珍珠皇宮印度餐廳

营业中

休息中

先说结论真的太好吃！以前在澳门也吃过这些 绝对比这个差远了！这次来香港没带钱没带卡 就带了手机…….当时正好路过重庆大厦看到很多印度小哥在招揽客人，男朋友拗不过接了个这个传单，接着打电话问老板能不能的用 zfb wx付，听到老板说可以我们就接着动身去了。当时进去的时候真的感觉好恐怖，感觉所有人都在盯着你，而且里面全部都是外国人，就感觉里面好像进入了。另外一个世界，当时整个人就特别害怕.....老板带着我们还稍微有一点安全感。进了这个店我当时还保留着半信半疑的态度……但是上菜的之后我感觉完全就不一样了，真的是我吃过最好吃的咖喱！本来打算点两份咖喱菜，最后觉得实在忍不住又加了很多小吃，其实分量真的挺大，但是总是感觉还想尝试，老板还送了很多主食!最后结账的时候老板还可以打了折，真的是感动了.……如果没有这次经历，我想我可能一辈子都不会走进那个大厦，感觉里面真的好恐怖.....而且在网上有很多他的传说......这也算是一个奇遇啊……我真的还想再去吃！

朋友食過而大力推介的「珍珠皇宮印度餐廳」，今次同朋友中午時間到訪小店位於印度餐廳林立的重慶大廈簡約不花巧的裝修風格卻不失印度風，用上紅色沙發座椅，座位闊落餐牌中英對照，提供素食餐單🥗咖喱分幾款不同特色的，每款都有簡單介紹，夠貼心==========🔹 黃豆湯 Dal Soup $48湯最緊要夠熱，呢碗做得到湯稀稠度適中，帶不錯的豆香及印度香料味道加入印度米，微微的煙韌感推介指數：8.5/10==========🔹香烤原條鯧魚 Tandoori Pomfret $158以鐵板呈上，上檯時"咋咋咋'的熱辣辣，附上薄荷醬鯧魚新鮮魚油香突出，肉質雪白嫩滑調味恰當，魚身入味而不過濃，食到魚的原味道推介指數：9.5/10==========🔹 腰果汁羊肉 Lamb Korma $128初嚐特別的腰果汁為一款不重味咖喱，帶微辣羊肉約🔟件，整體脂肪不高，肉質緊實部份略帶筋膜，羊肉味重而不覺羶推介指數：8/10==========🔹炒雜菜 Saute Mixed Vegetable $78雜菜有西蘭花，豆角及紅蘿蔔炒得夠腍，味道帶酸夠開胃，加入黑椒更惹味推介指數：9/10==========🔹雜錦薄餅

芝士菠菜Palak Paneer (88hkd)同行嘅素食朋友大推呢個，菠菜打成蓉，入面撈埋香料同洋蔥碎🧅增加口感，食落完全無草青味，而且唔太heavy，可以balance番其他菜式比較重口味嘅醬汁，芝士波波都幾重奶味👍🏻牛油烤雞Butter Chicken (108hkd)份量都幾多，雞肉大大塊，而且都幾多，肉唔會乾柴，而且幾入味，加上係唔辣，可以話係逢去食印度菜🇮🇳必點😎牛油🧈/蒜蓉🧄烤餅Butter Nun(28hkd)值得一提嘅係佢同我平時食嘅nun比較唔油，食落比較乾爽，fit哂怕油怕肥嘅我😂無咁有罪惡感，而且牛油味都好香🧈青檸🍋梳打Lime Soda(38hkd)用鮮青檸打成汁再加入糖漿同有氣水，幾fresh，酸味唔會太過分，相當解膩消滯🥰芒果🥭奶昔Mango Lassi (38hkd)平時我好少主動叫，因為怕會好甜，呢個又出奇地唔會好甜，無好膩嘅感覺，而且芒果🥭味好香😍#foodiblum東南亞

Panipuri 一種脆皮波型小食，要將湯汁倒入－啖食，好味！palak paneer 菠菜芝士，配naan ，－直係我至愛，呢間無令我失望，味道同口感都夠濃。唔推介個印度奶茶，無masala 味，真係聞唔到，奶味重，所以無叫其他飲品。印度式羊肉醬汁味道都可以，但羊肉比較乾，煮老左，難咬。整體來講，比較附合大衆口味，對重口味的朋友，不夠過癮。環境算乾淨整齊，風格比較暗，星期日6:30去人唔多，無預定都唔需要排隊。

