牛治...........不能尽录下次可以试埋其他
继续阅读
1.) 珍宝沙嗲牛奄列连多士奄列真系珍宝，睇落点都有三只蛋！未食多士，净系食佢个奄列已经饱咗， 个奄列又落咗劲多沙爹牛肉， 根本系一个𩠌， 可以用嚟送饭，因为太足料， 食食下就觉得味太浓，但味道系啱嘅。2.) 红酒烩牛肉饭呢个饭前前后后食过三次，味道真系好味， 牛肉同红萝卜一粒粒大细啱啱好， 可能因为佢饭比较多，觉得啲𩠌相对嚟讲比较少。
继续阅读