珍珠皇宮印度餐廳

营业中

休息中

#去左重慶大廈食咖喱又去食咖哩，今次入左重慶大廈！今次到訪的是一家印度餐廳，位於重慶大廈的一樓，內部環境也是充滿異國風情！印度薄餅 ($24) Plain Naan (HKD24)咖哩羊肉 ($98) Lamb Curry (HKD98)Boneless pieces of lamb cooked with mild spices & thin sauce爆得好香，送來之時已經有著陣陣香味，羊肉已經煮至香腍惹味，每口帶著香料的香辣味道，食過不停，配合印度薄餅更惹味！idli sambar ($48) 蒸米糕 (HKD48) Steamed rice and lentil patties served with chutney and sambar第一次食這款印度菜。Idli sambar是南印度的典型菜式，是一款蒸米蛋糕，味道本身帶甜，沾到湯中，微微偏腍，再沾酸辣醬，初嘗試感覺十分特別！餐廳食物質素均好，風味十足，位於重慶大廈之內，除了感受異角風情，也算支持良心小店，，所以值得好評！

心血來潮想食印度嘢，所以決定勇闖重慶大廈！一入到去就俾個靚仔捉住，帶咗我地去呢間印度餐廳😝雖然呢間餐廳唔係好大，但坐得幾舒服，仲有間廂房俾人搞private party添～老闆仲話可以唱下K😂介紹下啲食物先～呢間餐廳提供嘅食物都幾多元化～唔係淨係食咖哩咁簡單！瑪莎拉煮羊肉瑪莎拉係一種由多種香料混合而成嘅調味料，有茴香、白胡椒、黑胡椒、丁香等，所以呢道菜食落香料味好重，唔太辣，但好香黑胡椒味，所以唔食辣嘅朋友應該都接受到🥰雖然香料味好重，但唔會好過左羊肉嘅味道，反而帶出咗佢獨特嘅鮮味。奶油烤雞呢道菜係落咗番茄去整嘅，所以食落酸酸甜甜，上面仲加咗忌廉，所以口感香滑，而且雞肉仲煮得好嫩滑，好食！芝士烤餅 & 蒜香烤餅食印度菜當然唔少得naan 喇～今次我哋就order咗兩隻味～芝士味淡淡地，所以唔會覺得太膩，香蒜就比較惹味，我個人就覺得香蒜味比較好食，因為烤得比較香脆😍不過兩款薄餅配上面兩道菜一齊食味道都好夾！飲品：芒果乳酪&印度拉茶芒果乳酪唔會太杰身，芒果味超濃～印度拉茶香滑，味道不錯！

好耐冇食過印度菜，呢日同朋友行經重慶大慶，見到有好熱情既餐廳職員，職員帶左我地去佢間印度餐廳食dinner。行入呢間餐廳就好似去左另一個世界咁，充滿異國風情！我地點左腰果羊肉，咖哩煮到好入味，羊肉唔會太騷，肉質嫩滑，唔錯！食咖哩當然就要配nann ，我地點左個芝士炸餅，炸餅即叫即燒，熱辣辣，好惹味，將佢撕碎再點咖哩真係好好味！我地仲點左個炸雜菜，都唔錯！黎食印度菜當然要點返杯芒果奶昔配咖哩啦，好match！

今日要去尖沙咀拎啲野， 順便一個人去搵下野食。行到去ISquare 個陣有個識講流利廣東話既印度人係到介紹印度餐廳，最後把心一橫就去左試吓啦。上到去，發現都原來幾多香港人去食，當然唔小得有啲印度家庭成家黎食野啦，老闆（呀哥）廣東話流利到不得了（土生土長香港人），好熱情咁問你食咩同埋介紹你食咩。最後我叫左個印度奶茶，鷹嘴豆咖喱，芝士薄餅。印度奶茶，飲落口好滑身，飲到一陣陣薑味同肉桂味，幾好飲，一個新既體驗。到鷹嘴豆同芝士薄餅，芝士薄餅好好食😋佢外脆內軟，中間食到微芝士而且入面唔會太乾身，配埋咖喱簡直一流，佢個鷹嘴豆咖喱好濃味落咗好多料，一個人嘅我已經食晒4塊薄餅😂下次會帶埋啲朋友黎食， 見到隔離枱佢地叫既野食都好吸引，多啲人食可以叫唔同款既野食走個陣老闆問我啲野岩唔岩食呀，睇得出佢都好用心係間鋪到，而且佢地餐廳好乾淨，見到返枱既時候佢地抹枱係用清潔劑抹，唔係就咁一條布抹一抹就算。