朋友介紹既呢間印度餐廳位於重慶大廈內，咁就成為咗我第一次去重慶大廈嘅體驗 估唔到佢哋嘅員工係識講廣東話嘅，好友善咁帶我哋去餐廳，仲好樂意同我地分享呢度嘅生活～ 我哋揀咗一款咖喱配薄餅食，另外仲叫咗一個炒飯。咖喱係牛油雞肉⭐️⭐️⭐️⭐️味道唔錯，而且好香甜，雞肉好多！！蕃茄味都夠嘅仲差一粒星就係個人認為香料味可以重啲。蒜蓉薄餅⭐️⭐️⭐️⭐️⭐️薄餅其實都冇咩好批評，同平時餐廳食嘅都好相似，蒜蓉味好香，係我去印度餐廳必點嘅！.咖哩羊肉炒飯⭐️⭐️⭐️⭐️⭐️羊肉喺晒底度，份量好多！無羶味！今次既炒飯香料味比較重，係我想要嘅味道因為來得呢度食印度菜就係想食正宗嘅味道架啦

😆😆從來未去過重慶大廈，成日聽嘅重慶大廈有好多好地道嘅印度餐廳，於是今次同朋友嚟一齊試一試！入到餐廳，侍應都係印度人，由於好鍾意食Dahi Poori, 係一種印度好出名嘅脆球🥰🥰每次嗌親印度嘢都未食，今次嗌咗乳酪味，加上一啲印度嘅香料，一啖一個球，實在係非常好嘅開胃小食☺️☺️另外仲叫咗一個非常signature嘅印度飛餅，入面有一啲咖喱味嘅薯蓉，以及三種唔同嘅印度醬汁，用嚟煎喺塊餅上面食，但係打卡影相已經非常吸引😆😆😆喺煮食方面點可以少得牛油雞咖喱呢！😍😍佢哋嘅咖喱做得非常出色，唔單止可以愛嚟點蒜頭naan，仲可以開嚟呢一種叫做馬拉嘅naan😎試哂兩種唔同口感嘅naan！ 另外，仲想試多串烤雞肉串，bbq一流🤪🤪野飲方面叫左兩杯野🤩banana lassi 好似奶昔咁，好creamy 😝仲有fresh lime soda 🥤 好解渴🤭🤭🤭兩個最後飽到捧住個肚走咁，下次可以叫多啲朋友黎

星期五晚想食印度嘢，心血來潮一闖重慶大廈😆。不過我哋事前當然做足功課，上網搵定食邊間，見到「珍珠皇宮印度餐廳」訂枱有85折就試吓。一踏入大廈，就有一眾印度餐廳嘅宣傳單張遞到面前🙈，好彩見到珍珠皇宮嘅代表，然後就跟隨佢上一樓。餐廳環境乾淨整齊，並無一大浸味，另外仲有得睇世界杯添，哈哈。店員們幾親切，而且好似識用廣東話溝通👍。餐牌設計圖文並茂，最重要係有中文，咁就唔使查字典或者求其揀。Tandoori Platter混合肉燒烤拼盤($178)，印度燒烤出名香口，用鐵板盛上，熱辣辣🔥。拼盤蘊含四款肉，包括印度燒雞、免治羊肉卷、烤魚塊同埋乳酪腰果汁燒雞，每款各兩件。🍗燒雞有兩款口味，一濃一淡，我鍾意乳酪汁嗰款多啲，大大啖肉。🐟烤魚塊蘸上黃椒粉，魚肉滿有彈性。羊肉卷用免治肉整成，富香料味，羊羶味適中。Butter Chicken牛油烤雞($108)，🥘呢款咖喱汁好惹味，並混入蕃茄同乳酪，辣度溫和兼唔會太重口味。但如果鍾意食辣，就應該要揀第款喇。🐔無骨雞件約有十嚿，肉質細嫩，同燒雞唔同，係另一番風味。Palak Paneer芝士菠菜($88)，我並唔係第一次食呢道菜式，不過餐廳嘅出品令人印象深刻，

食正宗印度菜一定要去重慶大廈，入面有超多間印度餐廳，入到去大廈好多印度朋友係門口拉客，真係好熱情，不過我地目的地只有一個，就係珍珠皇宫印度餐廳。門口見到同Error合照既banner，原來Error都幫襯過！餐廳環境都寬敞，傢俬以紅色為主。- Vegetable Samosa 咖哩角炸得脹卜卜，外皮比較厚。入面餡料係咖喱青豆薯蓉，味道清新唔算太油膩。- butter Chicken 牛油烤雞味道比較溫和，唔似印度咖喱咁辛辣。入面既雞肉奶香味重，煮得幾入味。- Keema Naan & Garlic Naan 食印度咖喱當然要Naan，兩款烤餅都好鬆軟，可惜外皮完全唔脆。免治羊肉烤餅好足料。- Tandoori Platter 拼盤有印度燒雞、免治羊肉卷、烤魚塊同乳酪腰果汁燒雞。個人鍾意羊肉卷，香料味好重，而且無咩羶味。印度燒雞肉汁juicy，肉質唔算太硬。- Indian Tea 印度奶茶好香滑，薑味好突出，不過我朋友就好抗拒陣薑味，因人而異。除左烤餅有少少失望，大部分食物都好好味，難怪Error都過嚟幫襯！

都知道重慶大廈好多正宗嘅印度餐廳，🥰哩一間都幾出名，💕想試好耐。.Plain Naan原味烤餅🤓佢係度主打即叫即整，所以更加可以保持烤餅嘅鬆軟程度，😘食起身又有酥皮嘅香味，而且又有小麥嘅香氣。好天然，🤓用嚟點咖哩汁同埋特色嘅醬汁啱啱好。.KADHAI🌶鮮紅色嘅辣椒番茄洋蔥鍋，🥘煮咖喱，更加可選辣度好貼心。.Chicken Fried Rice $108 雞肉炒飯🐤好鍾意金黃色又長新嘅印度米，🍚食起身特別有口感，用嚟做炒飯，都好香。

平時真係比較少機會行入去~一試正宗印度餐廳，惹味菜式非常獨特😍🔥香烤羊排 $178lamb chops 印度人極擅長使用香料，🐑運用羊肉到羊肉上超夾❤ 香烤印度風味羊排，以香草、辣椒粉、黃薑等醃醃製之後，放入爐烤🥰羊肉保留了甜香肉汁，咬下時騷香可口。🧀烤印度芝士 $118punjabi paneer tikka熱辣辣鐵板上起！😙印度芝士Paneer、红洋葱、灯笼椒，食落去好清爽，🍶有淡淡嘅奶香。🍤138 蒜蓉蝦 $138 garlic prawn 啱啱熟，所以口感勁彈牙！😘濃郁印度配料香氣再配上微辣醬汁，配印度薄餅最適合💕

聽話重慶大廈度印度咖哩味正就帶堆朋友去食，總體上咖哩雞幾惹味雖然有少少辣唔係好啱入口；但斟綠汁喺點心度就有啲核突，又鹹又辣又酸🤣主要係氣氛，同細個陣睇ge重慶森林一樣，南亞風，貧窮，混亂；不過都係香港其中一處奇異景緻

星期六晚上，在座的客人大部份是香港人。房間內的disco ball在燈光下閃閃發亮，每檯客人都有一籃傳統餐前小食 -薄脆的胡椒脆餅配青綠的薄荷乳酪醬。乳酪脆米球以前嚐過脆米球後，一試難忘，今次選了加入大量乳酪的。脆米球上更點綴著石榴籽，如紅寶石般，頗有bollywood feel。第一口帶點bollywood style的乳酪味，第二口就適應了，然後會覺得愈吃愈過癮，兩個人吃完一共8個脆米球。Tandoori Pomfret香烤原條鯧魚即使鐵板滋滋聲，烤魚外皮烤紅，內裡的魚肉依然非常濕潤，完全不像是燒烤過的，而且非常嫩滑! 實在太神奇! 絕對係我食過最好既烤魚之一!Lamb Rogan Josh印式燴羊肉醬汁呈血紅色，但其實不是太辛辣，不知道是用了什麼香料配方，咖哩的味道比一般的更香。羊肉味濃，好岩愛羊人士，食得羊就係想要夠羊味。Peshawari Naan 乾果果仁蓉烤餅不是每間都有的Naan，椰絲和果仁碎，輕微的甜味令你想一吃再吃。相對普通的奶昔，我更喜歡印度的𝖬𝖺𝗇𝗀𝗈 𝖫𝖺𝗌𝗌𝗂。因為乳酪的版本更健康輕盈，而且帶點微酸和芒果的微甜，味道比較清新。 要更refreshing的還有