今晚想吃印度咖喱，知重慶大廈有很多印度餐廳，就去碰碰運氣。一進門前就有好多餐廳店員招手，最後我選了一樓的Moti Palace。餐廳內播著當地歌手的mv，加上昏暗的燈光、鮮色的傢具，環境很有印度特色。我好喜歡chicken tikka，是每次去不同的印度餐廳都會點的菜式。用鐵板上菜，橙色的大塊雞肉滋滋聲的，聽到都覺得會好吃。這種烤雞的肉又嫩又有汁，加上外層包裹的香料夠香口，吃得我們津津有味。份量不少啊！咖喱有好多款，既然已吃了燒雞，就選了瑪莎拉煮羊肉，配蒜蓉烤餅。我發現每枱食客的咖喱和烤餅都必定是一起上菜的，這點很細心。深啡色的瑪莎拉羊肉無論是質感和味道都很濃稠，飄來陣陣香味。用烤餅沾著色真的可以一滴不漏清掉咖喱汁呢。羊肉的份量比想像中多，切成小粒容易吃，味道香而不膻，肉質軟又不黏牙。蒜蓉烤餅的氣味很香，單吃也可以。剛烤起的餅，底部還有點脆呢！飲品方面，我喝了熱的印度奶茶，茶底跟港式不同，有獨得的甘香味道，絕對不是加好多糖的樣子。男友喝mango lassi，質感柔滑，乳酪夠酸，好醒胃，非常適合吃咖喱的時候喝。兩人只需312元已經有這麼豐富的一餐，吃得很飽足！其實他們的份量真的不少，雞

去過幾間喺重慶大廈嘅印度、巴基斯坦餐廳，不過次次都係朋友帶，重慶大廈好似迷宮咁，去完就唔記得餐廳名字同位置😅；今日一個人想食印度菜，就自己行入重慶大廈探索下，見到呢間乾乾淨淨企企理理環境唔錯嘅餐廳，就入去坐低試吓😁叫咗$98嘅Lamb Curry, $28嘅Garlic Naan, $25嘅Masala Tea。咖喱羊有好多咖喱汁，味道香濃，有層次，我雖然去過印度但係唔識得分是否正宗印度咖喱，不過識得分好唔好食😆，呢度好食😋Garlic Naan好高水準，好香好味好煙韌，烤得好靚😁。印度奶茶幾香幾好飲😋

重慶大廈有唔同印度餐廳，呢間餐廳名稱好特別，叫「珍珠皇宮」，野食好正！烤餅我地叫左：Plain nan, Rotidrink要左杯lemon teaMain course叫左：Chicken tikka masala, Curry chicken兩款都是微微辣的咖哩，雞件嫩滑、香，特別要讚一讚佢個naan，好好食😋食物全部熱騰騰上菜, 份量足夠，值得推薦比朋友黎呢到service好好，殷勤有禮，環境都乾淨企理👍🏻

喺酒店隔離嘅日子裏面，突然有一日好想食印度野，就上某一個外賣平台。嗰度睇見到呢間野好似幾多choice，而且係少有嘅印度良心小店於是就決定揀佢。———————————————————————平日來講呢我食印度菜一定叫嘅veg. samosa今次就因為叫得太多其他嘢就冇嗌到啦。下面我就會逐一講吓每樣嘢食嘅感覺:1)Papadum吾知大家有冇留意印度餐嘅開頭通常都會有個脆片小食送嘅呢，就係papadum，有小小辣，幾香口2)Chicken tikka印度式香料烤雞,伴隨一件檸檬。肉質不算特別嫩滑，但得非常之入味食到淡淡的香料味道。3)Lamb masala馬莎拉羊肉，味道非常之出色而且唔似平時其他舖頭一樣淨係比好少羊肉，呢個係抵食嘅。4)Butter chicken 唔使講印度名菜之一，雞肉份量亦非常之多，也是另一絕。5)Garlic naan,Plain naanx2一份有三份,返嚟嘅時候係用錫紙包住保溫做得非常之好，而naan烤的時間恰到好處，仍然是香口而水潤飽滿。而且煙韌有咬口，用來點咖喱吃，絕配。——————————————————————-總括而言呢間野係好食同埋值得幫襯嘅，請大

難得今日有多一點時間去食午餐，決定去遠少少既重慶大廈去尋寶&支持同路人。每次去重慶都有驚喜&體驗。餐廳很寬敞&乾淨，而老闆係土生土長第5代印度裔既香港人，很健談&非常熱心介紹菜式, 仲比個DISCOUNT 我地。叫左個牛油烤雞, DAL MAKHANI & 當然唔少得蒜香NAAN, 最後唔少得一杯印度奶茶。牛油烤雞個醬甜甜地&好CREAMY, 雞肉煮得好嫩。Dal Makhani 好滑&口感一流。下次一定會再黎。

9月某日我哋一家人去咗 Moti palace 珍珠皇宮印度餐廳食晚餐，去前兩日喺 openrice 網上訂座，當日去到重慶大廈入口老闆已經迎接問我係咪訂咗位，帶我哋上去餐廳，其他店員亦好友善地遞上清水。落單時店員表示鐵板菜式可以揀唔辣，我哋點咗 6 碟。Tandoori Platter 混合肉拼盤Chicken Do Pyaza 香料洋葱無骨雞Jeera Rice 印式洋香飯Baigan Bhartha 蒜蓉烤茄子蓉炒洋葱蕃茄Masala Dosa 瑪撒拉香料捲餅Tomato Uttapam 辣茄汁班戟老人家話要食肉，我哋兩個食素，呢道可以搵到大家啱食嘅嘢。一件小事就係 Masala Dosa 漏單直至再次提問先至入單即做，不過都好快有得食。個人推介 Masala Dosa 同埋 Tomato Uttapam 兩款南印度菜式，都好香溢可口。由於事前並冇諗住要寫食評所以一張相都冇影到，但係覺得值得推介所以上嚟支持良心香港人食店。😋👍🏾老闆話同層行過兩間舖 Swagat 華達印度餐廳都係佢同人夾份做，之前食過兩次，行過都可以試下。