數一數，原來好耐無食過印度菜喇，睇番啲食評，已經超過年半有多，同個老友傾開，佢都好有興趣食番餐印度茶。晌網上查一查，搵到位處「重慶大廈」嘅「珍珠皇宮印度餐廳」，有別要搭電梯上樓，行一層樓梯就到，較為方便。 晌門口，放咗啲易拉架，原來連Error、喬寶寶都幫襯過。而入到餐廳內，環境比較幽暗，一室以紅為主調，全喺皮梳化櫈，坐得舒服，我哋被安排坐晌餐廳尾，原來側旁仲有個廂房。初時，諗住會喺其他亞洲人多，點知意外地本地人先喺佔多數。 掃一掃餐牌有咩選擇，菜式分門別類，有晒中英對照，由頭盤、小食、湯品、天多尼燒烤、印式咖喱、素食、飯品、印度烤餅、沙律、炒菜、乳酪……等等，以及各式飲品，選擇甚多。 芒果奶昔 $38基本上嚟親印度餐廳，都幾乎會一定叫呢一款印度特色乳酪飲品（Lassi），芒果口味喺小弟「飛弗」。入口口感細滑，芒果味好濃郁，乳酪帶出嘅酸味唔太酸，反而有少堂醒胃感，跟芒果嘅清甜味好平衡；單單喺乳酪同芒果打成，所以，飲到尾，味道跟質感都無走樣，堅真材實料。  印度奶茶 $25老友本身好鍾意飲奶茶（其實小弟都喺），就揀印度嘅奶茶，佢話跟港式嘅有少少相似，茶味比較濃香，口感都幼滑，但比起港式嘅

印度菜都間中會食，但去重慶大廈食印度菜就真係第一次。。Dahi Poori ($75) - 每次食印度菜我都必叫的脆米球，之前食開酸汁版，今次就試下乳酪版。脆米球非常脆口，內裏有薯仔粒及豆粒，加上份量絕不孤寒的乳酪醬，酸酸地非常開胃。。Tandoori Platter ($178) - 點了混合燒烤拼盤一次過可以品嚐四款肉類，包括印度燒雞、免治羊肉卷、烤魚塊和乳酪腰果汁燒雞，免羊肉卷較重香料味，較好吃的是印度燒雞，亦可以點上前菜的青色酸辣沾醬及乳酪醬會更好食。。Prawn Makhani ($138) - 蝦球份量充足，口感爽口彈牙，makhani咖哩好惹味，味道較溫和，係一隻較creamy同以蕃茄為base的咖哩，配埋軟熟的Nan Bread簡直一流!最後都忍唔住叫多個印度炒飯黎撈埋啲咖哩。。Plain Nan ($25) ＆ Jeera Rice ($42) 。Mango Lassi & Sweet Lassi ($38 each) - 兩款乳酪飲品都好好味，酸酸甜甜，好清爽開胃，亦可以清清味蕾。

平時食中菜,日本菜,越南菜,西餐就較多正宗印度菜真係未試過今次朋友點燈呢間係好正連Error都點過燈㗎.......🤩餐廳地址係重慶大廈裡面未見識過，入到大廈係有啲啲驚嘅😆感覺有啲暗有點不整潔不過放心，餐廳係乾淨舒適嘅客人仲絡繹不絕添㗎💨💨..👳‍♂️珍珠皇宮印度餐廳柔和燈光加印度純音樂氣氛幾有情調的老闆同員工都好熱情款待每桌都會遞上印度前菜印度🇮🇳脆餅配薄荷醬脆餅係平時係Buffet時食到薄荷醬都比較特別有點點辣有香料嘅香味😋印度脆米球 $68傳統印度街頭小吃一個個好薄嘅薄脆米球入面放滿薯仔蓉、鷹嘴豆泥食嘅時候將醬汁倒入米球入面醬汁是滿滿香料及孜然的香味口感層次豐富..😋印度燒雞*半隻$98鐵板一上枱熱辣辣每塊厚厚嘅雞肉被滿滿嘅印度醃料包住睇落以為會好辣入口帶微辣唧啲檸檬汁拌菜絲及洋蔥一齊食肉質嫩滑夠Juicy又惹味..✨️推介菜式✨️😋瑪莎拉咖喱羊 （小辣）$108食印度菜點少得咖喱呢！這個份量挺多的馬沙拉 GARAM MASALA是綜合香料以肉桂、豆蔻、孜然、芫荽等多種香料製成，多種香料交織出餘韻不絕的香氣羊肉夠腍唔覺羊羶味軟嫩肥美，香氣四溢..咖哩梗係用印度薄餅Nann包住食啦～😋