去重慶大廈食咖哩，唔只係食，仲係一種體驗。一入到去商場會有印度哥哥仔好熱情咁帶你上去餐廳。餐廳喺商場嘅一樓，所以唔使搭lift，行樓梯再行到盡頭就會見到。就如其他印度餐廳一律樣，上菜前佢哋會先奉上羅望子汁同埋薄荷汁嘅薄脆。同行者唔食辣，於使我叫咗一份butter chicken、一份椰汁蝦同兩份蒜蓉naan餅。蒜蓉naan餅，一上枱蒜蓉嘅香味就撲鼻來。Kulfi係一款甜品，大概係加咗藏紅花嘅杏仁雪糕，撞紅花本身係紅色，但一浸水就會令水變成金黃色所以加咗藏紅花嘅雪糕都會變成金黃色。佢嘅冰粒感比較重，唔會好似Gelato嗰種軟滑。面會淋上玫瑰糖漿，單簧管堂相有啲似洗手間香精，我就覺得唔落仲好。另外Masala tea比較貼近香港口味，只係薑味比較重，其他香料落得唔多。整體來講唔錯，價錢都唔貴，可以再嚟。

The first day in October was Chinese Moon Festival. It was a public holiday in Hong Kong. I decided to go to Chungking Mansion and try out Indian Food with my wife and son. We choose Indian restaurant from time to time, but this was the first time we went to Chungking Mansion.I searched over Google first and selected Moti Palace and booked via Openrice. The restaurant was not busy tonight. We ordered samosa as starter, half portion of Tandoori chicken, grilled lamb chop, prawn masala for main

今次第一次去呢間店試吓。事關好多食評話佢掂。我又stay nearby hotel so must try and good comment from others. I went with lover and booking at OpenRice before so get 25% off.Our dishes as Tandoori chickencurry Lamb, Nan bread , mango lassi. Unexpected the size of dishes pretty large and the tandoori really taste good. So my lover hope to try whole chicken next time.the day afterwards I called food panda as almond chicken and the sauce very very creamy and my dad love it. I order 4 different Nan bread as garlic, butter ,

已經第2次黎重慶大廈食印度菜，啱啱食完冇幾耐就想enchore。今次就試第2間餐廳，入去冇耐就有人指路同帶你去間餐廳。可能因為差唔多4點去食，成間餐廳得我地呢枱客。如果第一次試印度菜都唔洗擔心唔知揀咩食好，店員都好主動會同你講下有咩多人叫，又睇下你口味例如食唔食得辣推介d菜俾你。我地叫左都好多人會食既芝士波菜，牛油雞，咖哩角，仲有一定唔少得既烤餅，因為選擇困難所以要曬芝士同蒜蓉2隻味。野飲方面就要左杯印度奶茶同芒果奶昔。咖哩角啱啱炸好熱辣辣淨係個皮都好好食，入面會有薯仔同豆，冇肉但比起平時食果d咖喱角係好食好多，上次食過已經覺得係必食既野。😋芝士炒波菜第一次食可能會有d驚訝，你唔會見到一條條菠菜而係一碗綠色既醬咁，中間有d白色一粒粒應該係芝士既野，同烤餅一齊食係勁好味同食極唔厭。個牛油雞既味都幾驚喜，係帶d蕃茄味同小小小辣味, d雞粒都好嫩滑好入味，同烤餅一齊食又係一流。🤤烤餅方面個人就鐘意芝士味多d, 真係有幾濃既芝士味就咁食都好好味又好有口感，趁熱食勁香口。杯印度奶茶如果冇試過係幾值得一試，飲得出係有薑，肉桂等等香料既味，就算本身未必鐘意呢d味既人都好易入口係唔錯既嘗試。成餐飯既份

第一次寫食評: 呢間餐廳真係令我無辦法唔為佢寫食評！太好食，又低食，老闆同伙記都好好人！加上呢間唔洗講，早前排隊都未必食到，為太多人支持!今日星期日(但得兩枱客。。)，我地4個朋友去食，book左2點有75折優惠，入到去有店員安排座位，本身諗住散叫，最後都係聽店員既推薦4人set lunch，可能因為冇人食，所以出餐好快，樣樣都好好食😋，份量又啱啱好，極力推薦咖哩羊，下次一定會再嚟！(記得入座前話book左位，同散叫先有75折，因為我地冇講book左位同叫set lunch，但老闆都好好人比折頭我地😛）